Pappu Yadav: లోక్‌సభలో ఎంపీ ‘నీట్’గా నిరసన, అధికార పక్షం మైండ్ బ్లాంక్ అయ్యేలా చేసిన పప్పు యాదవ్!

Pappu Yadav demands for Re NEET 2024 | దేశమంతటా నీట్ మీద చర్చ జరుగుతోన్న నేపథ్యంలో బిహార్ రాష్ట్రం నుంచి స్వంతంత్ర అభ్యర్థిగా లోక్ సభకు ఎన్నికైన ఓ ఎంపీ తన ప్రమాణ స్వీకార సమయంలోనే నీట్ పరీక్షపై నిరసన తెలిపి కొత్త సంస్కృతికి తెరలేపారు.

బిహార్ రాష్ట్రం పుర్నియా నుంచి ఎంపీగా ఎన్నికై మంగళవారం లోక్ సభలో ప్రమాణం చేసిన పప్పూ యాదవ్ రీనీట్ అని రాసి ఉన్న ఒక టీషర్ట్ వేసుకొచ్చారు. అయితే పప్పూ యాదవ్ అక్కడితో ఆగలేదు.

ప్రమాణం చేసిన అనంతరం సైతం.. రీ నీట్, బిహార్ కి స్పెషల్ స్టేటస్, సీమాంచల్ జిందాబాద్, మానవతా వాద్ జిందాబాద్, బీమ్ చిందాబాద్, సంవిధాన్ జిందాబాద్ అంటూ చెప్పారు. ఈ క్రమంలోనే ట్రెజరీ బెంచ్ పై ఉన్న సభ్యుడితో ఆయనకు వాగ్వాదమూ జరిగింది. ప్రమాణం అనంతరం బెంచ్ సభ్యులు ఏదో అంటుంటే.. ‘‘నేను ఆరోసారి ఎంపీగా ఎన్నికయ్యాను. ఏం చేయొచ్చో ఏం చేయకూడదో నాకు తెలుసు. మీరు గుంపుగా వస్తారు. కానీ నేను సింగిల్ గా వస్తాను. నాలుగో సారి ఇండిపెండెంట్ గా గెలిచాను. మీరు నాకు నేర్పిస్తారా?’’ అంటూ ఛైర్మన్ కి షేక్ హ్యాండ్ ఇచ్చి మరీ పప్పూ యాదవ్ స్టేజ్ దిగారు.

Just look at the arrogance of Pappu Yadav pic.twitter.com/nn7a6OTiQO

— Ankur Singh (@iAnkurSingh) June 25, 2024

భారతదేశంలో సార్వత్రిక ఎన్నికలు ముగిసిన అనంతరం 2024-25 ఆర్థిక సంవత్సరానికి సంబంధిచి మరకొన్ని రోజుల్లో పూర్తిస్థాయి బడ్జెట్ ప్రవేశపెట్టనున్నారు. దీంతో వివిధ రంగాలకు చెందిన వాటాదారులు ప్రభుత్వం ఆర్థిక విధానాల్లో ఎలాంటి మార్పులు తీసుకువస్తుందో? అని ఆసక్తిగా ఎదురుచూస్తున్నారు. ముఖ్యంగా పన్ను విధానాల్లో మార్పులతో పాటు అనే ఉపశమనాలను అందించే అవకాశం ఉందని నిపుణులు చెబుతుండడంతో ఉద్యోగులు ప్రభుత్వ నిర్ణయం కోసం ఆసక్తిగా ఉన్నారు.

భారతదేశంలో సార్వత్రిక ఎన్నికలు ముగిసిన అనంతరం 2024-25 ఆర్థిక సంవత్సరానికి సంబంధిచి మరకొన్ని రోజుల్లో పూర్తిస్థాయి బడ్జెట్ ప్రవేశపెట్టనున్నారు. దీంతో వివిధ రంగాలకు చెందిన వాటాదారులు ప్రభుత్వం ఆర్థిక విధానాల్లో ఎలాంటి మార్పులు తీసుకువస్తుందో? అని ఆసక్తిగా ఎదురుచూస్తున్నారు. ముఖ్యంగా పన్ను విధానాల్లో మార్పులతో పాటు అనే ఉపశమనాలను అందించే అవకాశం ఉందని నిపుణులు చెబుతుండడంతో ఉద్యోగులు ప్రభుత్వ నిర్ణయం కోసం ఆసక్తిగా ఉన్నారు. ఈ నేపథ్యంలో 2024 బడ్జెట్ గురించి అంచనాలు ఎలా ఉన్నాయో? ఓసారి తెలుసుకుందాం. బడ్జెట్ 2024లో పాత ఆదాయపు పన్ను స్లాబ్‌లకు సర్దుబాట్లు ఉండవచ్చు లేదా కొత్త విధానం కోసం పన్ను మినహాయింపు పరిమితిలో పెరుగుదల ఉండవచ్చని నిపుణులు అంచనా వేస్తున్నారు. ఇది వివిధ ఆదాయ వర్గాలకు ప్రయోజనం చేకూరుస్తుంది. కొత్త పన్ను విధానంలో అధిక వ్యయంతో కూడిన నిర్దిష్ట సమూహాలకు పన్ను ఉపశమనం అందించడంపై ప్రభుత్వం దృష్టి పెట్టవచ్చు. 2024-25 పూర్తి బడ్జెట్‌ను వచ్చే నెల జులై 23 లేదా 24న పార్లమెంట్‌లో ప్రవేశ పెట్టే అవకాశం ఉంది.

