AC Power Saving Tips in Telugu :వేసవి కాలం వచ్చేసింది. ఎండలు మండిపోతున్నాయి. AC లేనిదే ఒక క్షణం కూడా గడవదు. రోజు AC వేసుకుంటే నెల కరెంట్ బిల్ ఎంత వస్తుందో మన అందరికి తెలిసిన విషయమే.
అందుకే ఇప్పుడు వేసవిలో AC వేసుకున్న కరెంట్ బిల్ తక్కువ వచ్చే విధంగా కొన్ని చిట్కాల గురించి ఈ రోజు వివరంగా తెలుసుకుందాం. ఈ చిట్కాలను పాటిస్తే కరెంట్ బిల్ చూసి భయపడవలసిన అవసరం లేదు.
హ్యాపీగా AC ఆన్ చేసుకోవచ్చు. గది తలుపులు తరచూ తెరిచి, మూయటం వలన బయట వేడి గాలి లోపలికి చొరబడుతుంది. దాంతో గదిలో చల్లదనం కోసం ఏసీ ఎక్కువ సమయం పాటు పనిచేయాల్సి వస్తుంది. కాబట్టి గది తలుపులు తరచుగా తెరవకూడదు. తక్కువ విద్యుత్ వినియోగం ఉన్న ఏసీని ఎంచుకోవాలి. ఏసీని ఆన్ చేసిన వెంటనే తొందరగా గది చల్లబడాలని ముందు 16 డిగ్రీల్లో ఉంచేసి ఆ తర్వాత తగ్గించడం సరైన పద్దతి కాదు. విద్యుత్ ఆదా కావాలని అనుకుంటే ఇలా చేయకుండా ముందు నుంచీ ఒకటే ఉష్ణోగ్రతలో ఉంచాలి.
దీని వల్ల విద్యుత్ ఆదా అవుతుంది.ఏసీ ఫిల్టర్లను వారానికి ఒకసారి తప్పనిసరిగా శుభ్రం చేసుకోవాలి. ఫిల్టర్ శుభ్రంగా ఉంటేనే గాలి విరివిగా కాయిల్స్ కు సరఫరా అయ్యి గది తొందరగా చల్లబడుతుంది. దీనితో కరెంట్ ఆదా అవుతుంది. ఏసీ టెంపరేచర్ 25-27 డిగ్రీల మధ్య ఉంచుకోవడం మంచిది. ఎందుకంటే ఏసీ టెంపరేచర్ 18 డిగ్రీలు ఉంటే ఆ భారం కంప్రెషర్ మీద పడి విద్యుత్ వినియోగం ఎక్కువ అవుతుంది. 24 డిగ్రీలకు పైన టెంపరేచర్ ను సెట్ చేసుకోవడం ద్వారానే విద్యుత్ వినియోగాన్ని తగ్గించవచ్చు.
గదిలో ఏసీ ఆన్ చేసి ఉన్న సమయంలో సీలింగ్ ఫ్యాన్ ఆన్ చేస్తే గది తొందరగా చల్లబడుతుందని అందరూ భావించి సీలింగ్ ఫ్యాన్ వేస్తూ ఉంటారు. కానీ అది తప్పు. సీలింగ్ ఫ్యాన్ వేయటం వలన గది పైకప్పు నుంచి వేడి కిందకు వ్యాపిస్తూ ఉంటుంది. అప్పుడు మరింత చల్లదనం అవసరం అవుతుంది. విండో ఏసీ కంటే స్ల్పిట్ ఏసీ బెటర్. ఎందుకంటే ఎందుకంటే వేడి గాలి తేలికగా ఉంటుంది. దాంతో అది గదిలో ఫై భాగంలోకి చేరుతుంది.
స్ల్పిట్ ఏసీ గోడకు పై భాగంలో బిగించేది కనుక గాలి తొందరగా చల్లబడుతుంది. ఏసీని గది మధ్య భాగంలో ఏర్పాటు చేసుకోవాలి. అప్పుడే గది అంతా చల్లగాలి సమంగా పంపిణీ అవుతుంది.విండోలు, తలుపులు సహా ఏ మార్గంలోనూ ఏసీ లీకేజీ లేకుండా చూసుకోవాలి. విండో ఉండి, దానికి గ్లాస్ లు ఉంటే కర్టెన్ తప్పనిసరిగా వేసుకోవాలి. ఒకవేళ కర్టెన్ వేయకపోతే గదిలోకి వేడి వచ్చేసి చల్లబడటానికి సమయం ఎక్కువ పడుతుంది.ఏసీ ఉన్న గదిలో సీలింగ్ తప్పనిసరిగా ఉండాలి. గదిపైన మరో ఫ్లోర్ లేకపోతే కూల్ సెమ్ కోటింగ్ వేసుకోవడం వల్ల గదిలోకి ఉష్ణోగ్రత ప్రవేశించడం చాలా వరకు తగ్గిపోతుంది.గదిలో చల్లబడటానికి గదిలో ఎన్నో అంశాలు దోహదం చేస్తాయి.
గది విస్తీర్ణం, కిటికీ ఎంత పరిమాణంలో ఉంది, దానికి అద్దాలు ఎంత మేర ఉన్నాయి, తూర్పు లేదా పడమర దిక్కులో ఆ గది ఉందా, గదిలో ఉన్న ఫ్లోరింగ్, గదిలో టీవీ, ఫ్రిడ్జ్, కంప్యూటర్ వంటి ఎలక్ట్రికల్ వస్తువులు ఎన్ని ఉన్నాయి, గదిలోకి వేడి ప్రవేశించకుండా తీసుకున్న జాగ్రత్తలు ,గదిలో ఎంత మంది ఉన్నారు. వంటి అనేక అంశాలు గదిలోని ఉష్ణోగ్రత మరియు గది చల్లపడే పరిస్థితులను ప్రభావితం చేస్తాయి. కాబట్టి ఇప్పుడు చెప్పిన చిట్కాలను ఫాలో అయ్యి ఈ వేసవిలో AC వేసుకొని మరీ కరెంట్ బిల్ తగ్గించుకోండి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
