ప్రముఖ బైక్ల తయారీ సంస్థ TVS మోటార్స్ తన తొలి అడ్వెంచర్ మోటార్సైకిల్ “TVS RTX 300 ADV”ని భారత మార్కెట్లో విడుదల చేసింది. కంపెనీ ఈ మోటార్సైకిల్ను రూ. 1.99 లక్షల (ఎక్స్-షోరూమ్) ప్రారంభ ధరతో విడుదల చేసింది. కస్టమర్లు దీన్ని బేస్, టాప్, BTO అనే మూడు వేరియంట్లలో కొనుగోలు చేయొచ్చు. దీని టాప్-స్పెక్ వేరియంట్ ధర రూ. 2.29 లక్షలు.
TVS Apache RTX 300 ADV హార్డ్వేర్: కంపెనీ ఈ కొత్త “TVS Apache RTX 300″ను అడ్వెంచర్ టూరర్ మోటార్సైకిల్గా తీసుకొచ్చింది. కాబట్టి ఇది పూర్తి స్థాయి ఆఫ్-రోడర్ కాదని గుర్తుంచుకోవాలి. బైక్ లాంఛ్ ఈవెంట్ సందర్భంగా, TVS ఈ మోటార్సైకిల్ను ప్రధానంగా టార్మాక్ కోసం రూపొందించినట్లు స్పష్టం చేసింది. అయినప్పటికీ ఇది తేలికపాటి ఆఫ్-రోడ్ రైడింగ్ కోసం తగినంత బహుముఖ ప్రజ్ఞ(Versatility)ను కలిగి ఉంది.
ఈ బైక్ను పూర్తిగా కొత్త స్టీల్ ట్రేల్లిస్ ఫ్రేమ్పై నిర్మించారు. దీని ముందు భాగంలో 41mm USD ఫోర్కులు, వెనుక భాగంలో మోనోషాక్ అబ్జార్బర్ ఉన్నాయి. రెండు వైపులా సస్పెన్షన్ ట్రావెల్ 180mm, గ్రౌండ్ క్లియరెన్స్ 200mm. ఈ బైక్ ముందు భాగంలో 19-అంగుళాల, వెనుక భాగంలో 17-అంగుళాల వీల్స్ ఉన్నాయి.
ఈ బైక్లో ఉపయోగించిన టైర్ల గురించి టీవీఎస్ మోటార్ మాట్లాడుతూ.. “వీటిని ప్రత్యేకంగా ఈ బైక్ కోసమే ప్రత్యేకంగా రూపొందించాం” అని పేర్కొంది. బ్రేకింగ్ విధులను రెండు చివర్లలో డిస్క్ బ్రేక్లు నిర్వహిస్తాయి. ఇవి డ్యూయల్-ఛానల్ ABSతో వస్తాయి. ఈ కొత్త TVS RTX సీటు ఎత్తు 835mm, దాని కర్బ్ బరువు 180 కిలోలు.
TVS Apache RTX 300 ADV ఫీచర్లు: దీని ఫీచర్ల గురించి చెప్పాలంటే ఈ బైక్ అద్భుతమైన ఫీచర్ల జాబితాను అందిస్తుంది. ఇది అర్బన్, రెయిన్, టూర్, ర్యాలీ అనే నాలుగు రైడింగ్ మోడ్లను కలిగి ఉంది. ఈ రైడింగ్ మోడ్లు ABS అండ్ ట్రాక్షన్ కంట్రోల్ను సర్దుబాటు చేసేందుకు ఉపయోగపడతాయి. క్రూయిజ్ కంట్రోల్ కూడా అన్ని వేరియంట్లలో స్టాండర్డ్గా ఉంటుంది.
దీని హై-స్పెక్ వేరియంట్లలో అన్ని కీలక ఫీచర్లను యాక్సెస్ చేసేందుకు డెడికేటెడ్ స్విచ్ గేర్తో 5-అంగుళాల TFT డిస్ప్లే ఉంటుంది. దీనిని “TVS SmartXonnect”యాప్ ద్వారా కనెక్ట్ చేయొచ్చు. ఇది గూగుల్ మ్యాప్స్ మిర్రరింగ్, ఇతర కనెక్టివిటీ ఫీచర్లను అనుమతిస్తుంది.