8వ వేతన సంఘం, ఓపీఎస్
8వ వేతన సంఘం రాజ్యాంగం, జీతభత్యాల వర్గానికి పన్ను రాయితీ పెంపుదల, పాత పెన్షన్ విధానాన్ని పునరుద్ధరించడం వంటివి సీతారామన్ ముందస్తు బడ్జెట్ సమావేశంలో కార్మిక సంఘాల నేతలు డిమాండ్లు చేశారు. ముఖ్యంగా పీఎస్‌యూల ప్రైవేటీకరణ చర్యను నిలిపివేయాలని, కొత్త పెన్షన్ విధానాన్ని రద్దు చేయాలని, పాత పెన్షన్ విధానాన్ని (ఓపిఎస్) పునరుద్ధరించాలని కార్మిక సంఘాలు ప్రభుత్వాన్ని కోరాయి. అంతేకాకుండా కేంద్ర ప్రభుత్వ శాఖలు, పీఎస్‌యూల్లో ప్రస్తుతం ఉన్న ఖాళీలన్నింటినీ వెంటనే భర్తీ చేయాలని, కాంట్రాక్టు, ఔట్‌సోర్సింగ్ విధానాన్ని నిలిపివేయాలని కోరారు. నిత్యావసర ఆహార పదార్థాలు, మందులపై జీఎస్టీతో సామాన్య ప్రజానీకానికి భారం కాకుండా కార్పొరేట్ పన్ను, సంపద పన్నును పెంచడంతోపాటు వారసత్వ పన్నును ప్రవేశపెట్టడం ద్వారా వనరుల సమీకరణ జరగాలని వారు పేర్కొన్నారు.

ముఖ్యంగా ప్రతి కుటుంబానికి 200 రోజుల పని హామీతో ఉపాది హామీ పరిధిని విస్తృతం చేయాలని కోరారు. అంతేకాకుండా వ్యవసాయం, అనుబంధ రంగ పనులను మహాత్మా గాంధీ జాతీయ గ్రామీణ ఉపాధి హామీ చట్టానికి అనుసంధానం చేయాలని కోరారు. అలాగే 60 ఏళ్లు పైబడిన వారందరికీ ఆరోగ్య ప్రయోజనాలను అందించాలని డిమాండ్ చేసింది. ఇది నెలకు రూ. 100 టోకెన్ మొత్తంతో, సంవత్సరానికి రూ. 5 లక్షల కవరేజీతో కంట్రిబ్యూటరీగా చేయవచ్చు. ఈ నేపథ్యంలో ఆయా డిమాండ్ల ప్రభుత్వ స్పందన అనేది బడ్జెట్ ప్రకటన తేలుతుంది.

కేరళ రాష్ట్రం పేరు ఇక కేరళంగా మారనుంది. పేరు మార్చాలని కేంద్ర ప్రభుత్వాన్ని కోరుతూ కేరళ రాష్ట్ర అసెంబ్లీలో రూపొందించిన తీర్మానానికి ఏకగ్రీవ ఆమోదం లభించింది. ఆ డీటేల్స్ ఏంటో తెలుసుకుందాం పదండి..

కేరళ పేరును కేరళంగా మార్చాలని కేంద్ర ప్రభుత్వాన్ని కోరుతూ ఆ రాష్ట్ర శాసనసభ ఏకగ్రీవంగా తీర్మానం చేసింది. ఆ తీర్మానాన్ని ముఖ్యమంత్రి పినరయి విజయన్‌ అసెంబ్లీలో ప్రవేశపెట్టారు. అన్ని పార్టీలు మద్దతు తెలపడంతో తీర్మానం శాసనసభలో ఏకగ్రీవంగా ఆమోదం పొందింది. అయితే సీఎం పినరయి ప్రవేశపెట్టిన తీర్మానానికి విపక్షాలు కొన్ని సవరణలు ప్రతిపాదించాయి. గతేడాది ఆగస్టు 9వ తేదీన కూడా కేరళ పేరును కేరళంగా మార్చాలని కోరుతూ శాసనసభ ఏకగ్రీవంగా తీర్మానం చేసి కేంద్రానికి పంపింది. రాజ్యాంగంలో ఈ విషయాన్ని మొదటి షెడ్యూల్‌, ఎనిమిదో షెడ్యూల్‌లో చేర్చాలని కేంద్రాన్ని కోరింది. తొలి తీర్మానం పరిశీలన తర్వాత, కొన్ని మార్పులు చేయాలని కోరింది కేంద్ర ప్రభుత్వం. దీంతో మార్పులు చేసిన తర్వాత తాజాగా మరోసారి రాజ్యాంగంలోని ఎనిమిదో జాబితాలో పేరు మార్పు విషయాన్ని చేర్చాలనే తీర్మానాన్ని పంపింది కేరళ ప్రభుత్వం.

