ఏపీ టెట్ ఫలితాల విడుదలకు కసరత్తు జరుగుతోంది. రేపు అన్ని పరీక్షల ఫైనల్ కీలు అందుబాటులోకి రానున్నాయి. పాఠశాల విద్యాశాఖ వెబ్‌సైట్‌లో https://aptet.apcfss.in/ నుంచి వీటిని డౌన్లోడ్ చేసుకోవచ్చు. నవంబర్ 2న ఫలితాలు రానున్నాయి.

ఏపీ టెట్ పరీక్షల ఫలితాలను ప్రకటించేందుకు విద్యాశాఖ సిద్ధమవుతోంది. ఇప్పటికే అన్ని పరీక్షల ప్రాథమిక కీలను కూడా విడుదల చేసింది. వీటిపై అభ్యంతరాలను కూడా స్వీకరించింది. అయితే తుది కీ లను రేపు(అక్టోబర్ 27) విడుదల చేయనుంది.పాఠశాల విద్యాశాఖ వెబ్‌సైట్‌లో https://aptet.apcfss.in/ నుంచి వీటిని డౌన్లోడ్ చేసుకోవచ్చు.

నవంబర్ 2న టెట్ ఫలితాలు..!

ఏపీ టెట్ తుది ఫలితాలను నవంబర్ 2న ప్రకటించాలని విద్యాశాఖ నిర్ణయించింది. అభ్యంతరాల స్వీకరణ పూర్తి కావటంతో ఈనెల 27న ఫైనల్ కీలను ప్రకటించనున్నారు. ఆ వెంటనే తుది ఫలితాలను ప్రకటిస్తారు. టెట్ అధికారిక వెబ్ సైట్ లోకి వెళ్లి ఫైనల్ రిజల్ట్స్ ను చెక్ చేసుకోవచ్చు.
ఏపీ టెట్ కీలను ఇలా డౌన్లోడ్ చేసుకోండి:

అభ్యర్థులు https://aptet.apcfss.in/ వెబ్ సైట్లోకి వెళ్లాలి.
హోం పేజీలోని ‘Question Papers & Keys’ ట్యాబ్‌పై క్లిక్ చేయాలి.
మీ పరీక్ష తేదీ అనుగుణంగా ప్రాథమిక కీ డౌన్‌లోడ్ లింక్‌పై క్లిక్ చేయండి.
టెట్ ఎగ్జామ్ పేపర్, ఆన్సర్ కీని చెక్ చేసి డౌన్‌లోడ్ చేయండి.
భవిష్యత్ అవసరాల కోసం ఆన్సర్ కీ హార్డ్ కాపీని తీసుకోండి.

ఏపీలో అక్టోబర్‌ 3 నుంచి 21వ తేదీ వరకు టెట్ పరీక్షలు జరిగాయి. ఇందుకు సంబంధించిన ప్రశ్నపత్రాలు, ప్రిలిమినరీ ‘కీ’ లు వెబ్ సైట్ లో ఉంచారు. పరీక్షలు రాసిన అభ్యర్థులు https://aptet.apcfss.in/ వెబ్ సైట్ లోకి వెళ్లి వీటిని డౌన్లోడ్ చేసుకోవచ్చని అధికారులు ఓ ప్రకటనలో తెలిపారు.

త్వరలోనే డీఎస్సీ నోటిఫికేషన్:

ఇక ఏపీలో మెగా డీఎస్సీ నోటిఫికేషన్‌ను నవంబరు మొదటి వారంలోనే విడుదల చేసేందుకు పాఠశాల విద్యాశాఖ ఏర్పాట్లు చేస్తోంది. తొలుత 3వ తేదీన నోటిఫికేషన్‌ ఇవ్వాలని భావించారు. ఆ రోజు ఆదివారం కావడంతో ముఖ్యమైన నాయకులు అందుబాటులో ఉంటారో లేదోననే సందేహంతో మరో తేదీలో నోటిఫికేషన్ విడుదల చేస్తారని విద్యాశాఖ వర్గాలు చెబుతున్నాయి. 16,347 పోస్టులతో మెగా డిఎస్సీ నోటిఫికేషన్‌ను జారీ చేస్తారు.

టెట్, మెగా డీఎస్సీ మధ్య ఎక్కువ సమయం ఉండాలని అభ్యర్థుల నుంచి విజ్ఞప్తులు వచ్చాయి. ఈ నేపథ్యంలో అభ్యర్థులు, విద్యార్థి, యువజన సంఘాల నుంచి అభిప్రాయ సేకరణ చేశారు. ఇప్పటికే ఆశావహులు కొత్త ప్రభుత్వం ఏర్పడినప్పటి నుంచి ఉద్యోగాలు మానుకుని పరీక్షలకు సిద్ధం అవుతున్నారు. ఉద్యోగ ప్రకటన చేసిన ఆర్నెల్లకు మించి ఆలస్యమైతే అభ్యర్థుగా భారమవుతుందని భావించారు. దీంతో నవంబర్‌లోనే డీఎస్సీ పరీక్షల నోటిఫికేషన్ జారీ చేయనున్నారు.

