దేశంలో ఒకేసారి నాలుగు వైరస్‌లు దాడి.. త్వరలో కొత్త మహమ్మారి రానుందా..!

ఇప్పుడు భారత్‌లో ఏకకాలంలో నాలుగు వైరస్‌లు వ్యాపిస్తున్నాయి. దేశంలోని వివిధ రాష్ట్రాల్లో విస్తరిస్తుండడంతో ప్రజలు బాధితులుగా మారుతున్నారు. ఈ నాలుగు వైరస్‌లు పాతవే అయినప్పటికీ, వాటి కేసులు బాధితుల సంఖ్య గతం కంటే ఎక్కువ. అంతేకాదు ఈ వైరస్ బారిన పడి ప్రజలు కొందరు మరణిస్తున్నారు. దీంతో నిపుణుల్లో ఆందోళన పెరుగుతోంది. ప్రజలు అప్రమత్తంగా ఉండాలని, ఆరోగ్యాన్ని కాపాడుకోవాలని నిపుణులు సూచిస్తున్నారు. ప్రస్తుతం దేశంలోని మూడు రాష్ట్రాల్లో ఈ వైరస్ ప్రభావం ఎక్కువగా కనిపిస్తోంది. ప్రస్తుతం చండీపురా, నిపా, జికా, కోవిడ్ కేసులు వెలుగులోకి వస్తున్నాయి. వీటిల్లో కోవిడ్ కేసులు చాలా తక్కువ.. అదే సమయంలో చండీపురా, జికా వైరస్ కేసులు పెరుగుతున్న తీరు.. రాబోయే రోజుల్లో పెను ప్రమాదం సృష్టించానున్నయా అని నిపుణులు ఆందోళన వ్యక్తం చేస్తున్నారు.

చండీపురా వైరస్ గురించి మాట్లాడుతూ ఈ వైరస్ కారణంగా దేశంలో ఇప్పటివరకు 27 మంది పిల్లలు మరణించారు. ఈ వైరస్ కేసు గుజరాత్‌లో వెలుగులోకి వచ్చిన తర్వాత.. క్రమంగా ఇతర రాష్ట్రాల్లో కూడా విస్తరిస్తోంది. అన్ని రాష్ట్రాల నుంచి ఈ వైరస్ బాధిత పిల్లల నమూనాలను పూణేలోని నేషనల్ ఇన్‌స్టిట్యూట్ ఆఫ్ వైరాలజీకి పంపుతున్నారు.

చండీపురా వైరస్ అంటే ఏమిటి?
చండీపురా వైరస్ చాలా ప్రమాదకరమని వైద్యులు చెబుతున్నారు. జ్వరం, వాంతులు, విరేచనాలతో మొదలయ్యే ఈ వైరస్ మెదడుపై దాడి చేస్తుంది. సరైన సమయంలో చికిత్స అందకపోతే.. 48 గంటల్లోనే పిల్లలు మరణించ వచ్చు. చాలా సందర్భాలలో ఈ వైరస్ మెదడును ప్రభావితం చేస్తుంది. చండీపురా వైరస్ మరణాల రేటు 85 శాతం.. అంటే ప్రతి 100 మంది సోకిన బాధితుల్లో 85 మంది చనిపోయే అవకాశం ఉంది. ఈ వైరస్‌ ఒకరి నుంచి మరొకరికి సులభంగా వ్యాపించనప్పటికీ.. దీన్ని వ్యాప్తి చేసే ఈగలు, దోమలు వలన చాలా ఈజీగా వ్యాప్తి చెందుతుంది.

ప్రాణాంతకంగా మారుతున్న నిపా
కేరళలో నిపా వైరస్ కారణంగా 14 ఏళ్ల యువకుడు మరణించాడు. కేరళలో ఈ వైరస్ కు సంబంధించిన కొన్ని కేసులు ఉన్నాయి. అయితే యువకుల మరణం తరువాత కేరళ ఆరోగ్య శాఖ అప్రమత్తం అయింది. ఈ వ్యాధి సోకిన రోగితో పరిచయం ఉన్న వ్యక్తులను గుర్తిస్తున్నారు. నిపా కూడా కొత్త వైరస్ కాదు. ఇది 1998-99లో గుర్తించబడింది. ఈ వైరస్ గబ్బిలాల ద్వారా వ్యాపిస్తుంది. మనుషులకు కూడా సోకుతుంది.

