ప్రస్తుతం ప్రైవేట్ టెలికాం కంపెనీలు రీఛార్జ్ ధరలను భారీగా పెంచేశాయి. దీంతో చాలా మంది వినియోగదారులను బీఎస్‌ఎన్‌ఎల్‌ వైపు వెళ్తున్నారు. ఎందుకంటే బీఎస్‌ఎన్‌ఎల్‌లో ఎలాంటి రీఛార్జ్ ధరలను పెంచలేదు. పైగా చౌకైన ప్లాన్‌లను ప్రవేశపెడుతోంది..
BSNL తన 4G నెట్‌వర్క్‌ను నిరంతరం విస్తరిస్తోంది. ప్రభుత్వ ఆధీనంలోని టెల్కో తన నెట్‌వర్క్ విస్తరణ, చౌకైన ప్లాన్‌ల కారణంగా ప్రైవేట్ టెల్కోలు ఎయిర్‌టెల్, జియోలకు గట్టి పోటీనిస్తోంది. బీఎస్‌ఎన్‌ఎల్‌ ఇటీవల దేశవ్యాప్తంగా 50 వేలకు పైగా 4G మొబైల్ టవర్లను ఇన్స్టాల్ చేసింది. వచ్చే ఏడాది జూన్ నాటికి దేశవ్యాప్తంగా లక్ష 4జీ/5జీ మొబైల్ టవర్లను బిఎస్‌ఎన్‌ఎల్ ఇన్స్టాల్ చేయనున్నట్లు కేంద్ర సమాచార ప్రసార శాఖ మంత్రి జ్యోతిరాదిత్య సింధియా చాలాసార్లు చెప్పారు. అటువంటి పరిస్థితిలో వినియోగదారులు రాబోయే కొద్ది నెలల్లో అద్భుతమైన కనెక్టివిటీని పొందబోతున్నారు.
84 రోజుల రీఛార్జ్ ప్లాన్
బీఎస్‌ఎన్‌ఎల్‌ ఇటీవల చౌక ప్రీపెయిడ్ ప్లాన్‌ను ప్రారంభించింది. ఇది వినియోగదారులకు 84 రోజుల చెల్లుబాటును అందిస్తుంది. ఈ బీఎస్‌ఎన్‌ఎల్‌ ప్లాన్ కోసం మీరు 599 రూపాయలు ఖర్చు చేయాలి. ఈ ప్రీపెయిడ్ ప్లాన్‌లో లభించే ప్రయోజనాల గురించి మాట్లాడితే, వినియోగదారులు 84 రోజుల పాటు ఏదైనా నెట్‌వర్క్‌లో అపరిమిత కాలింగ్ ప్రయోజనాన్ని పొందుతారు. ఇది కాకుండా, ఢిల్లీ, ముంబైతో సహా దేశవ్యాప్తంగా ఉచిత నేషనల్ రోమింగ్ ప్రయోజనం కూడా లభిస్తుంది.
ఈ ప్రీపెయిడ్ ప్లాన్‌లో వినియోగదారులకు రోజుకు 3GB హై స్పీడ్ ఇంటర్నెట్ డేటా, 100 ఉచిత SMSలు ఉంటాయి. ఈ విధంగా వినియోగదారులు మొత్తం 252GB హై స్పీడ్ ఇంటర్నెట్ ప్రయోజనాన్ని పొందుతారు. ఈ ప్రీపెయిడ్ ప్లాన్‌తో కంపెనీ అనేక వాల్యూ యాడెడ్ సేవలను కూడా అందిస్తోంది. BSNL వినియోగదారులు సెల్ఫ్ కేర్ యాప్ ద్వారా తమ నంబర్‌ను రీఛార్జ్ చేసుకోవచ్చు.