ఏపీలో మరోసారి నామినేటెడ్ పోస్టులపై చర్చ జరుగుతోంది. ఇప్పటికే ఒక లిస్టును ప్రకటించిన చంద్రబాబు.. రెండో దఫా నామినేటెడ్ పోస్టుల భర్తీపై ఫోకస్ పెట్టినట్టు తెలుస్తోంది. త్వరలోనే రెండో లిస్టును చంద్రబాబు ప్రకటించే అవకాశం ఉంది. దీని కోసం చాలామంది ఎదురుచూస్తున్నారు.

ఆంధ్రప్రదేశ్‌లో రెండో దఫా నామినేటెడ్‌ పోస్టుల భర్తీపై సీఎం చంద్రబాబు ఫోకస్ పెట్టారు. త్వరలోనే ఈ జాబితా విడుదలయ్యే అవకాశం ఉందని కూటమి నేతలు చెబుతున్నారు. తాజాగా చంద్రబాబు శుక్రవారం ఉదయం దాదాపు 3 గంటలపాటు నామినేటెడ్‌ పదవులపై చర్చించారు. మొదటి దశలో 20 కార్పొరేషన్లకు ఛైర్మన్లతోపాటు, ఆర్టీసీకి వైస్‌ ఛైర్మన్‌నూ నియమించారు.

రెండో జాబితాలో దానికి రెట్టింపు సంఖ్యలో పోస్టులు భర్తీ చేస్తారని కూటమి నేతలు ఆశిస్తున్నారు. కూటమి విజయం కోసం కష్టపడి పనిచేసినవారికి పదవులు ఇవ్వాలన్న ఉద్దేశంతో చంద్రబాబు కసరత్తు చేస్తున్నారని నాయకులు చెబుతున్నారు. ఈ నేపథ్యంలోనే చాలామంది టీడీపీ నేతలతో మాట్లాడినట్టు తెలిసింది. మిత్రపక్షాలతోనూ చంద్రబాబు చర్చలు జరుపుతున్నారు.

నామినేటెడ్‌ పదవుల్లో మిత్రపక్షాలకు 20 శాతం పదవులు కేటాయించాలనే అంగీకారం ఇప్పటికే కుదిరింది. దాని ప్రకారమే రెండో దశ పదవుల నియామకం ఉండబోతున్నట్లు తెలుస్తోంది. ప్రభుత్వం ఇటీవల ఆర్టీసీ, పౌరసరఫరాలు, ఏపీఐఐసీ, వక్ఫ్‌ బోర్డు వంటి 20 కీలక కార్పొరేషన్లకు ఛైర్మన్‌లతో పాటు ఆర్టీసీకి వైస్‌ ఛైర్మన్‌ను కూడా నియమించింది. ఏడు కార్పొరేషన్లలో 64 మంది సభ్యులకు చోటు కల్పించింది. మిగతా 13 కార్పొరేషన్లకు ప్రస్తుతానికి ఛైర్మన్లను మాత్రమే ప్రకటించింది.

అసెంబ్లీ ఎన్నికల్లో టీడీపీ, జనసేన, బీజేపీల మధ్య సీట్ల పంపకానికి అనుసరించిన విధానాన్నే.. నామినేటెండ్ పోస్టుల భర్తీలోనూ వర్తింపజేసింది. టీడీపీ నుంచి 16 మందిని ఛైర్మన్లుగా, 53 మందిని సభ్యులుగా, జనసేన నుంచి ముగ్గురిని ఛైర్మన్లుగా, 9 మందిని సభ్యులుగా, బీజేపీ నుంచి ఒకరిని ఛైర్మన్‌గా, ఐదుగురిని సభ్యులుగా నియమించారు. ఆర్టీసీ వైస్‌ ఛైర్మన్‌ పోస్టు టీడీపీకు దక్కింది.
ఆశావహుల సంఖ్య ఎక్కువే..

మొదటి విడతలో చాలామంది నామినేటెడ్ పోస్టులను ఆశించారు. కానీ.. దక్కలేదు. దీంతో రెండో విడతలో అయినా తమకు అవకాశం ఇవ్వాలని కీలక నేతల చుట్టూ చక్కర్లు కొడుతున్నారు. విజయవాడ కేంద్రంగా లాబీయింగ్ స్టార్ట్ చేశారు. ఈ దఫాలో.. కూటమి నేతల కోసం సీట్లు త్యాగం చేసిన వారికి ప్రాధాన్యత ఇవ్వనున్నట్టు తెలుస్తోంది. అలాగే కొత్తగా పార్టీలోకి వచ్చిన వారికి ఛాన్స్ ఇచ్చే అవకాశం కూడా ఉందని సమచారం.

