బడ్జెట్​ ధరలో వస్తున్న రెండు ఫ్యామిలీ ఎస్​యూవీలు ఇవి- మిడిల్​క్లాస్​ వారికి ఏది బెస్ట్​?

ఈ రెండు ఎస్‌యూవీల్లో వైర్‌లెస్ యాపిల్ కార్‌ప్లే/ఆండ్రాయిడ్ ఆటో, 7-ఇంచ్​ డిజిటల్ క్లస్టర్, ఆటోమేటిక్ క్లైమేట్ కంట్రోల్ (వెనుక వైపు ఏసీ వెంట్స్‌ సహా), కనెక్టెడ్ కార్ టెక్, క్రూజ్ కంట్రోల్, ఆరు ఎయిర్‌బ్యాగ్‌లు, ఈఎస్‌సీ, హిల్ స్టార్ట్ అసిస్ట్, టీపీఎంఎస్, రియర్ కెమెరా వంటి కీలకమైన సేఫ్టీ ఫీచర్లు కూడా ఉన్నాయి.

రెనాల్ట్ కైగర్ వర్సెస్ నిస్సాన్ మాగ్నైట్- స్పెసిఫికేషన్స్..

ఈ రెండు అఫార్డిబుల్​ ఫ్యామిలీ ఎస్​యూవీల మెకానికల్స్ దాదాపు ఒకేలా ఉంటాయి. రెండింటిలోనూ రెండు రకాల ఇంజిన్ ఆప్షన్లు ఉన్నాయి. ఒకటి 70 బీహెచ్‌పీ, 96 ఎన్ఎమ్ టార్క్ ఇచ్చే 1.0-లీటర్ నాచురల్లీ ఆస్పిరేటెడ్ పెట్రోల్ ఇంజిన్. ఇది 5-స్పీడ్ మాన్యువల్ లేదా ఏఎమ్‌టి ట్రాన్స్‌మిషన్‌తో వస్తుంది. రెండోది 99 బీహెచ్‌పీ, 160 ఎన్ఎమ్ టార్క్ ఉత్పత్తి చేసే 1.0-లీటర్ టర్బో-పెట్రోల్ ఇంజిన్. ఇది మాన్యువల్ లేదా సీవీటీ ట్రాన్స్‌మిషన్‌తో లభిస్తుంది.

రెండు కార్ల రైడ్, హ్యాండ్లింగ్ ఎక్కువగా నగర ప్రయాణాలకు అనుకూలంగా ఉంటాయి. ఇక ప్రాక్టికాలిటీ విషయానికొస్తే, కైగర్‌లో 405 లీటర్ల పెద్ద బూట్ స్పేస్ ఉంది, మాగ్నైట్‌లో ఇది 336 లీటర్లుగా ఉంది. అయితే, రెండింటి వీల్‌బేస్ (2,500 ఎంఎం), గ్రౌండ్ క్లియరెన్స్ (205 మి.మీ) ఒకేలా ఉన్నాయి.

రెనాల్ట్ కైగర్ వర్సెస్ నిస్సాన్ మాగ్నైట్- ధర..

ధర విషయంలో నిస్సాన్ మాగ్నైట్ కాస్త ముందుంది. దీని ప్రారంభ ధర రూ. 6.14 లక్షలు (ఎక్స్-షోరూమ్). రెనాల్ట్ కైగర్ ప్రారంభ ధర రూ. 6.29 లక్షలు. అయితే, టాప్-ఎండ్ వేరియంట్లలో కైగర్ తన ప్రత్యర్థిని అధిగమిస్తుంది. టాప్ ఎమోషన్ ట్రిమ్ కైగర్ ధర రూ. 11.29 లక్షలు కాగా, మాగ్నైట్ టాప్ వేరియంట్ ధర రూ. 11.76 లక్షలుగా ఉంది.