జ్యోతిష్య శాస్త్రంలో వాస్తు శాస్త్రానికి ఉన్న ప్రాముఖ్యత ప్రత్యేకంగా చెప్పాల్సిన పని లేదు. వాస్తు అనేది వ్యక్తి జీవితం, కుటుంబంపై చాలా ప్రభావం చూపుతుంది.
అందుకే తప్పకుండా ప్రతి ఒక్కరూ వాస్తు నియమాలు పాటించాలని చెబుతుంటారు. ఒక వేళ వాస్తు నియమాలు ఎవరైతే పాటించరో, వారు చాలా సమస్యలు ఎదర్కోవాల్సి వస్తుంది.
అయితే, చాలా మంది ఇంటి అందంగా కనిపించాలని, లేదా ప్రశాంతమైన వాతావరణం కోసం ఇంటి చుట్టూ అందమైన మొక్కలు పెంచుకుంటారు. కానీ మనం ఇంటి వద్ద పెట్టుకునే మొక్కలపై కూడా వాస్తు ప్రభావం ఉంటుందని చెబుతున్నారు పండితులు. కొన్ని మొక్కలు అస్సలే ఇంటి ముందు పెంచుకోకూడదంట. అవి ఏవో ఇప్పుడు తెలుసుకుందాం.
బొప్పాయి పండు ఆరోగ్యానికి చాలా మంచిది. అంతే కాకుండా దాని ఆకులు కూడా ఆరోగ్యాన్ని కాపాడటంలో కీలక పాత్ర పోషిస్తాయి. అందుకే చాలా మంది వాటిని తప్పకుండా తమ ఇంటి ఆవరణంలో పెంచుకుంటారు. అయితే ఇంటి ముందు బొప్పాయి చెట్టు ఉండటం అస్సలే మంచిది కాదు అని చెబుతున్నారు పండితులు.
చాలా మంది ఇంటికి ఎదురుగా బొప్పాయి చెట్టు పెట్టుకుంటారు. కానీ ఇది అశుభం అని చెబుతున్నారు వాస్తు నిపుణులు. ఇంటి ముందు బొప్పాయి చెట్టు ఉండటం వలన అది అరిష్టంగా భావిస్తారంట. దీని వలన ఇంట్లో మనశ్శాంతి కరువు అవ్వడం, ఆర్థిక సమస్యలు, అనారోగ్య సమస్యలు వంటివి ఎక్కువ వస్తాయంట. అంతే కాకుండా ఉదయం లేచిన వెంటనే దీనిని చూడటం కూడా అరిష్టం అంట. అందుకే ఇంటి ముందు అస్సలే బొప్పాయి మొక్కను పెంచుకోకూడదంట.
అయితే కొన్ని సార్లు బొప్పాయి విత్తనాలు పడి, ఇంటి ముందు అది పెరుగుతుంటుంది. అయితే అలాంటి సందర్భంలో చిన్న మొక్కగా ఉన్నప్పుడే దానిని అక్కడి నుంచి తీసి వేసి, ఇంటి వెనక వైపు నాటుకోవడం మంచిదంట. దీని వలన ఎలాంటి ఆర్థిక సమస్యలు రావంట. వాస్తు ప్రకారం కూడా బొప్పాయి మొక్కను ఇంటి వెనక భాగంలో పెంచుకోవడమే మంచిదంట.