తెలుగుదేశం పార్టీ సభ్యత్వ నమోదు కార్యక్రమాన్ని సీఎం చంద్రబాబు ప్రారంభించారు. రాష్ట్రంలోని 175 నియోజకవర్గాల్లో సభ్యత్వ నమోదు కార్యక్రమం ప్రారంభమైంది. వాట్సాప్, టెలిగ్రామ్, ఆన్ లైన్ లో టీడీపీ మెంబర్ షిప్ పొందవచ్చు. అలాగే రెన్యువల్ చేసుకోవచ్చు.

తెలుగుదేశం పార్టీ సభ్యత్వ నమోదు కార్యక్రమం 2024-26 ప్రారంభమైంది. మంగళగిరి టీడీపీ కేంద్ర కార్యాలయంలో తన సభ్యత్వాన్ని టీడీపీ జాతీయ అధ్యక్షుడు నారా చంద్రబాబు నాయుడు రెన్యువల్ చేసుకున్నారు. ఎన్టీఆర్‌ చిత్రపటానికి నివాళులర్పించి తన సభ్యత్వాన్ని సీఎం పునరుద్ధరించుకున్నారు. టీడీపీ రాష్ట్ర అధ్యక్షుడు పల్లా శ్రీనివాసరావు నుంచి టీడీపీ సభ్యత్వం రెన్యువల్ కార్డును చంద్రబాబు అందుకున్నారు.

తెలుగుదేశం పార్టీ సభ్యత్వ నమోదు కార్యక్రమాన్ని టీడీపీ జాతీయ అధ్యక్షుడు నారా చంద్రబాబునాయుడు ప్రారంభించారు. 100 రూపాయల సభ్యత్వంతో రూ.5 లక్షల మేర బీమా సౌకర్యం కల్పించేలా టీడీపీ సభ్యత్వ కార్యక్రమాన్ని ఏర్పాటు చేసింది. సభ్యత్వ నమోదు కార్యక్రమాన్ని ప్రారంభించిన చంద్రబాబు..అనంతరం హైదరాబాద్ లోని ఎన్టీఆర్ భవన్ లో సభ్యత్వ నమోదు చేయించుకున్న తెలంగాణ నేతలతో వీడియో కాన్ఫరెన్స్ లో మాట్లాడారు. తెలుగుదేశం పార్టీ సభ్యత్వం రుసుము ఒక రూపాయి నుంచి ఆరంభమై నేడు 100 రూపాయలకు చేరిందని చంద్రబాబు అన్నారు. టీడీపీ మెంబర్ షిప్ తీసుకోవడం సమాజంలో ఒక గౌరవం, గుర్తింపుగా మారిందన్నారు. రాష్ట్ర వ్యాప్తంగా 175 అసెంబ్లీ నియోజకవర్గాల్లో టీడీపీ సభ్యత్వ నమోదు కార్యక్రమం ప్రారంభమైందని తెలిపారు.

“అన్ని వర్గాలకు సముచిత స్థానం ఇచ్చిన రాజకీయ విశ్వవిద్యాలయం తెలుగుదేశం పార్టీ. కొన్ని కుటుంబాలకు పరిమితమైన అధికారం పదవులను అందరికీ అందేలా చేసింది టీడీపీ. కార్యకర్తల అభిప్రాయాలు తీసుకుని కమిటీలను నియమించాం. ప్రమాదాలు, ముఠా కక్షలకు కార్యకర్తలు బలైతే.. వారి పిల్లలను చదివించేందుకు ఒక స్కూల్ ఏర్పాటుచేసి, స్వచ్ఛందంగా నిర్వహిస్తున్న పార్టీ తెలుగుదేశం” – సీఎం చంద్రబాబు

రూ.100 లతో రూ.5 లక్షల ప్రమాద బీమా

టీడీపీ సభ్యత్వం నమోదులో రూ.లక్ష కట్టిన వారికి శాశ్వత సభ్యత్వం అందించనున్నారు. రూ.100 చెల్లించి సభ్యత్వం తీసుకొన్న వారికి.. గతంలో రూ.2 లక్షలుగా ఉన్న ప్రమాద బీమా సదుపాయాన్ని రూ.5 లక్షలకు పెంచారు. అలాగే టీడీపీ సభ్యత్వ కార్డు ఉన్న వ్యక్తి మరణించిన రోజే అంత్యక్రియలకు రూ.10 వేలు అందించనున్నారు. దీంతో పాటు కార్యకర్తల కుటుంబాలకు విద్య, వైద్యం, ఉపాధి కోసం పార్టీ సాయం అందిస్తుంది. ఈ నేపథ్యంలో సభ్యత్వ నమోదును ప్రతిష్ఠాత్మకంగా తీసుకొని నేతలు, కార్యకర్తలు రికార్డు స్థాయిలో నిర్వహించాలని సీఎం చంద్రబాబు సూచించారు.
సభ్యత్వ నమోదు ఎలా?

