భారత్ సంచార్ నిగమ్ లిమిటెడ్ (BSNL) వినియోగదారుల కోసం చౌకైన రీఛార్జ్‌ ప్లాన్స్‌ను తీసుకువస్తోంది. ఇటీవల ప్రైవేట్‌ టెలికాం కంపెనీలు రీఛార్జ్‌ ధరలు భారీగా పెంచడంతో ఆ కంపెనీల వినియోగదారులు బీఎస్‌ఎన్‌ఎల్‌ వైపు వెళ్తున్నారు.

ఇప్పటికే లక్షలాది మంది పోర్ట్‌ పెట్టుకున్నారు. బీఎస్‌ఎన్‌ఎల్‌లో మాత్రం ఎలాంటి టారీఫ్‌ ధరలు పెంచలేదు. బీఎస్‌ఎన్‌ఎల్‌ నుంచి రూ. 87 ప్రీపెయిడ్ ప్లాన్‌ను అందిస్తుంది. ఈ ప్లాన్ తక్కువ బడ్జెట్ ఉన్న వ్యక్తులకు మంచి ఎంపిక. ఎయిర్‌టెల్ ఇప్పటికే ప్రతి సర్కిల్‌లోని వినియోగదారుల కోసం ఎంట్రీ లెవల్ ప్లాన్‌ను రూ.155కి పెంచింది. అందువల్ల రూ. 87 ప్లాన్ వినియోగదారులకు మంచి ఎంపిక. ఇది డేటాతో స్వల్పకాలిక చెల్లుబాటును ఇస్తుంది. ఇది కొత్తగా తీసుకువచ్చిన ఆఫర్‌ కాదు పాతదే. బీఎస్‌ఎన్‌ఎల్‌ నుండి రూ. 87 ప్లాన్ ప్రయోజనాల గురించి తెలుసుకుందాం.

ఈ ప్లాన్‌లో మొత్తం 14 రోజుల సర్వీస్ వాలిడిటీతో వస్తుంది. అపరిమిత వాయిస్ కాలింగ్, రోజువారీ 1GB డేటాను అందిస్తుంది. ఈ ప్లాన్‌తో కూడిన SMS ప్రయోజనాలు ఏవీ లేవు. ఈ ప్లాన్‌తో కస్టమర్ మొత్తం 14GB డేటాను పొందుతారు.

కస్టమర్ మరింత డేటా కావాలనుకుంటే రూ.97 ప్లాన్‌ను కూడా రీఛార్జ్‌ చేసుకోవచ్చు. ఈ ప్లాన్ కూడా కస్టమర్‌లకు ఎలాంటి ఎస్‌ఎంఎస్‌ల ప్రయోజనాలను ఉండవు. కానీ ఇది 15 రోజుల వ్యాలిడిటీతో వస్తుంది. అలాగే 2GB రోజువారీ డేటాను అందిస్తుంది. ఈ ప్లాన్‌తో వినియోగదారు పొందే మొత్తం డేటా 30GB.

మంచి వ్యాలిడిటీ ఉండి వాయిస్ కాలింగ్, ఎక్కువ ఖర్చు చేయకూడదనుకుంటే రూ.99 ప్లాన్ మంచి ఆప్షన్‌. ఎందుకంటే ఈ ప్లాన్‌తో భారతదేశం అంతటా అపరిమిత వాయిస్ కాలింగ్‌తో పాటు 18 రోజుల వ్యాలిడిటీ పొందుతారు.

ఏ మొక్కైనా లేదా చెట్టుకైనా తెగులు వస్తే అది ఎందుకూ పనికిరాదు. రకరకాల రసాయనాలు చల్లి వాటిని కాపాడుకుంటాం. అయితే ఈ ప్రంపంచంలో ఈ చెట్టుకు మాత్రం ఫంగస్ ఎక్కిస్తేనే బలంగా పెరుగుతుంది. అందుకే అది బంగారం కన్నా అధిక ధర పలుకుతుంది. ఇంతకీ ఆ చెట్టు ఏమిటో? ఫంగస్ ఏంటో తెలుసుకోవాలనుకుంటున్నారా!

ఫంగస్ కారణంగా సువాసనలు వెదజల్లే కలపనూ, నూనెనూ, మరికొన్ని ఉత్పత్తులను అందిస్తూ రైతులకు లాభాలు తెచ్చిపెట్టే చెట్టే అగార్ వుడ్. ఈ చెట్లకు విదేశాల్లో ఎంతో డిమాండ్ ఉంది. ఈ చెట్లను ఇప్పుడిప్పుడే మన దగ్గరా సాగు చేస్తున్నారు. బంగారం లాంటి ఈ చెట్టు ఒక్కటి ఉన్నా పెంచిన వారికి కాసులు కురిపించేస్తుంది.

సువాసనతో కూడిన అగరు బత్తీలను, అత్తరును అగార్ వుడ్​తో తయారు చేస్తారు. దీన్ని సింగపూర్, లావోస్, తైవాన్, ఇండోనోసియా, మలేషియా, థాయ్​లాండ్ దేశాల్లో ఎక్కువగా పండిస్తారు. అరబ్ దేశాల్లో కలపనూ, దానికి సంబంధించిన ఉత్పత్తులను వినియోగిస్తుంటారు. అసోం, మిజోరం, త్రిపుర రాష్ట్రాల్లో అడుగుపెట్టిన అగార్ వుడ్ ఇటీవల తెలుగు రాష్ట్రాలకూ వచ్చేసింది. సువాసనలు వెదజల్లే కలప వృక్షాలైన శ్రీగంధం, ఎర్రచందనం లాంటిదే ఈ అగార్ వుడ్ కూడా.

నాలుగు సంవత్సరాలకే ఆదాయం : అయితే శ్రీగంధం, ఎర్ర చందనం చెట్లు ఆదాయం తెచ్చిపెట్టాలంటే దాదాపు పాతిక నుంచి ముప్పై సంవత్సారాలు ఆగాల్సిందే. అదే అగార్ వుడ్​ చెట్లను సాగు చేస్తే నాలుగు సంవత్సరాలకే ఆదాయం వస్తుంది. ఒక్కసారి చెట్లను సాగు చేస్తే నలభై సంవత్సారాల పాటు పలు రకాలుగా లాభాలు తెచ్చిపెడుతుంది ఈ అగర్ వుడ్ చెట్టు. ఈ చెట్లు చాలా తొందరగా పెరుగుతాయి. నాటిన నాలుగు సంవత్సరాలకే చెట్టు లావు అయ్యాక, కాండానికి రంధ్రాలు చేసి ఫంగస్​ను ఎక్కిస్తారు.

ఫంగస్​ను చెట్టుకు ఎక్కించడం వల్ల కాండం లోపల రెజిన్ లాంటి పదార్థం విడుదలవుతుంది. అది కాండంతో కలిసిపోయి, కొన్ని రకాల రసాయనాలను విడుదల చేయడంతో అగార్ వుడ్ కలప సుగంధ భరితమవుతుంది. కాండంలోపల సువాసన వెదజల్లే కలప లేయర్ నల్లగానూ, ముదురు ఎరుపు రంగులోనూ ఉంటుంది. ఘాటైన సువాసనతో కూడిన ఆ భాగం రైతులకు భారీగానే లాభం చేకూర్చుతుంది.

