ఉసిరి తినడం ఆరోగ్యానికి చాలా మేలు చేస్తుంది. రోజూ ఒక ఉసిరి కాయ తినడం వల్ల అనేక ఆరోగ్య సమస్యలు నయమవుతాయి. రోజూ ఉసిరి పచ్చిగా తిన్నా లేదంటే జ్యూస్ రూపంలో తీసుకున్నా ఆరోగ్యానికి చాలా మేలు జరుగుతుంది.
ఉసిరిలో ఉండే యాంటీఆక్సిడెంట్లు.. చర్మంలో కొలాజెన్ ఉత్పత్తిని పెంచి చర్మం కాంతిమంతంగా కనిపించేట్టు చేస్తాయి. ఉసిరి ఈ కాలంలో వేధించే చుండ్రుని నివారించి కురులు చక్కగా పెరగడానికి కారణం అవుతుంది.
ఇన్ని ప్రయోజనాలున్న ఉసిరిని సలాడ్, జ్యూస్, మురబ్బాల రూపంలోనూ తీసుకోవచ్చు. ఉసిరిలో రోగనిరోధక శక్తిని పెంచే లక్షణాలు దండిగా ఉంటాయి. అందుకే ప్రతిరోజూ ఓ ఉసిరి తీసుకోవడం వల్ల మీ రోగనిరోధక శక్తి పెరుగుతుంది.
ముఖ్యంగా జీర్ణ సమస్యలు ఉన్నవారికి ఉసిరి ప్రయోజనకరంగా ఉంటుంది. ప్రతిరోజూ ఉసిరి తినడం వల్ల జీర్ణ సమస్యల నుంచి బయటపడవచ్చు.
జుట్టు, చర్మానికి ఉసిరి అత్యంత ప్రయోజనకరమైనది. ఉసిరి తీసుకోవడం వల్ల జుట్టు, చర్మ సమస్యలు తొలగిపోతాయి. ఉసిరికి ఒత్తిడిని తగ్గించే గుణముంది. దీనిలోని ఫ్లేవనాయిడ్లు, యాంటీఆక్సిడెంట్లు శరీరంలోని హానికారక ఫ్రీరాడికల్స్తో పోరాడి ఒత్తిడి తగ్గిస్తాయి.