టీడీపీ సభ్యత్వాన్ని మొబైల్ ఫోన్ లేదా కంప్యూటర్ నుంచి… వాట్సాప్ ద్వారా అయితే https://bit.ly/4eK2Lj5 లింక్ ను, టెలిగ్రామ్ ద్వారా అయితే https://t.me/MyTDP_bot లింక్ ను లేదా https://telugudesam.org/membership-2024-26/ వెబ్ సైట్ లింక్ ద్వారా ఆన్ లైన్ లో నమోదు చేసుకోవచ్చు. పాత సభ్యత్వాన్ని రెన్యువల్ చేసుకోవచ్చు.

జగన్, షర్మిల ఆస్తి పంపకాల వ్యవహారంపై పొలిటికల్ పంచ్‌లు పేలుతున్నాయి. టీడీపీ, వైసీపీ నేతలు ఈ ఇష్యూపై ఘాటుగా స్పందిస్తున్నారు. టీడీపీ జగన్‌ను టార్గెట్ చేస్తుంటే.. వైసీపీ నేతలు షర్మిలను టార్గెట్ చేస్తూ పంచ్‌లు పేలుస్తున్నారు. తాజాగా పేర్ని నాని కీలక వ్యాఖ్యలు చేశారు.

కుటుంబ తగాదాలపై టీడీపీకి అంత ఆసక్తి ఎందుకు? అని వైఎస్సార్సీపీ ప్రశ్నించింది. వైఎస్ జగన్, ఆయన సోదరి షర్మిల రాసిన లేఖని తెలుగుదేశం పార్టీ అఫీషియల్ హ్యాండిల్‌లో ఎలా పోస్టు చేస్తారని నిలదీసింది. బిగ్ బ్లాస్ట్ అంటూ పోస్ట్ చేసి.. ఈ గొడవని రెచ్చగొట్టి, నాణేనికి ఒకవైపే చూపించి ప్రజలను పక్కదోవ పట్టించడం వెనుక అసలు ఉద్దేశం ఏంటి? అని వైసీపీ నేతలు ప్రశ్నిస్తున్నారు.

‘దీన్ని ఆసరాగా చేసుకుని వ్యక్తిత్వ హననానికి దిగాలనే లక్ష్యం కాదంటారా? ఇచ్చిన హామీలను అమలు చేయలేక.. పాలనా వైఫల్యం నుంచి ఆగ్రహంతో ఉన్న ప్రజల దృష్టిని మళ్లించడానికి చేస్తున్న డైవర్షన్‌ పాలిటిక్స్‌ కాదా? దిగజారుతున్న లా అండ్‌ ఆర్డర్‌తో కడతేరుతున్న ఆడబిడ్డలపై జరుగుతున్న దారుణాల నుంచి, డయేరియా మరణాల నుంచి ప్రజలను తప్పుదోవ పట్టించడానికే ఈ తప్పుడు రాజకీయాలు కాదా?’ అని వైసీపీ ప్రశ్నించింది.

‘రాజకీయంగా జగన్‌ అంతాన్ని కోరుకుంటున్నవారితో.. తన వంతు పాత్ర పోషిస్తున్నది ఎవరో ప్రజలకు తెలుసు. ఈ నేపథ్యంలో ప్రజలకు వాస్తవాలు తెలిసేలా జగన్ తన సోదరికి రాసిన అన్ని లేఖలను, తన స్వార్జిత ఆస్తుల్లో ఇవ్వాలనుకున్న ఆస్తుల వివరాల ఎంవోయూను కూడా వెల్లడిస్తున్నాం. తప్పుడు ప్రచారాలు, వక్రీకరణలు కాకుండా వాస్తవాలకు ప్రజలకు తెలియజేయాలన్న ఉద్దేశంతో విడుదల చేస్తున్నాం’ అని వైసీపీ స్పష్టం చేసింది.

