80 ఏళ్ల లోపు వారందరూ ఆ సమయంలో లైఫ్ సర్టిఫికెట్ అందజేయాలి. బ్యాంకులు, పోస్టాఫీసులు, మరికొన్ని చోట్ల వీటిని అందిాంచాలి. నవంబర్ లో అందజేయకపోతే డిసెంబర్ నుంచి పెన్షన్ రావడం ఆగిపోతుంది.
ఈ క్రింద తెలిపిన పద్ధతులు పాటిస్తే చాలా సులువుగా పని జరుగుతుంది. లైఫ్ సర్టిఫికెట్ సమర్పించడానికి నాలుగు రకాల పద్దతులను అనుసరించవచ్చు. జీవన్ ప్రమాణ్ పోర్టల్, డోర్ స్టెప్ బ్యాంకింగ్ (డీఎస్ బీ) ఏజెంట్, పోస్టాఫీసుల్లో బయోమెట్రిక్ పరికరాలు, బ్యాంకులలో అందజేసే అవకాశం ఉంది. వీటిలో తమకు వీలైన విధానంలో పెన్షనర్లు సర్టిఫికెట్లను అందజేయవచ్చు.
ఆన్ లైన్ లో సమర్పించే విధానం
జీవన్ ప్రమాణ్, ఆధార్ ఫేస్ ఆర్ డీ యాప్ ద్వారా ముఖం, వేలిముద్ర, ఐరిష్ గుర్తింపుతో సహా బయోమెట్రిక్ సాంకేతికతతో పెన్షనర్లు తమ గుర్తింపును సమర్పించవచ్చు.
గూగుల్ ప్లే స్టోర్ నుంచి ఆధాఫేస్ ఆర్డీ, జీవన్ ప్రమాణ్ ఫేస్ యాప్ ను ఇన్ స్టాల్ చేసుకోవాలి.
పెన్షనర్ గురించి దానిలో అడిగిన సమాచారం పూర్తి చేయాలి.
ఫోటో తీసిన తర్వాత, సమాచారాన్ని సబ్మిట్ చేయాలి, మీ ఫోన్ నంబర్ కు జీవన్ ప్రమాణ్ సర్టిఫికెట్ డౌన్ లోడ్ చేయడానికి లింక్ తో ఎస్ఎంఎస్ వస్తుంది.
ఆఫ్ లైన్ విధానంలో..
ఆఫ్ లైన్ విధానంలో అందజేయాలనుకునే వారు నేరుగా పోస్టాఫీసులు, బ్యాంకులు, ఇతర ప్రదేశాలకు వెళ్లాలి. అక్కడ ఉన్న సిబ్బందికి తమ వివరాలు అందజేయాలి.
చివరి తేదీ
పెన్షన్ దారులలో 80 ఏళ్ల లోపు వారందరూ లైఫ్ సర్టిఫికెట్లను సమర్పించడానికి నవంబర్ 30వ తేదీ వరకూ గడువు ఉంది. అంతకంటే ఎక్కువ వయసున్న వారు అక్టోబర్ 1 నుంచే అందజేసే అవకాశం ఉంది. వారికి కూడా నవంబర్ 30వ తేదీ వరకూ గడువు ఇచ్చారు. అంటే 80 ఏళ్లు దాటిన వారికి రెండు నెలలు, ఆలోపు వారికి ఒక నెల గడువు ఉంటుంది. 2019లో కేంద్ర ప్రభుత్వం సీనియర్ సిటిజన్లకు ఈ అవకాశం కల్పించింది. కాాగా. గడువు లోపు సర్టిఫికెట్ అందజేయకపోతే డిసెంబర్ నుంచి పింఛన్ ఆగిపోతుంది.