కేరళ పేరును అన్ని భాషల్లోనూ కేరళంగా మార్చాలని కేంద్ర ప్రభుత్వాన్ని పినరయి సర్కార్‌ కోరింది. రాష్ట్రంపేరును పూర్వం నుంచే మలయాళం అని పిలిచేవారని, మలయాళం మాట్లాడే ప్రజల కోసం ఐక్య కేరళ రాష్ట్రం ఏర్పాటు చేయాలనే డిమాండ్ పూర్వ కాలం నుండే ఉందని కేరళ సీఎం పినరయి విజయన్ తెలిపారు. కేరళల సాంస్కృతిక నేపధ్యం, చరిత్రను దృష్టిలో ఉంచుకుని కేరళంగా పేరు మార్చాలనే డిమాండ్ అన్నివర్గాల ప్రజలనుంచి ఉందన్నారు. మరోవైపు దేశంలో ఏదైనా రాష్ట్రంపేరును మార్చాలంటే రాజ్యాంబద్దంగా కేంద్రం ఆమోదం పొందాల్సి ఉంటుంది. రాజ్యాంగంలోనే ఆ రాష్ట్రం పేరును మార్చాల్సి ఉంటుంది. రాష్ట్రం పేరు మార్చడం అనేది కేంద్ర ప్రభుత్వ పరిధికి సంబంధించిన అంశం. మరి ఈసారైనా కేంద్ర హోంమంత్రిత్వ శాఖ కేరళ మార్పుకు గ్రీన్‌ సిగ్నల్ ఇస్తుందా లేదా అన్నది ఆసక్తిగా మారింది.

కేంద్రంలో ఉన్న మోడీ ప్రభుత్వం దేశ ప్రజల ఆరోగ్య భద్రత కోసం ఆయుష్మాన్ భారత్ కార్యక్రమాన్ని ప్రవేశపెట్టింది. ఈ పథకం కింద సుమారు ఐదు లక్షల రూపాయల విలువైన కార్పొరేట్ వైద్యం పేద ప్రజలకు అందుబాటులోకి వచ్చింది.

ఆయుష్మాన్ భారత్ కార్యక్రమం దేశవ్యాప్తంగా అమలవుతున్నటువంటి అతిపెద్ద వైద్య సంక్షేమ పథకం అని చెప్పవచ్చు. ప్రపంచంలోనే అతిపెద్ద సంక్షేమ పథకాల్లో ఒకటిగా పేరు సంపాదించుకున్న ఆయుష్మాన్ భారత్ పథకం ద్వారా సుమారు 10 కోట్ల కుటుంబాలు వైద్య సేవలను పొందనున్నారు. సుమారు యాభై కోట్ల మంది లబ్ధిదారులకు ఈ పథకం ద్వారా ప్రయోజనం లభించనుంది. మోడీ ప్రభుత్వం ప్రతిష్టాత్మకంగా తీసుకున్నటువంటి ఈ కార్యక్రమాన్ని 23 సెప్టెంబరు 2018న ప్రారంభించింది. ఈ కార్యక్రమం కోసం దేశవ్యాప్తంగా ఉన్న అన్ని రాష్ట్రాల్లోనూ, కేంద్ర పాలిత ప్రాంతాల్లో కూడా లబ్ధిదారులు ఆరోగ్య సేవలను పొందుతున్నారు. ఆయుష్మాన్ భారత్ పథకం ద్వారా దాదాపు 5 లక్షల రూపాయల విలువైన వైద్యం లభిస్తుంది. ఎంపిక చేసుకున్న ప్రైవేటు వైద్యశాలల్లో వైద్యం లభిస్తుంది. మీరు ఒకవేళ ఈ పథకం లబ్ధిదారుడు కానట్లయితే, వెంటనే ఈ పథకం కోసం అప్లై చేసుకోవడం మంచిది. ఆయుష్మాన్ భారత్ పథకం కోసం మీరు ఆన్లైన్ ద్వారా అప్లై చేసుకునే అవకాశం ఉంటుంది. ఆయుష్మాన్ భారత్ పథకం కోసం కేంద్ర ప్రభుత్వం ప్రత్యేకంగా వెబ్ పోర్టల్ కూడా ప్రారంభించింది. ఈ పోర్టల్ ద్వారా మీరు సులభంగానే మీ పేరును నమోదు చేసుకోవచ్చు.