కిలో అగార్ వుడ్ చెక్క ధర ఎంతంటే : అగార్ వుడ్​కు ఫంగస్​ను ఎక్కించాక రెజిన్​లా ఏర్పడే కలపను బెరడు తీసి సేకరిస్తుంటారు. అలా సేకరించిన అగార్ వుడ్ చెక్క ముక్కలను కిలోల చొప్పున అమ్ముతుంటారు. ఒక చెట్టుకు ఆరు నెలల్లో దాదాపు మూడు కిలోల చెక్క ముక్కలు వస్తే, కిలో ధర రూ.లక్ష నుంచి రూ.మూడు లక్షల వరకు ఉంటుంది. ఈ అగార్ వుడ్ చెక్కను అగరొత్తుల తయారీకీ, ధూపం వేసుకోవడానికీ ఉపయోగిస్తారు. బీడ్స్​గా మార్చి దండలూ, బ్రేస్​లెట్లగానూ రూపొందిస్తారు.

ఈ చెక్కతో నూనె : కొందరేమో ఈ చెక్క ముక్కల్ని ప్రాసెస్‌ చేసి నూనె సేకరిస్తారు. అత్తరు, మెడిసిన్‌ తయారీలో ఉపయోగించే ఈ నూనెకు అరబ్‌ దేశాల్లో ఎంతో డిమాండ్‌ ఉంది. నాణ్యతను బట్టి లీటరు నూనె ధర రూ.ముప్ఫై నుంచి రూ.డెబ్భై లక్షల వరకూ పలుకుతుంది. అలాంటివేమీ చేయకుండా కలప రూపంలో విక్రయించినా ఫర్నీచర్‌ తయారీ సంస్థలు చక్కని గృహోపకరణాలను రూపొందిస్తాయి.

అగార్‌వుడ్‌ ఆకులు కూడా ఉపయోగకరమైనవే : అగార్‌ వుడ్‌ కలపతో పాటు ఆకులు కూడా ఉపయోగకరమైనవే. వాటిని ఎండబెట్టి గ్రీన్‌ టీ ఆకుల మాదిరిగా డ్రై లీవ్స్‌గానూ, పొడిగానూ మార్చుతారు. వీటితో చేసే టీ ఆరోగ్యానికి ఎన్నో రకాలుగా మేలు చేస్తుంది. రోజుకోసారి అగార్‌ వుడ్‌ టీ తాగితే ఒత్తిడి, జీర్ణ సంబంధ, శ్వాస సమస్యలూ అదుపులోకి వచ్చి రోగ నిరోధక శక్తి పెరుగుతుంది. కాబట్టే తెలుగు రాష్ట్రాల్లోని రైతులు ఈ ఉత్పత్తులన్నీ తయారు చేస్తూ, విదేశాలకు ఎగుమతి చేస్తున్నారు. అందుకే అంటారు అగార్‌ వుడ్‌ సువాసనల పంటే కాదు, సిరుల పంట కూడా అని!

వరుసగా 10వ సారి కీలక పాలసీ రేట్లను యథాతథంగా కొనసాగిస్తూ ఇటీవలే కీలక నిర్ణయం తీసుకుంది రిజర్వ్ బ్యాంక్ ఆఫ్ ఇండియా (ఆర్‌బీఐ). అయితే, వచ్చే డిసెంబర్‌లో జరిగే మానీటరీ పాలసీ కమిటీ సమావేశంలో రెపో రేటును తగ్గించే అవకాశాలు కనిపిస్తున్నాయి. ఆర్‌బీఐ వడ్డీ రేట్లు తగ్గిస్తే బ్యాంకులు సైతం తమ డిపాజిట్లపై వడ్డీ రేట్లలో కోత పెడుతుంటాయి. అందుకే అధిక వడ్డీ కోరుకునే డిపాజిటర్లు ఇప్పుడే ఫిక్స్‌డ్ డిపాజిట్లు చేయడం మంచిదని ఆర్థిక నిపుణులు సూచిస్తున్నారు. మీ ఆర్థిక లక్ష్యాలు 2-3 ఏళ్ల మధ్య ఉన్నాయని అనుకుంటే మీరు 3 ఏళ్ల మెచ్యూరిటీ టెన్యూర్ గల ఫిక్స్‌డ్ డిపాజిట్లను ఎంచుకోవచ్చు. ఈ మూడేళ్ల డిపాజిట్లపై 7 దిగ్గజ బ్యాంకులు మంచి వడ్డీ రేట్లను అందిస్తున్నాయి. వాటి గురించి తెలుసుకుందాం.

ప్రముఖ ప్రైవేట్ బ్యాంకుల్లో..
ప్రైవేట్ రంగ బ్యాంకుల్లో మూడేళ్ల టెన్యూర్ డిపాజిట్లను చూసుకుంటే హెచ్‌డీఎఫ్‌సీ బ్యాంక్ జనరల్ కస్టమర్లకు 7 శాతం, సీనియర్ సిటిజన్లకు 7.50 శాతం వడ్డీ రేట్లు ఆఫర్ చేస్తోంది. ఈ ఏడాది జులై 24 నుంచి కొత్త వడ్డీ రేట్లను అమలు చేస్తోంది. అలాగే ఐసీఐసీఐ బ్యాంక్, ఫెడరల్ బ్యాంకులు సైతం సాధారణ ప్రజలకు 7 శాతం, సీనియర్ సిజిటన్లకు 7.50 శాతం వడ్డీ ఇస్తున్నాయి. అయితే కోటక్ మహీంద్రా బ్యాంక్ మాత్రం సాధారణ పౌరులకు 7 శాతం, సీనియర్ సిటిజన్లకు 7.60 శాతం వడ్డీ ఆఫర్ చేస్తున్నాయి. ఆయా బ్యాంకుల్లో ఒక సాధారణ కస్టమర్ రూ.5 లక్షలు జమ చేస్తే మూడేళ్ల తర్వాత చేతికి రూ. 6,03,074 వస్తాయి. అలాగే సీనియర్ సిటిజన్లు అయితే చేతికి రూ. 6,10,425 వరకు వస్తాయి. అదే కోటక్ మహీంద్రా బ్యాంకులో సీనియర్లకు రూ.6,11,887 వరకు అందుతాయి.

ప్రభుత్వ రంగ దిగ్గజ బ్యాంకుల్లో..
ప్రభుత్వ రంగ దిగ్గజ బ్యాంకుల్లో స్టేట్ బ్యాంక్ ఆఫ్ ఇండియా (SBI) మూడేళ్ల టెన్యూర్ డిపాజిట్లపై జనరల్ కస్టమర్లకు 6.75 శాతం, సీనియర్ సిటిజన్లకు 7.25 శాతం వడ్డీ ఆఫర్ చేస్తోంది. ఈ కొత్త రేట్లను జూన్ 15, 2024 నుంచే అమలులోకి తీసుకొచ్చింది. ఇక పంజాబ్ నేషనల్ బ్యాంకులో జనరల్ కస్టమర్లకు 7 శాతం, సీనియర్ సిటిజన్లకు 7.50 శాత వడ్డీ లభిస్తోంది. ఇక యూనియన్ బ్యాంక్ ఆఫ్ ఇండియాలో జనరల్ కస్టమర్లకు 6.7 శాతం వడ్డీ ఇస్తుండగా.. సీనియర్ సిటిజన్లకు 7.20 శాతం వడ్డీ లభిస్తోంది. ఒక జనరల్ కస్టమర్ రూ.5 లక్షలు జమ చేస్తే స్టేట్ బ్యాంకులో రూ.5,99,374 వస్తాయి. అదే పంజాబ్ నేషనల్ బ్యాంక్ అయితే రూ. 6,03,074 వస్తాయి. ఇక యూబీఐలో రూ. 5,98,638గా ఉంది. ఇక సీనియర్ సిటిజన్లు అయితే ఎస్‌బీఐలో రూ.6,06,743 వస్తాయి. ఇక పంజాబ్ నేషనల్ బ్యాంకులో అయితే రూ. 6,10,425 వరకు వస్తాయి. ఇక యూబీఐలో చేతికి రూ. 6,06,019 వస్తాయి.

