Calcium Rich Foods: పాలంటే ఇష్టంలేదా? .. వీటిద్వారా కూడా క్యాల్షియం పొందొచ్చు

ఎముకలు దృఢంగా ఉండాలంటే క్యాల్షియం చాలా అవసరం. పాలు, పాల ఉత్పత్తుల్లో కాల్షియం పుష్కలంగా ఉంటుంది. శరీరంలో కాల్షియం స్థాయిలపై ఎముకల ఆరోగ్యం ఆధారపడి ఉంటుంది. కానీ చాలామందికి లాక్టోస్ సరిపడా ఉండదు. అందువల్ల వారు పాలు తాగితే కడుపులో ఎక్కువసేపు నిలవవు. వెంటనే వాంతులు అవ్వడం జరుగుతుంది. అయితే పాలు తీసుకోకపోతే శరీరానికి కాల్షియం ఎలా అందుతుంది? అని అనుకుంటున్నారా? మరేం పర్వాలేదు.. ఈ ఆహారాల్లో కూడా కాల్షియం పుష్కలంగా ఉంటుంది. అవేంటో ఇక్కడ తెలుసుకుందాం..

అలసందలు చాలా మందికి ఇష్టమైన గింజలు. వీటితో తయారు చేసిన వంటకాలు ఎంతో ఇష్టంగా ఆరగిస్తుంటారు. కొందరు అలసందలతో టోఫు కూడా తయారు చేస్తుంటారు. ఇందులో కాల్షియం పుష్కలంగా ఉంటుంది. టోఫు అనేది చీజ్ లాగా కనిపించే ఒక రకమైన ఆహారం. ఇందులో కాల్షియం పుష్కలంగా ఉంటుంది.

బాదంపప్పులో కూడా క్యాల్షియం పుష్కలంగా ఉంటుంది. వీటిని రోజూ తింటే శరీరంలో క్యాల్షియం లోటు ఉండదు. అలాగే బ్రోకలీలో కూడా కాల్షియం తక్కువేమీ కాదు. ఇది ఎంతో రుచికరమైన కూరగాయ. దీన్ని తినడం వల్ల ఎముకలు ఆరోగ్యంగా ఉంటాయి.

సాల్మన్ చేపలో కాల్షియం కూడా పుష్కలంగా ఉంటుంది. ఇది విటమిన్ డి అద్భుతమైన మూలం. ఈ సముద్ర చేప కాల్షియం శోషణకు కూడా సహాయపడుతుంది.

కాలే ఆకులు కూడా కాల్షియం అధికంగా ఉంటుంది. ఈ కూరగాయ శరీరానికి కాల్షియం అందించడమే కాకుండా, కణాల నష్టాన్ని నివారిస్తుంది.

పోషకాల పవర్‌హౌస్‌తో ఇక తిరుగుండదు.. డైలీ ఒకే ఒక్క ఉసిరికాయ తింటే ఏమవుతుందో తెలుసా..?

Amla Health Benefits:పోషకాల గని ఉసిరి.. దీనిలో ఎన్నో ఔషధగుణాలు దాగున్నాయి. ఆమ్లాను విటమిన్ సి పవర్ హౌస్‌గా పరిగణిస్తారు. దీనిలో యాంటీ ఆక్సిడెంట్లు, క్యాన్సర్ నిరోధక, శోథ నిరోధక లక్షణాలు పుష్కలంగా ఉన్నాయి. అందుకే.. ఉసిరిని అత్యంత శక్తివంతమైన పండ్లలో ఒకటిగా పేర్కొంటారు. అనేక వ్యాధులను నయం చేయడానికి ఇప్పటికీ ఆయుర్వేదంలో ఉసిరిని వినియోగిస్తారు. ఉసిరి రుచి పుల్లగా వగరుగా ఉన్నప్పటికీ.. ఇది అద్భుతమైనదని తప్పనిసరిగా తినాలని వైద్య నిపుణులు చెబుతుంటారు. రోజూ ఒక ఉసిరికాయ తినడం వల్ల అనేక వ్యాధుల నుండి మిమ్మల్ని మీరు రక్షించుకోవచ్చంటున్నారు. రోజూ ఉసిరికాయ తినడం వల్ల కలిగే 5 అద్భుతమైన ప్రయోజనాలు ఏంటో ఇప్పుడు తెలుసుకుందాం..

