ఏపీలో జరిగిన సార్వత్రిక ఎన్నికల్లో వైఎస్సార్ కాంగ్రెస్ పార్టీ ఘోరం ఓడిపోయింది. 175 అసెంబ్లీ స్థానిల్లో పోటీ చేసిన ఆ పార్టీ 164 చోట్ల ఓటమి పాలయ్యారు.

25 పార్లమెంట్ సీట్లలో పోటీ చేసిన ఆ పార్టీ అభ్యర్థులు నలుగురే గెలిచారు. దీంతో ముగ్గురు ఎంపీలు బీజేపీలో చేరబోతున్నారని, రాజంపేట ఎంపీ మిథున్ రెడ్డి కమలం నేతలతో టచ్‌లో ఉన్నారని జమ్మలమడుగు బీజేపీ ఎమ్మెల్యే ఆదినారాయణ రెడ్డి తెలిపారు. దీంతో స్పందించిన మిథున్ రెడ్డి.. తనకు బీజేపీలో చేరాల్సిన ఖర్మ పట్టలేదన్నారు.
వైఎస్ జగన్ మోహన్ రెడ్డి తనను సొంత తమ్ముడిలా చూసుకుంటున్నప్పుడు వేరే పార్టీ వైపు చూడాల్సిన అవసరం ఏముందన్నారు. తాను బీజేపీలో చేరాతానని ప్రతిపక్ష నాయకులు మైండ్ గేమ్ ఆగుతున్నారని, ఎవరూ నమ్మవద్దని చెప్పారు. రాష్ట్ర ప్రయోజనాల కోసం బిల్లులు పెడితే ఎన్డీయే కూటమికి మద్దతు తెలుపుతామని వెల్లడించారు. రాష్ట్రానికి వ్యతిరేకంగా ఉంటే కచ్చితంగా సపోర్ట్ చేయమని ఎంపీ మిథున్ రెడ్డి పేర్కొన్నారు.

ఎన్నికల్లో వైకాపా ఘోర ఓటమి తర్వాత తొలిసారిగా స్వస్థలం పులివెందులకు వచ్చిన మాజీ ముఖ్యమంత్రి జగన్‌కు పెండింగ్‌ బిల్లుల గోల తలపోటుగా మారడంతో తన పర్యటన కుదించుకుని బెంగళూరుకు వెళ్లిపోయారు.

సతీమణి భారతినీ వదలని కార్యకర్తలు, నాయకులు
సొంత ఇలాకాలో మూడ్రోజుల పర్యటనలో గందరగోళం
వైకాపాకు రాజీనామా చేస్తామని 10 మంది కౌన్సిలర్ల హెచ్చరిక

కడప: ఎన్నికల్లో వైకాపా ఘోర ఓటమి తర్వాత తొలిసారిగా స్వస్థలం పులివెందులకు వచ్చిన మాజీ ముఖ్యమంత్రి జగన్‌కు పెండింగ్‌ బిల్లుల గోల తలపోటుగా మారడంతో తన పర్యటన కుదించుకుని బెంగళూరుకు వెళ్లిపోయారు. ఐదేళ్లుగా ఎన్నడూలేని విధంగా పులివెందుల నివాసంలో మూడు రోజుల పాటు గడపడంతో పాటు ప్రజలను కలుసుకునే అవకాశం ఇచ్చారు. ఎక్కువమంది తమకు వైకాపా ప్రభుత్వ హయాంలోని బిల్లుల బకాయిల గురించి గట్టిగా ప్రస్తావించారు. 2019కి ముందు తెదేపా హయాంలో చేసిన పనులకు బిల్లుల విషయంలో వైకాపా ప్రభుత్వం ఇబ్బందులకు గురిచేసింది. ఇప్పుడూ అలాగే జరిగితే తమ పరిస్థితి ఏమిటని జగన్‌ ఎదుట నాయకులు ఆందోళన వ్యక్తం చేశారు. పులివెందుల ప్రాంత అభివృద్ధి సంస్థ (పాడా) కింద 2019-20 ఆర్థిక సంవత్సరం నుంచి రూ. 963 కోట్లతో వివిధ అభివృద్ధి పనులు ప్రతిపాదించారు. నిజానికి వాటిలో చాలావరకు ప్రజలకు ఉపయోగంలేనివే ఉండగా.. చేపట్టినవీ నాసిరకంగా ఉండడం, పనులు చేయకుండానే బిల్లులు పెట్టడం వంటి అక్రమాలు చోటు చేసుకున్నాయనే ఆరోపణలు వెల్లువెత్తుతున్నాయి. పార్టీపై అసంతృప్తితో ఉన్న నేతలను మచ్చిక చేసుకోవడానికి ‘పాడా’ నిధులను ఇష్టానుసారం పంచి పెట్టారు. వీటితో పాటు ఉపాధి హామీ నుంచి రూ. 26 కోట్ల నిధులను మట్టి రోడ్ల కోసం పంచిపెట్టి పనులు చేయకున్నా బిల్లులు చేశారు. బడా నేతలకు మాత్రం ముందే అక్రమంగా చెల్లించారు. కొందరు ప్రజాప్రతినిధులు, అధికారులు కమీషన్లు తీసుకుని బిల్లుల చెల్లింపులో పక్షపాతానికి పాల్పడినట్లు ఆరోపణలున్నాయి. వైకాపా సాధారణ కార్యకర్తలు, నేతలకు చాలా వరకు బకాయిలు నిలిచిపోయాయి. పనుల్లో అక్రమాలు జరిగినందున ‘పాడా’పై విచారణ చేపట్టాలని, తెదేపా నేతలు కూటమి ప్రభుత్వం వద్ద పట్టుబడుతున్నారు. ఇందులో భాగంగా పాడా ఓఎస్డీ అనీల్‌కుమార్‌రెడ్డిని రిలీవ్‌ చేయకుండా కొత్త ప్రభుత్వం అక్కడే ఉంచింది. ఒకవేళ విచారణ జరిగితే తమ పరిస్థితి ఏమిటని పెండింగ్‌ బిల్లులున్న నేతలు, కార్యకర్తలు ఆందోళన చెందుతున్నారు.