అతి తక్కువ ధరకే విమాన టికెట్లు కొనుగోలు చేయాలనుకుంటున్న వాళ్లకి శుభవార్త. ఇలాంటి వాళ్ల కోసం గూగుల్ కొత్త ఫీచర్ని తీసుకొచ్చింది. గూగుల్ ఫ్లైట్స్లో ఇప్పుడు మీరు తక్కువ ధరతో కూడిన విమాన టికెట్లను సెలక్ట్‌ చేసుకోవచ్చు. వివరాల్లోకెళ్తే.. అతి తక్కువ ధరలకు విమాన టికెట్లు బుక్ చేసుకోవాలని చూస్తున్నారా? అయితే ఇప్పుడు గూగుల్ మీకోసం కొత్త ఫీచర్ని తీసుకొచ్చింది. దీని ద్వారా సూపర్ చీప్గా ఫ్లైట్ టికెట్లు బుక్ చేసుకోవచ్చని సంస్థ చెబుతోంది. టెక్ దిగ్గజం గూగుల్‌ మీ టూల్కిట్లో మరొక ఫీచర్ని జోడించింది. ఇది సూపర్ చీప్‌ విమాన టిక్కెట్లను పొందడంలో సహాయపడుతుంది. మీరు గూగుల్ ఫ్లైట్స్తో సెర్చ్ చేసినప్పుడు.. ధర, సౌలభ్యం ఆధారంగా ఫలితాల పైన్‌ బెస్ట్‌ ఆప్షన్స్ కనిపిస్తాయి.

“చీపెస్ట్” ట్యాబ్ గూగుల్ ఫ్లైట్స్లో అందుబాటులోకి వచ్చింది. మీరు మీ ట్రిప్ వివరాలను ఎంటర్‌ చేసి.. మరింత తక్కువ ధరలతో మరిన్ని ఆప్షన్స్ని చూసేందుకు “చీపెస్ట్” పై క్లిక్ చేయండి. గూగుల్ ఫ్లైట్స్ అందుబాటులో ఉన్న ప్రతి ప్రాంతంలో వచ్చే రెండు వారాల్లో ఈ అప్డేట్ అందరికి అందుబాటులోకి రానుంది. ఈ చీపెస్ట్ ట్యాబ్ కింద మీకు మరిన్ని ఆప్షన్స్ కూడా కనిపిస్తాయి. క్రియేటివ్ ఇటినరీస్, లాంగర్ లేఓవర్స్, సెల్ఫ్- ట్రాన్స్ఫర్స్, కొనుగోళ్లు వంటివి కొన్ని ఆప్షన్స్ కనిపిస్తాయి.

అయితే సౌకర్యం కన్నా డబ్బుపై ఎక్కువ ఫోకస్ చేసే వారికి సులభంగా చీపెస్ట్ ఫ్లైట్ టికెట్లు దొరికే విధంగా ఈ ఫీచర్ ఉపయోగపడుతుంది. అవి చూసిన తర్వాత మీరే ఒక నిర్ణయం తీసుకోవచ్చు. మీరు హాలిడే ట్రిప్‌ వెళ్లాలనుకుంటే ఈ ఫీచర్‌ మీకు ఉపయోగపడుతుంది. థాంక్స్ గివింగ్, క్రిస్మస్, న్యూ ఇయర్ వంటి హాలిడే సీజన్‌ మొదలవుతున్న వేళ ఈ ఫీచర్‌ అందుబాటులోకి రావడం విశేషం.

ఈ ఫీచర్‌ని ఉపయోగించి చౌక విమానాలను ఎలా బుక్ చేసుకోవాలంటే?
ఈ కొత్త టూల్‌తో చౌక విమానాలను బుక్ చేసుకోవడం చాలా సులభం. మీరు సాధారణంగా Google Flights లో బుక్‌ చేసే విధంగా మీ పర్యటన వివరాలను ఎంటర్‌ చేయండి. ఫలితాలు లోడ్ అయిన తర్వాత మీరు ఖర్చు, సౌలభ్యాన్ని బ్యాలెన్స్ చేసే సాధారణ “బెస్ట్‌” ట్యాబ్‌ను చూస్తారు. అయితే.. ఇప్పుడు మీరు కొత్తగా వచ్చిన “cheapest” ట్యాబ్‌పై క్లిక్‌ చేయొచ్చు. ఈ సెక్షన్‌ అన్ని ఆప్షన్లను తక్కువ ధరలతో కూడిన లిస్ట్‌ సిద్ధం చేస్తుంది. అవి కొద్దిగా తక్కువ సౌకర్యవంతంగా ఉన్నప్పటికీ.

మీకు ప్రతి నెలా జీతం వస్తుందా.. మొత్తం ఖర్చు చేస్తున్నారా.. ఏమైనా పొదుపు చేస్తున్నారా.. ఇప్పుడు బానే ఉన్నా.. పొదుపు చేయకుంటే దీర్ఘకాలంలో ముఖ్యంగా వయసు మళ్లిన సమయంలో ఆర్థికంగా ఇబ్బందులు ఎదుర్కొనే అవకాశాలు ఉంటాయి. అందుకే డబ్బుల్ని ఆదా చేసి.. దీనిని పెట్టుబడులకు మళ్లించాలి. అయితే ఎందులో పెట్టుబడి పెట్టాలనే దానిపై మంచి ప్లాన్ ఉండాలి. పెట్టుబడుల కోసం చాలా ఆప్షన్స్ ఉంటాయి. అయితే దీర్ఘకాలంలో మంచి రిటర్న్స్ ఎందులో ఎక్కువ వస్తాయి.. రిస్క్ తీస్కొని ఎందులో ఇన్వెస్ట్ చేయాలి.. రిస్క్ లేకుండా మంచి రిటర్న్స్ ఎక్కడ వస్తాయనే దానిపై ఆర్థిక నిపుణుల సలహా తీసుకోవాలి. ఒక పక్కా ప్రణాళిక ప్రకారం ఇన్వెస్ట్‌మెంట్ పెట్టాలి.
>> అయితే కాస్త రిస్క్ ఉన్నప్పటికీ లాంగ్ రన్‌లో మంచి రిటర్న్స్ కోసం చాలా మంది మ్యూచువల్ ఫండ్లలో సిప్ విధానంలో పెట్టుబడులు పెడుతుంటారు. ఇక్కడ రోజువారీగా రూ. 100 చొప్పున పెట్టుబడి పెట్టినా.. పదవీ విరమణ కల్లా 5 కోట్ల వరకు సంపాదించొచ్చు. ఇందుకోసం.. ఎంత రిటర్న్స్ ఆశించాలి. నెలకు ఎంత పెట్టుబడి పెట్టాలి. ఎన్నేళ్లలో ఎంతొస్తాయో చూద్దాం.