వాస్తవానికి, ఉసిరికాయలో విటమిన్ సి పుష్కలంగా ఉంటుంది. ఇది శరీర రోగనిరోధక శక్తిని బలోపేతం చేయడంలో ముఖ్యమైన పాత్ర పోషిస్తుంది. బలమైన రోగనిరోధక శక్తి జలుబు, జ్వరం, ఫ్లూ వంటి చిన్న వ్యాధుల నుండి మిమ్మల్ని రక్షిస్తుంది. అదనంగా, ఇది గాయాలను నయం చేయడంలో కూడా సహాయపడుతుంది.

రోజూ ఒక్క ఉసిరికాయ తినడం వల్ల మన శారీరక, మానసిక ఆరోగ్యానికి అనేక ప్రయోజనాలు చేకూరుతాయి.. దీన్ని మనం రోజువారీ ఆహారంలో చేర్చుకోవడం ద్వారా మన ఆరోగ్యం మెరుగుపడుతుంది.. ఇంకా వ్యాధులను దూరం చేసుకోవచ్చు. అయితే.. పరగడుపున దీనిని తీసుకుంటే మరిన్ని ప్రయోజనాలు పొందవచ్చు..

రోజూ ఒక్క ఉసిరికాయ తినడం వల్ల కలిగే ప్రయోజనాలు..
జీర్ణవ్యవస్థను ఆరోగ్యంగా ఉంచుతుంది: ఉసిరిలో మంచి మొత్తంలో ఫైబర్ ఉంటుంది. ఇది సరైన జీర్ణక్రియను నిర్వహించడానికి సహాయపడుతుంది. ఇంకా మలబద్ధకం సమస్యను దూరం చేసి పొట్టను శుభ్రంగా ఉంచుతుంది.

కంటి చూపును మెరుగుపరుస్తుంది: ఉసిరిలో విటమిన్ ఎ కూడా పుష్కలంగా లభిస్తుంది. ఇది కళ్ళకు చాలా ముఖ్యమైనది. ఉసిరికాయను రోజూ తినడం వల్ల కంటి చూపు మెరుగుపడుతుంది.. కంటిశుక్లం వంటి సమస్యల ప్రమాదాన్ని తగ్గిస్తుంది.

జుట్టు మందంగా – మెరిసేలా చేస్తుంది: ఉసిరికాయ జుట్టుకు కూడా చాలా మేలు చేస్తుంది. ఇందులో ఉండే విటమిన్ సి, యాంటీ ఆక్సిడెంట్లు జుట్టుకు పోషణనిచ్చి అవి రాలిపోకుండా చేస్తాయి. అంతేకాకుండా, ఇది జుట్టును మందంగా, బలంగా, మెరిసేలా చేస్తుంది.

బరువు తగ్గడానికి ఉపయోగపడుతుంది: ఆమ్లా కొవ్వును కరిగించే ప్రక్రియను వేగవంతం చేస్తుంది. జీవక్రియను పెంచుతుంది. ఇందులోని పీచు మీకు త్వరగా కడుపు నిండిన అనుభూతిని కలిగిస్తుంది.. ఇంకా ఇది మీరు తక్కువ తినేలా చేస్తుంది.. ఫలితంగా బరువు తగ్గడంలో సహాయపడుతుంది.

ఉసిరికాయను ఎలా తినాలి?
ఉసిరికాయను అనేక రకాలుగా తినవచ్చు. మీకు కావాలంటే పచ్చిగా తినవచ్చు. లేదా జామ్, చట్నీ లేదా జ్యూస్ తయారు చేసుకోని తీసుకోవచ్చు.. అయినప్పటికీ, గరిష్ట ప్రయోజనాల కోసం పచ్చి ఉసిరి తినడం ఉత్తమమైనదిగా పరిగణిస్తారు.

అజీర్తి నుంచి తక్షణ ఉపశమనం పొందాలా? ఈ పండు ముక్కలు కాసిన్నితింటేసరి

అనారోగ్యకరమైన ఆహార అలవాట్లు, బయటి ఆహారం ఎక్కువగా తినడం వల్ల అజీర్తి సమస్య తలెత్తుతుంది. సాధారణ గ్యాస్-గుండె మంటతో కడుపులో విపరీతమైన నొప్పి బాధిస్తుంది. ఇది జీర్ణ ఆరోగ్యాన్ని బలహీనపరుస్తుంది. యాంటాసిడ్లు ప్రతిసారీ తీసుకోలేం. ఈ సమస్య నుంచి తక్షణ ఉపశమనం పొందాలంటే పండిన బొప్పాయిని తినాలంటున్నారు ఆరోగ్య నిపుణులు..

