హిట్స్, ప్లాఫ్స్ తో సంబంధం లేకుండా తెలుగులో వేగంగా సినిమాలు చేసే హీరోల్లో రవితేజ ఒకరు. వయసు పెరుగుతున్న కొద్దీ ఆయనలో ఎనర్జీ లెవెల్స్ ఏ మాత్రం తగ్గడం లేదని మాస్ మహారాజా సినిమాలు చూస్తే అర్థమవుతాయి. ఇటీవలే మిస్టర్ బచ్చన్ సినిమాతో తెలుగు ఆడియన్స్ ను పలకరించిన రవితేజ ఇప్పుడు తన తర్వాతి సినిమా షూటింగ్ లో బిజీగా ఉంటున్నారు.
సినిమా షూటింగుల నుంచి కాస్త గ్యాప్ తీసుకున్న రవితేజ ఇటీవల తన ఫ్యామిలీతో కలిసి వెకేషన్ కు వెళ్లాడు. జపాన్, బ్యాంకాక్ తదితర దేశాలు చుట్టి వచ్చాడు. ఇందుకు సంబంధించిన ఫోటోలను సోషల్ మీడియాలో షేర్ చేసుకోగా అవి కాస్తా వైరలయ్యాయి. ఈ ఫొటోలో రవితేజ, ఆయన భార్య, కొడుకు, కూతురుతోపాటు మరికొందరు బంధువులు కనిపించారు. అయితే అందరి దృష్టి మాత్రం కూతురు మోక్షద భూపతి రాజుపైనే నిలిచింది. బయట పెద్దగా కనిపించని రవితేజ కూతురు అప్పుడప్పుడు సోషల్ మీడియాలో మాత్రం సందడి చేస్తుంటుంది. ఎంతో క్యూట్ గా కనిపించే మోక్షద సినిమాల్లోకి వచ్చే అవకాశముందని తెలుస్తోంది. అయితే రవితేజ కూతురు హీరోయిన్ గా కాకుండా నిర్మాతగా మారాలని నిర్ణయించుకుందట. తండ్రి బ్యానర్ అర్ టీ టీమ్ వర్క్స్ కాకుండా వేరే బ్యానర్ కూడా పెట్టబోతుందట. ఇందుకు రవితేజ కూడా ఓకే చెప్పినట్లు ఇండస్ట్రీలో టాక్ వినిపిస్తోంది.
