సైబర్ సెక్యూరిటీ సంస్థ SOPHOS షాకింగ్ సమాచారాన్ని ఇచ్చింది. ఇంటర్నెట్ వినియోగదారులు పొరపాటున కూడా గూగుల్‌లో ఈ 6 పదాలను సెర్చు చేయవద్దని హెచ్చరించింది
ఈ మధ్య కాలంలో హ్యాకర్లు పెట్రేగిపోతున్నారు. హ్యాకర్ల బెడద బాగా ఎక్కువైపోయింది. ఇంటర్నెట్ యూజ్ చేసే సామాన్యుల నుంచి సెలబ్రిటీల వరకు ప్రతి ఒక్కరినీ హడలెత్తిస్తున్నారు. వారి పర్సనల్ డేటాతో పాటు డబ్బును కూడా దొంగలించేస్తున్నారు. ప్రజలను మోసం చేసేందుకు హ్యాకర్లు కొత్త కొత్త ట్రిక్స్‌ను కనిపెట్టారు. మీరు గూగుల్ సెర్చ్‌లో ఏదైనా ఎంటర్ చేసి సర్చ్ చేసినప్పుడు చాలా జాగ్రత్తగా ఉండాలి. గూగుల్‌లో ఏదైనా టైప్ చేయడం, ఏది పడితే ఆ లింక్ లను క్లిక్ చేయడం వల్ల కొన్నిసార్లు ఇబ్బందులు పడాల్సి వస్తుంది.
SEO పాయిజనింగ్ అంటే ఏమిటి?
SEO పాయిజనింగ్ అనేది హ్యాకర్లు సెర్చ్ ఇంజన్ ఆప్టిమైజేషన్ తారుమారు చేసే టెక్నిక్, తద్వారా గూగుల్ శోధన ఫలితాల ఎగువన అటువంటి ప్రమాదకరమైన లింక్‌లు కనిపిస్తాయి. మీరు ఈ లింక్ లపై క్లిక్ చేసి, సైట్ ను సందర్శించిన వెంటనే, మీ వ్యక్తిగత సమాచారం, బ్యాంక్ వివరాలు, లాగిన్ ఐడి, పాస్ వర్డ్ వంటి ముఖ్యమైన సమాచారం దొంగిలించడబతాయి.
ఈ లింక్ లపై క్లిక్ చేయడం ద్వారా, గూట్‌లోడర్ అనే ప్రోగ్రామ్ సిస్టమ్ లోకి డౌన్‌ అయ్యే ప్రమాదం పెరుగుతుందని నివేదికలో చెప్పబడింది. మీ సిస్టమ్ పై నియంత్రణను హ్యాకర్ల చేతుల్లోకి ఇవ్వగలదు. దీని కారణంగా హ్యాకర్లు మీ వ్యక్తిగత సమాచారాన్ని దొంగిలించవచ్చు. అంతేకాకుండా మీ బ్యాంక్ ఖాతాను ఖాళీ చేయవచ్చు. సోఫోస్ ప్రకారం, ఈ లింక్‌లు ఆస్ట్రేలియాలో నివసించే వినియోగదారులకు చాలా ప్రమాదకరమైనవి.
హ్యాకర్లను నివారించాలంటే..
బలమైన పాస్‌వర్డ్‌లు: అన్ని ఖాతాల కోసం విభిన్నమైన, బలమైన పాస్వర్డ్ లను ఉపయోగించండి. పాస్వర్డ్ లలో అక్షరాలు పెద్ద అక్షరం, చిన్న అక్షరాలు రెండూ) సంఖ్యలు, ప్రత్యేక చిహ్నాలు ఉండాలి. ఇది కాకుండా, పాస్వర్డ్ ను క్రమం తప్పకుండా మారుస్తూ ఉండండి.
రెండు కారకాల ప్రమాణీకరణను ఉపయోగించండి: మీరు ఏ యాప్‌లో ఈ ఫీచర్‌ని పొందారో, ఆ యాప్ లో ఈ ఫీచర్‌ని ఉపయోగించాలని నిర్థారించుకోండి.
తెలియని లింక్‌లు, పబ్లిక్ వైఫై: అనుమానాస్పద ఇమెయిల్ లు, లింక్‌లు లేదా సందేశాలపై క్లిక్ చేయవద్దు. ఇది కాకుండా పబ్లిక్ వైఫై నెట్‌వర్క్ లలో బ్యాంకింగ్ సమాచారం లేదా పాస్వర్డ్ లను షేర్ చేయవద్దు.
యాంటీవైరస్ : మీ సిస్టమ్‌ను రక్షించడానికి యాంటీవైరస్ సాఫ్ట్‌వేర్ ను ఇన్‌స్టాల్ చేయండి. అంతేకాకుండా దానిని క్రమం తప్పకుండా అప్‌డేట్ చేయండి.
SOPHOS ఏం చెబుతుందంటే..
తాజాగా, సైబర్ సెక్యూరిటీ సంస్థ SOPHOS షాకింగ్ సమాచారాన్ని ఇచ్చింది. ఇంటర్నెట్ వినియోగదారులు పొరపాటున కూడా గూగుల్‌లో ఈ 6 పదాలను సెర్చు చేయవద్దని హెచ్చరించింది. అలా చేస్తే హ్యాకర్ల బారిన పడే అవకాశం ఉందని సూచించింది. న్యూయార్క్ పోస్ట్ ప్రకారం, సైబర్ సెక్యూరిటీ సంస్థ సోఫోస్ ఇంటర్నెట్ వినియోగదారులను అలర్ట్ చేసింది. పొరపాటున కూడా, ఆస్ట్రేలియాలో బెంగాల్ పిల్లులు చట్టబద్ధంగా ఉన్నాయా?’Are Bengal Cats legal In Australia?’ అని అసలు సెర్చ్ చేయవద్దని హెచ్చరించింది. హ్యాకర్లు అలాంటి కొన్ని మోసపూరిత లింక్‌లను సృష్టించారని.. మీరు వాటిని క్లిక్ చేస్తే, మీ వ్యక్తిగత సమాచారం హ్యాకర్ల చేతుల్లోకి వెళ్లిపోతుందని తెలిపారు. హ్యాకర్లు ఈ పని కోసం SEO పాయిజనింగ్ టెక్నిక్‌ని ఉపయోగిస్తున్నారని తెలిపారు. గూగుల్ లో కనిపించే ఈ ప్రమాదకరమైన లింక్ లపై మీరు క్లిక్ చేసిన వెంటనే, మీ భద్రత, గోప్యత రెండూ ప్రమాదంలో పడతాయని అలర్ట్ చేసింది.