ఈ ఇష్యూపై మాజీ మంత్రి పేర్ని నాని సంచలన వ్యాఖ్యలు చేశారు. ‘షర్మిల పాదయాత్ర చేస్తే వద్దని నేను చెప్పాను. భవిష్యత్తులో చాలా తగాదాలు వస్తాయని కూడా చెప్పాను. జగన్.. నమ్మకంతో మా కుటుంబం అలాంటిది కాదు అని అన్నారు. జగన్‌ను అక్రమంగా అరెస్టు చేసి కేసులు పెట్టి జైల్లో పెట్టారు. జైల్లో పెట్టిన పార్టీలో చేరి.. జగన్‌కు వ్యతిరేకంగా ఉన్న పార్టీ నాయకుడితో కుట్రలు చేస్తున్నారు. రాజశేఖర్ రెడ్డి రక్తం పంచుకున్న వారు ఎవరైనా చంద్రబాబుతో స్నేహం చేస్తారా. ఆస్తి కోసం మాత్రం రాజశేఖర్ రెడ్డి పేరు బొమ్మ కావాలి. వైఎస్సార్ ఉన్నప్పుడు.. ఏ ఆస్తి అయిన వైఎస్ఆర్‌దే అన్నప్పుడు.. భారతి సిమెంట్‌కు షర్మిల సిమెంట్ అని పేరు ఎందుకు పెట్టలేదు’ అని పేర్ని నాని ప్రశ్నించారు.

‘జగన్‌ తన సొంత అమ్మ, చెల్లిపై కేసు వేసారని దుష్ప్రచారం చేస్తున్నారు. ఈడీ ఎటాచ్‌మెంట్‌లో ఉన్న ప్రాపర్టీస్‌ ట్రాన్స్ఫర్ చేస్తే జగన్‌ న్యాయపరమైన చిక్కులు వస్తాయని తెలిసి కూడా చేసారు. నాడు టీడీపీ, కాంగ్రెస్‌లు కలిసి కుట్ర పూరితంగా కేసులు పెడితే.. జగన్‌ జైలుకు వెళ్లారు. నేడు స్టేటస్‌ కో ఉన్న ఆస్తులు ట్రాన్స్ఫర్‌ చేసి జగన్‌ను ఇబ్బంది పెట్టాలనే కుట్రలో షర్మిల కూడా భాగం అవుతున్నారు. జగన్‌ బెయిల్ రద్దు అయ్యే పరిస్థితి రాకూడదు కనుకే నేషనల్‌ కంపెనీ లా ట్రిబ్యునల్‌లో కేస్‌ ఫైల్‌ చేయాల్సి వచ్చింది’ అని రాజ్యసభ సభ్యుడు వైవీ సుబ్బారెడ్డి స్పష్టం చేశారు.

రాష్ట్రంలో భారీగా విద్యా శాఖ అధికారులు బ‌దిలీ అయ్యారు. 21 మంది జిల్లా విద్యా అధికారులను బ‌దిలీ చేస్తూ ప్రభుత్వం ఉత్త‌ర్వులు జారీ చేసింది. మ‌రోవైపు ఉపాధ్యాయ బ‌దిలీలు ప్ర‌క్రియ నిలిచిపోయింది. దీంతో ఉపాధ్యాయ సంఘాలు ఆందోళ‌న వ్య‌క్తం చేస్తున్నాయి.

ఆంధ్రప్రదేశ్‌లో భారీగా విద్యా శాఖ అధికారులు బ‌దిలీ అయ్యారు. 21 జిల్లాలకు సంబంధించి విద్యా శాఖ అధికారులను బ‌దిలీ చేస్తూ.. రాష్ట్ర ప్ర‌భుత్వం ఉత్వ‌ర్వులు జారీ చేసింది. మ‌రోవైపు ఉపాధ్యాయ బ‌దిలీలు ప్ర‌క్రియ నిలిచిపోయింది. వైసీపీ ప్ర‌భుత్వం చేప‌ట్టిన ఉపాధ్యాయ బ‌దిలీల‌ను నిలిపివేసిన కూట‌మి ప్ర‌భుత్వం.. ఇంకా ఆ ప్ర‌క్రియ‌ను చేప‌ట్ట‌లేదు. ఉపాధ్యాయ బ‌దిలీల‌పై రాష్ట్ర ప్ర‌భుత్వం అడుగు కూడా ముందుకు వేయ‌లేదు. దీంతో ఉపాధ్యాయ సంఘాలు ఆందోళ‌న వ్య‌క్తం చేస్తున్నాయి. ఉపాధ్యాయ బ‌దిలీలను వెంట‌నే చేప‌ట్టాల‌ని డిమాండ్ చేస్తున్నాయి.

ఈ నేపథ్యంలో.. రాష్ట్ర ప్ర‌భుత్వం జిల్లా విద్యా శాఖ అధికారుల బ‌దిలీల‌కు పచ్చ జెండా ఊపింది. దీంతో జిల్లా ల‌కు కొత్త విద్యా శాఖ అధికారులు రానున్నారు.
ఏ జిల్లాకు ఎవరు..

