Daily Running: కొందరికి చిన్నప్పటి నుంచే రన్నింగ్ చేయడం అంటే ఇష్టం..మరి కొందరు మాత్రం నడవడానికి కూడా ఇబ్బంది పడుతుంటారు. రన్నింగ్ చేయడం వల్ల అనేక లాభాలున్నాయని ఇప్పటికే చాలా మంది ఆరోగ్య నిపుణులు పేర్కొన్నారు.
అయితే ప్రతి రోజూ ఉదయం వ్యాయామంలో భాగంగా రన్నింగ్ చేయడం వల్ల అలసిపోయి రోజంతా నీరసంగా ఉంటామని భావిస్తారు. అంతేకాకుండా మోకాళ్ల నొప్పుడు వస్తాయనే అపోహ కూడ ఉంది. దీంతో కేవలం రన్నింగ్ చేయకుండా నడక వరకే పరిమితం అవుతారు. కానీ రోజుకు కనీసం 12 నిమిషాల పాటు రన్నింగ్ చేయడం వల్ల జీవితంలో అద్భుతమైన మార్పులు ఉంటాయని ఇటీవల చేసిన రీసెర్చ్ లో బయటపడింది. వాటి గురించి వివరాల్లోకి వెళితే..
ఇంటర్నేషనల్ జర్నల్ ఆఫ్ ఎన్విరాన్మెంటల్ రీసెర్చ్ అండ్ పబ్లిక్ హెల్త్ లో నెలకొన్న అధ్యయనం ప్రకారం వారానికి 75 నిమిషాల పాటు రన్నింగ్ చేయడం వల్ల 12 సంవత్సరాల ఆయుష్సు పెరుగుతుంది. ప్రతిరోజూ 12 నిమిషాల పాటు రన్నింగ్ చేయడం వల్ల బరువు పెరగరు. కొవ్వు పెరగకుండా కంట్రోల్ లో ఉంటుంది. దీర్ఘకాలిక వ్యాధుల్లో ఉబకాయం కూడా ఒకటి. దీనిని నియంత్రించాలంటే ప్రతిరోజూ కనీసం 12 నిమిషాల పాటు రన్నింగ్ చేలని అంటున్నారు.
నేటి కాలంలో చాలా మంది డయాబెటీస్ తో బాధపడుతున్నారు. ఇది పెరిగే కొద్ది ఇన్సులిన్ అవసరం ఏర్పడుతుంది. అయితే దీని అవసరం రాకుండా రన్నింగ్ ఉపయోగపడుతుంది. రన్నింగ్ చేయడం వల్ల గ్లూకోస్ జీవక్రియను ప్రోత్సహిస్తుంది. మధుమేహం నంచి శరీరానికి రక్షణగా ఉంటుంది. రన్నింగ్ చేయడం వల్ల రోగనిరోధక శక్తి పెరుగుతుంది. పరుగు వల్ల బ్లడ్ ప్రెషర్ సక్రమంగా పనిచేస్తూ అంటు వ్యాధులు దరి చేరకుండా కాపాడుతుంది.
ప్రతిరోజూ రన్నింగ్ చేయడం వల్ల మెదడులోని కణాలు రిలాక్స్ అవుతాయి. దీంతో ఒత్తిడి నుంచి ఉపశమనం పొందుతారు. ఈ రోజుల్లో ప్రతి ఒక్కరూ ఏదో ఒక ఒత్తిడితో బాధపడుతున్నారు. ప్రతిరోజూ పరుగెత్తడం వల్ల ఈ సమస్య నుంచి బయటపడుతారు. ఫలితంగా జీవిత కాలం పెరుగుతుంది. రన్నింగ్ చేయడం వల్ల కండరాలు గట్టిపడుతాయి. ముఖ్యంగా కాళ్ల ఎముకలు శరీర బరువును మోస్తాయి. రన్నింగ్ చేసే సమయంలో వీటి కదలికతో అవి గట్టి పడుతాయి. భవిష్యత్ లో పగుళ్ల నుంచి ఇవి రక్షణగా ఉంటాయి. అందువల్ల రన్నింగ్ చేయడం అలవాటు చేసుకోండి.