పెద్దిరెడ్డి కంపెనీకి ఎలా ఇచ్చారు?
పులివెందుల పురపాలక సంఘానికి చెందిన పలువురు మహిళా కౌన్సిలర్లు భారతి వద్ద తమ కష్టాలను ఏకరువు పెట్టారు. ఆమె సముదాయించే ప్రయత్నం చేసినా వారు శాంతించలేదు. పదిమంది కౌన్సిలర్లు పార్టీకి రాజీనామా చేస్తామని హెచ్చరించారు. మంగళవారం ఓ నిర్ణయానికి రానున్నట్లు సమాచారం. సీఎఫ్‌ఎంఎస్‌ కింద అప్‌లోడ్‌ చేసిన మేరకు రూ. 230 కోట్ల వరకు బిల్లులు పెండింగ్‌లో ఉన్నాయి. నడుస్తున్న పనులు, ఇంకా బిల్లులు అప్‌లోడ్‌ చేయాల్సినవి మరో రూ. 100 కోట్ల వరకు ఉన్నట్లు అంచనా. వాటికి పూచీ ఇవ్వాలంటూ జగన్‌ను బాధితులు నిలదీయడంతో పాటు బడా నేతలకు బిల్లులిచ్చి తమను మోసం చేశారంటూ ఆరోపించారు. కొందరైతే కాలేటివాగు ప్రాజెక్టుకు సంబంధించి పెద్దిరెడ్డి రామచంద్రారెడ్డి కంపెనీకి, పులివెందుల వైద్య కళాశాల నిర్మాణ గుత్తేదారుకు ఎన్నికల తరుణంలోనూ బిల్లులిచ్చారంటూ.. తమకే అన్యాయం చేశారంటూ ఆవేదన వ్యక్తం చేశారు. ఇలా వరుసగా మూడు రోజుల పాటు బిల్లుల గోలతో అసహనానికి గురైన జగన్‌.. ‘ఇప్పుడు కూడా నన్ను వదిలిపెట్టరా?’ అంటూ మండిపడినట్లు సమాచారం. చివరకు ఐదు రోజుల పాటు పులివెందులలో గడపాలనుకున్న జగన్‌ మూడు రోజులతో సరిపెట్టుకుని సతీసమేతంగా సోమవారం హెలికాప్టర్‌లో బెంగళూరుకు వెళ్లిపోయారు.

అమరావతి: రాష్ట్రంలో గ్రామ, వార్డు వాలంటీర్లకు దినపత్రిక కొనుగోలు కోసం గతంలో ఇచ్చే అలవెన్సును ఏపీ ప్రభుత్వం రద్దు చేసింది. న్యూస్‌ పేపర్‌ అలవెన్సు కోసం ఎలాంటి చెల్లింపులు జరపవద్దని ఆదేశాలు జారీ చేసింది.