పండిన బొప్పాయిని రోజూ తింటే ఎలాంటి హాని జరగదు. బదులుగా ఈ పండు ఏవైనా జీర్ణ సంబంధిత సమస్యలు ఉంటే ఉపశమనం కలిగిస్తుంది. పండిన బొప్పాయి జీర్ణ ఆరోగ్యాన్ని మెరుగుపరుస్తుంది. పండిన బొప్పాయిలో పపైన్ అనే శక్తివంతమైన ఎంజైమ్ ఉంటుంది. ఈ ఎంజైమ్ ప్రోటీన్‌లను చిన్న పెప్టైడ్‌లు, అమైనో ఆమ్లాలుగా విభజించడంలో సహాయపడుతుంది. ఇవి ఆహారం సులభంగా జీర్ణమై పోషకాలను శరీరం గ్రహించేందుకు ఉపయోగపడతాయి.

పండిన బొప్పాయిలో డైటరీ ఫైబర్ ఉంటుంది. ఇది జీర్ణ ఆరోగ్యాన్ని మెరుగుపరుస్తుంది. అంతేకాకుండా ఈ పండులో విటమిన్ సి, బీటా కెరోటిన్ వంటి పోషకాలు అధికమొత్తంలో ఉంటాయి. ఈ పండు మలాన్ని మృదువుగా చేయడంలో సహాయపడుతుంది. తద్వారా మలబద్ధకం సమస్య నుంచి ఉపశమనం పొందవచ్చు. పండిన బొప్పాయిలో విటమిన్ సి, ఇ, బీటా కెరోటిన్ వంటి యాంటీ ఆక్సిడెంట్లు ఉంటాయి. ఇవి జీర్ణాశయంలో మంటను తగ్గించి, అల్సర్, గ్యాస్ట్రైటిస్ వంటి వ్యాధులను నివారిస్తాయి. పేగు ఆరోగ్యాన్ని కూడా కాపాడుతాయి.

పండిన బొప్పాయిలో నీటి శాతం ఎక్కువగా ఉంటుంది. ఇది జీర్ణవ్యవస్థను హైడ్రేట్ గా ఉంచుతుంది. జీర్ణవ్యవస్థ ఆరోగ్యానికి హైడ్రేషన్ చాలా అవసరం. ఇది ఆహారాన్ని విచ్ఛిన్నం చేయడంలో, దాని నుంచి పోషకాలను గ్రహించడంలో సహాయపడుతుంది. బొప్పాయికి ఆల్కలీన్ స్వభావం ఉంటుంది. ఇది కడుపులో యాసిడ్ స్థాయిలను సాధారణీకరించడంలో సహాయపడుతుంది. ఇది యాసిడ్ రిఫ్లక్స్, గుండెల్లో మంట, గొంతు చికాకు వంటి సమస్యలను నివారిస్తుంది.

పండిన బొప్పాయిలో కోలిన్, బీటా కెరోటిన్ ఉంటాయి. ఇవి శరీరంలో యాంటీ ఇన్‌ఫ్లమేటరీ పదార్థాలుగా పనిచేస్తాయి. పండిన బొప్పాయి తినడం వల్ల పేగు మంట తగ్గుతుంది. అదనంగా అనేక వ్యాధుల ప్రమాదాన్ని నివారిస్తుంది.

పిల్లల నుంచి పెద్దల వరకు చాక్లెట్స్‌ అంటే ఇష్టపడతారు. అయితే, డార్క్ చాక్లెట్ లో యాంటీఆక్సిడెంట్లు పుష్కలంగా ఉంటాయి. ఈ చాక్లెట్లను తింటే మన చర్మం ఆరోగ్యంగా ఉంటుంది. వృద్ధాప్య ఛాయలను కూడా తగ్గించుకోవచ్చునని పోషకాహర నిపుణులు చెబుతున్నారు.

