అత్యంత శక్తిమంతులైన టాప్‌ టెన్‌ నేతల్లో ఐదో స్థానం

‘ఇండియా టుడే’ కథనం.. మొదటి 4 ర్యాంకుల్లో మోదీ, భాగవత్‌, షా, రాహుల్‌

ఫీనిక్స్‌ పక్షిలా చంద్రబాబు పునర్జన్మ ..

మీడియా సంస్థ కితాబు

న్యూఢిల్లీ, నవంబరు 12 (ఆంధ్రజ్యోతి): చంద్రబాబును అత్యంత శక్తిమంతుడైన ముఖ్యమంత్రిగా జాతీయ మీడియా సంస్థ ‘ఇండియాటుడే’ అభివర్ణించింది. దేశవ్యాప్తంగా శక్తిసంపన్నులైన వ్యక్తుల్లో ఆయన ఐదో స్థానంలో ఉన్నట్లు తెలిపింది. ఆయనకు ముందు తొలి నాలుగు స్థానాల్లో ప్రధాని మోదీ, ఆర్‌ఎ్‌సఎస్‌ అధినేత మోహన్‌ భాగవత్‌, కేంద్ర హోం మంత్రి అమిత్‌షా, కాంగ్రెస్‌ అగ్రనేత-లోక్‌సభలో ప్రతిపక్ష నేత రాహుల్‌గాంధీ ఉండగా.. ఆయన తర్వాత బిహార్‌, యూపీ, తమిళనాడు, పశ్చిమ బెంగాల్‌ సీఎంలు నితీశ్‌కుమార్‌, యోగి ఆదిత్యనాథ్‌, ఎంకే స్టాలిన్‌, మమతా బెనర్జీ, సమాజ్‌వాదీ అఽధ్యక్షుడు, యూపీ మాజీ సీఎం అఖిలేశ్‌ యాదవ్‌ ఉన్నారు. జనసేన, బీజేపీతో పొత్తుతో.. టీడీపీని పతనావస్థ నుంచి విజయతీరానికి చేర్చారని మంగళవారంనాటి ప్రత్యేక కథనంలో ఆకాశానికెత్తింది. జైలుకెళ్లడం ద్వారా రాజకీయంగా అనిశ్చిత పరిస్థితి నుంచి ఫీనిక్స్‌ పక్షిలా పునర్జన్మ ఎత్తి.. అధికారం చేజిక్కించుకున్నారని, భారతీయ రాజకీయాల్లో కీలక నేతగా మారారని వెల్లడించింది. ఇవాళ చంద్రబాబు భారత్‌లోనే అత్యంత సీనియర్‌ ముఖ్యమంత్రి అని పేర్కొంది. హాలీవుడ్‌ థ్రిల్లర్‌ సినిమాల్లో మాత్రమే ఇలాంటి చరిత్రాత్మక పునరాగమనాలు చూస్తామని, అయితే చంద్రబాబు వాస్తవంగా చేసి చూపించారని వ్యాఖ్యానించింది. ‘లోక్‌సభలో టీడీపీకి ఉన్న 16 మంది ఎంపీలను మినహాయిస్తే కేంద్రంలోని మోదీ ప్రభుత్వం ప్రమాదకర పరిస్థితుల్లో పడిపోతుంది. మెజారిటీ మార్కుకు దూరమవుతుంది. దీంతో పాలక ఎన్‌డీఏలో చంద్రబాబు పట్టు పెరిగింది. నాలుగోసారి సీఎం అయిన ఆయన.. తన చిరకాల స్వప్నమైన స్వర్ణాంధ్ర సాధన, రాజధాని అమరావతి నిర్మాణం లక్ష్యాలను చేరుకునే అవకాశం ఉంది,. కార్పొరేట్లకు మిత్రుడిగా ఉండే చంద్రబాబు.. ఉమ్మడి రాష్ట్రానికి రెండోసారి సీఎం అయినప్పుడు ఇండియన్‌ స్కూల్‌ ఆఫ్‌ బిజనెస్‌ (ఐఎ్‌సబీ) ఏర్పాటుకు చొరవ చూపారు. ఇటీవల విజన్‌-2047 డాక్యుమెంట్‌ ఆవిష్కరించారు. 15 శాతం వృద్ధి రేటుతో 2047కల్లా ఆంధ్ర ఎకానమీని 2.4 ట్రిలియన్‌ డాలర్లకు, తలసరి ఆదాయాన్ని 43 వేల డాలర్లకు తీసుకెళ్లడం ఆయన లక్ష్యం. ప్రజల భాగస్వామ్యం ఉండే వ్యూహాన్ని అభివృద్ధి చేసే విజన్‌ కావాలని ఆయన ఎప్పుడూ అంటుంటారు’ అని పేర్కొంది.