గత ప్రభుత్వం అడ్డదారుల్లో తమ సొంత పత్రిక సర్క్యులేషన్‌ పెంచుకొనేలా.. వాలంటీర్లు పత్రిక వేయించుకోవాలంటూ రూ.200 చొప్పున చెల్లిస్తూ ఉత్తర్వులు జారీ చేసిన విషయం తెలిసిందే.

సొంత పత్రికకు ప్రభుత్వ నిధులు దోచిపెట్టేందుకు జగన్‌ ఆ జీవోలు ఇచ్చారంటూ అప్పట్లో పెద్ద ఎత్తున విమర్శలు వెల్లువెత్తాయి. ఈ నేపథ్యంలో పత్రిక కొనుగోలు ఉత్తర్వులను రద్దు చేస్తూ కొత్త ప్రభుత్వం మెమో జారీ చేసింది.

AP Cabinet Decisions: జులై 1న ఇంటివద్దే రూ.7 వేల పింఛన్ పంపిణీ, వాలంటీర్లతో కాదని చెప్పిన ఏపీ మంత్రి పార్థసారథి

AP Minister Parthasarathy about AP Cabinet Decisions | అమరావతి: వైసీపీ ప్రభుత్వం గత 5 ఏళ్లలో ఒక్క టీచర్ పోస్ట్ కూడా భర్తీ చేయకుండా విద్యా రంగానికి తీవ్రమైన నష్టం చేసిందని ఏపీ మంత్రి కొలుసు పార్థసారథి ఆరోపించారు.

ఎన్నికల సమయంలో హామీ ఇచ్చినట్లుగానే ఏపీ సీఎం చంద్రబాబు (AP CM Chandrababu) ఐదు ప్రధాన ఫైళ్లపై సంతకాలు చేశారు. నేడు జరిగిన ఏపీ మంత్రివర్గ సమావేశంలో అందుకు ఆమోదం తెలిపినట్లు చెప్పారు. 16,347 టీచర్ పోస్టుల భర్తీకిగానూ మెగా డీఎస్సీకి ఏపీ కేబినెట్ ఆమోదం తెలిపిందన్నారు. ఇందులో ఎస్జీటీ, టీజీటీ, ఇతరత్రా పోస్టులు ఉన్నాయి. డీఎస్సీకి క్వాలిఫికేషన్ అంటే టెట్ క్వాలిఫై అవ్వాలి. 80 శాతం డీఎస్సీ మార్కులు, 20 శాతం టెట్ మార్కులు పరిగణిస్తారు. కానీ జగన్ ప్రభుత్వం చివరిసారిగా టెట్ నిర్వహించింది, డీఎస్సీ నిర్వహించకపోవడంతో టీచర్ పోస్టుల కోసం చూస్తున్న నిరుద్యోగులు తీవ్రంగా నష్టపోయారు.

ల్యాండ్ టైటిలింగ్ యాక్ట్
ఈ చట్టం పేరు చెప్పగానే భూ యజమానులు పిడుగుపడ్డట్లుగా భయపడ్డారు. గత వైసీపీ ప్రభుత్వం బాధ్యతారాహిత్యంగా వ్యవహరించింది. ల్యాండ్ టైటిలింగ్ యాక్ట్ ముఖ్య ఉద్దేశం ఏంటంటే భూములకు సంబంధించిన వివాదాలు పరిష్కరించాలని కేంద్ర ప్రభుత్వం ఈ చట్టాన్ని తీసుకొచ్చింది. కేంద్రం తెచ్చిన చట్టంలో జగన్ ప్రభుత్వం మార్పులు చేసిందని ఆరోపించారు. ఎన్డీయే సర్కార్ తెచ్చిన చట్టాన్ని బీజేపీ పాలిత రాష్ట్రాలు అమలు చేయలేదు. కానీ వైసీపీ ప్రభుత్వం మాత్రం ఈ చట్టాన్ని అమల్లోకి తేవడంతో సన్న, చిన్నకారు రైతులు నిద్రలేని రాత్రులు గడిపారు. పాస్ బుక్ లపై జగన్ ఫొటో పెట్టడంతో ప్రజలు ఆందోళనకు గురయ్యారు. కేంద్రం తెచ్చిన చట్టంలో టైటిల్ రిజిస్ట్రేషన్ ఆఫీసర్ అని ఉంటే, దానికి బదులుగా ఎవరైనా వ్యక్తి అని జగన్ సర్కార్ మార్చింది. ఏదైనా వివాదం తలెత్తితే ఎక్కడ అప్పీల్ చేసుకోవాలో కూడా చెప్పలేదు. దీనిపై ప్రజలు హైకోర్టును ఆశ్రయించాలని వైసీపీ నేతలు చెబుతున్నట్లుగా చేయడం సాధ్యమైనా అని కొలుసు పార్థసారథి ప్రశ్నించారు. దోపిడీ చేసేందుకు వైసీపీ అమలు చేసిన చట్టమే ల్యాండ్ టైటిలింగ్ యాక్ట్, ఒరిజినల్ డాక్యుమెంట్స్ సైతం భూయజమానుల వద్ద ఉండవు అని చెప్పడం వారిలో భయాన్ని పెంచింది.

