మనిషి పుట్టుక,చావు అనేది ఎవ‌రి చేతిలో ఉండ‌దు. అవి రెండు దేవుని చేతుల్లో ఉన్నాయని అంద‌రు విశ్వ‌సిస్తుంటారు. అయితే మరణం ఎప్పుడు ఎలా సంభ‌విస్తుందో అనేది ఎవ‌రికి తెలియ‌దు. కాని శాస్త్రవేత్తలు మాత్రం మరణాన్ని అంచనా వేయ‌గ‌లం అంటున్నారు. గత పదేళ్లుగా, పరిశోధకులు ఎపిజెనెటిక్ క్లాక్ అనే సాధనాన్ని అభివృద్ధి చేశారు.ఇది రక్త కణాలను ఉపయోగించి జీవనశైలి అలవాట్ల వల్ల కలిగే డీఎన్ఏ లో మార్పులను ట్రాక్ చేస్తుంది. ఇది కష్టమైన ప్రక్రియ. కాబట్టి ఇప్పుడు, యూఎస్‌లోని శాస్త్రవేత్తల బృందం చీక్ ఏజ్ అనే ఈ గడియారం యొక్క కొత్త వెర్షన్‌ను రూపొందించింది. ఇది బుగ్గ‌లోపల కణాలను ఉపయోగించి డీఎన్ఏ లో మార్పుల గురించి సమాచారాన్ని అందిస్తుంది.
ఇటీవలి అధ్యయనంలో, చీక్‌ఏజ్ మరణ ప్రమాదాన్ని ఖచ్చితంగా అంచనా వేయగలదని పరిశోధకులు నివేదించారు. పరిశోధనకు నాయకత్వం వహించిన డాక్టర్ మాగ్జిమ్ షోకిరేవ్ మాట్లాడుతూ, ఎవరు ఎంతకాలం జీవించవచ్చనే విష‌యాల‌ని మేము క‌నుగొన్నాము అని అన్నారు.ప్రపంచంలో జరిగే ప్రతి సంఘటన వెనుకా, ప్రతి విషయం వెనుకా సైన్స్ ఉంటుంది. ప్రతి విషయం యొక్క సత్యాన్ని వెలికితీయడం ద్వారా, శాస్త్రవేత్తలు ఈ రోజు మరణాన్ని ఖచ్చితంగా అంచనా వేయగల స్థితికి చేరుకున్నారు. ప్రతి ఒక్కరిపై వయస్సు ప్రభావం భిన్నంగా ఉంటుందనడంలో సందేహం లేదు.
మంచి జన్యువుల వల్ల కొంతమందికి మెల్లగా వృద్ధాప్యం పెరుగుతుంటే, కొందరు జీవనశైలి అలవాట్ల వల్ల వయసు రాకముందే వృద్ధాప్యంలో కనిపిస్తారు. తక్కువ నిద్ర, సరైన ఆహారం, ధూమపానం, మద్యపానం మరియు ఎక్కువ‌గా ఆలోచించ‌డం వ‌ల‌న వృద్ధాప్యం పెరుగుతుంది.. ఇక ఆత్మలు ఉంటాయని మనిషి చనిపోయిన తరువాత మరో ప్రపంచం ఉందని నొక్కి వక్కాణిస్తున్నారు ఓ అమెరికన్ డాక్టర్..! తానేమి మూఢత్వంతో ఆత్మలు ఉన్నాయని అనటంలేదని దానికి రుజువులు ఉన్నాయని ఎన్నో పరిశోధనల తరువాత నిర్ధారణ చేసుకుని చెబుతున్నానని అంటున్నారు.