ప్రకాశంజిల్లా మద్దిపాడు పోలీస్‌ స్టేషన్‌లో ప్రముఖ సినీ దర్శకుడు రాంగోపాల్‌వర్మపై పోలీస్‌ కేసు నమోదైంది. ఈ కేసులో పోలీసులు విచారణ వేగవంతం చేశారు.

ప్రత్యేక బృందాన్ని ఏర్పాటు చేసే దర్యాప్తు ప్రారంభించారు. నవంబర్‌ 19న మద్దిపాడు పీఎస్‌లో విచారణకు హాజరుకావాలంటూ ప్రకాశంజిల్లా పోలీసులు రాంగోపాల్‌వర్మకు నోటీసులు ఇచ్చేందుకు హైదరాబాద్‌లోని ఆయన నివాసానికి చేరుకున్నారు.

వ్యూహం ప్రమోషన్లలో భాగంగా సోషల్‌ మీడియా వేదిక ఎక్స్‌లో తెలుగుదేశం పార్టీ అధినేత చంద్రంబాబు నాయుడు, జనసేన అధినేత పవన్‌ కళ్యాణ్‌, నారా లోకేష్, నారా బ్రాహ్మణిలపై అనుచిత వ్యాఖ్యలు చేశారంటూ మద్దిపాడు మండల టీడీపీ ప్రధాన కార్యదర్శి ఎం. రామలింగం స్థానిక పోలీసులకు ఫిర్యాదు చేశారు. దీంతో ఐటి యాక్ట్‌ కింద రాంగోపాల్‌వర్మపై నవంబర్‌ 10న ప్రకాశం జిల్లా మద్దిపాడు పోలీసులు కేసు నమోదు చేసి దర్యాప్తు ప్రారంభించారు.

వివాదాస్పద దర్శకుడు రామ్‍గోపాల్ వర్మ రాజకీయాల నేపధ్యంలో రూపొందించిన వ్యూహం రిలీజ్‍కు ముందే వివాదాలకు తెరతీసింది. ఆంధ్రప్రదేశ్‌లో గత ఎన్నికలకు ముందు రూపొందించిన ఈ అప్పటి ప్రతిపక్ష పార్టీ నేతలను టార్గెట్‌ చేస్తూ నిర్మించారు. ఈ వ్యూహం విడుదలకు ముందే టీజర్, ట్రైలర్లతోనే రాజకీయ దూమారాన్ని రేపింది. తెలుగుదేశం పార్టీ ఈ పై తీవ్ర అభ్యంతరం వ్యక్తం చేసింది. విడుదలను ఆపాలని తెలుగుదేశం జాతీయ కార్యదర్శి నారా లోకేశ్ తెలంగాణ హైకోర్టులో పిటిషన్ కూడా దాఖలు చేశారు. ఈ సెన్సార్‌ను తొలుత తెలంగాణా హైకోర్టు రద్దు చేసింది. అయితే డివిజన్‌ బెంచ్‌లో వర్మ సవాల్‌ చేయడంతో మరోసారి ఈ ను రివ్యూ చేసిన సెన్సార్‌బోర్డు యు సర్గిఫికెట్‌ ఇవ్వడంతో రిలీజైంది.