పెరుగుతున్న జికా కేసులు
మహారాష్ట్రలో జికా వైరస్ కేసులు పెరుగుతున్నాయి. దోమల వల్ల వచ్చే ఈ వ్యాధి కేసులు ఈ సీజన్ లో ఎక్కువగా నమోదవుతున్నాయి. జికా లక్షణాలు ఫ్లూ మాదిరిగానే ఉంటాయి. వీటి లక్షణాలు స్వల్పంగా ఉన్నప్పటికీ.. ఈ జికా వైరస్ ను నివారించడానికి టీకా లేదా నివారణ కోసం సరైన ఔషధం లేదు. అటువంటి పరిస్థితిలో ఈ వైరస్ ప్రమాదకరమైనదిగా పరిగణించబడుతుంది.

భారతదేశంలో కొన్ని కోవిడ్ కేసులు నమోదయ్యాయి. అయితే ఈ కేసుల పెరుగుదల పెద్దగా లేదు. అయితే ప్రజలు అప్రమత్తంగా ఉండాలని నిపుణులు సూచిస్తున్నారు.

వైరస్‌లు కలిసి ఎందుకు పెరుగుతున్నాయంటే
వర్షాకాలంలో అనేక రకాల వైరస్‌లు యాక్టివ్‌గా మారతాయని సఫ్దర్‌జంగ్ హాస్పిటల్‌లోని కమ్యూనిటీ మెడిసిన్ విభాగం హెచ్‌ఓడి ప్రొఫెసర్ డాక్టర్ జుగల్ కిషోర్ చెప్పారు. ఈ సీజన్‌లో ఏర్పడే తేమ వైరస్‌లు వృద్ధి చెందడానికి అవకాశం కల్పిస్తుంది. ఈ సీజన్‌లో దోమలు వృద్ధి చెందుతాయి. దోమల వల్ల వచ్చే వ్యాధుల కేసులు కూడా పెరుగుతున్నాయి. చండీపురా వైరస్ కూడా ఈగలు, దోమల వల్ల వచ్చే వ్యాధి. ఇది సాధారణంగా పిల్లలకు సోకుతుంది.

చండీపురా వైరస్ పాత వైరస్ అని, అయితే ఈ ఏడాది చాలా కేసులు వస్తున్నాయని.. ఇది ప్రమాదకరమని కూడా రుజువు చేస్తోందని ఢిల్లీలోని సీనియర్ వైద్యుడు డాక్టర్ అజయ్ కుమార్ చెబుతున్నారు. ఈ వైరస్ చిన్నారులు చనిపోతున్నారు. చండీపురా వైరస్‌ను నివారించడానికి టీకా లేదా సరైన చికిత్స లేనందున.. ఈ వ్యాధి తీవ్రమైన లక్షణాలను నియంత్రించడం కష్టమవుతుంది. ఈ వైరస్ ఊపిరితిత్తులలోకి ప్రవేశించి మెదడుపై దాడి చేస్తుంది. ఒక్కోసారి మెదడుపై ఈ వైరస్ ప్రభావం పడితే రోగి ప్రాణాలను కాపాడడం కష్టమవుతుందని చెబుతున్నారు. చండీపురా వైరస్ కూడా పిల్లల్లో మెదడువాపు లాంటిదే.

నిపా, జికాలతో ప్రమాదం ఏమిటంటే?
వర్షం, నీరు చేరడం వల్ల వైరస్‌లు యాక్టివ్‌గా మారతాయని లేడీ హార్డింజ్ హాస్పిటల్ మాజీ మెడికల్ డైరెక్టర్ డాక్టర్ సుభాష్ గిరి అంటున్నారు. ఈ సీజన్ ఫ్లూకి అనుకూలమైనది. దీని వల్ల దగ్గు, జలుబు, జ్వరం కేసులు పెరుగుతాయి. దగ్గు, జలుబు కారణంగా కూడా వైరస్‌లు సులభంగా సంక్రమిస్తాయి. ఉదాహరణకు ఒక వ్యక్తికి జికా వైరస్ సోకి దగ్గు వస్తే దీని వైరస్ సమీపంలోని వ్యక్తులకు వ్యాపిస్తుంది. ఈ సీజన్‌లో వైరస్‌లు సులభంగా వ్యాపిస్తాయి. కేసులు పెరుగుతాయి. ఈ సమయంలో వివిధ వైరస్‌ల కేసులు పెరగడానికి ఇదే కారణం.

