బే ఆకులు ఇంటికి శుభ ఫలితాలను ఇస్తాయా? ఇందులో నిజమెంతో ఇప్పుడు తెలుసుకుందాం..
బే ఆకులు (బిర్యానీ ఆకులు) వంటల్లో సువాసన కోసం ఉపయోగించే సుగంధభరితమైన ఆకులు. వీటిని తాజాగా లేదా ఎండబెట్టి వాడతారు. ఇవి సాధారణంగా ఆహారంలో రుచిని పెంచడానికి ఉపయోగిస్తారు, కానీ దీనికి అనేక ఇతర ఆరోగ్య ప్రయోజనాలు కూడా ఉన్నాయి. అంతేకాకుండా, ఇవి ఇంటికి శుభ ఫలితాలను కూడా ఇస్తాయని వాస్తు నిపుణులు చెబుతున్నారు.
వాస్తు శాస్త్రంలో బే ఆకులను సానుకూల శక్తికి మూలంగా పరిగణిస్తారు. వాటికి ఔషధ గుణాలు కూడా ఉన్నాయి. వాస్తు శాస్త్రం ప్రకారం, ఇంటి నుండి ప్రతికూల శక్తిని తొలగించడంలో బే ఆకులు సహాయపడతాయి. ఇంటి ప్రధాన ద్వారం వద్ద బే ఆకులను ఉంచడం శుభప్రదమని నిపుణులు చెబుతున్నారు.
మీరు ఆర్థిక ఇబ్బందులను ఎదుర్కొంటుంటే, 6-7 బే ఆకులను మీ వంటగదిలో ఉంచండి. క్రమంగా, మీ ఇంటి నుండి పేదరికం మాయమవుతుంది. ప్రతికూల సమస్యల నుండి ఉపశమనం లభిస్తుంది.
జీవితంలో డబ్బు సమస్య ఉంటే లేదా డబ్బు నిలవకపోతే, బే ఆకులను పర్సులో ఉంచుకోవడం వల్ల లక్ష్మీదేవి ప్రత్యేక ఆశీస్సులు లభిస్తాయి. పడుకునే ముందు దిండు కింద బే ఆకులను ఉంచుకోవడం వల్ల కూడా చెడు కలలు రాకుండా ఉంటాయి.
