టాలీవుడ్ యంగ్ హీరో తేజ సజ్జా(Teja Sajja), కార్తీక్ ఘట్టమనేని(Karthik Ghattamaneni) కాంబినేషన్లో వచ్చిన లేటెస్ట్ మూవీ ‘మిరాయ్'(Mirai).
పీపుల్ మీడియా ఫ్యాక్టరీ బ్యానర్పై టీజ విశ్వప్రసాద్ నిర్మించిన ఈ చిత్రంలో మంచు మనోజ్, శ్రియా శరణ్ కీలక పాత్రలో కనిపించారు. ఈ సినిమాలో తేజ సజ్జా సరసన రితికా నాయక్ హీరోయిన్గా నటించింది. ‘మిరాయ్’ మూవీ పాన్ ఇండియా రేంజ్లో సెప్టెంబర్ 12న థియేటర్స్లో విడుదలై బ్లాక్ బస్టర్ హిట్ టాక్తో దూసుకుపోతోంది. అంతేకాకుండా భారీ కలెక్షన్లు రాబడుతూ రికార్డులు క్రియేట్ చేస్తోంది. ఈ నేపథ్యంలో.. ఆర్జీవీ ఓ పోస్ట్ పెట్టారు.
”Mirai చూసిన తర్వాత, చివరిసారిగా VFX ఇంత గ్రాండ్ గా ఎప్పుడు అనిపించిందో నాకు గుర్తులేదు, 400 కోట్లకు పైగా ఖర్చు చేసిన సినిమాల్లో కూడా ఇంతలా చూపించలేదు. మనోజ్ నిన్ను విలన్ గా మిస్ కాస్ట్ చేశారని అనుకున్నాను. నీ అద్భుతమైన నటన చూసి నన్ను నేను చెంపదెబ్బ కొట్టుకున్నాను. తేజ సజ్జా నువ్వు ఇంత పెద్ద ఎత్తున యాక్షన్ చేయడానికి చాలా చిన్నవాడివిగా కనిపిస్తావేమో అనుకున్నాను. విజువల్స్, బ్యాక్ గ్రౌండ్ స్కోర్, స్క్రీన్ ప్లే నిర్మాణం చాలా బాగుంది. మిరాయ్ విజయం అంటే అది నువ్వు కన్న అద్భుతమైన కలలా అనిపిస్తోంది. ఇది హీరోయిజంతో కలిపిన దృశ్య రంగులో చల్లబడిన పురాణం. ఇది దాని ఆశయాన్ని ముఖ్యంగా దాని అద్భుతమైన కథన వాస్తవికతలో సాధిస్తుంది.
అన్ని విభాగాలపై మీకు ఉన్న పట్టుకు ధన్యవాదాలు కార్తీక్. విశ్వప్రసాద్ సినిమా కుటుంబ నేపథ్యం నుండి రాకపోయినా, మీ వ్యక్తిగత అభిరుచి అటువంటి ప్రాజెక్ట్ను పెంచి, పరిశ్రమ నిపుణుల హెచ్చరికలన్నింటినీ ఉల్లంఘించారు. మీరు మీపై నమ్మకం ఉంచారని నిరూపించారు. ఒక చిత్ర బృందం సినిమా చేసేది లాభం గురించి మాత్రమే కాదు, జీవితాంతం గుర్తుండిపోయే జ్ఞాపకాలను సృష్టించడానికి కూడా అని నేను నమ్ముతున్నాను. చివరగా నేను చెప్పాలనుకుంటున్నది ఏంటంటే.. ఇది చిన్న సినిమా కాదు – చాలా పెద్ద ప్రాజెక్ట్. ప్రేక్షకులు దానిని ప్రోత్సహించే వరకు టీమ్ పోరాడుతూనే ఉంటారు” అని రాసుకొచ్చాడు. ఈ పోస్ట్ చూసిన నెటిజన్లు కొందరు షాక్ అవుతుండగా.. మరికొందరు నీకేమైనా పిచ్చిపట్టిందా అని ప్రశ్నిస్తున్నారు.
