ప్రతిరోజు చాలామంది ఉదయం లేవగానే అల్పాహారంలో భాగంగా యాపిల్స్ తింటూ ఉంటారు. కొంతమంది రోజులు రెండు నుంచి మూడు యాపిల్స్ తింటారు. నిజానికి ప్రతిరోజు యాపిల్స్ తినడం శరీరానికి చాలా మంచిదని ఆరోగ్య నిపుణులు చెబుతున్నారు. నిత్యం యాపిల్ తింటే డాక్టర్ వద్దకు వెళ్ళాల్సిన అవసరం లేదని చెబుతుంటారు. రోజు 2 యాపిల్స్ 30 రోజులు తింటే ఏం జరుగుతుందో ఇక్కడ తెలుసుకుందాం..
వరుసగా నెల రోజులపాటు రోజుకు రెండు యాపిల్స్ తింటే శరీరానికి అనేక రకాల పోషకాలు లభిస్తాయని ఆహార నిపుణులు చెబుతున్నారు. అంతేకాదు..శరీరానికి కూడా మేలు చేస్తుంది. ఆరోగ్యవంతమైన చర్మం మీ సొంతం అవుతుంది. ఇలా తినడం వల్ల శరీరానికి అవసరమైన ఫైబర్ (ఇన్సాల్యుబుల్ ఫైబర్) పుష్కలంగా లభిస్తుంది. ఇది జీర్ణ క్రియను ఆరోగ్యవంతంగా చేస్తుంది.
ముఖ్యంగా ప్రతిరోజు ఇలా యాపిల్స్ తినటం వల్ల మలబద్ధకంతో పాటు పొట్ట ఉబ్బరం, గ్యాస్ వంటి సమస్యలు తగ్గిపోతాయని చెబుతున్నారు. ప్రతిరోజు రెండు చొప్పున యాపిల్స్ తింటే చెడు కొలెస్ట్రాల్ (LDL) కరిగిపోతుంది… మంచి కొలెస్ట్రాల్ పెరుగుతుంది.
ఇలా రోజు రెండు యాపిల్స్ తినటం వల్ల సులభంగా బరువు తగ్గుతారని ఆరోగ్య నిపుణులు అంటున్నారు. యాపిల్స్ మన కంటి చూపును మెరుగు పరచడానికి ఎంతగానో ఉపయోగపడుతుంది. . రోజు రెండు యాపిల్స్ తినడం వల్ల ఇవే కాకుండా శరీరానికి అనేక రకాల ప్రయోజనాలు కలుగుతాయి.
యాపిల్ గుండె ఆరోగ్యాన్ని సంరక్షిస్తుంది. చర్మ సమస్యలను నయం చేస్తుంది. చర్మాన్ని యవ్వనంగా, ప్రకాశంతంగా మెరిసేలా చేస్తుంది. యాపిల్స్లోని గుణాలు శరీరం నుండి టాక్సిన్స్ ను బయటకు పంపుతుంది.. నిత్యం యాపిల్ తినడం వల్ల చాలా రకాల క్యాన్సర్లు రాకుండా ఉంటాయి. యాపిల్స్ లో ఉండే గుణాల వలన పెద్దపేగు, రొమ్ము క్యాన్సర్లకు సంబంధించిన కణాలు పెరగకుండా అడ్డుకుంటాయని నిపుణులు చెబుతున్నారు.
యాపిల్స్ మన శరీరంలో ఉన్న చెడు కొలెస్ట్రాల్ ను తగ్గిస్తాయి. ఊబకాయం, తలనొప్పి, ఆస్తమా, అనీమియా, క్షయ, కీళ్లనొప్పులు, నాడీ సమస్యలు, నిద్రలేమి, జలుబు వంటి అనేక సమస్యలకు యాపిల్స్ తిన్నవారికి ఉపశమనం లభిస్తుంది. యాపిల్స్ మన కంటి చూపును మెరుగు పరచడానికి ఎంతగానో ఉపయోగపడుతుంది.