ఆయుష్మాన్ భారత్ స్కీం కింద ఏమేం సేవలు అందుబాటులోకి వస్తాయి.
వైద్య పరీక్షలు, ప్రీ-హాస్పిటలైజేషన్ చార్జీలు, ఔషధాలు, వైద్యంలో వినియోగించే ప్రోసీజర్ వస్తువులు, నాన్-ఇంటెన్సివ్, ఇంటెన్సివ్ కేర్ సేవలు, ల్యాబోరేటరీ సేవలు, మెడికల్ ఇంప్లాంటేషన్ సేవలు , వసతి సదుపాయాలు, ఆహారం, చికిత్స సమయంలో తలెత్తే ఇతర ఆరోగ్య సమస్యలు, ఆసుపత్రిలో చేరిన తర్వాత 15 రోజుల వరకు సంరక్షణ వంటివి కవర్ అవుతాయి.

ఆయుష్మాన్ భారత్ కార్డు పొందాలంటే ఎలా అప్లై చేయాలి..
ఆయుష్మాన్ భారత్ కార్డును పొందాలంటే మీరు ఆన్లైన్ ద్వారా కూడా అప్లై చేసుకోవచ్చు. . ఇందుకోసం భారత ప్రభుత్వం అధీనంలో ఉన్నటువంటి వెబ్ పోర్టల్ కూడా అందుబాటులో ఉంది. ఆయుష్మాన్ భారత్ కార్డు కోసం ఇక్కడ క్లిక్ చేయండి..

ఆయుష్మాన్ భారత్ కార్డు కోసం ఏమేం డాక్యుమెంట్స్ కావాలి..
ఆయుష్మాన్ భారత్ కార్డు కోసం మీరు ప్రభుత్వం జారీ చేసిన ఏదైనా గుర్తింపు కార్డును వెంట పెట్టుకోవాల్సి ఉంటుంది. ఆధార్ కార్డు కూడా ఇందుకోసం ఉపయోగపడుతుంది.

CM Kejriwal: లిక్కర్ స్కాం కేసులో ఢిల్లీ సీఎం కేజ్రీవాల్ కు మరోసారి నిరాశే ఎదురైంది. ఈ కేసులో ఇటీవల కేజ్రీవాల్ కు బెయిల్ ఇవ్వడాన్ని వ్యతిరేకిస్తూ ఈడీ వేసిన పిటిషన్ పై ఈరోజు రౌస్ అవెన్యూ కోర్టు విచారణ చేపట్టింది.

ట్రయల్ కోర్ట్ రికార్డులు పరిశీలించకుండానే బెయిల్ ఇచ్చారన్న హైకోర్టు తెలిపింది. బెయిల్‌పై స్టే కొనసాగుతుందని స్పష్టం చేసింది. ప్రస్తుతం తీహార్ జైలులోనే ఉన్నారు కేజ్రీవాల్. రేపు సుప్రీంకోర్టులో కేజ్రీవాల్‌ బెయిల్‌పై విచారణ జరగనుంది. కాగా కేజ్రీవాల్ ఈ కేసు నుంచి బయటకు వస్తారా? లేదా? అనే టెన్షన్ లో ఆప్ నేతలు, కార్యకర్తలు ఉన్నారు. ఒక సిట్టింగ్ సీఎం ఇన్ని రోజులు జైలులో ఉండడం ఇదే తొలిసారి.

కాగా ఇటీవల లోక్ సభ ఎన్నికల్లో ప్రచారం చేసేందుకు అనుమతి కోరుతూ కేజ్రీవాల్ దాఖలు చేసిన పిటిషన్ పై పాజిటివ్ గా స్పందిస్తూ షరతులతో కూడిన మధ్యంతర బెయిల్ ను కోర్టు మంజూరు చేసింది. ఈ క్రమంలో మధ్యంతర బెయిల్ పై బయటకు వచ్చిన కేజ్రీవాల్ ఎన్నికల ప్రచారాన్ని ముగించుకొని జూన్ 2న తిరిగి జైలు కు వెళ్ళాడు. తనకు అనారోగ్యం కారణంగా మధ్యంతరం బెయిల్ ను పొడిగించాలని కోరుతూ దాఖలు చేసిన పిటిషన్ ను ఆ సమయంలో సుప్రీం కోర్టు కొట్టేసింది.