సామాజిక భద్రత పెన్షన్లు
65 లక్షల మందికి 28 కేటగిరీలలో పలు వర్గాలకు ఇస్తున్న సామాజిక భద్రత పింఛన్ ను పెంచినట్లు మంత్రి పార్థసారథి తెలిపారు. పింఛన్ ను రూ.3000 నుంచి రూ.4 వేలకు పెంచినట్లు చెప్పారు. జులై 1నుంచి కొత్త పెన్షన్లు అందిస్తామని చెప్పారు. జగన్ ప్రభుత్వానికి వెయ్యి రూపాయలు పెంచడానికి నాలుగేళ్లు పట్టిందని, కానీ చంద్రబాబు ప్రభుత్వం 10, 15 రోజుల్లో నిర్ణయం అమలు చేసిందన్నారు. సచివాలయం సిబ్బంది ప్రతి ఇంటికి వెళ్లి ఉదయం 6 నుంచి సాయంత్రం లోగా లబ్ధిదారులకు పింఛన్ అందించే ఏర్పాట్లు చేస్తామన్నారు. దివ్యాంగులకు రూ.3 నుంచి రూ.6 వేలకు పింఛన్ పెంచారు.

పూర్తి అంగవైకల్యం ఉన్న వారికి రూ.5 వేల నుంచి రూ.15 వేలకు పెన్షన్ పెంచినట్లు తెలిపారు. దీర్ఘకాలిక వ్యాధులు, అనారోగ్యంతో ఉన్నవారికి పింఛన్ రూ.5 వేల నుంచి రూ.10 వేలు అందిస్తామని పేర్కొన్నారు. మూడు నెలల బకాయి పెన్షన్ ను ఒకేసారి జులై 1న రూ.7 వేలు పింఛన్ అందిస్తామని పార్థసారథి తెలిపారు. పెంచిన పెన్షన్లతో రూ.819 కోట్లు ప్రభుత్వంపై అదనంగా ఆర్థిక భారం పడుతుందన్నారు. వైసీపీ ప్రభుత్వం సామాజిక భద్రత పింఛన్లకు ఏడాదికి రూ. 23,272.44 వెచ్చించగా, చంద్రబాబు ప్రభుత్వం ఏడాదికి రూ. 33,099 వేల కోట్లు ఖర్చు చేస్తుందన్నారు.

స్కిల్ డెవలప్ మెంట్..
స్కిల్ డెవలప్మెంట్కు తమ కూటమి ప్రభుత్వం అధిక ప్రాధాన్యత ఇస్తుందన్నారు. ఉన్నత చదవులు చదివినా జాబ్ చేసేందుకు అవసరమైన స్కిల్స్ లేకపోవడంతో యువత ఉద్యోగాన్ని తెచ్చుకోలేకపోతుంది. దాంతో స్కిల్ డెవలప్ మెంట్ కార్యక్రమంతో యువతకు నైపుణ్య శిక్షణ ఇస్తాం.. వ్యవసాయరంగంలోనూ నైపుణ్యాన్ని పెంచేందుకు స్కిల్ డెవలప్మెంట్ అమలు చేయడానికి తీర్మానం చేసినట్లు పార్థసారథి తెలిపారు.

అన్నా క్యాంటీన్లు పునరుద్ధరణ
ఎన్టీఆర్ ఆశయ సాధనలో భాగంగా అన్నా క్యాంటీన్లను చంద్రబాబు గత ప్రభుత్వం ఏర్పాటు చేయగా, ఆపై అధికారంలోకి వచ్చిన జగన్ ప్రభుత్వం వాటిని రద్దు చేసిందని మంత్రి కొలుసు పార్థసారథి చెప్పారు. అన్నా క్యాంటీన్లు పున ప్రారంభించి పేదలకు రూ.5కే నాణ్యమైన భోజనం అందిస్తామని తెలిపారు. రాష్ట్రవ్యాప్తంగా ఒకేసారి 183 అన్న క్యాంటీన్లను ఒకేసారి ప్రారంభిస్తాం. మిగతా 20 అన్నా క్యాంటీన్లను త్వరలో ప్రారంభించాలని కేబినెట్ ఆమోదించింది. ప్రపంచంలో పేరున్న సంస్థల నుంచి టెండర్లు స్వీకరించి ఆగస్టులో ప్రక్రియ ప్రారంభిస్తామన్నారు.