>> మ్యూచువల్ ఫండ్స్ పథకాల్లో కాంపౌండింగ్ ఎఫెక్ట్ పని చేస్తుంది. అంటే ఇన్వెస్ట్‌మెంట్‌పై చక్రవడ్డీ రూపంలో రిటర్న్స్ వస్తాయి. అంటే.. ఇక్కడ కొంత మొత్తం పెట్టుబడి పెడితే.. ఏడాది చివర్లో దానిపై వడ్డీ రూపంలో కొంత ఆదాయం వచ్చిందనుకుందాం. అయితే.. ఇక్కడ వడ్డీ రూపంలో వచ్చిన ఆదాయం.. అసలులో కలుస్తుంది. అప్పుడు మరుసటి సంవత్సరం ఇలా అసలుపై వడ్డీ, మళ్లీ వడ్డీపై వడ్డీ ఇలా కాలం గడుస్తున్న కొద్దీ రిటర్న్స్ పెరుగుతూనే ఉంటాయి. అందుకే.. ఇక్కడ ఎంత తక్కువ వయసులో పెట్టుబడి పెడితే.. అంత ఎక్కువ రిటర్న్స్ అందుకోవచ్చు. అప్పుడు దీర్ఘకాలం పాటు పెట్టుబడులు కొనసాగించవచ్చు.

>> ఉదాహరణ చూస్తే.. ఉద్యోగంలో చేరిన 25 ఏళ్ల వ్యక్తి.. సిప్‌లో రోజుకు 100 చొప్పున మ్యూచువల్ ఫండ్స్‌లో పెట్టుబడి ప్రారంభించాడనుకుందాం. అప్పుడు నెలకు రూ. 3 వేలు అవుతుంది. ఇక 60 ఏళ్ల వరకు రిటైర్మెంట్ వరకు ఏటా 10 శాతం పెట్టుబడి పెంచుకుంటూ పోవాలి. ఇలా మరో 35 ఏళ్లు ఇన్వెస్ట్ చేస్తే.. రిటైర్మెంట్ కల్లా పెద్ద మొత్తంలో సంపద సృష్టించుకోవచ్చు.

>> మ్యూచువల్ ఫండ్స్‌లో చాలా స్కీమ్స్ సగటున 15 శాతం రిటర్న్స్ కంటే ఎక్కువే ఇస్తాయి. మనం ట్రెండ్‌ను బట్టి 12 శాతం వార్షిక రిటర్న్స్ వస్తుందని అనుకొని లెక్కలు చూద్దాం. రోజుకు రూ. 100 చొప్పున నెలకు రూ. 3 వేలు పెట్టుబడి పెట్టాలి. మొత్తం 35 ఏళ్లు కట్టాలి. సగటు రిటర్న్స్ 12 శాతంగా అంచనా వేస్తే.. పెట్టుబడి మొత్తం = రూ. 3000x 12 నెలలు x 35 సంవత్సరాలు = రూ. 97.56 లక్షలవుతుంది. ఇక దీనిపై వచ్చే రాబడి రూ. 4.35 కోట్ల వరకు ఉంటుంది. పెట్టుబడితో కలిపి మొత్తం చేతికి రూ. 5.33 కోట్లు వస్తాయి. ఇది పెట్టుబడిని, రిటర్న్స్‌ను బట్టి మారుతుంటుంది.

ఎప్పుడైనా బయటకు వెళ్తే, సడన్ గా డబ్బు అవసరమైతే, డెబిట్ లేదా క్రెడిట్ కార్డు అవసరం లేకుండా, కేవలం మీ ఆధార్ నంబర్ సహాయంతో ఏటీఎంల నుంచి నగదును విత్ డ్రా చేసుకోవచ్చు. అందుకు, ముఖ్యంగా కావాల్సింది, మీ ఆధార్ నంబర్ తో మీ బ్యాంక్ ఖాతా అనుసంధానమై ఉండడం మాత్రమే.

బిల్లులు చెల్లించడానికి లేదా స్థానిక దుకాణంలో చెల్లింపులు చేయడానికి డిజిటల్ లావాదేవీలు భారతదేశంలో చాలా మంది దైనందిన జీవితంలో అంతర్భాగంగా మారాయి. అయితే, వివిధ సందర్భాల్లో నగదు అవసరం తప్పనిసరిగా ఉంటుంది. ప్రజలు సాంప్రదాయకంగా బ్యాంకులు లేదా ఎటిఎంల నుండి డబ్బును ఉపసంహరించుకున్నప్పటికీ, వారు ఇప్పుడు మరింత సౌకర్యవంతమైన పద్ధతిని ఉపయోగించవచ్చు. అది ఆధార్ కార్డు ద్వారా నగదు ఉపసంహరణ. నేషనల్ పేమెంట్స్ కార్పొరేషన్ ఆఫ్ ఇండియా (NPCI) ప్రారంభించిన ఆధార్ ఎనేబుల్డ్ పేమెంట్ సిస్టమ్ (AEPS) ద్వారా ఇది సాధ్యమవుతుంది.

ఆధార్, బయో మెట్రిక్ ఆథెంటికేషన్

ఆధార్ నంబర్, బయోమెట్రిక్ అథెంటికేషన్ లను ఉపయోగించి వివిధ రకాల బ్యాంకింగ్ లావాదేవీలను ఆధార్ ఎనేబుల్డ్ పేమెంట్ సిస్టమ్ ద్వారా నిర్వహించవచ్చు. మైక్రో ఏటీఎంలు, ఇతర బ్యాంకింగ్ ఏజెంట్ల వద్ద నగదు ఉపసంహరణ, బ్యాలెన్స్ ఎంక్వైరీ, ఫండ్ ట్రాన్స్ఫర్ వంటి ఆర్థిక సేవలను పొందవచ్చు.
ఆధార్ నంబర్ తో క్యాష్ విత్ డ్రా ఎలా?

మీ ఆధార్ నంబరును ఉపయోగించి నగదు ఉపసంహరించుకోవడానికి, ముందుగా, మీరు మీ ఆధార్ నంబర్ ను బ్యాంకు ఖాతాకు లింక్ చేయాలి. ఆ తరువాత, మీ దగ్గర్లోని మైక్రో ఏటీఎం ల నుంచి ఈ కింది దశలను అనుసరించడం ద్వారా క్యాష్ విత్ డ్రా చేసుకోవచ్చు.

1. మైక్రో-ఎటిఎంను సందర్శించండి: ఏఈపీఎస్ కు మద్దతు ఇచ్చే బ్యాంకింగ్ ఏజెంట్ లేదా మైక్రో-ఎటిఎంను గుర్తించండి. ఈ ప్రదేశాలు తరచుగా గ్రామీణ ప్రాంతాలలో లేదా మొబైల్ బ్యాంకింగ్ సేవలలో భాగంగా కనిపిస్తాయి.

