జామ ఆకులు డయాబెటిస్ను నియంత్రించడంలో చాలా బాగా పనిచేస్తాయి. ఈ ఆకులతో చేసిన టీ తాగితే శరీరంలో ఇన్సులిన్ నిరోధకత తగ్గుతుంది. అంతేకాకుండా, ఇది రక్తంలో చక్కెర స్థాయిలను అదుపులో ఉంచుతుంది. అధిక కొలెస్ట్రాల్గుండె ఆరోగ్యానికి చాలా ప్రమాదం. జామ ఆకులు శరీరంలోని చెడు కొలెస్ట్రాల్ను తగ్గించడంలో సహాయపడతాయి, తద్వారా గుండె జబ్బులు రాకుండా కాపాడతాయి.
జామ ఆకుల్లో విటమిన్ సి అధికంగా ఉంటుంది. ఇది రోగనిరోధక శక్తిని పెంచడానికి, శరీరాన్ని అంటువ్యాధుల నుంచి రక్షించడానికి సహాయపడుతుంది. జామ ఆకుల్లోని యాంటీబ్యాక్టీరియల్ గుణాలు జీర్ణవ్యవస్థను ఆరోగ్యంగా ఉంచుతాయి. అజీర్ణం, గ్యాస్ వంటి సమస్యలను తగ్గించడంలో ఇవి చాలా బాగా ఉపయోగపడతాయి.
జామ ఆకులు మొటిమలు, బ్లాక్హెడ్స్ వంటి చర్మ సమస్యలను తగ్గించడంలో అద్భుతంగా పనిచేస్తాయి. వాటిని మెత్తగా నూరి పేస్ట్లా చేసి మొటిమల మీద రాస్తే మంచి ఫలితం ఉంటుంది. ఈ ప్రయోజనాలన్నింటినీ పొందడానికి జామ ఆకులను శుభ్రం చేసి, నీటిలో వేసి మరిగించి, ఆ నీటిని టీలాగా తాగవచ్చు. అయితే, ఏదైనా అనారోగ్య సమస్య ఉన్నవారు వైద్యుడి సలహా తీసుకున్న తర్వాతే వీటిని వాడటం మంచిది.