డార్క్ చాక్లెట్.. ఇది మన ఆరోగ్యానికి ఎంతో మేలు చేస్తుందని ఇప్పటికే అనేక అధ్యయనాలు వెల్లడించాయి. ఆరోగ్యంతో పాటు అందానికి కూడా డార్క్‌ చాక్లెట్‌ మేలు చేస్తుంది. డార్క్ చాక్లెట్ లో ఫ్లేవనాయిడ్స్ పుష్కలంగా ఉంటాయి. ఇవి మన మెదడు పనితీరును, జ్ఞాపకశక్తిని పెంచుతాయి. డార్క్ చాక్లెట్లను తింటే మనకు ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం..

డార్క్ చాక్లెట్ మన గుండెను ఆరోగ్యంగా ఉంచడానికి సహాయపడుతుంది. డార్క్ చాక్లెట్ తినడం వల్ల మీ శరీరంలో నైట్రిక్ ఆక్సైడ్ లెవల్ పెరుగుతుందని నిపుణులు చెబుతున్నారు. డార్క్ చాక్లెట్‌లో ఉండే అధిక మొత్తంలో మెగ్నీషియం రక్తపోటును తగ్గించడంలో సహాయపడుతుంది. డార్క్ చాక్లెట్ ను క్రమం తప్పకుండా మోతాదులో తినడం వల్ల ఒత్తిడి చాలా వరకు తగ్గుతుంది. ఇది మన మానసిక స్థితిని మెరుగుపరుస్తుంది. డార్క్ చాక్లెట్ కూడా శరీరంలో పేరుకుపోయిన చెడు కొలెస్ట్రాల్ ను తగ్గిస్తుందని నిపుణులు చెబుతున్నారు. డార్క్ చాక్లెట్ కేలరీలతో నిండి ఉన్నప్పటికీ ఇది బరువు తగ్గడానికి అనుకూలంగా ఉంటుంది.

డయాబెటీస్ పేషెంట్లకు కూడా ప్రయోజనకరంగా ఉంటుంది. వీటిని తింటే రక్తంలో చక్కెర స్థాయిలు మెరుగుపడతాయి. డార్క్ చాక్లెట్ ను తింటే ఆకలి కంట్రోల్ అవుతుంది. అలాగే ఈ చాక్లెట్ గట్ లో మంచి బ్యాక్టీరియా పెరుగుదలకు సహాయపడుతుంది. ఇందులో యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి క్యాన్సర్ ప్రమాదాన్ని చాలా వరకు తగ్గిస్తాయని నిపుణులు చెబుతున్నారు. ఇందులో ఉండే థియో‎బ్రోమిన్ శరీరానికి కావాల్సిన శక్తిని అందిస్తుంది. ఎన్-ఎసిల్ ఇథనోలమైన్స్ ఫెనిలేథైలమైన్ ఇవన్నీ కూడా డిప్రెషన్ నుంచి ఉపశమనం కలిగిస్తాయి. డార్క్ చాక్లెట్‎లో ఉండే మెగ్నీషియం, యాంటీ ఆక్సిడెంట్లు శరీర నొప్పుల నుంచి ఉపశమనం కలిగిస్తాయి.

పిల్లల నుంచి పెద్దల వరకు చాక్లెట్స్‌ అంటే ఇష్టపడతారు. అయితే, డార్క్ చాక్లెట్ లో యాంటీఆక్సిడెంట్లు పుష్కలంగా ఉంటాయి. ఈ చాక్లెట్లను తింటే మన చర్మం ఆరోగ్యంగా ఉంటుంది. వృద్ధాప్య ఛాయలను కూడా తగ్గించుకోవచ్చునని పోషకాహర నిపుణులు చెబుతున్నారు.

Eating Habits for Sleep: ఆధునిక జీవన శైలి, ఆహారపు అలవాట్ల కారణంగా చాలా మంది నిద్రలేమి సమస్యలతో ఇబ్బందిపడుతున్నారు. విపరీతమైన ఆలోచనలు, వయసుకు మించిన ఒత్తిడి, భవిష్యత్తుపై భయాందోళనలు, అనారోగ్య సమస్యలు, ఇతరత్రా కారణాల వలన నిద్రపై ప్రభావం పడుతుంది. అయితే, మీరు రోజూ తినే ఆహారంలో కొన్ని మార్పులు చేసుకోవడం ద్వారా మీరు ప్రశాంతంగా నిద్రపోవచ్చునని నిపుణులు చెబుతున్నారు. ఇలా చేస్తే ఆ తర్వాతి ఉదయం తాజాదనంతో మేల్కోంటారని అంటున్నారు. అదేలాగో ఇక్కడ తెలుసుకుందాం…

