జీవితంలో అన్ని రకాల ఆర్థిక లక్ష్యాలను కేవలం నెలవారీ జీతంతో తీర్చుకోవడం సాధ్యం కాదు. కచ్చితంగా ఇన్వెస్ట్‌ (Invest) చేయాలి. అంతే కాకుండా సురక్షితంగా, స్థిరమైన ఆదాయం అందించే ఇన్వెస్ట్మెంట్ ఆప్షన్లు సెలక్ట్‌ చేసుకోవాలి.
ఈ ఫీచర్లను అందిస్తూ భారతదేశంలో పోస్టాఫీస్‌ డిపాజిట్ స్కీమ్‌లు పాపులర్‌ అయ్యాయి. ఈ ప్లాన్‌లకు ప్రభుత్వం మద్దతు ఇవ్వడమే కాకుండా స్థిరమైన వృద్ధికి హామీ ఇస్తుంది. రిస్క్ తీసుకోవడం ఇష్టం లేని పెట్టుబడిదారులకు ఇది ఆకర్షణీయమైన ఎంపిక. అయితే ఆర్థిక లక్ష్యాలు, రిస్క్ టాలరెన్స్ ఆధారంగా మీకు పోస్టాఫీస్‌ స్కీమ్ బెటరో ఇప్పుడు తెలుసుకుందాం.
* సుకన్య సమృద్ధి అకౌంట్స్‌(SSA)
ఈ స్కీమ్ 10 సంవత్సరాల కంటే తక్కువ వయస్సు ఉన్న బాలికల కోసం ప్రత్యేకంగా రూపొందించారు. SSA సంవత్సరానికి 8% వడ్డీ రేటును అందిస్తుంది, ఏటా ఇంట్రెస్ట్‌ కాలిక్యులేట్‌ చేస్తారు.
* కిసాన్ వికాస్ పత్ర (KVP)
కిసాన్ వికాస్ పత్ర ఇన్వెస్ట్మెంట్ 123 నెలల్లో సంవత్సరానికి 7% వడ్డీ రేటుతో రెట్టింపు చేస్తుంది. ఈ లాంగ్‌ టర్మ్‌ సేవింగ్స ఆప్షన్‌ సంపదను స్థిరంగా పెంచుకోవాలని చూస్తున్న వారికి అనువుగా ఉంటుంది.
* నేషనల్ సేవింగ్స్ సర్టిఫికెట్స్‌ (NSC)
ఐదేళ్ల పదవీకాలంతో, NSC సంవత్సరానికి 7.7% వడ్డీ రేటును అందిస్తుంది, ఇంట్రెస్ట్‌ ఏటా కాలిక్యులేట్‌ అవుతుంది, కానీ మెచ్యూరిటీ సమయంలో చెల్లిస్తారు.
* సీనియర్ సిటిజన్ సేవింగ్స్ స్కీమ్ (SCSS)
పదవీ విరమణ చేసిన వారి కోసం ఈ పథకం రూపొందించారు. SCSSలో ఒకేసారి లంప్‌ సమ్‌ అమౌంట్‌ ఇన్వెస్ట్‌ చేయవచ్చు. క్వార్టర్లీ ఇంట్రెస్ట్‌ అందుతుంది, 2023-24 ఆర్థిక సంవత్సరం సెకండ్ క్వార్టర్‌కి 8.2% వడ్డీ అందిస్తోంది. ప్రభుత్వ మద్దతుతో కూడిన ఈ పదవీ విరమణ పథకం సీనియర్ సిటిజన్లకు ఆర్థిక భద్రతను అందిస్తుంది.
* 15-సంవత్సరాల పబ్లిక్ ప్రావిడెంట్ ఫండ్ అకౌంట్‌(PPF)
లాంగ్‌-టర్మ్‌ ఇన్వెస్టర్లకు ఇది బెస్ట్ ఆప్షన్‌. PPF సెక్షన్ 80C కింద పన్ను ప్రయోజనాలను అందిస్తుంది, 7.1% వార్షిక వడ్డీ రేటును పొందవచ్చు, ఎలాంటి పన్ను ఉండదు. యాన్యువల్లీ ఇంట్రెస్ట్‌ కాంపౌండ్‌ అవుతుంది.
* పోస్టాఫీస్‌ టైమ్ డిపాజిట్ అకౌంట్‌
ఫిక్స్‌డ్ డిపాజిట్ల మాదిరిగానే, ఈ పథకం ఒక సంవత్సరం నుంచి ఐదు సంవత్సరాల వరకు వివిధ రకాల వడ్డీ రేట్లను అందిస్తుంది. FY 2023-2024 రెండో త్రైమాసికానికి సంబంధించి 1, 2-3, 5 సంవత్సరాల అకౌంట్‌లకు రేట్లు వరుసగా 6.9%, 7%, 7.5%గా ఉన్నాయి. యాన్యువల్లీ ఇంట్రెస్ట్‌ చెల్లిస్తారు, కానీ క్వార్టల్లీ కాలిక్యులేట్‌ చేస్తారు.
* మంత్లీ ఇన్‌కమ్‌ స్కీమ్
లో-రిస్క్ ఇన్వెస్ట్మెంట్ ఆప్షన్‌. మంత్లీ ఇన్‌కమ్‌ స్కీమ్ సంవత్సరానికి 7.40% వడ్డీ రేటు, రెగ్యులర్‌ మంత్లీ ఇన్‌కమ్‌ అందిస్తుంది. ఐదేళ్ల లాక్-ఇన్ పీరియడ్‌తో, స్థిరమైన రాబడిని అందిస్తుంది.
* పోస్టాఫీస్‌ సేవింగ్స్ అకౌంట్‌
పోస్టాఫీస్‌ సేవింగ్స్ అకౌంట్‌ 4% వార్షిక వడ్డీ రేటు అందిస్తుంది. వడ్డీపై పూర్తిగా పన్ను ఉంటుంది, ప్రయోజనం ఏంటంటే TDS డిడక్షన్‌ ఉండదు.
* 5-ఇయర్‌ పోస్టాఫీస్‌ రికరింగ్ డిపాజిట్ అకౌంట్‌(RD)
చిన్న మొత్తాలతో ఇన్వెస్ట్మెంట్ ప్రారంభించాలనుకునే వారికి, 5-ఇయర్‌ RD సరిపోతుంది. నెలవారీ డిపాజిట్లు రూ.100 కంటే తక్కువగా ఉంటాయి. సంవత్సరానికి 6.5% వడ్డీ రేటు అందుకోవచ్చు. వడ్డీ క్వార్టర్లీ కాంపౌండ్‌ అవుతుంది. ఈ పథకం డబ్బును ఆదా చేయడానికి, పెంచుకోవడానికి క్రమశిక్షణతో కూడిన మార్గాన్ని అందిస్తుంది.
