భూమిపై పుట్టిన ప్రతి జీవి ఒకనాడు మరణించాల్సిందే. కానీ ఒకరి మరణం ముందుగా, మరొకరిది తర్వాత జరుగుతుంది. ఈ నియమం నుండి మానవుడు కూడా మినహాయించబడలేదు.
మానవుడు ఎలాగైనా ఒక రోజు మరణించాల్సిందే. ఈ ప్రక్రియను ఎవరూ ఆపలేరు. కానీ మనిషి జీవితకాలాన్ని మాత్రం నిజంగా పొడిగించవచ్చు. ఇది మరణాన్ని తప్పించుకోవడం కాదు, కానీ మరణాన్ని కొంత ఆలస్యం చేయడం. అంటే ఎక్కువ కాలం జీవించడం. అలా ఎక్కువ కాలం జీవించాలంటే ఏమి చేయాలి? ఈ ప్రశ్నకు మీకు సమాధానం తెలియకపోవచ్చు, కానీ గరుడ పురాణం ఈ విషయంలో మార్గదర్శకంగా నిలుస్తుంది. ఇప్పుడు ఆ సూచనలను తెలుసుకుందాం.
గరుడ పురాణంలో మానవుని కర్మలకు అనుగుణంగా నరకంలో ఎలాంటి శిక్షలు ఉంటాయో వివరంగా వర్ణించబడింది. అదేవిధంగా, మానవ ఆయుష్షును పెంచుకోవడానికి కొన్ని ముఖ్యమైన సూచనలు కూడా ఇవ్వబడ్డాయి. ఇవి ఏమిటో ఇప్పుడు వివరంగా చూద్దాం.
- రాత్రి సమయంలో పెరుగు తినకూడదు. ఈ సమయంలో అది సరిగ్గా జీర్ణం కాకుండా ఆరోగ్య సమస్యలకు దారితీసి, ఆయుష్షును తగ్గిస్తుంది.
- రాత్రి భోజనం చేసిన వెంటనే నిద్రపోకూడదు. ఇది జీర్ణక్రియకు భంగం కలిగించి ఆరోగ్యాన్ని దెబ్బతీస్తుంది.
- రాత్రి సమయంలో మాంసాహారం తీసుకోకూడదు. ఇది జీర్ణక్రియలో ఇబ్బందులు కలిగించి ఆయుష్షును తగ్గిస్తుంది.
- ఉదయం త్వరగా నిద్రలేవడం ఆరోగ్యానికి మంచిది. ఉదయం వేళ శుభ్రమైన గాలిని పీల్చుకోవడం ఆరోగ్యాన్ని మెరుగుపరుస్తుంది.
- శ్మశానయాత్రలో పాల్గొన్న తర్వాత వెంటనే ఇంటికి తిరిగి రావాలి. అక్కడి బాక్టీరియా సమస్యలు కలిగించే అవకాశం ఉంది.
- దంపతులు రాత్రి సమయంలో మాత్రమే శృంగారంలో పాల్గొనాలి. ఉదయం సమయంలో ఇది ఆరోగ్యానికి హానికరంగా ఉంటుంది.
ఈ నియమాలను పాటించడం ద్వారా మన ఆయుష్షును పెంచుకోవచ్చని గరుడ పురాణం తెలియజేస్తుంది.
