ప్రస్తుత కాలంలో వయస్సుతో సంబంధం లేకుండా చాలామందిని నడుము నొప్పి సమస్య వేధిస్తోంది. నడుం నొప్పికి విపరీతంగా మందులు వాడితే లాభం కంటే నష్టం ఎక్కువగా కలుగుతుందని చెప్పవచ్చు.
నడుము నొప్పిగా ఉన్నవారు తగ్గించుకోవాలంటే ముందు మీరు ఒత్తిడిని తగ్గించుకుంటే మంచిదని చెప్పవచ్చు. రోజువారీ అలవాట్లను మార్చుకోవడం వల్ల నడుము నొప్పి నుంచి ఉపశమనం పొందే ఛాన్స్ అయితే ఉంటుంది.
నడుం నొప్పిని తగ్గించుకోవడంలో వ్యాయామం ఎంతగానో ఉపయోగపడే అవకాశాలు అయితే ఉంటాయి. నడుముకు సంబంధించిన ముఖ్యమైన కండరాలపై దృష్టిసారించి సరైన శిక్షణతో వ్యాయామం చేయడం వల్ల మంచి ఫలితాలను పొందవచ్చు. కాల్షియం మరియు విటమిన్ డి పుష్కలంగా తీసుకోవడం ద్వారా మీ వెన్నెముకలోని ఎముకలకు బలం చేకూరే అవకాశాలు ఉంటాయి.
పాలు, పెరుగు, ఆకుకూరలు, విటమిన్ సప్లిమెంట్లు వంటి వాటిలో విటమిన్ డి ఉండగా వాటిని తీసుకుంటే ఆరోగ్యానికి మంచిది. నడుం నొప్పిని నివారించడం కోసం చెప్పుల వినియోగం పైన కూడా దృష్టి పెట్టాల్సి ఉంటుంది. తక్కువ మడమ ఉన్న చెప్పులను ధరించడం ద్వారా ఈ సమస్యకు చెక్ పెట్టవచ్చు. కూర్చునే, నిల్చునే భంగిమల విషయంలో జాగ్రత్త వహించడం ద్వారా నొప్పికి చెక్ పెట్టవచ్చు.
బరువు తగ్గితే నడుం నొప్పి నుండి ఉపశమనం లభిస్తుందని చెప్పడంలో సందేహాలు అక్కర్లేదు. మందులతోనే నడుము నొప్పి తగ్గాలని చూడకుండా చిన్న చిట్కాలు పాటించడం ద్వారా మెరుగైన ఫలితాలను పొందే అవకాశాలు అయితే ఉంటాయని చెప్పవచ్చు. నొప్పి మరీ తీవ్రంగా ఉంటే మాత్రం వైద్యల సలహాలు సూచనలు తీసుకుంటే మంచిది.