1. ఎన్.టి. నాయుడు – జిల్లా పాఠశాల విద్యా అధికారి (డీఎస్ఈవో), పార్వతీపురం మన్యం జిల్లా.

2. యు.మాణిక్యం నాయుడు – జిల్లా విద్యా అధికారి (డీఈవో), విజయనగరం.

3. ఎన్.ప్రేమ్ కుమార్ – జిల్లా విద్యా అధికారి (డీఈవో), విశాఖపట్నం.

4. జి.అప్పారావు నాయుడు – జిల్లా పాఠశాల విద్యా అధికారి (డీఎస్ఈవో), అనకాపల్లి.

5. సలీం బాషా – జిల్లా పాఠశాల విద్యా అధికారి (డీఎస్ఈవో), డా. బి.ఆర్. అంబేద్కర్ కోనసీమ జిల్లా.

6. ఎం. వేంకటలక్ష్మమ్మ – జిల్లా విద్యా అధికారి (డీఈవో), ఏలూరు.

7. ఈడ‌బ్ల్యూఎస్ఎస్ఎస్‌బీఎల్ నారాయణ – జిల్లా పాఠశాల విద్యా అధికారి (డీఎస్ఈవో), పశ్చిమ గోదావరి.

8. పీ.వీ.జే. రామరావు – జిల్లా విద్యా అధికారి (డీఈవో), కృష్ణా.

9. ఎల్. చంద్రకల – జిల్లా పాఠశాల విద్యా అధికారి (డీఎస్ఈవో), పల్నాడు.

10. సీ.వీ. రేణుక – జిల్లా విద్యా అధికారి (డీఈవో), గుంటూరు.

11. ఎస్. పురుషోత్తం – జిల్లా పాఠశాల విద్యా అధికారి (డీఎస్ఈవో), బాపట్ల.

12. ఎ. కిరణ్ కుమార్ – జిల్లా విద్యా అధికారి (డీఈవో), ప్రకాశం.

13. ఆర్. బాలాజీ రావు – జిల్లా విద్యా అధికారి (డీఈవో), నెల్లూరు.

14. కె.వి.ఎన్. కుమార్ – జిల్లా పాఠశాల విద్యా అధికారి (డీఎస్ఈవో), తిరుపతి.

15. బి. వరలక్ష్మి – జిల్లా విద్యా అధికారి (డీఈవో), చిత్తూరు.

16. కె. సుబ్రహ్మణ్యం – జిల్లా పాఠశాల విద్యా అధికారి (డీఎస్ఈవో), అన్నమయ్య.

17. యు. మీనాక్షి – జిల్లా విద్యా అధికారి (డీఈవో), వైఎస్ఆర్ జిల్లా.

18. జి. క్రిస్టప్ప – జిల్లా పాఠశాల విద్యా అధికారి (డీఎస్ఈవో), శ్రీ సత్యసాయి జిల్లా.

19. ఎం. ప్రసాద బాబు – జిల్లా విద్యా అధికారి (డీఈవో), అనంతపురం.

20. ఎస్. స్యామ్యూల్ పాల్ – జిల్లా విద్యా అధికారి (డీఈవో), కర్నూలు.

21. పి. జనార్ధన రెడ్డి – జిల్లా పాఠశాల విద్యా అధికారి (డీఎస్ఈవో), నంద్యాల

ఓవైపు ఆస్తి పంపకాల విషయంలో జగన్ వర్సెస్ షర్మిల ఫైట్ నడుస్తోంది. దీనిపై పొలిటికల్ కామెంట్స్ హాట్ టాపిక్‌గా మారాయి. ఈ సమయంలో డిప్యూటీ సీఎం పవన్ కళ్యాణ్ కీలక నిర్ణయం తీసుకున్నారు. సరస్వతి పవర్ సంస్థకు చెందిన భూములపై నివేదిక ఇవ్వాలని అధికారులను ఆదేశించారు.

పల్నాడు జిల్లా దాచేపల్లి, మాచవరం మండలాల్లో సరస్వతి పవర్ సంస్థకు చెందిన భూముల్లో అటవీ భూములు ఏవైనా ఉన్నాయా?.. ఉంటే వాటి విస్తీర్ణం ఎంత ఉందో నివేదిక ఇవ్వాలని.. అటవీ శాఖ అధికారులను, పల్నాడు జిల్లా యంత్రాంగాన్నీ ఉప ముఖ్యమంత్రి పవన్ కళ్యాణ్ ఆదేశించారు. ఈ సంస్థకు చెందిన 1515.93 ఎకరాల్లో ప్రకృతి సంపద, వాగులు, వంకలు, కొండ భూములు ఉన్నాయనే వార్తలు వెలుగులోని వచ్చిన క్రమంలో పవన్ కళ్యాణ్ అధికారులతో చర్చించారు.