2. మీ ఆధార్ నంబర్ ఇవ్వండి: మైక్రో ఏటీఎంలో మీ 12 అంకెల ఆధార్ నంబర్ ను నమోదు చేయండి. ఆ నంబర్ సరైనదని ధృవీకరించండి.

3. ఫింగర్ ప్రింట్ అథెంటికేషన్: ఫింగర్ ప్రింట్ స్కానర్ లో మీ బొటనవేలు పెట్టి బయోమెట్రిక్ వెరిఫికేషన్ చేసుకోండి. ఈ సిస్టమ్ మీ ఆధార్ కార్డుతో లింక్ అయి ఉన్న బ్యాంక్ ఖాతా వివరాలను తనిఖీ చేస్తుంది.

4. లావాదేవీ రకాన్ని ఎంచుకోండి: వెరిఫికేషన్ పూర్తయిన తరువాత, “క్యాష్ విత్ డ్రాయల్” ఆప్షన్ ను ఎంచుకోండి.

5. ఉపసంహరణ మొత్తాన్ని నమోదు చేయండి: మీరు విత్ డ్రా చేయాలనుకుంటున్న నగదు మొత్తాన్ని నమోదు చేయండి. ఇది మీ బ్యాంక్ విత్ డ్రా లిమిట్ లోపలే ఉండాలి.

6. నగదు, ధృవీకరణ పొందండి: లావాదేవీ తర్వాత, మీకు మైక్రో ఏటీఎం లేదా బ్యాంకింగ్ ఏజెంట్ ద్వారా నగదు అందుతుంది. లావాదేవీని ధృవీకరించడానికి మీ రిజిస్టర్డ్ మొబైల్ నంబర్ కు ఎస్ఎంఎస్ నోటిఫికేషన్ కూడా వస్తుంది.
విత్ డ్రాయల్ లిమిట్స్

ఎఇపిఎస్ ఉపసంహరణ పరిమితులు బ్యాంకును బట్టి మారుతూ ఉంటాయి, సాధారణంగా రోజుకు రూ .10,000 నుండి రూ .50,000 వరకు ఉంటాయి. భద్రతా విధానాల కారణంగా కొన్ని బ్యాంకులు ఏఈపీఎస్ సేవలను పరిమితం చేయవచ్చు. అత్యవసర సమయాల్లో గ్రామీణ ప్రాంతాల్లో ఏఈపీఎస్ చాలా విలువైనది. సాంప్రదాయ బ్యాంకింగ్ (BANKING) పద్ధతుల ద్వారా నగదు ఉపసంహరణలో ఇబ్బంది పడుతున్న వృద్ధులు లేదా వికలాంగులకు ఈ విధానం చాలా ఉపయోగకరం. అయితే, వినియోగదారులు తమ ఆధార్ (aadhaar) నంబర్లను గోప్యంగా ఉంచడం, లావాదేవీల సమాచారం కోసం వారి రిజిస్టర్డ్ మొబైల్ నంబర్లను నిర్వహించడం కచ్చితంగా చేయాలి.

తల్లిదండ్రులు పిల్లల మీద ప్రేమతో, తమకు ఏదైనా జరిగితే వారికి ఎలాంటి కష్టాలు రాకూడదని ఇన్స్యూరెన్స్‌ పాలసీలు, ఆస్తులు కొనుగోలు చేస్తుంటారు. అయితే అలాంటి పాలసీలు, ఆస్తుల విషయంలో కొన్ని జాగ్రత్తలు తీసుకోవడం మరువకూడదు.

జీవితంలో ప్రతి ఒక్కరు కష్టపడేది.. ఉద్యోగం, వ్యాపారంలో సంపాదించేది తమతో పాటు తమ వారసులకు అందించడం కోసమే. నేటి అవసరాలతో పాటు భవిష్యత్ అవసరాల కోసం పొదుపు చేస్తుంటారు. వీటన్నింటి లక్ష్యం పిల్లల భవిష్యత్తు బాగుండాలి, వారికి స్థిరమైన జీవితం కల్పించాలనే లక్ష్యంతోనే శ్రమిస్తుంటారు.

ఈ క్రమంలో కొత్తగా పెళ్లైన వారు పిల్లలు పుట్టిన వెంటనే బీమా ఏజెంట్లు చెప్పే మాటలకు పడిపోతుంటారు. “పిల్లల పేరుతో ఓ పాలసీ తీసుకోండి”అనగానే మంచిదేనని భావిస్తారు. పిల్లల పేరుతో బీమా పాలసీలు చేయడంలో జాగ్రత్తలు తీసుకోవాల్సి ఉటంుంది.

తల్లిదండ్రులు తమకు ఏదైనా జరగరానిది జరిగితే తమ పిల్లలకి ఎలాంటి కష్టం లేకుండా ఆర్థిక సహకారం అందేలా పాలసీలు చేయడం మంచిదే. అదే సమయంలో పిల్లలకు ఏదైనా జరిగితే తాము లాభపడాలని ఏ తల్లిదండ్రులు కోరుకోరు. ప్రస్తుతం ఇన్స్యూరెన్స్ కంపెనీలు పిల్లల పేరుతో పాలసీలు జారీ చేస్తున్నా వారికి నిర్ణీత వయసు వచ్చే వరకు కవరేజీ ఇవ్వడం లేదు. అప్పుడే పుట్టిన బిడ్డలకు ఇన్స్యూరెన్స్‌ పాలసీలు తీసుకోవడంలో పెద్దగా ఉపయోగం ఉండదని ఆర్థిక నిపుణులు సూచిస్తున్నారు.

ఉదాహరణకు కొత్తగా పెళ్లైన జంటకు ఓ బిడ్డ పుట్టగానే బీమా ఏజంటు మాటలతొ ఓ బీమా పాలసీ తీసుకున్నాడనుకుందాం… పాప పుట్టిన కొన్నేళ్లకు ప్రమాదంలో తండ్రి చనిపోతే ఆ పాలసీ పరిస్థితి ఏమిటో ఊహించుకోవాలి. చనిపోయే నాటికి ఆ వ్యక్తి పేరుతో ఎలాంటి పాలసీ లేకపోతే ఆ కుటుంబం రోడ్డు పడుతుంది. కూతురి పేరుతో ఉన్న పాలసీ గడువు తీరిన తర్వాత చేతికి అందుతుంది. అదే సమయంలో అప్పటి వరకు అతనిపై ఆధారపడి ఉన్న భార్యా పిల్లలకు మాత్రం కష్టాలు తప్పవు

వయసుకి తగిన బీమా కవరేజ్ ఉంటే, తనతో పాటు కూతురుకు కూడా మరో పాలసీ తీసుకుంటే ఉపయోగం ఉంటుంది. నిజానికి ఎవరైనా బీమా పాలసీల్లో కట్టే ప్రీమియంలో ఏజంటు కమీషన్లు, కంపెనీ ఖర్చులకి ఎక్కువ మొత్తమే చెల్లించాల్సి ఉంటుందని గుర్తించాలి.
పిపిఎఫ్‌ పథకాలు ఉత్తమం..

పిల్లల భవిష్యత్తు కోసం 8 శాతం వడ్డీ వచ్చే పబ్లిక్ ప్రావిడెంట్ ఫండ్లో డిపాజిట్ చేస్తే ఎండోమెంట్ పాలసీల్లో గిట్టుబాటయ్యే వడ్డీ కంటే ఎక్కువ వడ్డీయే గిట్టుబాటవుతుందని నిపుణులు సూచిస్తున్నారు.

