Hidden benefits of moringa leaf: అనేక చెట్లు,మొక్కలలో ఔషద గుణాలు ఉంటాయి..వాటిని సరిగ్గా వినియోగించడం ద్వారా అనేక వ్యాధుల నుండి బయటపడవచ్చు. అలాంటి ఔషద గుణాలు కలిగిన చెట్లలో మునగ ఒకటి.
మునగ చెట్టుని దేశీయ ఔషధాల నిధి అని పిలుస్తారు. వందల సంవత్సరాలుగా సాంప్రదాయ వైద్యంలో మునగ ఉపయోగిస్తున్నారు. ఈ చెట్టు అన్ని భాగాలలో ప్రయోజనకరమైన అంశాలు కనిపిస్తాయి. మునగ ఆకులు(moringa leaf), పువ్వులు, బెరడు, వేర్లను వివిధ రకాలుగా ఉపయోగిస్తారు. మునగ ఆకులను ఎండబెట్టి గ్రైండ్ చేయడం ద్వారా పొడిని తయారు చేస్తారు. ఏళ్ల తరబడి తినవచ్చు.
మునగ చెట్టులో యాంటీఆక్సిడెంట్లు పుష్కలంగా ఉన్నాయి. దీని ఆకులు అత్యంత అద్భుతంగా పరిగణించబడతాయి. మునగ ఆకులలో కాల్షియం, ఐరన్, పొటాషియం, అనేక ఉపయోగకరమైన విటమిన్లు ఉన్నాయని అనేక పరిశోధనలు వెల్లడిస్తున్నాయి. దీని ఆకులను మలేరియా,టైఫాయిడ్ జ్వరంలో ఉపయోగిస్తారు. ఈ ఆకులు అధిక రక్తపోటు, మధుమేహం నుండి ఉపశమనాన్ని కూడా అందిస్తాయి. మునగ ఆకులను గ్రైండ్ చేసి తయారు చేసే పౌడర్లో ప్రొటీన్లు, మినరల్స్, అమినో యాసిడ్స్, పవర్ ఫుల్ యాంటీ ఆక్సిడెంట్లు, ఫ్లేవనాయిడ్స్ ఉంటాయి.
నిపుణుల అభిప్రాయం ప్రకారం..మునగ ఆకు పొడి(Moringa powder) లేదా పౌడర్ తీసుకోవడం కాలేయం, మూత్రపిండాలు, గుండె,ఊపిరితిత్తుల కణజాలాలను రక్షించడంలో సహాయపడుతుంది. మునగ ఆకులను సహజ నొప్పి నివారిణిగా కూడా పరిగణిస్తారు. మునగ ఆకులను క్రిమినాశక మందుగా కూడా ఉపయోగించవచ్చు. మధుమేహ వ్యాధిగ్రస్తులకు కూడా ఇది చాలా ఉపయోగకరంగా ఉంటుంది. ఒక పరిశోధన ప్రకారం.. మునగ పొడిని తీసుకోవడం వల్ల రక్తంలో షుగర్ ని నియంత్రించడంలో సహాయపడుతుంది.
మునగ ఆకు పొడి రోగనిరోధక శక్తిని పెంచేదిగా కూడా పరిగణించబడుతుంది. ఈ పౌడర్లో విటమిన్లు, ఫ్లేవనాయిడ్లు, ఆల్కలాయిడ్స్ మరియు ఇతర బయోయాక్టివ్ సమ్మేళనాలు ఉన్నాయని ఆధునిక పరిశోధనలు సూచిస్తున్నాయి. ఈ సమ్మేళనం రక్తపోటు, హృదయ సంబంధ వ్యాధులు, ఇన్సులిన్ నిరోధకత, ఆల్కహాల్ లేని కాలేయ వ్యాధి, క్యాన్సర్, వాపు వంటి వ్యాధుల ట్రీట్మెంట్ లో ప్రయోజనకరంగా ఉంటుంది. మునగ ఆకు పొడి వంటి యాంటీ ఇన్ఫ్లమేటరీ పదార్థాలను తీసుకోవడం వల్ల మహిళల్లో రొమ్ము క్యాన్సర్ ప్రమాదాన్ని తగ్గించవచ్చని పరిశోధనలు చెబుతున్నాయి. గ్యాస్ట్రిక్ అల్సర్, గ్యాస్ట్రిక్ క్యాన్సర్కు కారణమయ్యే బ్యాక్టీరియా నుండి రక్షించడంలో కూడా ఇది చాలా సహాయకారిగా ఉంటుంది.
