ఆరోగ్యంగా ఉండాలి అనుకునే వారు వ్యాయామం చేస్తూ ఉంటారు. అయితే వ్యాయామం చేసేవారు వ్యాయామానికి ముందు ఏమి తినొచ్చు? వ్యాయామం తర్వాత ఏం తినాలి? అనేది తెలుసుకోవలసిన అవసరం ఉంది.
వ్యాయామం చేసిన తర్వాత డైట్ ప్లాన్ లో భాగంగా నిర్దిష్ట ఆహార పదార్థాలు శరీరానికి మేలు చేస్తాయని చాలామంది వ్యాయామం నిపుణులు చెబుతున్నారు.
వ్యాయామం చేసే ముందు ఇది తినండి
అయితే అటువంటి డైట్ ప్లాన్ లో ముఖ్యంగా అరటిపండు గురించి చెబుతున్నారు. వ్యాయామం చేసే ముందు అరటిపండు తింటే మంచిదని అరటిపండు మన శరీరానికి కావలసిన పోషకాలను అందిస్తుందని చెబుతున్నారు. అరటిపండు ఇన్స్టంట్ గా శక్తిని అందిస్తుందని శరీరంలో బలహీనత ఉంటే తగ్గిస్తుందని చెబుతున్నారు. ఎవరైతే శరీరం బలహీనంగా ఉంటుందో వారు అరటిపండ్లను అలవాటుగా తినడం చేయాలని సూచిస్తున్నారు.
అరటిపండుతో ఇదే బెనిఫిట్
అరటి పండులో ఉండే కార్బోహైడ్రేట్ ల వల్ల కడుపు త్వరగా నిండిన ఫీలింగ్ కలుగుతుందని, తద్వారా ఎక్కువ ఆహారాన్ని తీసుకోకుండా ఉంటారని చెబుతున్నారు. అంతేకాదు అరటిపండులో ఒత్తిడిని తగ్గించే లక్షణం ఉంటుందని, కాబట్టి అరటిపండు ఒత్తిడితో బాధపడే వాళ్ళు తీసుకున్నా బాగా పనిచేస్తుందని చెబుతున్నారు. వ్యాయామం చేసే ముందు తీసుకుంటే ఇది మంచి ఫలితాన్ని ఇస్తుందని చెబుతున్నారు.
అరటిపండు తింటే హ్యాపీ హార్మోన్ ఉత్పత్తి
అరటి పండులో ట్రిప్టోఫాన్ ఉంటుంది. ట్రిప్టో ఫాన్ మన శరీరంలో సెరటోనిన్ ఉత్పత్తి చేస్తుంది. సెరటోనిన్ ను హ్యాపీ హార్మోన్ అని కూడా అంటారు. ఇది మీ ఒత్తిడిని తగ్గిస్తుంది. అరటిపండ్లలో ఎక్కువ మొత్తంలో పొటాషియం ఉండడం వల్ల ఇది రక్తపోటును నివారిస్తుంది. అరటిపండు తింటే ఎముకలు దృఢంగా ఉంటాయి. ఇందులో కాల్షియం పుష్కలంగా ఉండడం వల్ల ఎముకలు బలంగా ఉండేందుకు దోహదం చేస్తుంది.
ఫ్రీ వర్కౌట్ స్నాక్స్ తినేకంటే అరటి పండ్లు బెస్ట్
వ్యాయామానికి గంట ముందు అరటిపండు తిన్నా, వ్యాయామం తర్వాత అరటిపండు తిన్న శరీరానికి కావలసిన శక్తి వస్తుంది అరటిపండులో ఉండే ఫైబర్, క్యాల్షియం, మెగ్నీషియం మన శరీరానికి బలాన్ని ఇస్తాయి. ఇతర ఫ్రీ వర్కౌట్ స్నాక్స్ తినేకంటే అరటి పండ్లు సులభంగా జీర్ణం అవుతాయి. వ్యాయామం చేస్తున్నప్పుడు వ్యాయామానికి ముందు అరటిపండు తినడం వల్ల కడుపులో ఎటువంటి అసౌకర్యం కనిపించదని నిపుణులు చెబుతున్నారు.