దివంగత కాంగ్రెస్‌ సీఎం వైఎస్ రాజశేఖర రెడ్డి హెలికాప్టర్‌ క్రాష్‌లో చనిపోయిన దగ్గర నుంచి వైఎస్‌ జగన్‌ ముఖ్యమంత్రి అయ్యే వరకు జరిగిన పరిణామాలను నాటకీయ ఫక్కీలో రాంగోపాల్‌వర్మ తెరకెక్కించారు. వైఎస్ జగన్ ఓదార్పు యాత్ర, వైఎస్ఆర్ కాంగ్రెస్ పార్టీ ఏర్పాటు చేయడం, పాదయాత్ర, జగన్‌ జైలుకు వెళ్లడం లాంటి అంశాలను ముడిపెట్టి ఈ చిత్రాన్ని నిర్మించారు. 2019 ఎన్నికల తర్వాత వైఎస్ జగన్ సీఎం కావడంతో ఈ ముగుస్తోంది.

టోటల్‌గా లో వైఎస్‌ జగన్‌ అధికారం చేపట్టకుండా 2014 నుంచి 2019 వరకు ప్రతిపక్ష పార్టీలుగా ఉన్న టిడిపి, జనసేన పార్టీల అధినేతలు చంద్రబాబు, పవన్‌ కళ్యాణ్‌ కుయుక్తులు పన్నితే ఆ ఎత్తులకు పై ఎత్తులు వేస్తూ వ్యూహాత్మకంగా వైఎస్‌ జగన్‌ ఎలా సీఎం అయ్యారన్నది నేపధ్యంగా చూపించారు. ఇప్పుడు ఈ లో చంద్రబాబు, పవన్‌ కళ్యాణ్‌, నారా లోకేష్‌, బ్రాహ్మణిలపై అనుచిత వ్యాఖ్యలు చేశారని, అలాగే ప్రమోషన్లలో భాగంగా సోషల్‌ మీడియా ఎక్స్‌లో రాంగోపాల్‌వర్మ వీరిపై అనుచిత వ్యాఖ్యలు చేశారంటూ ప్రకాశంజిల్లా మద్దిపాడు టిడిపి మండల ప్రధాన కార్యదర్శి ఎం. రామలింగం మద్దిపాడు పోలీస్‌ స్టేషన్‌లో ఈనెల 10న ఫిర్యాదు చేయడంతో వర్మపై ఐటి యాక్ట కింద కేసు నమోదైంది.

దీంతో ప్రత్యేక బృందాన్ని ఏర్పాటు చేసిన ప్రకాశం జిల్లా పోలీసులు దర్యాప్తు ప్రారంభించారు. విచారణకు ఈనెల 19న మద్దిపాడు పిఎస్‌లో హాజరుకావాలంటూ పోలీసులు రాంగోపాల్‌వర్మకు నోటీసులు ఇచ్చేందుకు హైదరాబాద్‌లోని ఆయన నివాసానికి చేరుకున్నారు. ప్రస్తుతం పోలీసులు ఆయన నివాసం వద్ద ఉన్నారు. నోటీసులు తీసుకుంటారా..? విచారణకు హాజరు అవుతారా లేదా అన్నదీ ఆసక్తికరంగా మారింది.

నేటి కాలంలో బీమా చాలా ముఖ్యమైనదిగా మారింది. మార్కెట్లో అనేక రకాల బీమాలు అందుబాటులో ఉన్నాయి. దేశంలో బీమా తీసుకునే వారి సంఖ్య నిరంతరం పెరుగుతోంది.

బీమా మనకు అనేక విధాలుగా సహాయపడుతుంది. ఆరోగ్య బీమా గురించి మాట్లాడినట్లయితే, వైద్య ఖర్చులను తగ్గించడంలో, అత్యవసర పరిస్థితుల్లో ఇది చాలా సహాయకారిగా ఉంటుంది. బీమా వలె అనేక రకాల ఆరోగ్య బీమాలు ఉన్నాయి. ఇందులో మెటర్నిటీ ఇన్సూరెన్స్ కూడా ఉందని మీకు తెలుసా? ప్రసూతి బీమా అంటే ఏమిటి ? దాని ప్రయోజనాలు ఏమిటి?

ప్రసూతి బీమా అంటే ఏమిటి?

