అపర చాణక్యుడు జీవితానికి సంబంధించిన కొన్ని విలువైన విషయాలను ప్రజలకు చెప్పాడు. ఒక వ్యక్తి జీవితంలో ఏం చేయాలి? ఎలాంటి వారితో స్నేహం చేయాలి? ఎవరితో కలిసి ఉండాలి? అనే విషయాలపై వివరించాడు. ప్రస్తుత కాలంలో ఎన్నో రకాల మనసులు సమాజంలో ఉన్నారు. కొందరు పైకి మంచిగా ఉంటూనే మోసం చేస్తూ ఉంటారు. మరికొందరు మంచిగా కనిపించినా వారి నుంచి భయం వేస్తుంది. అయితే ఎవరు ఎలా ఉన్నా.. మనలో మాత్రం కొన్ని లక్షణాలు ఉండటం వల్ల జీవితంలో అనుకున్న పనులు సాధ్యం అవుతాయని చాణక్యుడు తెలిపాడు . వీటిలో ప్రధానమైన నాలుగింటి గురించి తెలుసుకుందాం..
సమయం:
కాలం ఎంతో విలువైంది అని చాలామంది మేధావులు చెబుతూ ఉంటారు. కానీ కొందరు అవేమి పట్టించుకోకుండా సమయాన్ని వృధా చేస్తారు. అనవసరమైన పనులకు కాలం వెచ్చించి విలువైన పనులకు దూరంగా ఉంటారు. ముఖ్యంగా యువత తాను నేర్చుకునే సమయంలో కాలాన్ని వృధా చేసి వయసు మళ్ళిన తర్వాత నేర్చుకోవాలని ఆరాటపడుతూ ఉంటాడు. అందువల్ల సరైన వయసులోనే కొన్ని విషయాలు నేర్చుకోవడం వల్ల జీవితానికి ఎంతో ఉపయోగకరంగా ఉంటాయి. అందువల్ల ఎవరైనా కాలాన్ని వృధా చేయకుండా ఉండాలని అంటున్నారు.
శిక్షణ:
ప్రతి ఒక్కరూ నిత్య విద్యార్థి అని కొందరు చెబుతూ ఉంటారు. అంటే ఎంత ఎత్తుకు ఎదిగిపోయినా.. మరో కొత్త విషయం గురించి తెలుసుకుంటూ ఉండాలి. అప్పుడే కొత్త రకమైన జ్ఞానం లభిస్తుంది. నిరంతరం నేర్చుకుంటూ ఉండటంవల్ల జీవితంలో గొప్ప స్థాయికి వెళ్లే అవకాశం ఉంటుంది. అందువల్ల కోర్సు అయినా.. విషయమైనా.. నిరంతరం నేర్చుకుంటూ ఉండాలి. నేర్పరితనం ఉండడంవల్ల ప్రతి విషయంలో విజయం సాధించడానికి ఆస్కారం ఉంటుంది.
జీవిత భాగస్వామి:
కొందరికి చిన్న వయసులోనే వివాహం జరుగుతుంది. మరికొందరు కెరీర్లో సక్సెస్ అయిన తర్వాత పెళ్లి చేసుకోవాలని అనుకుంటారు. అయితే వివాహం అయిన తర్వాత కూడా కొందరు లక్ష్యాన్ని చేరుకున్నవారు ఉన్నారు. అయితే ఇందుకు జీవిత భాగస్వామి సపోర్టు కచ్చితంగా ఉండాలి. అలా జీవితంలోకి మంచి వ్యక్తులు వస్తే వారికి ఎంతో ఉపయోగకరంగా ఉంటుంది. ఇలాంటి సమయంలో వివాహం చేసుకునే సమయంలో ఒక వ్యక్తి తనకు సంబంధించిన లక్ష్యాలను జీవిత భాగస్వామితో ముందే చెప్పడం వల్ల తను అంగీకరిస్తుందా? లేదా? అనేది అనేది నిర్ణయించుకొని వారితో కలిసి ఉండే ప్రయత్నం చేయాలి.
క్రమశిక్షణ:
ప్రతి ఒక్క వ్యక్తికి క్రమశిక్షణ కచ్చితంగా అవసరం. క్రమశిక్షణ ఉండడంవల్ల కొన్ని పనులను క్రమబద్ధంగా పూర్తి చేయగలుగుతారు. అంతేకాకుండా ఎదుటివారి దృష్టిలో వీరు మంచి వారిగా ఉండిపోయి వారికి సరైన అవకాశాలను ఇస్తారు. అంతేకాకుండా ఈ అలవాటు ఉండడంతో ఎలాంటి తప్పుడు మార్గాలకు వెళ్లకుండా ఉంటుంది. ఒక పనిని పూర్తి చేయడానికి అంకిత భావంతో ముందుకు వెళ్తారు. దీంతో క్రమశిక్షణ అలవర్చుకునే అలవాటు ఏర్పాటుకోవాలి.
చాణక్యుడు చెప్పిన ఈ నాలుగు అలవాట్లు మనిషిలో ఉండడంవల్ల ఆ వ్యక్తి అనుకున్నా విజయాన్ని సాధించగలుగుతాడు అని చాణుక్యుడు పేర్కొన్నారు.
