ఈ రోజుల్లో ప్రతి ఒక్కరికీ నెలకు స్థిరమైన ఆదాయం అవసరం. ఉద్యోగం లేకపోయినా, ఉద్యోగం ఉన్నా అదనపు ఆదాయం కావాలన్నా, ఈ పోస్టాఫీసు నెలవారీ ఆదాయ పథకం మీకు ఒక అద్భుతమైన ఎంపిక. ప్రత్యేకంగా రిటైర్డ్ వ్యక్తులు, గృహిణులు, స్వయం ఉద్యోగులు చేసుకునే వారికి ఇది ఒక గొప్ప ఆదాయ మార్గం.
పోస్టాఫీసు నెలవారీ ఆదాయ పథకం అంటే ఏమిటి?
ఇది భారత పోస్టాఫీసు నిర్వహించే ఒక చిన్న పొదుపు పథకం. ఇందులో మీరు ఒక నిర్ణీత మొత్తాన్ని ఒకసారి డిపాజిట్ చేస్తారు. తర్వాత ప్రతి నెలా ఆ మొత్తంపై వడ్డీ రూపంలో ఆదాయం పొందుతారు. ఇది ప్రభుత్వ హామీతో వచ్చే పథకం కాబట్టి ఎటువంటి ప్రమాదం ఉండదు.
పెట్టుబడి ఎంత? లాభం ఎంత?
ప్రస్తుతం ఈ పథకంపై సంవత్సరానికి 7.7% వడ్డీ లభిస్తుంది. అంటే మీరు ₹9 లక్షలు పెట్టుబడి పెడితే, ప్రతి నెలా ₹5,775 వడ్డీ వస్తుంది. జాయింట్ ఖాతా తీసుకుంటే ₹15 లక్షల వరకు పెట్టుబడి పెట్టవచ్చు. అప్పుడు నెలకు సుమారు ₹9,625 వడ్డీ వస్తుంది. ఇది ఒత్తిడి లేకుండా నెలకొక ఆదాయ మార్గంగా మారుతుంది.
ఎవరు ఈ పథకంలో చేరవచ్చు?
ఈ పథకంలో ఏ భారతీయ పౌరుడైనా చేరవచ్చు. ఒక్కరే లేదా ఇద్దరు కలిసి ఖాతా తెరవవచ్చు. వయసు పరిమితి ఏమీ లేదు. రిటైర్డ్ వ్యక్తి అయినా, గృహిణి అయినా, ఉద్యోగి అయినా ఈ పథకాన్ని ఎంచుకోవచ్చు.
పన్ను మినహాయింపు ఉందా? అవసరమైన పత్రాలు ఏమిటి?
ఈ పథకంలో వడ్డీపై TDS కట్ అవదు, కానీ ఇది మీ మొత్తం ఆదాయంలో భాగమే కాబట్టి ఇన్కమ్ ట్యాక్స్లో డిక్లేర్ చేయాలి. ఖాతా తెరవడానికి ఆధార్ కార్డు, పాన్ కార్డు, చిరునామా రుజువు (రేషన్ కార్డు, కరెంట్ బిల్ మొదలైనవి), రెండు పాస్పోర్ట్ సైజు ఫోటోలు అవసరం.
ఇప్పుడు కోల్పోతే జీవితకాల ఆదాయం కోల్పోతారు. ఇలాంటి హామీతో, ప్రమాదం లేకుండా నెలకు ఆదాయం ఇచ్చే పథకాలు చాలా అరుదు. అందుకే ఇప్పుడే మీ దగ్గర ఉన్న డబ్బుతో పోస్టాఫీసు నెలవారీ ఆదాయ పథకంలో చేరండి. మీ ఖాతాలో ప్రతి నెలా స్థిరంగా వడ్డీ వస్తుంది.
