స్టాక్ మార్కెట్లో పెట్టుబడి పెట్టడం విషయానికి వస్తే కొన్నిసార్లు సరైన స్టాక్ను ఎంచుకోవడం చాలా కష్టం. ముఖ్యంగా ప్రపంచవ్యాప్తంగా మార్కెట్లలో అస్థిరతలు, ఆర్థిక అనిశ్చితులు పెరుగుతున్న సమయంలో తెలివిగా, లోతైన పరిశోధన చేసిన తర్వాత పెట్టుబడి పెట్టడం ముఖ్యం.
స్టాక్ మార్కెట్ పెట్టుబడికి అతిపెద్ద ఆకర్షణ పలు స్టాక్స్ నిలుస్తాయి. ఇవి మల్టీబ్యాగర్ రాబడిని ఇస్తాయి. ఇక్కడ గత ఐదు సంవత్సరాలలో రూ. లక్ష నుండి రూ. 12 కోట్లకుపైగా మారిన అటువంటి స్టాక్ గురించి తెలుసుకుందాం.
తక్కువ పెట్టుబడితో పెద్ద విజయం:
ఏప్రిల్ 2020లో హిటాచీ ఎనర్జీ ఇండియా షేరు కేవలం రూ. 15కే అందుబాటులో ఉండేది. ఈ చిన్న ధర గల షేరు గత ఐదు సంవత్సరాలలో చాలా బాగా పనిచేసింది. దీనిలో రూ. లక్ష పెట్టుబడి పెట్టిన ఎవరైనా నేడు రూ. 12.60 కోట్లకు పైగా అందుకునేవారు. అంటే ఐదు సంవత్సరాలలో పెట్టుబడిదారుడి డబ్బు దాదాపు 12,500 రెట్లు పెరిగింది. మార్కెట్లో చాలా తక్కువ స్టాక్లు సాధారణంగా అలాంటి రాబడిని ఇస్తాయి.
షేర్ ధర, పనితీరు:
ఇటీవలహిటాచీ ఎనర్జీ ఇండియా స్టాక్ బిఎస్ఇలో సుమారు రూ.19,877 వద్ద ట్రేడవుతోంది. గత ఒక సంవత్సరంలో ఈ స్టాక్ 64 శాతం పెరిగింది. ఇది పెట్టుబడిదారులకు స్థిరంగా మంచి రాబడిని ఇస్తుందని నిరూపించింది. అదే సమయంలో ఈ సంవత్సరం ప్రారంభం నుండి ఈ స్టాక్ 25 శాతం పెరిగింది.
హిటాచీ ఎనర్జీ ఇండియా Q1 FY25 ఫలితాలు:
హిటాచీ ఎనర్జీ ఇండియా ఇటీవల తన మొదటి త్రైమాసిక నివేదికను విడుదల చేసింది. దీనిలో కంపెనీ నికర లాభంలో అపారమైన పెరుగుదలను చూపించింది. జూన్ 30, 2025తో ముగిసిన మొదటి త్రైమాసికంలో కంపెనీ నికర లాభం రూ. 131.6 కోట్లు కాగా, గత సంవత్సరం ఇదే కాలంలో ఇది రూ. 10.42 కోట్లు మాత్రమే.
కంపెనీ మొత్తం ఆదాయం కూడా 11.4 శాతం పెరిగి రూ.1,479 కోట్లకు చేరుకుంది. దీనితో పాటు, EBITDA కూడా 224 శాతం పెరిగి రూ.155 కోట్లకు చేరుకుంది. అలాగే కంపెనీ లాభ మార్జిన్ కూడా పెరిగింది.