ఇందులో కొంత రిస్క్‌కు సిద్ధపడితే నెలనెలా కొంత మొత్తాన్ని మ్యూచువల్ ఫండ్లో చెల్లిస్తూ పోతే, దీర్ఘకాలానంతరం పిల్లల అవసరాలకు ఉపయోగపడే మంచి ఫండ్ మొత్తాన్ని సిద్ధం చేయొచ్చు.

బీమా పాలసీ అనేది దీర్ఘకాలిక కాంట్రాక్టు. ఒక్కసారి పిల్లల పేరుతో పాలసీ తీసుకొని భవిష్యత్తులో ఆర్థిక ఇబ్బందుల వల్ల వాటిని కట్టలేకపోతే సరెండర్ చార్జీల క్రింద కొంత మొత్తాన్ని కోల్పోవలసి వస్తుంది.పొదుపు పథకాలలో ఈ ఇబ్బంది ఉండదు. డబ్బు అందుబాటులో ఉన్నపుడు చెల్లిస్తే సరిపోతుంది.

ఆస్తులు కొన్న ఇబ్బందులు తప్పవు…

పిల్లల పేరుతో ఇల్లు, స్థలాలు కొనాలని ఆలోచిస్తారు కొందరు. దీనివల్ల కూడా కొన్ని ఇబ్బందులు వచ్చే అవకాశం ఉంది. స్థిరాస్తులు మైనర్ల పేరిట ఉంటే వాటిని అమ్మాలంటే కుదరదు. మైనర్ పిల్లల అవసరం కోసం ఆ ఆస్తుల్ని అమ్మాలంటే దానికి న్యాయస్థానం అనుమతి తీసుకోవాల్సి ఉంటుంది. కనీసం తాకట్టు పెట్టి అప్పు తీసుకోవాలన్నా, ఆ అప్పు మైనర్ అవసరాల కోసమే అని న్యాయస్థానాన్ని అభ్యర్థించిఅనుమతి పొందాల్సి ఉంటుంది.

ఎప్పుడైనా తల్లిదండ్రుల పేరుతో ఆస్తి ఉంటే దుర్వినియోగం అవుతుందన్న భయం ఉంటే తాతయ్యలు, నానమ్మలు మనవళ్ళ పేరుతో స్థిరాస్తులు కొనవచ్చు. కానీ వారికి మైనార్టీ తీరే వరకు యాజమాన్య హక్కులు రావు.
బ్యాంక్ డిపాజిట్లు ఉత్తమం..

బ్యాంక్‌లో మైనర్ పిల్లల పేరుతో ఫిక్సిడ్ డిపాజిట్ చేసి మధ్యలో కాన్సిల్ చేసుకునే అవకాశం ఉంటుంది.డిపాజిట్లపై లోన్ తీసుకోవాలన్నా ఆ డబ్బు మైనర్ అవసరాల కోసమే అని లిఖ‌ితపూర్వకంగా రాసిస్తే చెల్లుతుంది.

పొదుపైనా,బీమా పాలసీ అయినా పిల్లల కోసం చేయొచ్చు కానీ, పిల్లల పేరుతోనే వాటిని చేయాల్సిన అవసరం లేదు. తల్లిదండ్రులకు సరియైన బీమా పాలసీ ఉన్న తర్వాత పిల్లల పేరుతో పాలసీ చేయాలి. పిల్లల పేరుతో పాలసీ చేయాలనిపిస్తే తల్లిదండ్రులకి బీమా కవరేజి ఇచ్చే పిల్లల పాలసీలని కొనుగోలు చేయవచ్చు. తల్లిదండ్రులకు ఏమైనా జరిగితే పాలసీ మొత్తాన్ని వెంటనే చెల్లించి, పిల్లలకి మైనార్టీ తీరిన తర్వాత మెచ్యూరిటీ మొత్తాన్ని మళ్ళీ చెల్లించే పాలసీలు కూడా అందుబాటులో ఉన్నాయి.

అసంఘటిత రంగాల్లో పనిచేస్తున్న కార్మికుల కోసం కేంద్ర ప్రభుత్వం ఈ-శ్రమ్ యోజన పథకాన్ని అమలు చేస్తుంది. ఈ-శ్రమ్ కార్డుతో అసంఘటిత రంగాల్లో ఉపాధి పొందుతున్న కార్మికులకు కేంద్రం అనేక ప్రయోజనాలు కల్పిస్తుంది. 60 ఏళ్లు నిండిన తర్వాత పింఛన్, రూ.2 లక్షల డేత్ బెనిఫిట్ అందిస్తుంది.

అసంఘటిత రంగాల్లోని కార్మికులకు సామాజిక భద్రత కల్పించేందుకు కేంద్ర ప్రభుత్వం ఈ-శ్రమ్ యోజన పథకాన్ని ప్రారంభించింది.అన్ ఆర్గనైజ్డ్ సెక్టార్ లోని కార్మికుల కోసం ప్రత్యేకంగా ఈ-శ్రమ్ పోర్టల్‌ను ఏర్పాటు చేసింది. ఈ-శ్రమ్ పోర్టల్ ప్రధాన లక్ష్యం అసంఘటిత రంగాల్లోని కార్మికుల విస్తృత డేటాబేస్ ను రూపొందించి, వారికి అనేక ప్రభుత్వ పథకాల ప్రయోజనాలను అందించడం. అసంఘటిత రంగాల్లోని కార్మికులకు కేంద్రం e-Shram కార్డు అందిస్తుంది. ఈ కార్డుతో అనేక ప్రయోజనాలు పొందవచ్చు.

ఈ-శ్రమ్ కార్డు పొందిన కార్మికులు 60 ఏళ్ల వయస్సు వచ్చిన తర్వాత పెన్షన్, మరణాంతరం బీమా, వైకల్యం చెందితే ఆర్థిక సహాయంతో సహా అనేక ప్రయోజనాలను పొందవచ్చు. ఈ-శ్రమ్ పోర్టల్ eshram.gov.in ద్వారా అసంఘటిత కార్మికులు ఈ-శ్రమ్ కార్డును ఆన్ లైన్ లో పొందవచ్చు.
ఈ-శ్రమ్ కార్డు పొందేందుకు అర్హతలు

అసంఘటిత రంగంలో ఉపాధి పొందుతున్న వ్యక్తి లేదా కార్మికుడు
16 నుంచి 59 సంవత్సరాల మధ్య వయస్సు కలిగినవారు
దరఖాస్తుదారుడి సెల్ ఫోన్ నంబర్‌ ఆధార్‌తో అనుసంధానం చేసి ఉండాలి
ఆదాయపు పన్ను చెల్లించనివారు.

