మన శరీరం అనారోగ్యానికి గురైనప్పుడు కొన్ని బలమైన సంకేతాలను పంపిస్తుంది. అలసట, బరువు తగ్గడం వంటివి అందులో కొన్ని. అటువంటి ఒక యదార్థ గాథను ఇక్కడ తెలుసుకుందాం.
45 ఏళ్ల ఒక సామాన్య వ్యక్తి రోజంతా తన చిన్న దుకాణాన్ని నడుపుకుంటూ ఆరోగ్యంగా ఉండేవాడు. అయితే, అతనికి ప్రతిరోజూ ఉదయం గుండెల్లో మంటగా అనిపించేది. రాత్రి అయ్యేసరికి కడుపు ఉబ్బరంతో ముగిసేది. ఇది కేవలం గ్యాస్ లేదా ఎసిడిటీ మాత్రమే అని అతను భావించి, ప్రతిసారీ తెల్లని యాంటాసిడ్ మాత్రలను వేసుకునేవాడు. ఇలా ఐదేళ్ల పాటు సాగింది.
మసాలా ఆహారం, ఒత్తిడి వల్ల అప్పుడప్పుడు ఎసిడిటీ రావడం సహజమే. కానీ ఈ వ్యక్తికి అది ఐదేళ్ల పాటు కొనసాగింది. క్రమంగా ఆహారం తిన్నప్పుడు కడుపులో భారం అనిపించడం మొదలైంది. అతనికి ఇష్టమైన మసాలా వంటకాలు తింటే నొప్పి రావడం ప్రారంభమైంది. దీంతో అతను భోజనం చేయడం తగ్గించాడు. అది డైటింగ్ వల్ల కాదు, ఆహారం అరగక పోవడం వల్ల. స్నేహితులు అతను సన్నబడటం చూసి, “నువ్వు ఫిట్గా కనిపిస్తున్నావు” అని మెచ్చుకునేవారు. కానీ లోపల ఏం జరుగుతుందో అతనికి మాత్రమే తెలుసు.
హానికరమైన బ్యాక్టీరియా చివరకు అతను ఆసుపత్రికి వెళ్ళినప్పుడు, డాక్టర్ అతనికి కేవలం మాత్రలు ఇచ్చి పంపలేదు. ఈ సమస్య ఎంతకాలం నుండి ఉందని అడిగారు. ఐదేళ్లుగా ఉందని తెలుసుకున్న డాక్టర్, H. పైలోరీ (H. pylori) అనే బ్యాక్టీరియా కోసం పరీక్ష చేశారు. ప్రపంచ జనాభాలో సగం మంది కడుపులో నివసించే ఒక చిన్న బ్యాక్టీరియా ఇది.
క్యాన్సర్ ప్రమాదాన్ని పెంచుతుంది కలుషితమైన ఆహారం, నీరు లేదా సన్నిహిత పరిచయం ద్వారా ఇది వ్యాపిస్తుంది. ఇది కడుపు లోపలి పొరల్లో చేరి, మెల్లగా వాపును (Inflammation) కలిగిస్తుంది. కాలక్రమేణా, ఇది అల్సర్లకు దారితీస్తుంది. కొంతమందిలో ఐదేళ్లు లేదా అంతకంటే ఎక్కువ కాలం ఇది అలాగే ఉంటే, కడుపు క్యాన్సర్ (Stomach Cancer) వచ్చే ప్రమాదం పెరుగుతుంది.
యాంటాసిడ్లు బ్యాక్టీరియాను చంపలేవు మనం వేసుకునే యాంటాసిడ్లు కేవలం ఎసిడిటీని తాత్కాలికంగా తగ్గిస్తాయి తప్ప, ఈ బ్యాక్టీరియాపై ఎటువంటి ప్రభావం చూపవు. ఒక సాధారణ శ్వాస పరీక్ష (Breath test) లేదా మల పరీక్ష ద్వారా దీనిని గుర్తించవచ్చు. యాంటీబయాటిక్స్ వాడితే రెండు వారాల్లో దీనిని నయం చేయవచ్చు.
జీవితాన్నే మార్చేసిన పరీక్ష వైద్యులు అతనికి ఎండోస్కోపీ మరియు బయాప్సీ చేశారు. ఫలితంలో అతనికి గ్యాస్ట్రిక్ క్యాన్సర్ ప్రారంభ దశలో ఉన్నట్లు తేలింది. అదృష్టవశాత్తూ సరైన సమయంలో గుర్తించడంతో, ఆపరేషన్ చేసి చికిత్స అందించారు. ఇప్పుడు అతను మళ్ళీ సాధారణంలా ఆహారం తీసుకుంటున్నాడు. కడుపు ఉబ్బరం లేదా నొప్పి లేదు.
భారతదేశంలో ఆహారపు అలవాట్లు, నీటి నాణ్యత కారణంగా H. పైలోరీ చాలా సాధారణం. ధూమపానం, ఎక్కువ మసాలాలు తినేవారికి లేదా కుటుంబంలో క్యాన్సర్ చరిత్ర ఉన్నవారికి ప్రమాదం ఇంకా ఎక్కువ.
ఏ అనారోగ్యాన్ని సాధారణమైనదిగా భావించవద్దు కడుపులో వచ్చే అసౌకర్యాన్ని మామూలు సమస్యగా తీసుకోకండి. అప్పుడప్పుడు వస్తే సొంతంగా మందులు వాడుకోవచ్చు, కానీ అది పదే పదే వస్తుంటే మాత్రం వెంటనే వైద్యుడిని సంప్రదించి, H. పైలోరీ పరీక్ష చేయించుకోండి.