మళ్లీ మంచిరోజులొస్తాయి.. ధైర్యంగా ముందుకెళ్దాం: వైఎస్‌ జగన్‌

చెప్పిన మంచి పనులన్నీ చేశాం.. రాష్ట్రంలో ప్రతీ కుటుంబంలో మనం చేసిన మంచి ఉంది, అందుకే ప్రజలకు మన పైనే విశ్వాసం ఉందన్నారు వైఎస్స్‌ఆర్సీపీ అధినేత వైఎస్‌ జగన్‌మోహన్‌రెడ్డి.

మూడు రోజులపాటు సొంత నియోజకవర్గం పులివెందుల పర్యటించిన ఆయన.. భవిష్యత్‌ కార్యాచరణలో భాగంగా పార్టీ శ్రేణులకు పలు అంశాలపై దిశానిర్దేశం చేశారు.

”ఎవరూ అధైర్యపడొద్దు, రాబోవు కాలం మనదే, ప్రతి కుటుంబంలో మనం చేసిన మంచి ఉంది, మనపట్ల ప్రజలకు విశ్వాసం ఉంది, భవిష్యత్‌ మనదే. నిరంతరం ప్రజాశ్రేయస్సుకు అనుగుణంగా మన పార్టీ శ్రేణులు అడుగులు వేయాలి. కష్టాలను ధైర్యంగా ఎదుర్కొందాం, మళ్ళీ మంచిరోజులు వస్తాయి” అని వైఎస్‌ జగన్‌ అన్నారు.

పులివెందుల పర్యటనలో భాగంగా.. వైఎస్‌ జగన్‌కు అడుగడుగునా ఆత్మీయ స్వాగతం లభించింది. మూడు రోజులపాటు భాకరాపురంలో ఉన్న క్యాంపు కార్యాలయంలో కార్యకర్తలు, ప్రజలు, నేతలు, అభిమానులతో జగన్‌ మమేకమయ్యారు. అందరినీ పేరుపేరునా పలకరించి వారి కష్టసుఖాలను తెలుసుకున్నారు.

అలాగే.. పార్టీ ప్రజాప్రతినిధులు, మాజీ నేతలతో కూడా చర్చించారు. ”కార్యకర్తలు, నాయకులు ఎవరూ అధైర్యపడవద్దు. పార్టీ అండగా ఉంటుందని, అందరం కలిసి కట్టుగా ముందుకు వెళ్ళాల్సిన అవసరం ఉంది. రానున్న కాలంలో ప్రతీ కార్యకర్తకు పార్టీ తోడుగా ఉంటుంది” అని జగన్‌ భరోసానిచ్చారు. అలాగే.. కష్టకాలంలో పార్టీ కార్యకర్తలకు, నేతలకు అండగా నిలబడాలని ప్రజాప్రతినిధులకు జగన్‌ సూచించారు.

AP Cabinet: వైద్య ఆరోగ్య వర్సిటీకి ఎన్టీఆర్‌ పేరు పునరుద్ధరణ.. ఏపీ క్యాబినెట్‌ నిర్ణయం

అమరావతి: ఏపీ సీఎం చంద్రబాబు (Chandrababu) అధ్యక్షతన జరిగిన ఏపీ మంత్రివర్గ సమావేశం ముగిసింది. దాదాపు మూడున్నర గంటల పాటు కొనసాగిన ఈ భేటీలో పలు కీలక నిర్ణయాలు తీసుకున్నారు. ఎన్నికల్లో ఇచ్చిన హామీ మేరకు సీఎం చేసిన ఐదు సంతకాలకు మంత్రివర్గం ఆమోదం తెలిపింది.

