హిందీ సీరియల్స్‌లో కేంద్ర మాజీ మంత్రి, బీజేపీ నాయకురాలు స్మృతి ఇరానీకి ఎంతో క్రేజ్ ఉంది. రాజకీయాల్లోకి రాకముందు ఆమె నటిగా బాగా పాపులారిటీ సంపాదించుకున్నారు.
ఫుల్ టైమ్ రాజకీయాల్లోకి వచ్చిన తర్వాత సీరియల్స్‌లో నటించడం మానేశారు. అయితే ఈ ఏడాది లోక్‌సభ ఎన్నికల్లో స్మృతి ఓడిపోయారు. అందుకే ఆమె మళ్లీ సీరియల్స్‌లో నటిస్తారని ప్రచారం జరుగుతోంది. ఐతే ఇది నిజమేనా? కాదా? ఈ విషయంపై స్వయంగా స్మృతి ఇరానీ క్లారిటీ ఇచ్చారు. ‘క్యుంకీ సాస్ భీ కభీ బహు థీ’ సీరియల్ 2000 నుండి 2008 వరకు ప్రసారం ప్రసారమైంది. ఇందులో స్మృతి ఇరానీ కీలక పాత్ర పోషించింది. ఈ ధారావాహికలో స్మృతి నటనకు ప్రేక్షకులు ఫిదా అయ్యారు. అప్పట్లో ‘క్యుంకీ సాస్ భీ కభీ బహు థీ’ అనే సీరియల్ కూడా బాగా ప్రేక్షకాదరణ పొందింది. ఈ క్రేజ్ తోనే స్మృతి ఇరానీ 2003లో రాజకీయాల వైపు దృష్టి సారించారు. అయితే గతంలో ఎంపీగా, కేంద్రమంత్రిగా పలు కీలక బాధ్యతలు నిర్వర్తించిన ఆమె ఈ ఏడాది లోక్ సభ ఎన్నికల్లో ఓడిపోయారు. దీంతో ఆమె మళ్లీ సీరియల్స్ వైపు మొగ్గు చూపుతారని ఊహాగానాలు వినిపిస్తున్నాయి. అయితే తాజాగా ఈ విషయంపై స్పంపదించిన స్మృతి తాను ఏ సీరియల్‌లోనూ నటించనని స్పష్టం చేసింది.
హిందీ సీరియల్ ‘అనుపమ’లో స్మృతి ఇరానీ అతిథి పాత్రలో మెరవనున్నారని ‘టెలీ చక్కర్’ సోషల్ మీడియా ఖాతాలో పోస్ట్ చేయబడింది. ఇది స్వయంగా స్మృతి ఇరానీ దృష్టికి వచ్చింది. ఆ పోస్ట్‌పై స్మృతి ఇరానీ స్పందిస్తూ.. అది తప్పుడు వార్త అని క్లారిటీ ఇచ్చారు. తద్వారాతనపై వస్తోన్న ఊహాగానాలకు ఫుల్ స్టాప్ పెట్టేశారు.
