చిన్న ఫ్యామిలీ సైతం కారును కలిగి ఉండాలననే ఉద్దేశంతో టాటా కంపెనీ నానో కారును తీసుకువచ్చింది. కొన్నాళ్లపాటు.. కొందరికి ఉపయోగంగా ఉన్న ఈ కారు ఆ తర్వాత అనుకున్న విధంగా సేల్స్ ను పొందలేకపోయింది.
దీంతో కొద్ది కాలానికి ఉత్పత్తి ఆగిపోయింది. అయితే చాలా ఏళ్ల తర్వాత నానో కారు ఇప్పుడు కొత్త రూపంలో రాబోతోంది. అప్ గ్రేడ్ వర్షంతో పాటు స్మార్ట్ ఫీచర్లను కలిగిన ఈ కారు అతి తక్కువ ధరకే అందించేందుకు ప్రయత్నం చేస్తున్నారు. అంతేకాకుండా మొదటిసారి కారు కొనాలని అనుకునే వారికి ఇది అనుగుణంగా ఉంటుందని నిపుణులు అంటున్నారు. ఇప్పటికే ఈ కారు వివరాలను బయటపెట్టి అందరిని ఆకర్షిస్తున్నారు. మరి ఇది ఎలా ఉందంటే?
2025 సంవత్సరంలో టాటా కంపెనీ నుంచి కాంపాక్ట్ మోడల్ తీసుకురావడంలో భాగంగా టాటా అప్గ్రేడ్ నానోను ప్రవేశపెట్టబడుతున్నారు. దీని బాహ్య డిజైన్ చూసి అద్భుతం అని కొనియాడుతున్నారు ఎందుకంటే హెడ్ లాంప్స్, అందంగా ఉండే గ్రిల్, స్పోర్తియర్ బంపర్ తో పాటు సైడ్ ప్రొఫైల్ కంపాక్ట్ గా ఉంటుంది. ట్రాఫిక్ లో సులభంగా వెళ్లేలా డిజైన్ చేయబడింది. అలాగే వీల్స్ తో పాటు ఆకర్షించే కలర్లలో రూపుదిద్దుకుంటుంది. గతంలో మార్కెట్లోకి వచ్చిన నానో కంటే ఇది స్టైలిష్ గా కనిపిస్తూ ప్రీమియం లుక్ ను ప్రదర్శిస్తోంది.
ఈ మోడల్ లో 880 సిసి పెట్రోల్ ఇంజన్ అమర్చారు. అలాగే ఇందులో సింగిల్ సిలిండర్ పెట్రోల్ ఇంజన్ రెండు పనిచేయడంతో ఇంజన్ సామర్థ్యం మెరుగ్గా ఉంటుందని అంటున్నారు. నగరాల్లో ఉండే వారికి సులభంగా ప్రయాణించేలా స్మూత్ డ్రైవింగ్ ఉంటుందని చెబుతున్నారు. పవర్ డెలివరీ లీనియర్ గా ఉంటూ స్టాప్ అండ్ గో అనే విధంగా ట్రాఫిక్ పరిస్థితులకు అనుగుణంగా ఉంటుంది. గేర్ షిఫ్టులు కూడా సులభంగా మారుతూ మాన్యువల్ ట్రాన్స్మిషన్ తో పాటు ఆటోమేటిక్ ట్రాన్స్మిషన్ తో గేర్ బాక్స్ పనిచేస్తుంది. ఈ ఇంజన్ పై లీటర్ ఇంధనానికి 42 కిలోమీటర్ల మైలేజ్ ఇచ్చే అవకాశం ఉంది. మెరుగైన ఇంజన్ పనితీరు కారణంగా మెయింటెనెన్స్ కూడా తక్కువగానే ఉంటుంది.
ఈ కారు ఇన్నర్లో ఉండే ఫీచర్స్ కూడా ఆకట్టుకునే విధంగా ఉన్నాయి. అప్డేట్ అయినా డాష్ బోర్డు, బ్లూటూత్ కనెక్టివిటీ, స్మార్ట్ ఫోన్ కనెక్ట్ అయ్యే విధంగా ఫీచర్లు ఉన్నాయి. యు ఎస్ బి పోర్టులతో కలిగిన ఇన్ఫోటైన్మెంట్ సిస్టం అలరిస్తుంది. ఎయిర్ కండిషనర్ తో ఉన్న ఈ వాహనంలో భద్రతకు ప్రత్యేక ప్రాధాన్యత ఇచ్చారు. ఇందులో డ్యూయల్ ఎయిర్ బాగ్స్, EBD తో కూడిన ABS టెక్నాలజీ, వియర్ పార్కింగ్ సెన్సార్, సీట్ బెల్ట్ రిమైండర్, స్టీల్ బాడీ నిర్మాణం కలిగి ఉంది. భారతీయులకు అనుగుణంగా ఈ కారును రూ.2.99 లక్షల ప్రారంభ ధరతో మార్కెట్లోకి తీసుకురానున్నారు. ఇది మార్కెట్లోకి వస్తే మారుతి ఆల్టో, రెనాల్ట్ క్విడ్ కు గట్టి పోటీ ఉండే అవకాశం ఉంది.