నిద్ర అనేది రోజూ సమస్యగా మారితే.. అది మన రోగనిరోధక వ్యవస్థను ప్రభావితం చేస్తుంది. ఇందులో భాగంగానే ఎన్నో రోగాలు, ఇన్ఫెక్షన్లు మనల్ని ఎప్పటికప్పుడు వేధిస్తాయి. దృష్టిలోపం అనేది నిద్ర సమస్యలను కలిగించే మరొక సమస్య. దీని వల్ల కళ్లు పొడిబారడంతోపాటు కంటి నొప్పి కలుగుంది. నిద్ర సమస్యలు ఉన్నవారిలో కనిపించే మరో లక్షణం అధిక ఆకలి. మీరు సాధారణం కంటే ఆహారం పట్ల ఎక్కువ ఆకర్షితులవుతున్నట్లు అనిపిస్తే జాగ్రత్తగా ఉండండి. నిద్రలేమి సమస్య ఉన్న వ్యక్తులు బరువు విషయంలో తరచుగా సమస్యలు ఎదుర్కొంటారు. ఈ విషయాన్ని కూడా నిశితంగా పరిశీలించుకోవాలి. రెగ్యులర్ గా సరైన నిద్ర లేని వారు బరువు పెరిగే అవకాశం కూడా ఉంటుంది. అది మీరు గమనించాలి. అధిక ఒత్తిడి కూడా మిమ్మల్ని నిద్రలేమికి దారితీస్తుంది. అధిక ఒత్తిడికి కూడా నిద్ర లేకపోవడం కారణం అంటున్నారు నిపుణులు.

నిద్రలేమితో ఆకలిని పుట్టించే హార్మోన్ గ్రెలిన్ ఎక్కువగా విడుదలై ఆకలి ఎక్కువగా ఉన్నట్లు అనిపిస్తుంది. కడుపు నిండిందనే భావన కల్పించే హార్మోన్ లెప్టిన్ తక్కువగా విడుదలై మరింత ఆహారం తినేవిధంగా చేసి ఊబకాయానికి దారితీస్తుంది. నిద్రలేమివల్ల మలబద్దకం, డిప్రెషన్, కోపం, చిరాకు ఎక్కువవుతాయి. ఇది చివరికి ఎనిమీయాకు దారి తీస్తుంది. ఆకలి మందగించడం ఇతర సమస్యలు చుట్టుముడతాయి. కాబట్టి నిద్రలేమికి యోగా, వాకింగ్, సైక్లింగ్ వంటివి చేయాలి. మనసును ప్రశాంతంగా ఉంచుకోవాలి. సిగరెట్, అల్కహాల్ వంటివాటికి దూరంగా ఉండడం మంచిది. మనిషికి మంచినిద్ర చాలా చాలా అవసరం. నిద్ర కరువైతే శరీరం రోగాలకు నిలయమవుతుంది. నిద్ర శారీరక, మానసిక ఆరోగ్యానికి ఎంతో కీలకం.

రాత్రుళ్లు నిద్రపోయే సమయానికి కనీసం రెండు, మూడు గంటల ముందుగానే మీ భోజనాన్ని పూర్తి చేయాలి. అంటే డిన్నర్ చేసిన 2-3 గంటల తర్వాత నిద్రపోవాలి. తినగానే నిద్రపోకూడదు, ఆలస్యంగా తినకూడదు. క్రమం తప్పకుండా ఇలా చేస్తూ ఉంటే మీకు మంచి నిద్రపడుతుంది. అలాగే, హైడ్రేటెడ్‌గా ఉండటం కూడా మంచి నిద్రకు అవసరం. ఇందుకోసం పగటిపూట తగినంత నీరు తాగడం వల్ల మీరు హైడ్రేట్‌గా ఉంటారు. రాత్రి పడుకునే ముందు క్యామోమైల్ లేదా వలేరియన్ రూట్‌తో చేసిన హెర్బల్ టీని తాగడం వల్ల మీరు త్వరగా నిద్రపోవడానికి సహాయపడుతుంది. లేదా గోరువెచ్చని పాలు తాగటం కూడా మంచి నిద్రను ప్రేరేపిస్తుంది.