కొత్త అంటువ్యాధి వచ్చే ప్రమాదం ఉందా?
ఈ సీజన్ లో వైరస్ లు యాక్టివ్ గా మారతాయని డాక్టర్ అజయ్ కుమార్ చెబుతున్నారు. అటువంటి పరిస్థితిలో వీటిని నివారణ అవసరం. అయితే ప్రస్తుతానికి కొత్త అంటువ్యాధి వస్తుందని చెప్పలేము. ఎందుకంటే వైరస్ కేసులు పెరిగాయి. ప్రస్తుత పరిస్థితి ఆందోళన కలిగిస్తుంది. వివిధ రాష్ట్రాల్లో పెరుగుతున్న వైరస్ కేసుల దృష్ట్యా, ఆరోగ్య మంత్రిత్వ శాఖ ఈ వైరస్ విజృంభించకుండా ఒక కన్ను వేయవలసి ఉంటుంది. ఈ వైరస్ వెలుగులోకి వచ్చిన ఈ ప్రాంతాలలో వైరస్ వ్యాప్తిని నియంత్రించవలసి ఉంటుంది.

కోవిడ్‌తో పోలిస్తే నిఫా వైరస్ సోకిన వారిలో మరణాల రేటు ఎక్కువగా ఉందని ICMR డైరెక్టర్ జనరల్ రాజీవ్ బహ్ల్ తెలిపారు. నిఫా వైరస్‌లో రోగి వెంటనే ఆసుపత్రిలో చేరాల్సిన అవసరం ఏర్పడుతుంది. కొందరిలో లక్షణాలు కనిపించకుండా అసిమ్టమాటిక్‌గా ఉంటుందని.. తీవ్ర శ్వాస ఇబ్బందులు, మెదడుకు సంబంధించిన సమస్యలు తలెత్తుతాయని వైద్య నిపుణులు పేర్కొంటున్నారు.

కేరళను నిఫా వైరస్‌ మళ్లీ వణికిస్తోంది. మల్లాపురం జిల్లాలో నిఫా వైరస్‌ సోకి 14 ఏళ్ల బాలుడు చనిపోయాడు. వైరస్‌ సోకిన గంటల్లోనే ఆ బాలుడు చనిపోయినట్టు అధికారులు వెల్లడించారు. బాలుడి కుటుంబాన్ని ఐసోలేషన్‌కు తరలించారు. నిఫా వైరస్‌ విజృంభణ నేపథ్యంలో అధికారులు కోజికోడ్‌లో హై అలర్ట్‌ ప్రకటించారు. ఈనెల 24 వరకు విద్యా సంస్థలకు సెలవులు ప్రకటించారు. పాండిక్కాడ్ నగరానికి చెందిన బాలుడు ఆదివారం ఉదయం 10:50 గంటలకు గుండెపోటుతో బాధపడ్డాడని.. ఆ తర్వాత మరణించినట్లు ఆరోగ్య మంత్రి వీణా జార్జ్ వెల్లడించారు. మరో నలుగురికి నిఫా వైరస్‌ నిర్ధారణ యిందని.. మంజేరి మెడికల్ కాలేజీలో చికిత్స కొనసాగుతోందని తెలిపారు. కేరళలోని మలప్పురం జిల్లాలో నిపా వైరస్ ఇన్ఫెక్షన్ మృతి కేసు వెలుగులోకి వచ్చిన తర్వాత.. రాష్ట్ర ప్రభుత్వానికి సహాయం చేయడానికి కేంద్ర ప్రభుత్వం ‘మల్టీ-మెంబర్ జాయింట్ అవుట్‌బ్రేక్ రెస్పాన్స్ టీమ్’ని మోహరించింది.. అంటువ్యాధికి వైరస్ సంబంధాన్ని గుర్తించడమే కాకుండా, కేంద్ర బృందం సాంకేతిక సహాయాన్ని కూడా అందిస్తుంది. చివరిసారిగా 2023లో కోజికోడ్ జిల్లాలో ఈ వైరల్ వ్యాప్తి కనిపించింది. అప్పుడు కూడా పలువురు మరణించారు.. ఈ నేపథ్యంలో వైరస్ వ్యాప్తిని అరికట్టేందుకు చర్యలు తీసుకుంది.

