ఎక్స్టెన్షన్ బోర్డులు సాధారణంగా తక్కువ-శక్తి పరికరాలకు (మొబైల్ ఛార్జర్లు, ల్యాప్టాప్లు లేదా చిన్న ల్యాంప్లు వంటివి) శక్తినిచ్చేలా రూపొందించారు.
ఈ బోర్డులు పరిమిత మొత్తంలో కరెంట్ను మాత్రమే నిర్వహించగలవు. మనం ఈ బోర్డులలో అధిక-శక్తి పరికరాన్ని ప్లగ్ చేసినప్పుడు, అవి ఓవర్లోడ్ అవుతాయి. ఓవర్లోడింగ్ వల్ల బోర్డు వైరింగ్ వేడెక్కుతుంది, వైర్లు కరిగిపోయే ప్రమాదం ఉంది. దాంతో షార్ట్-సర్క్యూట్ అయ్యే అవకాశం ఉంది. ఇది అగ్ని ప్రమాదానికి దారితీస్తుంది.
ఎక్స్టెన్షన్ బోర్డులో ప్లగ్ చేయకూడని కొన్ని పరికరాలు ఏంటంటే.. హీటర్లు, గీజర్లు, ఐరన్ బాక్స్లు. ఇవన్నీ 1000-2000 వాట్స్ లేదా అంతకంటే ఎక్కువ విద్యుత్తును వినియోగించే అధిక-వాటేజ్ ఉపకరణాలు. ఎక్స్టెన్షన్ బోర్డులు అటువంటి భారీ లోడ్ పరికరాల కోసం రూపొందించబడలేదు. అలాగే రిఫ్రిజిరేటర్, వాషింగ్ మెషిన్, మైక్రోవేవ్.. వీటిలో కంప్రెసర్లు, మోటార్లు ఉంటాయి, ఇవి స్టార్ట్ అయినప్పుడు చాలా కరెంట్ను తీసుకుంటాయి. ఎక్స్టెన్షన్ బోర్డులు ఇంత కరెంట్ను నిర్వహించలేవు, దీనివల్ల సర్క్యూట్ కాలిపోతుంది లేదా విరిగిపోతుంది. వీటిని ఎల్లప్పుడూ నేరుగా గోడ సాకెట్లోకి ప్లగ్ చేయాలి.
ఇక ఇండక్షన్ కుక్కర్, ఎలక్ట్రిక్ కెటిల్, టోస్టర్.. వీటి విద్యుత్ వినియోగం కూడా 1500-2000 వాట్స్. ఎక్స్టెన్షన్ బోర్డ్ కేబుల్ ఇంత కరెంట్ను తట్టుకోలేదు, వేడెక్కడం వల్ల మంటలు చెలరేగవచ్చు. అలాగే కంప్యూటర్ లేదా గేమింగ్ PC.. మానిటర్, స్పీకర్లు, UPS, ఛార్జింగ్ పరికరాలను సిస్టమ్కు కనెక్ట్ చేస్తే, ఎక్స్టెన్షన్ బోర్డుపై లోడ్ పెరుగుతుంది. ఇది ఫ్యూజ్లను పేల్చవచ్చు లేదా విద్యుత్ హెచ్చుతగ్గుల కారణంగా పరికరం దెబ్బతినవచ్చు. నాణ్యమైన పవర్ స్ట్రిప్ లేదా సర్జ్ ప్రొటెక్టర్తో కంప్యూటర్ను UPSకి కనెక్ట్ చేయడం ఉత్తమం. ఇక చివరిగా ఎయిర్ కండిషనర్ AC కూడా అధిక-కరెంట్ పరికరం, ఇది నడుస్తున్నప్పుడు నిరంతరం శక్తిని తీసుకుంటుంది. దీని వలన ఎక్స్టెన్షన్ బోర్డు వేడెక్కుతుంది. షార్ట్ సర్క్యూట్కు కారణమవుతుంది. AC ఎల్లప్పుడూ ప్రత్యేక సర్క్యూట్ లైన్ లేదా డైరెక్ట్ సాకెట్కు కనెక్ట్ చేయబడాలి.
