Titanic Actor Bernard Hill Passed Away: 1997లో విడుదలైన టైటానిక్ చిత్రంలో కెప్టెన్ పాత్రలో కనిపించిన ప్రముఖ నటుడు బెర్నార్డ్ హిల్ మృతి యావత్ హాలీవుడ్ పరిశ్రమను దిగ్భ్రాంతికి గురి చేసింది. నటుడు బెర్నార్డ్ హిల్ 79 సంవత్సరాల వయస్సులో తుది శ్వాస విడిచారు. అయన మరణంతో అభిమానులు తీవ్ర దిగ్భ్రాంతికి గురయ్యారు. బెర్నార్డ్ హిల్ టైటానిక్ చిత్రంలో ‘కెప్టెన్ ఎడ్వర్డ్ స్మిత్’ పాత్రను పోషించాడు. సినిమాలో అతని పాత్ర బాగా పాపులర్. ఆ సినిమానే కాకుండా ‘లార్డ్ ఆఫ్ ది రింగ్స్’ సినిమాలో కూడా నటించాడు. ఇక తన కెరీర్‌లో, ఆయన సినిమాల్లోనే కాకుండా టీవీ షోలు మరియు థియేటర్‌లో కూడా పనిచేశాడు.
అయితే ఇండస్ట్రీలో చాలా కాలం గడిపి ప్రేక్షకుల హృదయాల్లో తనదైన స్థానాన్ని సంపాదించుకుని ఏకంగా 11 ఆస్కార్ అవార్డులను గెలుచుకున్న ఆయన ఈరోజు తుది శ్వాస విడిచారు. ఇక బార్బరా డిక్సన్ X లో అభిమానులతో ఈ వార్తను పంచుకున్నారు. బెర్నార్డ్ హిల్ మరణవార్త షేర్ చేస్తున్నందుకు చాలా బాధగా ఉందని ఆమె అన్నారు. మేము కలిసి పనిచేశాము, అతను అద్భుతమైన నటుడు. వారితో ప్రయాణం చేయడం చాలా పెద్ద విషయం. RIP బెన్నీ అంటూ కామెంట్ చేసింది. ఇక హిల్ మరణం అభిమానులను తీవ్ర దిగ్భ్రాంతికి గురి చేసింది. చాలా మంది నటుడి అద్భుతమైన నటనను ప్రశంసించారు, మరికొందరు అతని పని తీరును ప్రశంసించారు. అయితే ఈ నటుడు హఠాత్తుగా మరణనించడంతో అభిమానులు పెద్ద షాక్‌కు గురయ్యారు.
కొన్ని సినిమాలు హద్దులు దాటి దేశంలోనే కాదు ప్రపంచ వ్యాప్తంగా గుర్తింపుని సొంతం చేసుకుంటాయి. ప్రపంచవ్యాప్తంగా అభిమానులను అలరించి బాక్సాఫీస్ వద్ద కలెక్షన్లను రాబడతాయి. అంతేకాదు డబ్బు సంపాదించిన ఆ సినిమాల్లోని పాత్రలు అందులో నటించిన నటీనీతులు కూడా ప్రపంచ వ్యాప్తంగా పాపులర్ అవుతారు. అలాంటి సినిమాల్లో ఒకటి టైటానిక్. హాలీవుడ్ సినిమా టైటానిక్ పేరు వినని వారు ఎవరుంటారు? ఈ చిత్రంలో హీరో, హీరోయిన్ గా లియోనార్డో డికాప్రియో, కేట్ విన్స్లెట్ కీలక పాత్రలు పోషించారు. ఇప్పుడు ఈ సినిమాలోని ఓ పాత్రలో నటించిన హాలీవుడ్ నటుడు 79 ఏళ్ల బెర్నార్డ్ హిల్ తుది శ్వాస విడిచారు. బెర్నార్డ్ ఈ చిత్రంలో కెప్టెన్ ఎడ్వర్డ్ జాన్ స్మిత్ పాత్రను పోషించారు. ఈ పాత్రతో అతనికి పాపులారిటీ వచ్చింది. నటుడిగా బెర్నార్డ్ కు సినీ పరిశ్రమలో మంచి గుర్తింపు ఉంది.
బెర్నార్డ్ మరణ వార్తను స్కాటిష్ జానపద సంగీత విద్వాంసుడు బార్బరా డిక్సన్ వెల్లడించారు. అతను X లో బెర్నార్డ్ మృతి గురించి ప్రస్తావిస్తూ బెర్నార్డ్ హిల్ ఈ ప్రపంచంలో ఇక లేరని చెప్పడానికి తనకు చాలా బాధగా ఉంది. మేము జాన్ పాల్ జార్జ్ రింగో, విల్లీ రస్సెల్ షోలలో కలిసి పనిచేశాము. బెర్నార్డ్ తెలివైన నటుడు. బెర్నార్డ్ తో కలిసి పనిచేయడం తనకు ఓ అద్భుతం అని రెస్ట్ ఇన్ పీస్ బెన్నీ (బెర్నార్డ్ హిల్) అని కామెంట్ ను జత చేశాడు.
విచారం వ్యక్తం చేసిన అభిమానులు
బెర్నార్డ్ నటుడుగా అనేక దశాబ్దాలుగా చిత్ర పరిశ్రమలో భాగమయ్యాడు. ఆయన మృతి పట్ల అభిమానులు కూడా తీవ్ర దిగ్భ్రాంతి వ్యక్తం చేస్తూ కామెంట్స్ చేస్తున్నారు. ఒక వ్యక్తి ఇలా వ్రాశాడు – అందరూ అతను బాయ్స్ ఫ్రమ్ ది బ్లాక్ స్టఫ్‌లో పోషించిన పాత్రను సూచిస్తున్నారు.. అయితే అతను వోల్ఫ్ హాల్ సిరీస్‌లో కూడా చాలా బాగా నటించాడు. మరొక వ్యక్తి రాశాడు- గుడ్‌బై బెర్నార్డ్ హిల్. మీ అద్భుతమైన నటనతో మంచి మంచి సినిమాలతో మిమ్మల్ని ఎప్పుడూ గుర్తుంచుకుంటారు. కళ పట్ల ప్రజలను ప్రేరేపించిన విధానం, మీ ప్రాముఖ్యతను కాదనలేమని నివాళుల్పిస్తున్నారు.