మెగా డీఎస్సీ ద్వారా 16,347 పోస్టుల భర్తీ, ల్యాండ్ టైటిలింగ్‌ చట్టం రద్దు, ఏప్రిల్‌ నుంచి పింఛను రూ.4వేలకు పెంపు, అన్న క్యాంటీన్ల పునరుద్ధరణ, నైపుణ్య గణన అంశాలకు మంత్రివర్గం ఆమోదం తెలిపింది. కొత్తగా టెట్‌ నిర్వహణ, టెట్‌ లేకుండా డీఎస్సీ నిర్వహణ ప్రతిపాదనలపై చర్చించారు. డీఎస్సీ నిర్వహణకు సంబంధించిన షెడ్యూల్‌ను అధికారులు క్యాబినెట్‌ ముందుంచారు. జులై ఒకటి నుంచి ప్రక్రియను ప్రారంభించి డిసెంబర్‌ 10లోపు 16,347 పోస్టులను భర్తీ చేసేలా ప్రణాళికను రూపొందించారు. పింఛన్ల పెంపు అంశంపైనా మంత్రివర్గంలో కీలకంగా చర్చించారు. దీని కింద ఇచ్చే మొత్తం రూ.3వేల నుంచి రూ.4లకు పెంచే నిర్ణయానికి ఆమోదం తెలిపారు. జులై 1 నుంచి పెంచిన పింఛన్లను ఇంటి వద్దే అందజేయాలని నిర్ణయించారు. ఎన్నికల్లో ఇచ్చిన హామీ మేరకు గత మూడునెలలకు కలిపి వచ్చే నెలలో ఒక్కొక్కరికి రూ.7వేల పింఛను అందనుంది. రాష్ట్రవ్యాప్తంగా 65 లక్షల మంది లబ్ధిదారులకు ఈ మొత్తాలను పంపిణీ చేయనున్నారు.

వైద్య ఆరోగ్య వర్సిటీకి ఎన్టీఆర్‌ పేరు పునరుద్ధరణకు ఆమోదం
వైద్య ఆరోగ్య వర్సిటీకి ఎన్టీఆర్‌ పేరు పునరుద్ధరణకు క్యాబినెట్‌ ఆమోదం తెలిపింది. గంజాయి నివారణకు హోంమంత్రి అనిత సారథ్యంలో మంత్రివర్గ ఉపసంఘం ఏర్పాటు చేయాలని నిర్ణయించారు. హోం, రెవెన్యూ, హెల్త్‌, గిరిజన శాఖ మంత్రులతో ఉప సంఘం ఏర్పాటు చేయనున్నారు. గంజాయి నియంత్రణపై మంత్రుల కమిటీలో సభ్యుడిగా మంత్రి నారా లోకేశ్‌ ఉండనున్నారు. 6 శాఖలపై శ్వేతపత్రాలు విడుదల చేయాలని క్యాబినెట్‌లో నిర్ణయం తీసుకున్నారు. పోలవరం, అమరావతి, విద్యుత్‌, పర్యావరణం, మద్యం, ఆర్థిక అంశాలతో పాటు శాంతిభద్రతల అంశంపైనా శ్వేతపత్రాలు విడుదల చేయాలని నిర్ణయించారు. క్యాబినెట్‌ భేటీ అనంతరం రాజకీయ అంశాలపై మంత్రులకు సీఎం చంద్రబాబు దిశానిర్దేశం చేయనున్నారు.

Free RTC Bus Ride for Women: ఆంధ్రప్రదేశ్ రాష్ట్ర మహిళలకు మంత్రి రామ్ ప్రసాద్ రెడ్డి శుభవార్త చెప్పారు. నెలలోగా మహిళలకు ఆర్టీసీ ద్వారా ఉచిత బస్సు సౌకర్యం కల్పిస్తామంటూ ఆయన పేర్కొన్నారు.

ఆదివారం సచివాలయంలోని నాలుగో బ్లాక్ లో ఉన్న ఛాంబర్ లో ఆయన రవాణా, క్రీడల శాఖ మంత్రిగా బాధ్యతలు స్వీకరించారు. ఆర్టీసీ సిబ్బందికి మెరుగైన శిక్షణ ఇచ్చే ట్రైనింగ్ సెంటర్ల ఏర్పాటుకు సంబంధించిన ఫైల్ పై తొలి సంతకం చేశారు. అనంతరం ఆయన మీడియాతో మాట్లాడారు.

ప్రమాద రహిత రాష్ట్రంగా ఏపీని తీర్చిదిద్దడమే తన లక్ష్యమన్నారు. తన 11 ఏళ్ల వయసులో రోడ్డు ప్రమాదంలో తన తండ్రిని కోల్పోయానంటూ.. ప్రమాదాల్లో కుటుంబ సభ్యుడిని కోల్పోతే ఆ కుటుంబం పడే బాధ ఏంటో తనకు తెలుసన్నారు. తనకు వచ్చిన దు:ఖం ఏ కుటుంబానికీ రాకూడదన్నారు. రాష్ట్రంలో ప్రమాదాల నివారణకు ఏం చర్యలు తీసుకోవాలో వాటిని ఖచ్చితంగా తీసుకుంటామంటూ హామీ ఇచ్చారు.

