మారుతున్న కాలంలో ఆరోగ్య బీమా ప్రాముఖ్యత పెరిగింది. అయితే ముందే అనారోగ్య సమస్యలు ఉన్నవారు ఇన్సూరెన్స్ రాదని భయపడుతుంటారు. పారదర్శకతతో వ్యవహరిస్తూ, సరైన పద్ధతిలో దరఖాస్తు చేస్తే బీమా పొందడం ఎలాగో ఇక్కడ వివరంగా తెలుసుకోండి..
ప్రస్తుతం చాలామందిని వేధిస్తున్న ప్రశ్న ఒక్కటే.. “మాకు ఏదైనా అనారోగ్యం ఉంటే ఇన్సూరెన్స్ వస్తుందా?” దీనికి సమాధానం.. ఖచ్చితంగా వస్తుంది! ఆరోగ్య సమస్యలు ఉన్నవారిని అర్థం చేసుకుని బీమా సంస్థలు ఇప్పుడు పాలసీలు ఇస్తున్నాయి. వీటినే సాంకేతిక భాషలో ‘ముందే ఉన్న ఆరోగ్య సమస్యలు’ (ప్రీ- ఎగ్జిస్టింగ్ కండీషన్స్) అంటారు.