ఆన్‌లైన్ లో e-Shram కార్డు ఎలా దరఖాస్తు చేయాలి

ఈ-శ్రమ్ పోర్టల్‌ https://eshram.gov.in/ ఓపెన్ చేయండి.
మీ ఆధార్ తో లింక్ చేసిన సెల్ ఫోన్ నంబర్‌ను నమోదు చేయాలి. మీ ఫోన్ నెంబర్ కు ఓటీపీ వస్తుంది.
మీ మొబైల్ కు వచ్చిన ఓటీపీని ఎంటర్ చేయండి. అనంతరం మీ ఆధార్ నంబర్‌ను నమోదు చేయండి.
స్క్రీన్‌పై అడిగిన వ్యక్తిగత డేటాను నమోదు చేయండి.
అవసరమైన ఫీల్డ్‌లలో మీ అడ్రస్, విద్యా విషయాలు ఎంటర్ చేయండి.
ఉపాధి, వ్యాపార రకం, చేస్తున్న పని గురించి వివరాలు తెలపండి.
మీ మొబైల్‌కి ఓటీపీ వస్తుంది. ఈ ఓటీపీని నమోదు చేసిన సబ్మిట్ చేయండి.
స్క్రీన్ పై e-Shram కార్డు డిస్ ప్లే అవుతుంది. E-Shram కార్డ్‌ని డౌన్‌లోడ్ చేసుకోవచ్చు.

ఈ-శ్రమ్ కార్డు ప్రయోజనాలు

60 ఏళ్లు నిండిన వారికి నెలవారీ పింఛను రూ.3,000
డేత్ బెనిఫిట్ బీమా కవరేజీ మొత్తం రూ. 2,00,000, పాక్షిక వైకల్యం చెందితే రూ. 1,00,000 ఆర్థిక సహాయం
ప్రమాదం కారణంగా లబ్ధిదారుడు మరణిస్తే, జీవిత భాగస్వామి అనుబంధ ప్రయోజనాలను పొందేందుకు అర్హులు
ఈ-శ్రమ్ కార్డు భారతదేశం అంతటా చెల్లుతుంది.

E-Shram కార్డు పొందేందుకు అవసరమైన పత్రాలు

కార్మికుడి పేరుతో బ్యాంక్ ఖాతా
ఆధార్‌తో మొబైల్ నెంబర్ లింక్
ఆధార్ కార్డు

ఆన్ లైన్ లో ఈ-శ్రమ్ కార్డు డౌన్‌లోడ్ ఎలా?

ఈ-శ్రమ్ పోర్టల్ https://eshram.gov.in/ పై క్లిక్ చేయండి.
హోంపేజీలోని వన్ స్టాప్ సొల్యూషన్ ఆప్షన్ పై క్లిక్ చేసి ‘Login Using UAN’ పై క్లిక్ చేయండి.
మీ UAN పుట్టిన తేదీ, క్యాప్చా ఎంటర్ చేసి, ఆపై ‘జనరేట్ ఓటీపీ’ పై క్లిక్ చేయండి.
మీ మొబైల్ కు వచ్చిన OTPని నమోదు చేసి, సబ్మిట్ పై క్లిక్ చేయండి.
మీ వివరాలను నిర్ధారించుకుని ‘ప్రివ్యూ’ క్లిక్ చేసి, ఆపై సబ్మిట్ పై నొక్కండి.
మీ ఫోన్‌ కు ఓటీపీ వస్తుంది. దాన్ని నమోదు చేసి సబ్మిట్ చేయండి.
ఇప్పుడు స్క్రీన్ పై ఈ-శ్రమ్ కార్డు జనరేట్ అవుతుంది. డౌన్ లోడ్ చేసుకుని ప్రింట్ అవుట్ తీసుకోండి.

1 Year Recharge Plans : ప్రతి నెలా రీఛార్జ్ చేసుకోవడం కొందరికి ఇబ్బంది. అందుకే ఏడాది ప్లాన్స్ కోసం చూస్తారు. అలాంటివారి కోసం చౌకైన రీఛార్జ్ ప్లాన్స్ ఉన్నాయి. అవేంటో చూద్దాం..

ప్రతి నెలా మళ్లీ మళ్లీ రీఛార్జ్ చేసుకోవడం కాస్త చిరాకుగా అనిపిస్తుంది. ఈ టెన్షన్ వద్దనుకుంటే 365 రోజుల వ్యాలిడిటీతో కొన్ని ప్లాన్స్ ఉన్నాయి. యాన్యువల్ ప్యాక్‌తో రీఛార్జ్ చేసుకోవడం ద్వారా ఏడాది పొడవునా టెన్షన్ లేకుండా ఉండొచ్చు. ఎయిర్‌టెల్, జియో, వొడా ఫోన్ ఐడియా, బీఎస్ఎన్ఎల్ చౌకైన వార్షిక రీఛార్జ్ ప్లాన్స్ ఉన్నాయి. ఏ కంపెనీ తన కస్టమర్లకు అతి తక్కువ ధరకు 365 రోజుల వాలిడిటీ ప్లాన్‌ను అందిస్తుందో చూడండి..

బీఎస్ఎన్ఎల్

బీఎస్ఎన్ఎల్ 365 రోజుల వ్యాలిడిటీతో చౌకైన ప్లాన్‌ను రూ.1198గా నిర్ణయించింది. ఈ ప్లాన్లో కస్టమర్లకు 12 నెలల పాటు 300 నిమిషాల కాలింగ్, 3 జీబీ డేటా, 30 ఎస్ఎంఎస్‌లు లభిస్తాయి. కంపెనీ వెబ్సైట్లో ఇచ్చిన సమాచారం ప్రకారం, అక్టోబర్ 1 నుండి అక్టోబర్ 24 మధ్య రీఛార్జ్ చేసే వినియోగదారులకు 24 రోజుల వ్యాలిడిటీతో 24 జీబీ డేటా ఉచితంగా లభిస్తుంది.
ఎయిర్‌టెల్

ఎయిర్‌టెల్ రూ.1999తో 365 రోజుల వాలిడిటీతో చౌకైన రీఛార్జ్ ప్లాన్‌ను అందిస్తోంది. ఈ ప్లాన్లో వినియోగదారులు 365 రోజుల పాటు అన్ని నెట్‌వర్క్‌లకు అపరిమిత కాలింగ్, రోజువారీ 100 ఎస్ఎంఎస్‌లను పొందుతారు. ఈ ప్లాన్ 24 జీబీ డేటాను అందిస్తుంది. డేటా ముగిసిన తర్వాత మీరు ప్రత్యేక డేటా ప్యాక్ కొనాల్సి ఉంటుంది. అదనపు ప్రయోజనంగా ఈ ప్లాన్‌లో అపోలో 24/7 సర్కిల్, ఉచిత హలో ట్యూన్స్, స్పామ్ కాల్ అలర్ట్స్ ఉన్నాయి.

