హానర్‌ నుంచి ప్రీమియం స్మార్ట్‌ఫోన్‌.. కళ్లు చెదిరే ఫీచర్స్‌..

ప్రీమియం బడ్జెట్ సెగ్మెంట్‌లో అందుబాటులోకి వచ్చిన ఈ ఫోన్‌కు సంబంధించిన పూర్తి వివరాలు ఇప్పుడు తెలుసుకుందాం.

ధర విషయానికొస్తే హానర్‌ 200 8జీబీ ర్యామ్‌, 256 స్టోరేజ్‌ వేరియంట్‌ ధర రూ. 34,999గా నిర్ణయించారు. అలాగే 12 జీబీ ర్యామ్ + 512 జీబీ స్టోరేజీ వేరియంట్ రూ.39,999గా నిర్ణయించారు. ఇక హానర్‌ 200 ప్రో విషయానికొస్తే 12 జీబీ ర్యామ్ విత్ 512 జీబీ స్టోరేజీ వేరియంట్ రూ.57,999 పలుకుతుంది.

అమెజాన్‌ ప్రైమ్‌ డే సేల్‌లో బాగంగా ఈ ఫోన్‌లపై డిస్కౌంట్స్‌ అందిస్తున్నారు. ఐసీఐసీఐ బ్యాంక్, ఎస్బీఐ క్రెడిట్ కార్డులపై కొనుగోలు చేసిన వారికి రూ.3000 వరకూ డిస్కౌంట్ పొందొచ్చు. అలాగే డిస్కౌంట్‌లో భాగంగా అదనంగా మరో రూ. 8 వేల వరకు తగ్గింపు ధర లభించే అవకాశం ఉంది.

ఫీచర్ల విషయానికొస్తే హానర్‌ 200 5జీ ఫోన్‌లో 120 హెర్ట్జ్ రీఫ్రెష్ రేటు, 4000 నిట్స్ పీక్ బ్రైట్‌నెస్‌తో కూడిన 6.7 ఇంచెస్‌ ఫుల్ హెచ్డీ+ ఓలెడ్ కర్వ్డ్ డిస్ ప్లేను ఇవ్వనున్నారు. అలాగే హానర్ 200 ప్రో 5జీ ఫోన్‌లో 6.78 ఇంచెస్‌ స్క్రీన్‌ను ఇవ్వనున్నారు. హానర్ 200 5జీ ఫోన్ క్వాల్ కామ్ స్నాప్ డ్రాగన్ 7 జెన్ 3 ఎస్వోసీ, హానర్ 200 ప్రో 5జీ ఫోన్ క్వాల్ కామ్ స్నాప్ డ్రాగన్ 8ఎస్ జెన్ 3 ప్రాసెసర్లతో పని చేస్తాయి.

కెమెరా విషయానికొస్తే హానర్ 200 5జీ, హానర్ 200 ప్రో 5జీ ఫోన్లు 50-మెగా పిక్సెల్ ప్రైమరీ రేర్ కెమెరా, 12 -మెగా పిక్సెల్ సెన్సర్ విత్ ఆల్ట్రా వైడ్ యాంగిల్ లెన్స్, 50-మెగా పిక్సెల్ టెలిఫోటో షూటర్‌తో కూడిన ట్రిపుల్ కెమెరా సెటప్‌తో అందించారు. సెల్ఫీలు వీడియో కాల్స్‌ కోసం 50 ఎంపీ ఫ్రంట్‌ కెమెరాను ఇచ్చారు. హానర్ 200 ప్రో 5జీ ఫోన్ లో అదనంగా 3డీ డెప్త్ కెమెరాను ఇచ్చారు.