ఇంజినీరింగ్ రంగం అనేది యువతకు అత్యంత ఆదరణ పొందుతున్న రంగాలలో ఒకటి. ప్రతి సంవత్సరం లక్షల మంది విద్యార్థులు ఈ రంగంలో అడుగు పెట్టేందుకు సిద్ధంగా ఉంటారు.
కానీ, కేవలం డిగ్రీ మాత్రమే అందించడంతో సరిపోదు. మంచి జాబ్ ఆఫర్‌లు, 100% ప్లేస్‌మెంట్ హిస్టరీ ఉండే కోర్సులు అనేది అభ్యర్థులకు ముఖ్యమైన విషయాలు. ఇప్పుడు మనం అత్యుత్తమమైన 5 ఇంజినీరింగ్ కోర్సులను, వాటి ప్లేస్‌మెంట్ అవకాశాలను తెలుసుకుందాం.
1. కంప్యూటర్ సైన్స్ అండ్ ఇంజినీరింగ్ (CSE)
కంప్యూటర్ సైన్స్ ఇంజినీరింగ్ అనేది నేటి కాలంలో అత్యంత ప్రాధాన్యత ఉన్న కోర్సు. టెక్నాలజీ విస్తరణతో, సాఫ్ట్‌వేర్ డెవలప్‌మెంట్, ఆర్టిఫిషియల్ ఇంటెలిజెన్స్, డేటా సైన్స్ వంటి విభాగాలలో జాబ్ అవకాశాలు విస్తృతంగా ఉన్నాయి. దేశంలోనే ప్రముఖ సంస్థలు, గూగుల్, ఆమేజాన్, మైక్రోసాఫ్ట్, ఇన్ఫోసిస్ వంటి కంపెనీలలో 100% ప్లేస్‌మెంట్ హిస్టరీ ఉన్న ఈ కోర్సు విద్యార్థుల కెరీర్‌ సక్సెస్‌కి మార్గం అవుతుంది.
2. డేటా సైన్స్ ఇంజినీరింగ్
డేటా సైన్స్ ఇంజినీరింగ్ అనేది విశ్వవ్యాప్తంగా అత్యంత వేగంగా అభివృద్ధి చెందుతున్న రంగాలలో ఒకటి. డేటా విశ్లేషణ, పెద్ద డేటా, మిషన్ లెర్నింగ్, ఆర్టిఫిషియల్ ఇంటెలిజెన్స్ వంటి విభాగాలు ఇందులో భాగంగా ఉంటాయి. ఈ రంగం గురించి తెలివిగా అభ్యసించినవారికి పర్యావరణం, వ్యాపారం, ఆరోగ్య సేవలు వంటి అనేక రంగాలలో ఉపాధి అవకాశాలు ఉన్నాయి. పలు ప్రముఖ సంస్థలు డేటా సైన్స్ ఇంజినీరింగ్ ప్రొఫెషనల్స్‌ కావాలని నోటిఫికేషన్
3. ఆర్టిఫిషియల్ ఇంటెలిజెన్స్ అండ్ మిషన్ లెర్నింగ్
ఆర్టిఫిషియల్ ఇంటెలిజెన్స్ (AI), మిషన్ లెర్నింగ్ (ML) అనేది టెక్నాలజీ రంగంలో దూసుకెళ్తున్న రంగాలు. ఇవి మానవుల కష్టం తగ్గించి, పెద్ద మొత్తంలో సమాచారం విశ్లేషించడంలో సహాయపడతాయి. AI, ML స్పెషలైజేషన్ కలిగిన ఇంజినీరింగ్ కోర్సులు ప్రస్తుత కాలంలో అత్యంత డిమాండ్ ఉన్నవి. పెద్ద సంస్థలు, స్టార్టప్‌లు ఈ నైపుణ్యాలు ఉన్నవారినే కావాలనుకుంటున్నాయి.
4. పెట్రోలియం ఇంజినీరింగ్
పెట్రోలియం ఇంజినీరింగ్ అనేది ఆయిల్, గ్యాస్ రంగంలో ప్రధానమైన కోర్సు. ఇది ప్రపంచవ్యాప్తంగా చాలా అవకాశాలు ఉన్నాయి. ఈ కోర్సు నేర్చుకోవడం వల్ల విద్యార్థులు ఆయిల్ రిసెర్చ్, ఉత్పత్తి, నిర్వహణలో నిపుణులు అవుతారు. ఆయిల్, గ్యాస్ కంపెనీల ఎక్కువగా ఉండే అరబ్ దేశాలలో లక్షల రూపాయల జీతం సంపాదిస్తారు. ప్రతిభ కనబరిస్తే చాలు 100% ప్లేస్‌మెంట్ ఉంటుంది.
5.ఎయిరోస్పేస్ అండ్ ఎరోనాటికల్ ఇంజినీరింగ్
ఎయిరోస్పేస్ అండ్ ఎరోనాటికల్ ఇంజినీరింగ్ అనేది విమానాలు, అంతరిక్ష శాస్త్రం లో ప్రత్యేకమైన కోర్సు. ఇది అంతరిక్ష పరిశోధన, విమాన నిర్మాణం, రాకెట్ డిజైన్ మరియు జెట్ ఇంజిన్ లాంటి విభాగాల్లో నైపుణ్యాన్ని అందిస్తుంది. ఇది గగనతలంలో లేదా అంతరిక్ష పరిశోధనలో కెరీర్‌ను అభివృద్ధి చేయాలనే కోరుకునే వారికి అనువైన కోర్సు. ఈ కోర్సులో ఉత్తీర్ణులైన వారిని స్పేస్ ఎజెన్సీలు, విమానయాన సంస్థలు, రక్షణశాఖ, ప్రైవేట్ అంతరిక్ష కంపెనీలు ఉద్యోగాలు అందిస్తాయి.
ఇంజినీరింగ్ రంగంలో విద్యార్థులు తమ భవిష్యత్తును ప్రభావితం చేయడానికి, 100% ప్లేస్‌మెంట్ హిస్టరీ కలిగిన కోర్సులు చాలా ముఖ్యమైనవి. ఈ కోర్సులను చక్కగా అధ్యయనం చేస్తే, మంచి జాబ్ అవకాశాలు, మంచి జీవనశైలి మీరే పొందవచ్చు. అందుకే, ఇంజినీరింగ్ రంగంలో మీ లక్ష్యాలను నిర్దేశించి, ప్రొఫెషనల్ సక్సెస్‌కి మార్గం చూపించే కోర్సులను ఎంచుకోండి. ఆల్ ది బెస్ట్.
