ఆరోగ్యంగా ఉండాలి.. బలంగా ఉండాలి అంటే చికెన్, మటన్ ఒక్కటి తింటే సరిపోతుంది అనుకుంటారు. కానీ చికెన్, మటన్ కంటే బలవర్థకమైన పదార్థాలు చాలానే ఉన్నాయి. కానీ వాటిని ఎవరూ తీసుకోవడం లేదు. ఇవి చాలా తక్కువ ధరకే లభిస్తాయి. ప్రస్తుతం కాలంలో చాలా మంది ఫాస్ట్ ఫుడ్, జంక్ ఫుడ్స్ తిని జబ్బుల బారిన పడుతున్నారు. మనిషి ఆరోగ్యంగా.. ఎలాంటి రోగాలు త్వరగా ఎటాక్ చేయకుండా జీవించాలంటే.. పోషకాలు నిండిన ఆహారాలు తీసుకోవాలి. సరైన ఆహారం తీసుకుంటూ.. వ్యాయమం చేస్తే.. మనిషి ఫిట్‌గా ఉంటాడు. ఎలాంటి దీర్ఘకాలిక సమస్యలు త్వరగా ఎటాక్ చేయవు. చికెన్, మటన్ కంటే ఎక్కువ పోషకాలు నిండి ఆహారాల్లో.. తవుడు కూడా ఒకటి. తవుడు గురించి మీకు తెలిసే ఉంటుంది. ఎక్కువగా పశువులకు దాణాగా వేస్తారు. అలాంటి తవుడు రోజూ కొద్దిగా తీసుకున్నా.. మీకు అందాల్సిన పోషకాలు అందుతాయి. చికెన్, మటన్ కంటే మూడు రెట్లు ఎక్కువ పోషకాలు ఈ తవుడులో నిండి ఉన్నాయి. మరి ఈ తవుడుతో ఎలాంటి హెల్త్ బెనిఫిట్స్ ఉన్నాయో ఇప్పుడు చూద్దాం.
పోషకాలు:
క్యాల్షియం, మెగ్నీషియం, పొటాషియం, సోడియం, మంచి కొవ్వులు, కేలరీలు, ఐరన్, విటమిన్ బి6, విటమిన్ డి, ప్రోటీన్, డైటరీ ఫైబర్, కార్బోహైడ్రేట్స్, యాంటీ ఆక్సిడెంట్లు వంటివి ఉంటాయి.
రోగ నిరోధక శక్తి:
ఈ తవుడు తీసుకోవడం వల్ల శరీరంలో రోగ నిరోధక శక్తి పెరుగుతుంది. ఇమ్యూనిటీ పెరిగితే.. శరీరానికి రక్షణగా నిలుస్తుంది. ఎలాంటి రోగాలు త్వరగా ఎటాక్ కాకుండా ఉంటాయి. రోగాలతో పోరాడే శక్తి కూడా లభిస్తుంది.
వెయిట్ లాస్:
తవుడు తీసుకోవడం వల్ల త్వరగా బరువు తగ్గుతారు. ఇందులో ప్రోటీన్, డైటరీ ఫైబర్ ఉండటం వల్ల తిన్న ఆహారం త్వరగా జీర్ణం అవుతుంది. అలాగే జీర్ణ క్రియ మెరుగు పడుతుంది. పేగులు శుభ్ర పడతాయి. కొద్దిగా తిన్నా పొట్ట నిండుగా అనిపిస్తుంది. ఆకలి కూడా తగ్గుతుంది. కొలెస్ట్రాల్ కూడా కరుగుతుంది. కాబట్టి ఈజీగా వెయిట్ లాస్ అవుతారు. చపాతీ పండిలో తవుడు కలిపి తీసుకోవచ్చు.
బీపీ – షుగర్ తగ్గుతాయి:
తవుడు తీసుకోవడం వల్ల బీపీ, షుగర్ వంటివి కూడా కంట్రోల్ అవుతాయి. తవుడు కొద్దిగా తీసుకున్నా.. కడుపు త్వరగా నిండుతుంది. దీంతో ఇతర ఆహారాలు తీసుకోలేం. కాబట్టి రక్తంలో చక్కెర స్థాయిలు కూడా ఒక్కసారిగా పెరగకుండా ఉంటాయి. అదే విధంగా ఇందులో ఉండే పొటాషియం వల్ల రక్త పోటు కూడా తగ్గుతుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే.)
