55 ఏళ్ళ వయసులోనూ మాధవన్ ముఖంపై ముడతలు లేకపోవడానికి రహస్యం ఇదే

‘బియ్యం గురించి అంత గోల నాకు అర్థం కాదు’

ప్రాసెస్ చేసిన ఆహారంతో పోలిస్తే, తాజాగా వండిన ఆహారంలో పోషకాలు ఎక్కువగా ఉంటాయి. ‘పప్పు, కూర, అన్నం లాంటి సింపుల్ భోజనం’ తినడం తన ఫిట్‌నెస్‌కు, ఆరోగ్యానికి మరో ముఖ్యమైన రహస్యమని మాధవన్ చెబుతున్నారు. తన శరీరం చెప్పేది వినడం, ఆరోగ్యకరమైన ఆహారాలను ఎంచుకోవడం, వేయించిన పదార్థాలు, ఆల్కహాల్‌ను పరిమితం చేయడం వంటివి కూడా మాధవన్ ఇతర చిట్కాలు.

“నా చిన్నతనంలో మా ఇంట్లో ఫ్రిజ్ ఉండేది కాదు. కాబట్టి ఆహారాన్ని ఎప్పుడూ తాజాగా వండుకోవాల్సి వచ్చేది. ఆ అలవాటు అలాగే ఉండిపోయింది. అందుకే నాకు ఫాస్ట్ ఫుడ్, ప్యాక్ చేసినవి, మళ్ళీ వేడి చేసిన వంటలు లేదా సీజన్ కాని పండ్లు పడవు. నేను షూటింగ్‌లో ఉన్నప్పుడు కూడా పప్పు, కూర, అన్నం లాంటి సింపుల్ భోజనం వండటానికి నా చెఫ్‌ని తీసుకెళ్తాను. బియ్యం గురించి అంత గోల నాకు అర్థం కాదు. మా తాత, నానమ్మలు 92, 93 ఏళ్ళ వరకు జీవించారు. వాళ్ళు రోజుకు మూడుసార్లు అన్నం తినేవారు. నేను నా శరీరం చెప్పేది వింటాను. నాకు నచ్చిన ఆరోగ్యకరమైన ఆహారానికే కట్టుబడి ఉంటాను. వేయించిన పదార్థాలు, ఆల్కహాల్‌ను ఎంత వీలైతే అంత తగ్గిస్తాను. నాకు ఆకలేసినప్పుడే తింటాను. .సమయాన్ని బట్టి కాదు. ఇది నన్ను అలెర్ట్‌గా, సంతోషంగా, యంగ్‌గా ఉంచుతుంది.” అని వివరించారు.

(పాఠకులకు గమనిక: ఈ వ్యాసం కేవలం సమాచారం కోసం మాత్రమే. ఇది వైద్య నిపుణుల సలహాకు ప్రత్యామ్నాయం కాదు. ఏదైనా ఆరోగ్య సమస్య గురించి మీకు ఏవైనా ప్రశ్నలు ఉంటే ఎల్లప్పుడూ మీ డాక్టర్ సలహా తీసుకోండి.)