ప్రసూతి బీమా కూడా ఒక రకమైన ఆరోగ్య బీమా. గర్భధారణకు సంబంధించిన అన్ని ఖర్చులు ఈ బీమాలో కవర్ అవుతాయి. చాలా బీమా కంపెనీలు ఈ బీమాలో డెలివరీకి ముందు, తర్వాత ఖర్చులను కవర్ చేస్తాయి. అదే సమయంలో కొన్ని కంపెనీలు తమ మహిళా ఉద్యోగులకు ఆరోగ్య బీమా పాలసీ కింద మాత్రమే ప్రసూతి ప్రయోజనాలను అందిస్తాయి. అనేక ఆరోగ్య బీమా పాలసీలలో, పాలసీదారు ప్రసూతి బీమాకు యాడ్-ఆన్ పొందవచ్చు. తద్వారా ప్రసూతి ఖర్చులన్నీ బీమాలో కవర్ అవుతాయి.

ప్రసూతి బీమా ప్రయోజనాలు ఏమిటి?

ఇందులో మీరు బీమాతో పాటు ఇతర ఖర్చులను జోడించవచ్చు.
అనేక ప్రసూతి బీమా పాలసీలు టీకా, వంధ్యత్వ చికిత్స మొదలైన వాటి ఖర్చులను కూడా కవర్ చేస్తాయి.
చాలా కంపెనీలు ప్రసూతి బీమాలో సరోగసీ, IVF వంటి ఖర్చులను కూడా కవర్ చేస్తాయి.

సరైన ప్రణాళికను ఎలా ఎంచుకోవాలి?

మీరు మెటర్నిటీ ఇన్సూరెన్స్ తీసుకోవాలనే ఆలోచనలో ఉన్నట్లయితే, దానిలో ఏమి కవర్ అవుతాయో మీరు ముందుగానే తెలుసుకోవడం చాలా ముఖ్యం. కంపెనీ అందించే కవరేజీని తెలుసుకోవాలి.
మీరు రక్త పరీక్ష, అల్ట్రాసౌండ్ వంటి పరీక్షలను కలిగి ఉన్న ప్రణాళికను ఎంచుకోవాలి.
ప్రీ-ప్రెగ్నెన్సీ వ్యాక్సిన్‌తో పాటు, పిల్లలకు వ్యాక్సిన్‌ను కవర్ చేసే బీమా పాలసీని ఎంచుకోవాలి.
నవజాత శిశువును మొదటి రోజు నుండి కవర్ చేసే ప్రసూతి బీమా పాలసీని ఎల్లప్పుడూ తీసుకోవాలి.

ఇప్పుడు రెండు తెలుగు రాష్ట్రాల్లో చర్చ ఆ ఇద్దరు మహిళ అపీసర్ల గురించే..! మాములుగా ఇద్దరు వేరు వేరుగా పోస్టింగ్‌లో ఉంటేనే వార్తల్లో ఉంటారు. అలాంటిది ఇద్దరు ఒకే పోస్టింగ్‌లో ఉంటే అసలు ఆ టాపిక్ ఇంకా జనాల నోళ్లలలో కిచిడి అయిపోదు..!

ఇప్పుడు అలానే ఉంది తెలుగు రాష్ట్రాల్లోని ఆ ఇద్దరు మహిళ సినియర్ ఐఏఎస్‌ల గురించి.. ఇంతకఈ ఏమైంది అనుకుంటున్నారా..!

స్మితా సబర్వాల్, అమ్రపాలి కాటా ఇద్దరు డైనమిక్ అఫీసర్లు.. ఎక్కడ పని చేసినా తమదైన స్టైల్ లో మార్క్ ను చూపించుకుంటున్నారు. ఎవరి స్టైల్ లో వాళ్లు దూసుకుపోయే వాళ్లే.. తెలంగాణలో ప్రదాన పోస్టుల్లో పని చేసిన వీరిద్దరికీ పరిస్థితులు ఒక్కసారిగా మారిపోయాయి. స్మితా సబర్వాల్ 2001 ఆల్ ఇండియా సివిల్ సర్విసేస్ అధికారి. తెలంగాణ ఏర్పడక ముందు పలు జిల్లాలలో కలెక్టర్‌గా పనిచేసి తనదైన ముద్ర వేసుకున్నారు. మెదక్ కలెక్టర్‌గా పని చేస్తున్న సమయంలో తెలంగాణ రాష్ట్రం ఏర్పడటం ఆ తర్వాత సీఎం కేసిఆర్ తన టీంలోకి తీసుకోవడం, ఏకంగా సీఎం సెక్రటరీగా సుదీర్ఘ కాలం పని చేశారు స్మితా. పదేళ్ల పాటు ఆ పోస్ట్ లోనే ఉన్నారు. అయినా ప్రజల్లో తనకంటు ఓ ప్రత్యేక గుర్తింపు తెచ్చుకున్నారు. ఆ తర్వాత రేవంత్ రెడ్డి సర్కార్ రావడంతో తనకు అంతగా ప్రాధాన్యత లేని పైనాన్స్ కమిషన్ సభ్య కార్యదర్శిగా నియమించారు. ప్రస్తుతం ఆ భాద్యతలు చూస్తున్నారు.