ఆర్టీసీలో ప్రమాదాల నివారణకు ప్రత్యేక దృష్టి సారించినట్లు మంత్రి చెప్పారు. గత ప్రభుత్వ హయాంలో ఒక్కటంటే ఒక్కటి కూడా కొత్త బస్సు కొనలేదన్నారు. ఉన్న బస్సులనే యథావిథిగా కొనసాగించారన్నారు. ఆర్టీసీ మనుగడ కాపాడేందుకు తాను కృషి చేస్తానంటూ మంత్రి హామీ ఇచ్చారు. ఆర్టీసీలో రద్దీకి అనుగుణంగా కొత్త బస్సులను ప్రవేశపెడతామన్నారు. ఆర్టీసీ ఉద్యోగులతోపాటు ప్రయాణికులను కాపాడుకునే బాధ్యత తమపై ఉందని ఆయన పేర్కొన్నారు. రాబోయే రోజుల్లో ఆర్టీసీని ప్రభుత్వంలో పూర్తిగా విలీనం చేస్తామన్నారు. గత ఐదేళ్లలో ఆర్టీసీ స్థలాలను కొందరు కాజేశారని పేర్కొన్న మంత్రి, ఆ స్థలాలను వెనక్కి తీసుకుంటామన్నారు.

ఫ్రీ బస్సు జర్నీపై ఇప్పటికే కసరత్తు ప్రారంభించినట్లు మంత్రి తెలిపారు. కర్ణాటక, తెలంగాణ రాష్ట్రాల్లో కొనసాగుతున్న ఉచిత బస్సు సౌకర్యంపై త్వరలోనే సమీక్ష నిర్వహిస్తామన్నారు. ఫ్రీ బస్సు సౌకర్యం కల్పిస్తే ఎదురయ్యే సమస్యలపై చర్చిస్తామన్నారు. మరో నెలరోజుల్లో ఫ్రీ బస్సు జర్నీ పథకాన్ని అమలు చేసి తీరుతామన్నారు. ఎటువంటి సమస్య తలెత్తకుండా రాష్ట్రంలో ఫ్రీ బస్సు జర్నీని విజయవంతంగా అమలు చేస్తామంటూ ఆయన తెలిపారు.

అదేవిధంగా రాష్ట్రంలో క్రీడా వసతులను మెరుగుపరుస్తామన్నారు. ప్రతిభ కనబరిచే క్రీడాకారులను ప్రోత్సహిస్తామంటూ హామీ ఇచ్చారు. ప్రతిదానికీ అకౌంటబులిటీతో పారదర్శకంగా పరిపాలన కొనగిస్తామని తెలియజేశారు. గత ప్రభుత్వంలో క్రీడల పేరిట నేతలు తిన్న డబ్బంతా కక్కిస్తామన్నారు. తనకు 3 శాఖలను కేటాయించిన సీఎం చంద్రబాబుకు రామ్ ప్రసాద్ రెడ్డి ధన్యవాదాలు తెలిపారు. గత ప్రభుత్వం ఐదేళ్లపాటు ప్రజల రక్తమాంసాలు తిన్నదంటూ ఆగ్రహం వ్యక్తం చేశారు. ప్రజల సమస్యలను ఏనాడు పట్టించుకోలేదంటూ ఆవేదన వ్యక్తం చేశారు.

ఇటీవల జరిగిన ఎన్నికల్లో కూటమి విజయం సాధించిన సంగతి తెలిసిందే. ఎన్నికల సమయంలో భారీ హామీలు ఇచ్చి మరీ అధికారంలోకి వచ్చిన టీడీపీ ప్రభుత్వం ఇప్పుడు ఆ హామీల అమలుకు శ్రీకారం చూట్టింది.

ఇప్పటికే మెగా డీఎస్సీ, పెన్షన్లు పెంపు వంటి హామీలపై సీఎం చంద్రబాబు సంతకాలు చేయడం జరిగింది. తాజాగా రాష్ట్ర ప్రజలకు మరో శుభవార్త అందించింది. చంద్రన్న బీమాకు సంబంధించి కార్మికశాఖ మంత్రి వాసంశెట్టి సుభాష్ కీలక ప్రకటన చేశారు. ఇంట్లో కుటుంబ పెద్ద చనిపోతే ఆ కుటుంబాన్ని ఆదుకునేందుకు తీసుకొచ్చిన బీమా పథకం సొమ్మును రూ.3 లక్షల నుంచి రూ.10 లక్షలకు పెంచుతున్నట్లు మంత్రి సుభాష్ ప్రకటించారు.