రిలయన్స్ జియో

రిలయన్స్ జియో రూ.3599తో 365 రోజుల వాలిడిటీతో ప్లాన్‌ను కలిగి ఉంది. ఇందులో వినియోగదారులు 365 రోజుల పాటు అన్ని నెట్‌వర్క్‌లకు అపరిమిత కాల్స్, రోజుకు 2.5 జీబీ డేటా అంటే మొత్తం 912.5 జీబీ, రోజుకు 100 ఎస్ఎంఎస్‌లు పొందుతారు. రోజువారీ డేటా కోటా అయిపోయిన తర్వాత కూడా వినియోగదారులు 64 కేబీపీఎస్ స్పీడ్‌తో అపరిమిత ఇంటర్నెట్‌ను ఉపయోగించుకోవచ్చు. ఈ ప్లాన్ వినియోగదారులు అపరిమిత 5జీ డేటాకు కూడా అర్హులు. జియో 5జీ నెట్ వర్క్ మీ ప్రాంతంలో ఉండి, మీ వద్ద 5జీ ఫోన్ ఉంటే అపరిమిత 5జీ డేటాను ఉచితంగా వాడుకోవచ్చు. జియో టీవీ, జియో సినిమా, జియో క్లౌడ్ యాక్సెస్ ఈ ప్లాన్‌లో లభిస్తుంది.
వొడాఫోన్ ఐడియా

వొడాఫోన్ ఐడియా (వీఐ) 365 రోజుల వ్యాలిడిటీతో రూ.1999 రీఛార్జ్‌ను అందిస్తోంది. ఈ ప్లాన్లో వినియోగదారులకు 24 జీబీ డేటా, అన్ని నెట్‌వర్క్‌లకు అపరిమిత కాలింగ్‌తో మొత్తం 3600 ఎస్ఎంఎస్‌లు లభిస్తాయి. డేటా కోటా అయిపోతే 1 ఎంబీకి 50 పైసలు, ఎస్ఎంఎస్ కోటా అయిపోయినప్పుడు స్థానిక ఎంఎంఎస్‌కు రూ.1, ఎస్టీడీ ఎంఎంఎస్‌కు రూ.1.5 వసూలు చేస్తారు.

సూక్ష్మ, చిన్న తరహా సంస్థలకు రుణాలు అందించడానికి కేంద్ర ప్రభుత్వం ముద్ర యోజన పథకాన్ని తీసుకొచ్చింది. అయితే రూ.50 వేల నుంచి రూ.10 లక్షల వరకూ దీని కింద రుణం పొందవచ్చు. ఎవరు అర్హులు? ఎలా రుణం పొందాలో తెలుసుకుందాం..

స్వయం ఉపాధిని సృష్టించడంలో సహాయపడటానికి కేంద్ర ప్రభుత్వం ఇప్పటికే ప్రధాన మంత్రి ముద్ర పథకాన్ని అమలు చేస్తుంది. దీని కింద సొంత వ్యాపారాలను ప్రారంభించేలా ప్రోత్సహిస్తున్నారు. అంతేకాకుండా ప్రభుత్వం దీని కోసం రుణ సౌకర్యం కూడా కల్పిస్తోంది. అర్హులైన వారు దీనిని సద్వినియోగం చేసుకోవాలి. ప్రధాన మంత్రి ముద్ర యోజన కింద రుణాలు అందిస్తారు. ఈ స్కీమ్ కింద మూడు రకాల రుణాలు ఉంటాయి.

మీరు మీ స్వంత వ్యాపారాన్ని ప్రారంభించాలనుకుంటే కేంద్ర ప్రభుత్వం మీకు సహాయం చేస్తుంది. వ్యాపారం ప్రారంభించేందుకు ప్రభుత్వం 10 లక్షల రూపాయల వరకు ఆర్థిక సహాయం అందిస్తుంది. భారతదేశ పౌరులు ఎవరైనా దీనికి దరఖాస్తు చేసుకోవచ్చు. స్వయం ఉపాధి పొందుతున్న వారికి ఆర్థిక సహాయం అందించేందుకు 2015లో ప్రధాన మంత్రి ముద్ర యోజనను ప్రారంభించారు. మీరు దీని కింద వ్యాపారం ప్రారంభించాలనుకుంటే ఈ పథకం ద్వారా రుణం కోసం దరఖాస్తు చేసుకోవచ్చు.

ప్రధాన మంత్రి ముద్ర యోజన కింద ప్రభుత్వం మూడు కేటగిరీల కింద రుణాలను అందజేస్తుంది. మొదటిది శిశు లోన్, రెండవది కిశోర్ లోన్, మూడోది తరుణ్ లోన్. శిశు లోన్ ద్వారా 50 వేల రూపాయల వరకు రుణం తీసుకొని మీ వ్యాపారాన్ని ప్రారంభించవచ్చు. కిశోర్ రుణం ద్వారా మీరు 50 వేల నుండి 5 లక్షల రూపాయల వరకు రుణం పొందవచ్చు. తరుణ్ లోన్ కింద మీరు 5 లక్షల నుండి 10 లక్షల రూపాయల వరకు రుణం తీసుకొని వ్యాపారం ప్రారంభించవచ్చు.

ఈ పథకం కింద ముద్ర లోన్ పొందుతున్న వ్యక్తులు ప్రాసెసింగ్ ఫీజు చెల్లించాల్సిన అవసరం లేదు. ముద్ర రుణంపై వడ్డీ రేటు మార్జినల్ కాస్ట్ ఆఫ్ లెండింగ్ రేట్ (MCLR) ఆధారంగా నిర్ణయిస్తారు. ఎంసీఎల్ఆర్ రిజర్వ్ బ్యాంక్ ఆఫ్ ఇండియా మార్గదర్శకాల ప్రకారం లెక్కిస్తారు. హార్టికల్చర్, చేపల పెంపకం వంటి వ్యవసాయ సంబంధిత కార్యకలాపాలలో నిమగ్నమైన వ్యక్తులు కూడా ఈ పథకం కింద రుణం పొందవచ్చు.

సాధారణంగా దాదాపు అన్ని ఆర్థిక సంస్థలు రుణాలు ఇస్తాయి. అయితే అధిక వడ్డీల వల్ల ప్రజలు ఇబ్బందులు పడటం సహజం. ఇప్పుడు మీరు ప్రధాన్ మంత్రి శిశు ముద్ర యోజన కింద రుణం కోసం దరఖాస్తు చేస్తే ఎటువంటి పూచీకత్తు అవసరం లేదు. ఈ రకమైన లోన్ ప్రాసెసింగ్ కోసం ఎటువంటి రుసుం కూడా వసూలు చేయరు. కానీ వివిధ బ్యాంకుల్లో వడ్డీ రేట్లు మారవచ్చు. ఈ పథకం కింద వడ్డీ రేటు 9 నుంచి 12 శాతం వరకు ఉండే అవకాశం ఉంది.

18 ఏళ్లు పైబడిన భారత పౌరులు ఎవరైనా ఈ లోన్ కోసం దరఖాస్తు చేసుకోవచ్చు. దరఖాస్తుదారుకు బ్యాంక్ డిఫాల్ట్ చరిత్ర ఉండకూడదు. రుణం పొందడానికి బ్యాంకు ఖాతా అవసరం. రుణం పొందేందుకు ఇవ్వాల్సిన డాక్యుమెంట్ల విషయానికి వస్తే ఆధార్ కార్డు, పాన్ కార్డ్, నివాస ధృవీకరణ పత్రం, పాస్‌పోర్ట్ సైజ్ ఫోటో, బిజినెస్ ప్లాన్, కేవైసీ డాక్యుమెంట్, ఆదాయ రుజువు వంటి పత్రాలు ఉండాలి.

మీరు సమీపంలోని బ్యాంకుకు వెళ్లడం ద్వారా ముద్ర స్కీమ్ కోసం దరఖాస్తు చేసుకోవచ్చు. ఆన్‌లైన్‌లో కూడా దరఖాస్తు చేయవచ్చు. మరింత సమాచారం కోసం https://www.mudra.org.in/ని సందర్శించండి. ఈ వెబ్‌సైట్ ద్వారా దరఖాస్తు చేసుకోవచ్చు,