ప్రపంచ ఆరోగ్య సంస్థ (WHO) ప్రకారం.. నిపా వైరస్ చరిత్రను పరిశీలించినట్లయితే.. మలేషియాలో పందుల పెంపకందారులలో మొదటిసారిగా 1999లో అంటువ్యాధి నిపా వైరస్ ను గుర్తించారు. అయితే, ఆ తర్వాత మలేషియాలో కొత్త వ్యాప్తి లేదు. 2001లో బంగ్లాదేశ్‌లో అంటువ్యాధి కేసులు నమోదయ్యాయి.. అప్పటి నుండి దాదాపు ప్రతి సంవత్సరం ఆ దేశంలో వ్యాప్తి చెందుతూనే ఉంది. ఈ వ్యాధి తూర్పు భారతదేశంలో కూడా ఎప్పటికప్పుడు గుర్తిస్తూనే ఉన్నారు. కంబోడియా, ఘనా, ఇండోనేషియా, మడగాస్కర్, ఫిలిప్పీన్స్, థాయ్‌లాండ్‌తో సహా అనేక దేశాలలో వైరస్ (ప్టెరోపస్ బ్యాట్ జాతులు), అనేక ఇతర గబ్బిలాల వాహకాలు కనుగొనబడినందున అనేక ఇతర ప్రాంతాలు కూడా సంక్రమణ ప్రమాదంలో ఉండవచ్చు. నిపా ఆతిథ్య జీవుల జాబితాలో పందులు, ఫ్రూట్‌ బ్యాట్‌ అనే గబ్బిలాలు, కుక్కలు, మేకలు, గొర్రెలు, పిల్లులు, గుర్రాలు ఉన్నాయి. వీటి ద్వారా వైరస్‌ మనుషులలోకి ప్రవేశిస్తుంది. రోగి నుంచి వెలువడే స్రావాల ద్వారా కూడా ఇతరులకు వైరస్‌ వ్యాపిస్తుంది.

మానవులలో నిపా వైరస్ లక్షణాలు: WHO ప్రకారం.. నిపా వైరస్ మానవులలో తేలికపాటి ఇన్ఫెక్షన్ నుండి తీవ్రమైన శ్వాసకోశ సంక్రమణకు కారణమవుతుంది. అనేక సందర్భాల్లో మెదడువాపు వ్యాధి ప్రాణాంతక స్థాయికి చేరుకుంటుంది. వ్యాధి సోకిన వ్యక్తులు మొదట్లో జ్వరం, తలనొప్పి, కండరాల నొప్పి, వాంతులు, గొంతు నొప్పి వంటి లక్షణాలను అనుభవిస్తారు. దీని తరువాత, మైకము, మగత, స్పృహ లేకపోవడం, తీవ్రమైన ఎన్సెఫాలిటిస్ను సూచించే నరాల లక్షణాలు కనిపిస్తాయి. కొంతమంది వ్యక్తులు వైవిధ్యమైన న్యుమోనియా, తీవ్రమైన శ్వాస సంబంధిత సమస్యలను కూడా అభివృద్ధి చేయవచ్చు. తీవ్రమైన సందర్భాల్లో, ఎన్సెఫాలిటిస్, మూర్ఛలు సంభవిస్తాయి. 24 నుంచి 48 గంటల్లో కోమాకు చేరుకుంటారు.. ఇలా తీవ్రమైన లక్షణాల అనంతరం చనిపోయే ప్రమాదం ఉంది..

కోవిడ్ మరణాల రేటు 2 నుండి 3 శాతం ఉండగా, నిఫా మరణాల రేటు 40 నుండి 70 శాతం వరకు ఉంది.. కేరళలో నిపా వైరస్​ వ్యాప్తిచెందడం.. 2018 నుంచి ఇది నాలుగోసారి. కేరళలోని ఒక్క కొజికోడ్​ జిల్లాలోనే నిపా వైరస్​ వ్యాప్తి అధికంగా ఉంది..దీంతో అక్కడ కొవిడ్​ తరహా పరిస్థితులు కనిపిస్తున్నాయి. కోవిడ్‌తో పోలిస్తే నిఫా వైరస్ సోకిన వారిలో మరణాల రేటు ఎక్కువగా ఉందని ICMR డైరెక్టర్ జనరల్ రాజీవ్ బహ్ల్ తెలిపారు. కర్నాటక, తమిళనాడు వెళ్లే వాహనాలపై ఆంక్షలు విధించారు. దీంతోపాటు ప్రత్యేక మెడికల్ క్యాంపులు ఏర్పాటు చేశారు.

నిఫా వైరస్‌లో రోగి ఆసుపత్రిలో చేరాల్సిన అవసరం ఏర్పడుతుంది. కొందరిలో లక్షణాలు కనిపించకుండా అసిమ్టమాటిక్‌గా ఉంటుందని.. తీవ్ర శ్వాస ఇబ్బందులు, మెదడుకు సంబంధించిన సమస్యలు తలెత్తుతాయని వైద్య నిపుణులు పేర్కొంటున్నారు. నిపా వైరస్‌కు కచ్చితమైన వైద్యమంటూ ఏమీలేదు. ఇప్పటివరకు అనుమతి పొందిన ఏ ఔషధమూ అందుబాటులోకి రాలేదు. రోగిని ఐసోలేషన్‌లో ఉంచి తగినంత నీరు అందించడం.. రోగి లక్షణాలకు చికిత్స చేయడం వంటివి మాత్రమే చేస్తారు.