ఇంట్లో వ్యక్తి చనిపోతే ఆ కుటుంబాన్ని ఆదుకునేందుకు తీసుకొచ్చిన బీమా పథకం సొమ్మును రూ.3 లక్షల నుంచి రూ.10 లక్షలకు పెంచుతున్నట్లు మంత్రి సుభాష్ ప్రకటించారు. మంత్రి మాట్లాడుతూ.. రాష్ట్రంలో కార్మికులతోపాటు, మీడియా ప్రతినిధులు, లాయర్లను కూడా ఈ బీమా కిందకు తెచ్చే ఆలోచన ఉందన్నారు. గత వైసీపీ పాలనలో చంద్రన్న బీమా పేరు మార్చారని.. ఎంతోమందికి పరిహారం అందలేదన్నారు. ఇప్పుడు కూటమి ప్రభుత్వం బీమా సొమ్మును రూ.3 లక్షల నుంచి రూ.10 లక్షలకు పెంచిందన్నారు.

చంద్రన్న బీమా అందరికీ అందేలా చూస్తామని.. . రాష్ట్రవ్యాప్తంగా కార్మికులకు అండగా ఉంటామని హామీ ఇచ్చారు. కార్మికులు కార్మిక శాఖ లో రూ.15 కట్టి ఈ పథకంలో చేరొచ్చు అని తెలిపారు. ప్రమాదవశాత్తు మరణిస్తే రూ.10 లక్షల పరిహారం అందుతుంది. ఏపీ మంత్రివర్గ సమావేశం వెలగపూడిలోని సచివాలయంలో ఈరోజు జరగనుంది. ఎన్డీయే ప్రభుత్వం అధికారంలోకి వచ్చాక జరుగుతున్న తొలి సమావేశం ఇదే. ముఖ్యమంత్రి చంద్రబాబు అధ్యక్షతన జరగనున్న ఈ సమావేశంలో చంద్రన్న బీమా గురించి చర్చించి అధికారికంగా ప్రకటించే అవకాశాలు కనిపిస్తున్నాయి.

ఒడిశా, ఛత్తీస్‌గఢ్‌ పరిసరాల్లో ఉపరితల ఆవర్తనం కొనసాగుతోంది. మరోవైపు నైరుతి రుతుపవనాలు రాష్ట్రమంతటా విస్తరించాయి. వీటి ప్రభావంతో రాబోయే నాలుగు రోజుల్లో రాష్ట్రంలో విస్తారంగా వర్షాలు కురుస్తాయని అమరావతి వాతావరణ కేంద్రం పేర్కొంది.

ఒడిశా, ఛత్తీస్‌గఢ్‌ పరిసరాల్లో ఉపరితల ఆవర్తనం కొనసాగుతోంది. మరోవైపు నైరుతి రుతుపవనాలు రాష్ట్రమంతటా విస్తరించాయి. వీటి ప్రభావంతో రాబోయే నాలుగు రోజుల్లో రాష్ట్రంలో విస్తారంగా వర్షాలు కురుస్తాయని అమరావతి వాతావరణ కేంద్రం పేర్కొంది. సోమవారం రాష్ట్రవ్యాప్తంగా తేలికపాటి నుంచి ఓ మోస్తరు వర్షాలు, మంగళ, బుధ, గురువారాల్లో కోస్తా జిల్లాల్లో అక్కడక్కడ భారీ వర్షాలు పడే అవకాశం ఉందని వెల్లడించింది.

‘సోమవారం పార్వతీపురం మన్యం, అల్లూరి సీతారామరాజు, అనకాపల్లి, కాకినాడ, డా.బీఆర్‌ అంబేడ్కర్‌ కోనసీమ, తూర్పుగోదావరి, ఏలూరు, కృష్ణా, ఎన్టీఆర్, ప్రకాశం, శ్రీ పొట్టిశ్రీరాములు నెల్లూరు, కర్నూలు, నంద్యాల, అనంతపురం, వైఎస్సార్, అన్నమయ్య, తిరుపతి జిల్లాల్లో తేలికపాటి నుంచి ఓ మోస్తరు వర్షాలు కురిసే అవకాశం ఉంది’ అని తెలిపింది. ఆదివారం తిరుపతి, అల్లూరి సీతారామరాజు, అనంతపురం, కర్నూలు, అన్నమయ్య జిల్లాల్లో వర్షాలు కురిశాయి. అత్యధికంగా శ్రీకాళహస్తిలో 62.5 మిల్లీమీటర్ల వర్షపాతం నమోదైంది.