పండుగ సీజన్​లో కారు లోన్​ వడ్డీ రేట్లను తగ్గించిన బ్యాంక్​ ఆఫ్​ బరోడా..

రిజర్వ్ బ్యాంక్ ఆఫ్ ఇండియా రెపో రేటు తగ్గింపు ప్రభావం..

రిజర్వ్ బ్యాంక్ ఆఫ్ ఇండియా (ఆర్బీఐ) ఈ సంవత్సరం మూడు ద్రవ్య విధాన సమావేశాల్లో రెపో రేటును మొత్తం 100 బేసిస్ పాయింట్లు తగ్గించింది. ఫిబ్రవరి, ఏప్రిల్ నెలల్లో 25 బేసిస్ పాయింట్లు చొప్పున, జూన్ నెలలో 50 బేసిస్ పాయింట్లు తగ్గించింది. దీని ప్రభావంతో బ్యాంకులు కూడా వడ్డీ రేట్లను తగ్గించడం ప్రారంభించాయి. అయితే, తాజా రేట్ల తగ్గింపు ఆర్బీఐ రెపో రేటు తగ్గింపు కంటే అదనంగా బ్యాంక్ ఆఫ్ బరోడా అందిస్తున్న ప్రయోజనమని బ్యాంక్ తెలిపింది.

బరోడా తనఖా రుణంపైనా వడ్డీ రేట్ల తగ్గింపు..

కారు లోన్‌లతో పాటు బ్యాంక్ ఆఫ్ బరోడా.. ‘బరోడా తనఖా రుణం’ (ఆస్తిపై రుణం) వడ్డీ రేట్లను కూడా తగ్గించింది. ఇంతకుముందు 9.85 శాతం ఉన్న ఈ వడ్డీ రేటును ఇప్పుడు 9.15 శాతానికి తగ్గించింది. ఈ రేట్లు కూడా ఇప్పటికే అమల్లోకి వచ్చాయి.

బ్యాంక్ ఎగ్జిక్యూటివ్ డైరెక్టర్ సంజయ్ ముదలియార్ ఏమన్నారంటే…

ఈ ప్రకటనపై బ్యాంక్ ఆఫ్ బరోడా ఎగ్జిక్యూటివ్ డైరెక్టర్ సంజయ్ ముదలియార్ మాట్లాడుతూ.. “పండుగ సీజన్ అనేది కొత్త ప్రారంభాలకు అనుకూలమైన సమయం. ఈ సమయంలో చాలా కుటుంబాలు కొత్త వాహనాన్ని సొంతం చేసుకోవాలని ఆశిస్తాయి. బ్యాంక్ ఆఫ్ బరోడా కారు లోన్ రేట్లపై ప్రత్యేక ఆఫర్‌ను ప్రవేశపెట్టడం సంతోషంగా ఉంది. దీనివల్ల కారు కొనడం మరింత సులభం, సరసమైనది అవుతుంది. అంతేకాకుండా, మా తనఖా రుణ పథకం ఇప్పుడు మరింత పోటీతత్వంగా ఉంది. కస్టమర్లు తమ సిబిల్ స్కోర్ ఆధారంగా వడ్డీ రేట్లలో 55 బేసిస్ పాయింట్ల నుంచి 300 బేసిస్ పాయింట్ల వరకు తగ్గింపుతో అదనపు నిధులను పొందవచ్చు,” అని అన్నారు.

బ్యాంక్ ఆఫ్ బరోడా కారు లోన్ కోసం ఆన్‌లైన్‌లో ‘బరోడా డిజిటల్ కార్ లోన్’ ప్లాట్‌ఫామ్ ద్వారా లేదా సమీపంలోని బ్యాంక్ బ్రాంచ్‌ను సందర్శించి దరఖాస్తు చేసుకోవచ్చు. బ్యాంక్ బరోడా కారు లోన్‌లపై 8.65% వడ్డీ రేటుతో ఫిక్స్‌డ్ రేటు ఆఫర్‌ను కూడా అందిస్తోంది. ఇది బ్యాంక్ 6-నెలల ఎంసీఎల్‌ఆర్​తో అనుసంధానంతో ఉంటుంది.