సరస్వతి పవర్ సంస్థకు చెందిన భూముల్లో ప్రభుత్వ భూములు, జల వనరులు ఏ మేరకు ఉన్నాయో తెలియజేయాలని పవన్ కళ్యాణ్ స్పష్టం చేశారు. అటవీ భూములు ఏ మేరకు ఉన్నాయో సమగ్రంగా పరిశీలించాలని సూచించారు. వాగులు, వంకలు, కొండలు ఉన్నందున ఆ సంస్థకు పర్యావరణ అనుమతులు ఏ విధంగా పొందారో చెప్పాలని.. పీ.సీ.బీ.కీ ఆదేశాలు ఇచ్చారు. ఈ అంశంపై అటవీ, రెవెన్యూ, పీసీబీ ఉన్నతాధికారులతో త్వరలో సమీక్షించాలని ఉప ముఖ్యమంత్రి నిర్ణయించారు.

సుబ్బారెడ్డి కీలక వ్యాఖ్యలు..

జగన్, షర్మిల ఆస్తి పంపకాల వ్యవహారంపై వైవీ సుబ్బారెడ్డి కీలక వ్యాఖ్యలు చేశారు. ‘అవి జగన్‌ సొంత సంస్థలు. వాటిలో షర్మిల వాటాదారు కాదు. దాన్ని ఆనాడు వైఎస్సార్‌ కూడా కోరుకోలేదు. ఆయన ఉన్నప్పుడే జగన్‌ ఆ కంపెనీలు ప్రారంభించారు. అవి జగన్‌ స్వార్జితం. అయినా చెల్లికి వాటా ఇస్తానన్నారు. హైకోర్టు స్టేటస్‌కో ఉన్నా షర్మిల షేర్లు మార్చుకున్నారు. అందుకే జగన్‌ ఎన్‌సీఎల్‌టీని ఆశ్రయించారు. అంతే తప్ప.. ఆస్తుల కోసం కోర్టు మెట్లు ఎక్కలేదు’ అని వైవీ సుబ్బారెడ్డి వివరించారు.

‘జగన్‌ కంపెనీల్లో షర్మిల వాటాదారనుకుంటే ఆమె పేరెందుకు లేదు? భారతి సిమెంట్స్, జగతి పబ్లికేషన్స్‌ అనే ఎందుకు పెట్టారు? అదంతా వైఎస్సార్‌ హయాంలోనే జరిగింది కదా? ఆయన కూడా షర్మిలను షేర్‌హోల్డర్‌గా కోరుకోలేదు. తాను చెల్లికి ఇస్తోంది స్వార్జిత ఆస్తులని ఎంఓయూలో ఉంది. అదే విషయాన్ని ఎంఓయూలో జగన్‌ స్పష్టంగా రాశారు. అది చదివాకే షర్మిల, విజయమ్మ ఇద్దరూ సంతకాలు చేశారు. అలాంటప్పుడు కంపెనీల్లో షర్మిల ఎలా వాటాదారవుతారు? జగన్‌ స్వార్జిత ఆస్తిలో ఎక్కడా షర్మిల ప్రమేయం లేదు’ అని వైవీ సుబ్బారెడ్డి స్పష్టం చేశారు.

‘ఇచ్చిన మాట కోసం జగన్‌ కాంగ్రెస్‌‌ను వీడారు. అన్యాయంగా కేసులు పెడితే 16 నెలలు జైల్లో ఉన్నారు. ఎన్నో బాధలు పడ్డారు. అవమానాలూ ఎదుర్కొన్నారు. అయినా ఏనాడూ మాట తప్పలేదు. అబద్ధాలు చెప్పలేదు. రాజకీయాల్లో ఎక్కడా అనైతికంగా వ్యవహరించలేదు. అలాంటి వ్యక్తి, మీకు ఇచ్చిన మాట తప్పుతారా?. అలా అయితే అసలు ఎంఓయూ రాసి ఇస్తారా? మీకు ప్రేమ, అభిమానంతోనే కదా ఆస్తులు ఇస్తానంది. ఇవన్నీ ప్రజలు నమ్ముతారని అనుకుంటున్నారా? వీటన్నింటినీ మీ విచక్షణ, వివేకానికే వదిలేస్తున్నాం’ అని పేర్ని నాని వ్యాఖ్యానించారు.

