కొన్ని సార్లు భారీ అంచనాల మధ్యన రిలీజ్ అయినా సినిమాలు.. ఊహించని విధంగా ప్లాప్ అవుతూ ఉంటాయి. అందులో భారీ తారాగణం ఉన్నా.. లేదా పాపులర్ డైరెక్టర్ తీసినా సరే.. కథలో కంటెంట్ లేకపోతే మాత్రం ఆ సినిమా డిజాస్టర్ గానే నిలుస్తుంది. ఇప్పటికే చాలా సినిమాలు ఇలా భారీ అంచనాల మధ్యన రిలీజ్ అయ్యి.. బాక్స్ ఆఫీస్ వద్ద డిజాస్టర్ గా నిలిచాయి. అలాంటి సినిమాల లిస్ట్ లో రజినీకాంత్ నటించిన లాల్ సలామ్ కూడా ఒకటి. ఇక ఈ సినిమా థియేటర్ లో రిలీజ్ అయినా ఏడు నెలల తర్వాత ఇప్పుడు ఓటీటీ లోకి రానుంది అనే వార్తలు వినిపిస్తున్నాయి. దానికి సంబంధిచిన విషయాలు చూసేద్దాం.
రజిని కాంత్ కూతురు ఐశ్వర్య రజినీకాంత్.. దర్శకత్వం వహించిన మూవీ లాల్ సలామ్. ఈ సినిమాను సుమారు రూ.100 కోట్ల బడ్జెట్ తో రూపొందించి భారీ అంచనాల మధ్యన థియేటర్ లో ఫిబ్రవరి 9న థియేటర్ లో రిలీజ్ చేశారు. కానీ ఊహించని విధంగా ఈ మూవీ డిజాస్టర్ గా నిలిచింది. ఈ సినిమా నిర్మాతలకు దాదాపు రూ.70 కోట్ల పైనే నష్టాన్ని మిగిల్చింది. ఇక ఆ తర్వాత ఐశ్వర్య రజినీకాంత్ పలు ఇంటర్వూస్ లో ఈ సినిమాకు సంబంధించిన ఫుటేజ్ మిస్ అయిందని.. అవి కూడా యాడ్ అయ్యి ఉంటే సినిమా నెక్ట్ లెవెల్ లో ఉండేదని చెప్పిన కామెంట్స్ కూడా బాగానే వైరల్ అయ్యాయి. ఇదిలా ఉంటే ఈ సినిమా డిజిటల్ స్ట్రీమింగ్ రైట్స్ ను నెట్ ఫ్లిక్స్ , సన్ నెక్ట్స్ సొంతం చేసుకున్నాయి. ఇక ఇప్పుడు ఏడు నెలల తర్వాత ఈ సినిమా ఓటీటీ స్ట్రీమింగ్ గురించి టాక్ వినిపిస్తుంది. ఈ సినిమా సెప్టెంబర్ 20 నుంచి లాల్ సలామ్ సినిమా సన్ నెక్ట్ ఓటీటీ లో స్ట్రీమింగ్ కానున్నట్లు టాక్ వినిపిస్తుంది. దీనిపై త్వరలోనే క్లారిటీ ఇవ్వనున్నారు మేకర్స్.
ఈ మధ్య ఎలాగూ థియేటర్ లో డిజాస్టర్ అయినా సినిమాలు కూడా.. ఓటీటీ లో రికార్డ్ బ్రేకింగ్ వ్యూస్ తో దూసుకుపోతున్నాయి. కాబట్టి.. ఈ సినిమా విషయంలోనూ ఇలా జరిగే అవకాశం లేకపోలేదు. ఇక ఈ సినిమా కథ విషయానికొస్తే.. ఈ సినిమాలో రజినీకాంత్ ఒక బిజినెస్ మ్యాన్, తన కొడుకును ఓ మంచి క్రికెటర్ గా చూడాలనేదే అతని కల. కానీ ఊరిలో క్రికెట్ మ్యాచ్ కారణంగా జరిగిన గొడవ మతకలహాలకు దారితీస్తుంది. ఈ గొడవలో రజిని కాంత్ కొడుకు చేతిని గురు అనే వ్యక్తి నరికేస్తాడు. అసలు ఆ గురు ఎవరు ? ఆ గొడవ ఏంటి ? రజినీకాంత్ అతని కొడుకుకు జరిగిన అన్యాయం గురించి ప్రతీకారం తీర్చుకున్నాడా లేదా ? ఆ తర్వాత ఏమైంది ? అనేదే మిగిలిన కథ. ఇక ఈ సినిమా ఓటీటీ ప్రేక్షకులను ఏ మేరకు మెప్పిస్తుందో వేచి చూడాలి.
