ఆరోగ్యమే మహాభాగ్యం అంటారు పెద్దలు. అంతేకాకుండా ఆరోగ్యంగా ఉండటం కోసం ఆకుపచ్చ కూరగాయలు తినమని చాలా మంది సలహా ఇస్తారు. కూరగాయల్లో బోలెడు పోషకాలు ఉంటాయి.
అలాంటి వాటిలో బెండకాయ ఒకటి. అయితే, ఇది జిగురుగా ఉంటుందని చాలా మంది తినడానికి ఇష్టపడరు. అయితే, మరికొందరు మాత్రం దీనిని ఇష్టంగా తింటారు. ఈ కూరగాయలో విటమిన్ కె, సి, ఫోలేట్, మెగ్నిషియం, విటమిన్ బి, మాంగనీస్ వంటి పోషకాలు శరీరానికి అవసరమైన పోషణను అందిస్తాయి. బెండకాయలో కాల్షియం, విటమిన్ కె ఎక్కుగా ఉంటాయి. ఇవి తినడం వల్ల ఎముకలు బలంగా మారతాయి. ఇది ఇమ్యూనిటీ పవర్ పెంచుతుంది. అయితే, బెండకాయతో పాటు కొన్ని ఫుడ్స్ కలిపి తీసుకోకూడదు. ఇవి ఆరోగ్యాన్ని పాడు చేస్తాయి. అవేంటో ఇక్కడ తెలుసుకుందాం.
పాలు..
బెండకాయ తిన్న తర్వాత పాలు తాగకూడదు. లేదా బెండకాయతో పాటు పాలు తాగకూడదు. ఎందుకంటే ఈ రెండింటిలో కాల్షియం ఉంటుంది. అదే బెండకాయలో కాల్షియంతో పాటు ఆక్సలేట్ కూడా ఉంటుంది. పాలు, బెండకాయలు రెండింటిని కలిపి తీసుకోవడం వల్ల ఆక్సలేట్‌ను ఏర్పరుస్తాయి. ఇది మూత్రపిండాల్లో రాళ్లను ఏర్పరుస్తాయి. అందుకే ఈ రెండింటి కాంబినేషన్ వద్దంటున్నారు నిపుణులు. వేరు వేరుగా తీసుకుంటే శరీరానికి బోలెడు ప్రయోజనాలు అందుతాయి.
కాకరకాయ..
కాకరకాయ, బెండకాయ సాధారణంగా రెండు పోషకాలు ఉన్న కూరగాయలు. అయితే, ఈ రెండింటిని కలిపి మాత్రం తినకూడదు. ఈ కాంబినేషన్ కడుపులో చికాకు కలిగిస్తుంది. జీర్ణక్రియ బలహీనంగా ఉన్నవారు ఈ రెండింటిని తింటే చాలా సమస్యలు వస్తాయి. సాధారణంగా కాకరకారయ వేడి స్వభావం కలిగి ఉంటుంది. అదే బెండకాయ చల్లటి స్వభావం. దీంతో కడుపు యొక్క PH బ్యాలెన్స్ భంగం కలుగుతుంది. దీంతో.. మలబద్ధకం, అజీర్ణం, గ్యాస్, డయేరియా, కడుపు నొప్పి వంటి జీర్ణ సమస్యలు వస్తాయి.
టీ..
చాలా మంది టిఫెన్ లేదా భోజనం తర్వాత టీ తాగుతుంటారు. అలాంటి సమయాల్లో మీరు బెండకాయ తిని ఉంటే మాత్రం టీ జోలికి పోకండి. ఈ రెండింటి కాంబినేషన్ ఆరోగ్యానికి అంత మంచిది కాదు. టీ అనేది టానిన్ రిచ్ ఫుడ్. బెండకాయ తిన్న తర్వాత టీ తాగడం వల్ల పోషకాల శోషణకు ఆటంకం కలుగుతుంది. దీంతో.. శరీరానికి కావాల్సిన పోషకాలు అందవు.
ముల్లంగి..
ముల్లంగిని బెండకాయను కలిపి ఏ రూపంలోనూ తినకూడదు. ముఖ్యంగా గ్యాస్ సమస్యలతో బాధపడేవారు ఈ ఫుడ్ కాంబినేషన్‌కి దూరంగా ఉండాలి. ఈ రెండింటిని తినడం వల్ల పొట్టలో ఎసిడిటీ ఏర్పడుతుంది. ముల్లంగిలో సల్ఫర్ సమ్మేళనాలు ఉంటాయి. బెండకాయతో తినడం వల్ల ఇవి రెట్టింపు అవుతాయి. దీంతో కడుపులో గ్యాస్ సమస్య పెరుగుతుంది. కడుపు నొప్పి, వాంతులు, పుల్లటి తేన్పులు వంటి సమస్యలతో బాధపడే అవకాశం ఉందని నిపుణులు హెచ్చరిస్తున్నారు.
రెట్ మీట్..
బెండకాయ, రెడ్ మీట్ రెండూ కలిపి తినకూడదు. ఈ రెండూ ఆహారాలు జీర్ణం అవ్వడానికి ఎక్కువ సమయం పడుతుంది. అందుకే బెండకాయతో కలిపి రెట్ మీట్ తినకూడదు. ఈ రెండు కలిపి తినడం వల్ల జీర్ణక్రియ ప్రభావితం అవుతుంది. దీంతో.. కడుపులో చికాకుతో పాటు అనేక సమస్యలు వస్తాయి. అందుకే ఈ ఫుడ్ కాంబినేషన్‌కి ఎంత దూరంగా ఉంటే అంత మంచిది.
బెండకాయలు ఎక్కువగా తింటే డేంజర్..
ఇక, బెండకాయల్ని మితంగా తింటే ఆరోగ్యానికి మంచిది. ఎక్కువగా తింటే చాలా ప్రమాదమంటున్నారు నిపుణులు. బెండకాయను ఎక్కువగా తినడం వల్ల గ్యాస్, కడుపు ఉబ్బరం వంటి సమస్యలు వస్తాయి. మోకాళ్ల నొప్పితో బాధపడేవారు పొరపాటున వీటిని ఎక్కువ తింటే వాళ్ల నొప్పులు ఇంకా తీవ్రమయ్యే ఛాన్స్ ఉంది. హై బీపీ సమస్యలతో బాధపడేవారు కూడా బెండకాయల్ని ఎక్కువగా తినకూడుదు. ఇది బీపీ సమస్యను ఎక్కువ చేస్తుంది.