అమ్రపాలి సైతం తెలంగాణలో పనిచేశారు. ఆమె బాధ్యతలు నిర్వహించిన ప్రతి చోట తనకంటూ ప్రత్యేక గుర్తింపు సంపాదించుకున్నారు. కలెక్టర్ ఉండాగానే ట్రెక్కింగ్ వెళ్లడం, ట్రెండి థింగ్స్ తో ట్రెండింగ్‌ అపీసర్ గా పేరు తెచ్చుకున్నారు. ఆ తర్వాత జీహెచ్ఎంసీ కమిషనర్ గా బాధ్యతలు చేపట్టి తనదైన ముద్ర వేసుకున్నారు. కానీ ఆ తర్వాత కేంద్రం ఇచ్చిన ఉత్తర్వులతో తెలంగాణ నుండి రీలివ్ అయి ఏపీలో జాయిన్ అయ్యారు అమ్రపాలి.

ఇప్పుడు ఆ ఇద్దరికి ఓకే పోస్టింగ్!

ఇద్దరికీ ఒకే పోస్టింగ్ ఏలా సాద్యమవుతుంది అని ఆలోచిస్తున్నారా అవును.. ఇద్దరు కూడ సోషల్ మీడియాలో, పబ్లిక్ లో తమకంటూ ఓ ప్రత్యేక గుర్తింపు ఉన్నావాళ్లే.. ఇద్దరికి సోషల్ మీడియాలో లక్షల్లో పాలోవర్స్ ఉన్నారు. ఏపీలో రిపోర్ట్ చేసిన అమ్రపాలికి టూరిజం ఎండీగా నియమించింది అక్కడి ప్రభుత్వం. సేమ్ టైంలో తాజా జరిగిన ఐఏఎస్ ల బదిలీల్లో స్మితా సబర్వాల్ కు టూరిజం సెక్రటరీగా భాద్యతలు అప్పజెప్పింది తెలంగాణ సర్కార్. దీంతో నిత్యం ప్రజల్లో, సోషల్ మీడియా యాక్టివ్ గా ఉండే ఇద్దరు అపీసర్లు సేమ్ భాద్యతలు ఇవ్వడం ఇప్పుడు హట్ టాఫిక్ గా మారింది. తమ ట్రెండీథింక్స్ తో టూరిజాన్ని మరింత పరుగులు పెట్టిస్తారని ఆందురు భావిస్తున్నారు. ఈ నేపథ్యంలోనే ఆ ఇద్దరు డిస్కషన్ ఇప్పుడు స్టార్ట్ అయింది. టూరిజంలో ఇద్దరు మహిళ అధికారుల పాత్ర ఏలా ఉండబోతుంది అనే క్యూరియాసిటి మొదలైంది. చూడాలి మరీ ఆ ఇద్దరు ఎలా రాణిస్తారో..!

సెమీ-అర్బన్ భారతదేశంలో అనువైన ధరలకే సరసమైన గృహాలను అందించడమే SMFG గృహశక్తి ప్రత్యేక విధానమని ఆ కంపెనీ MD & CEO, Mr. దీపక్ పాట్కర్ తెలిపారు.