వారికి పదోన్నతులు కల్పించి దాదాపు దశాబ్దం అవుతోంది. అప్పటి నుంచి ఇప్పటి వరకూ ప్రమోషన్ల ఊసే లేదు. అడిగినా పట్టించుకునే వారే లేరు. దీంతో ఆ టీచర్లు నిరాశ చెందారు. అయితే.. తాజాగా వారికి ప్రభుత్వం గుడ్‌న్యూస్ చెప్పింది. ప్రమోషన్లు ఇచ్చేందుకు కసరత్తు ప్రారంభించింది.

ఆంధ్రప్రదేశ్‌లోని పురపాలక ఉపాధ్యాయులకు పదోన్నతులు కల్పించేందుకు పాఠశాల విద్యాశాఖ కసరత్తు చేస్తోంది. పురపాలక స్కూళ్ల నిర్వహణ బాధ్యతను 2022 జూన్‌లో ప్రభుత్వం పాఠశాల విద్యాశాఖకు అప్పగించింది. ఈ విభాగంలో పనిచేస్తున్న ఉపాధ్యాయులకు 2017 నుంచి ప్రమోషన్లు కల్పించలేదు. పంచాయతీ రాజ్, ప్రభుత్వ విభాగంలోని ఉపాధ్యాయులకు సర్దుబాటు పేరుతో ప్రమోషన్లు ఇచ్చారు. కానీ.. పురపాలక టీచర్లకు మాత్రం కల్పించలేదు. వీరి సర్వీసు నిబంధన వేరుగా ఉండటంతో సాధ్యం కాలేదని అధికారులు చెబుతున్నారు.

అటు ఒక శాఖ నుంచి మరో శాఖకు రావడంతో తమను పట్టించుకోవడం లేదని పురపాలక ఉపాధ్యాయులు వాపోతున్నారు. ఉపాధ్యాయుల సర్దుబాటుకు పంచాయతీ రాజ్, ప్రభుత్వ పాఠశాలల్లో జీవో నంబర్ 117ను అమలు చేశారు. పురపాలక స్కూళ్లలో మాత్రం అనధికారికంగా అమలు చేశారు. దీంతో ప్రమోషన్లు లేక పురపాలక ఉపాధ్యాయులు తీవ్రంగా నష్టపోతున్నారు. వీరికి ప్రత్యేకంగా ఎంఈవో, డీఈవో, డైరెక్టర్ వంటి వ్యవస్థ లేదు. పంచాయతీ రాజ్, ప్రభుత్వ విభాగంలోని అధికారులే వీరిని పర్యవేక్షిస్తున్నారు.

పదోన్నతుల్లో మెరిట్, రిజర్వేషన్లు పాటించాలని పురపాలక ఉపాధ్యాయులు కోరుతున్నారు. పురపాలక స్కూళ్లలో ప్రవేశాలు ఎక్కువగా ఉన్నాయి. అదే సమయంలో టీచర్ల కొరత కూడా ఉంది. ఇటీవల సర్దుబాటు చేసినప్పుడు ఇతర స్కూళ్ల టీచర్లను ఈ పాఠశాలలకు పంపించారు. ఈ నేపథ్యంలో.. తమకు ప్రమోషన్లు కల్పించాలని పురపాలక ఉపాధ్యాయులు డిమాండ్ చేస్తున్నారు. దీంతో పాఠశాల విద్యాశాఖ చర్యలు ప్రారంభించింది. ప్రభుత్వంతో మాట్లాడి.. పదోన్నతులు కల్పిస్తామని ఉపాధ్యాయ సంఘాలకు అధికారులు హామీ ఇచ్చారు.

21 మంది బదిలీ..

ఆంధ్రప్రదేశ్‌లో భారీగా విద్యా శాఖ అధికారులు బ‌దిలీ అయ్యారు. 21 జిల్లాలకు సంబంధించి విద్యా శాఖ అధికారులను బ‌దిలీ చేస్తూ.. రాష్ట్ర ప్ర‌భుత్వం ఉత్వ‌ర్వులు జారీ చేసింది. మ‌రోవైపు ఉపాధ్యాయ బ‌దిలీలు ప్ర‌క్రియ నిలిచిపోయింది. వైసీపీ ప్ర‌భుత్వం చేప‌ట్టిన ఉపాధ్యాయ బ‌దిలీల‌ను నిలిపివేసిన కూట‌మి ప్ర‌భుత్వం.. ఇంకా ఆ ప్ర‌క్రియ‌ను చేప‌ట్ట‌లేదు. ఉపాధ్యాయ బ‌దిలీల‌పై రాష్ట్ర ప్ర‌భుత్వం అడుగు కూడా ముందుకు వేయ‌లేదు. దీంతో ఉపాధ్యాయ సంఘాలు ఆందోళ‌న వ్య‌క్తం చేస్తున్నాయి. ఉపాధ్యాయ బ‌దిలీలను వెంట‌నే చేప‌ట్టాల‌ని డిమాండ్ చేస్తున్నాయి.