సరైన క్వాలిఫికేషన్ ఉండి కూడా ఖాళీగా ఉండొద్దు. చిన్నా జాబ్ అయినా సరే ప్రయత్నం మానుకోవద్దు. ఇటీవల కేంద్ర, రాష్ట్ర ప్రభుత్వాల నుంచి భారీ స్థాయిలో ఉద్యోగాల భర్తీ కోసం నోటిఫికేషన్స్ రిలీజ్ అవుతున్నాయి. కెరీర్ లో త్వరగా సెటిల్ అవ్వాలంటే ఏ నోటిఫికేషన్ ను కూడా వదలకండి. మీరు ఎప్పటి నుంచో ప్రభుత్వ ఉద్యోగాల కోసం ట్రై చేస్తున్నట్లైతే ఇదే మంచి ఛాన్స్. కేంద్ర ప్రభుత్వ సంస్థ పలు ఉద్యోగాల భర్తీకి నోటిఫికేషన్ రిలీజ్ చేసింది. ఈ ఉద్యోగాలకు ఎంపికైతే నెలకు రూ. 69 వేల జీతం అందుకోవచ్చు. అర్హులు ఎవరు? వయోపరిమితి ఎంత? ఎంపిక ఎలా చేపడతారు? ఆ వివరాలు మీకోసం.
మీరు టెన్త్, ఐటీఐ, డిప్లొమా ఉత్తీర్ణులై ఖాళీగా ఉన్నట్లైతే ఈ జాబ్స్ మీకోసమే. ఇండో-టిబెటన్ బోర్డర్ పోలీస్ ఫోర్స్ వివిధ విభాగాల్లో కానిస్టేబుల్‌ /ట్రేడ్స్మెన్ పోస్టుల భర్తీకి నోటిఫికేషన్ రిలీజ్ చేసింది. ఇండో టిబెటన్ బోర్డర్ పోలీస్ ఫోర్స్ వివిధ విభాగాల్లో కానిస్టేబుల్‌ /ట్రేడ్స్మెన్ (బార్బర్, సఫాయి కర్మచారి–గార్డెనర్‌) పోస్టుల భర్తీ చేయనున్నది. మొత్తం 143 పోస్టులు భర్తీ చేయనున్నారు. అభ్యర్థుల వయసు పోస్టులను అనుసరించి 21-25 ఏళ్లు కలిగి ఉండాలి. అర్హత, ఆసక్తి ఉన్నవారు ఆగస్టు 26 వరకు ఆన్ లైన్ విధానంలో దరఖాస్తు చేసుకోవచ్చు.
ముఖ్యమైన సమాచారం:
మొత్తం పోస్టుల సంఖ్య: 143
అర్హత:
కానిస్టేబుల్‌/ట్రేడ్స్మెన్(బార్బర్, సఫాయి కర్మచారి–గార్డెనర్‌) పోస్టులకు మెట్రిక్యులేషన్‌/పదో తరగతి ఉత్తీర్ణతతో పాటు సంబంధిత వృత్తిలో పని అనుభవం ఉండాలి. కానిస్టేబుల్‌(గార్డెనర్‌)పోస్టులకు మెట్రిక్యులేషన్‌ లేదా పదో
తరగతితో పాటు సంబంధిత విభాగంలో ఐటీఐ/డిప్లొమా ఉత్తీర్ణులై ఉండాలి. నిర్దిష్ట శారీరక ప్రమాణాలు తప్పనిసరిగా ఉండాలి.
వయోపరిమితి:
కానిస్టేబుల్‌(బార్బర్/సఫాయి కర్మచారి) పోస్టులకు 21 నుంచి 25 ఏళ్లు, కానిస్టేబుల్‌(గార్డెనర్‌) పోస్టులకు 21 నుంచి 23 ఏళ్ల మధ్య ఉండాలి.
ఎంపిక విధానం:
ఫిజికల్‌ ఎఫిషియెన్సీ టెస్ట్(పీఈటీ), ఫిజికల్‌ స్టాండర్డ్‌ టెస్ట్(పీఎస్‌టీ), రాతపరీక్ష, ఒరిజనల్‌ డాక్యుమెంట్ల వెరిఫికేషన్, ప్రాక్టికల్‌ స్కిల్‌ టెస్ట్, మెడికల్‌ ఎగ్జామినేషన్‌ ఆధారంగా ఎంపికచేస్తారు.
జీతం:
ఈ ఉద్యోగాలకు ఎంపికైతే నెలకు రూ.21,700 నుంచి 69,100 అందిస్తారు.
దరఖాస్తు విధానం:
ఆన్‌లైన్‌
ఆన్‌లైన్‌ దరఖాస్తు ప్రారంభతేది:
28-07-2024
ఆన్‌లైన్‌ దరఖాస్తులకు చివరితేది:
26-08-2024
