Banks Hidden Fees : మీకు తెలియకుండానే డబ్బులు కొట్టేస్తున్నారా?
మీ బ్యాంక్ సేవలు ఉచితంగా అనుకుంటున్నారా? మళ్లీ ఆలోచించండి! బ్యాంకులు తెలియకుండానే అనేక దాచిన చార్జీలు (Hidden Charges) విధిస్తాయి. ఈ ఛార్జీల గురించి ఖాతాదారులు తప్పకుండా తెలుసుకోవాలి.
ఏంటీ ఈ Banks Hidden Fees?
బ్యాంకులు అందించే సేవలన్నీ ఉచితం కాదు. అనేక రకాల “Hidden Fees” దాగి ఉంటాయి. చాలా మంది ఖాతాదారులకు ఈ వివరాలు తెలియవు, తద్వారా అనవసరంగా డబ్బులు చెల్లించాల్సి వస్తుంది. ఈ క్రింది సేవలపై బ్యాంకులు ఎక్కువ చార్జీలు విధిస్తున్నాయి:
కనీస బ్యాలెన్స్ (Minimum Balance)
ఫండ్ ట్రాన్స్ఫర్లు (NEFT/RTGS/IMPS)
CDM డిపాజిట్లు
ఇతర బ్యాంకుల ఏటీఎంల నుండి డబ్బు తీసుకోవడం
ఎలాంటి ఖాతాలు అయినా చార్జీలు వర్తిస్తాయి!
ప్రతి బ్యాంక్, ప్రతి ఖాతా రకానికి (Current/Savings) వేరే వేరే చార్జీలు ఉంటాయి. చాలా మంది తమ బ్యాంక్ స్టేట్మెంట్లను సరిగ్గా పరిశీలించరు. ఫలితంగా, తెలియకుండానే ఛార్జీలు కట్టేస్తారు. ఈ వివరాలు ముందుగా తెలుసుకుంటే, డబ్బు కొట్టుకుపోకుండా జాగ్రత్త తీసుకోవచ్చు.
బ్యాంకులు విధించే ప్రధాన దాచిన చార్జీలు
1. కనీస బ్యాలెన్స్ జరిమానా
చాలా సేవింగ్స్ ఖాతాల్లో కనీస బ్యాలెన్స్ నిర్వహించడం తప్పనిసరి.
లిమిట్ కంటే తక్కువ ఉంటే, ₹300 నుండి ₹1,000 వరకు జరిమానా విధిస్తారు.
2. చెక్కులు బౌన్స్ అయితే
చెక్కు బౌన్స్ అయితే ₹250 నుండి ₹500 జరిమానా.
ఫ్రీ చెక్ బుక్ లిమిట్ తర్వాత, ప్రతి 25 చెక్కుల బుక్‌కు ₹100 వరకు చార్జీ.
3. ఖాతా నిర్వహణ ఛార్జీలు
కరెంట్ ఖాతాదారులు NEFT/RTGS లో ట్రాన్జాక్షన్లు చేసినప్పుడు ఛార్జీలు తగులుతాయి.
నెలవారీ/సాలీనా ఖాతా నిర్వహణ ఫీజు ₹500 నుండి ₹1,500 వరకు ఉంటుంది.
4. ఇతర బ్యాంకు ఏటీఎంల నుండి డబ్బు తీసుకోవడం
మీ బ్యాంక్ ఏటీఎంలో డబ్బు తీస్తే ఫ్రీ, కానీ ఇతర బ్యాంక్ ఏటీఎంలో తీస్తే ₹20–₹50 చార్జీ.
CDM మెషీన్లో డబ్బు జమచేసినా ఫ్రీ లిమిట్ తర్వాత ప్రతి ట్రాన్జాక్షన్‌కు ₹23 చార్జీ.
5. ఓవర్‌డ్రాఫ్ట్ (నెగెటివ్ బ్యాలెన్స్)
ఓవర్‌డ్రాఫ్ట్ ఉన్న ఖాతాలపై ₹400–₹800 వరకు భారీ జరిమానాలు.
6. అదనపు సేవల ఛార్జీలు
SMS అలర్టులు, మిస్డ్ కాల్ సర్వీసు – ₹50–₹100
పవర్ ఆఫ్ అటార్నీ ట్రాన్జాక్షన్లకు ₹250
7. ఫండ్ ట్రాన్స్ఫర్ ఫీజులు
NEFT/RTGS ద్వారా డబ్బు పంపితే ఛార్జీలు తగులుతాయి.
ఉదా: SBIలో ₹10,000 NEFT చేస్తే ₹2.25, ₹1 లక్షలోపు పంపితే ₹4.
కొన్ని బ్యాంకులు ఈ సేవలు ఉచితంగా అందిస్తాయి.
8. లోన్ ప్రాసెసింగ్ ఫీజు
లోన్ మీద 0.5% నుండి 2% వరకు ప్రాసెసింగ్ ఫీజు.
క్రెడిట్ కార్డ్ రివార్డ్ పాయింట్లతో కొనుగోళ్లకు కూడా ఛార్జీలు ఉంటాయి.
- చార్జీలు తగ్గించుకోవడానికి టిప్స్
- ఖాతాలో కనీస బ్యాలెన్స్ ఉంచండి.
- డబ్బు తీయడానికి మీ బ్యాంక్ ఏటీఎంలను మాత్రమే ఉపయోగించండి.
- డిజిటల్ పేమెంట్లు (UPI, NEFT, బిల్ పేమెంట్లు) ఎక్కువగా ఉపయోగించండి.
- బ్యాంక్ స్టేట్మెంట్లను నెలకు ఒకసారి తప్పకుండా చెక్ చేయండి.
- ఓవర్‌డ్రాఫ్ట్ నివారించడానికి సేవింగ్స్/క్రెడిట్ లింక్ చేయండి.
- చిన్న ట్రాన్జాక్షన్లకు బదులు ఒకేసారి పెద్ద లావాదేవీలు చేయండి.
గమనిక: ప్రతి బ్యాంక్ చార్జీలు వేరు. మీ బ్యాంక్‌తో సరైన నిబంధనలు తనిఖీ చేసుకోండి!