పేద మధ్య తరగతి కుటుంబాలను SMFG గృహశక్తి శక్తివంతం చేయడంపై దృష్టి సారిస్తుందన్నారు. తద్వారా దేశంలోని పేద మధ్య తరగతి కుటుంబాలను ఆర్థిక చేయూతను అందించినట్లు అవుతుందన్నారు. ముఖ్యంగా సెమీ-అర్బన్ భారతదేశంలో సరసమైన గృహాలపైనే తమ ఫోకస్ ఉంటుందన్నారు. టైర్ 2, టైర్ 3 నగరాల్లో రోడ్లు, విద్యుత్ పారిశ్రామికీకరణ వంటి మెరుగైన మౌలిక సదుపాయాలు సరసమైన గృహాలకు డిమాండ్‌ను పెంచాయని పేర్కొన్నారు. పేద మధ్య తరగతి కుటుంబాలకు లోన్ సొల్యూషన్‌లను తమ కంపెనీ అందించనున్నట్లు ఆయన చెప్పుకొచ్చారు.

ఆన్-గ్రౌండ్ పూచీకత్తు బృందం వ్యక్తిగతంగా కస్టమర్‌ను సందర్శిస్తుందని, చెల్లింపు రశీదులు, పన్ను రిటర్న్‌లు, కుటుంబంలో నగదు ఆదాయం మరియు షాప్ ఇన్వెంటరీ స్టేట్‌మెంట్‌ల వంటి ఆదాయ వనరులను ఆ బృందం పరిశీలిస్తుందన్నారు. ఆ తర్వాత లోన్ ఎంత ఇవ్వాలని నిర్ణయం తీసుకుంటామని ఆయన తెలిపారు.తద్వారా విస్తృత శ్రేణి కస్టమర్‌లకు గృహయజమానిని మరింత అందుబాటులో ఉంచుతుందన్నారు. అదనంగా, డైరెక్ట్ డిస్ట్రిబ్యూషన్ సామర్థ్యాలను గణనీయంగా మెరుగుపరిచినట్లు ఆయన తెలిపారు గ్రామీణ సెమీ-అర్బన్ ప్రాంతాలలో సరసమైన గృహాల కోసం పెరుగుతున్న డిమాండ్‌ను తీర్చడంలో తమ కంపెనీ సహాయపడుతుందని తెలిపారు.

భారతదేశంలో హౌసింగ్ ఫైనాన్స్ పరిశ్రమ రాబోయే ఐదేళ్లలో గణనీయమైన వృద్ధికి సిద్ధంగా ఉందన్నారు. ప్రధాన్ మంత్రి ఆవాస్ యోజన (PMAY) వంటి కార్యక్రమాల ద్వారా సరసమైన గృహాలపై ప్రభుత్వం దృష్టి పెట్టిందని చెప్పారు. డిజిటలైజ్డ్ ల్యాండ్ రికార్డ్స్, మెరుగైన మౌలిక సదుపాయాలు వంటి సాంకేతిక పురోగతులు గ్రామీణ మరియు సెమీ-అర్బన్ ప్రాంతాలలో క్రెడిట్ యాక్సెస్‌ను మరింత సులభతరం చేస్తాయని పేర్కొన్నారు. సౌర పవర్ మరియు రెయిన్వాటర్ హార్వెస్టింగ్ వంటి గ్రీన్ హౌసింగ్ సొల్యూషన్స్ మరింత ప్రముఖంగా మారే స్థిరమైన పట్టణీకరణ వైపు మళ్లాలని ఆశిస్తున్నట్లు చెప్పారు.

తాము నివాస ప్రాజెక్టులను అభివృద్ధి చేయడంలో నైపుణ్యం కలిగిన మధ్య నుండి చిన్న పరిమాణ రియల్-ఎస్టేట్ ప్రాజెక్ట్‌లకు కూడా నిధులు సమకూరుస్తామని ఆయన తెలిపారు. తద్వారా సరసమైన గృహ ప్రాజెక్టులను రూపొందించడంలో బిల్డర్‌లకు మద్దతు ఇస్తామన్నారు. అదనంగా, తాము అధికారిక రుణాలకు సులభంగా యాక్సెస్ అందించడం ద్వారా క్రెడిట్-కోల్పోయిన కమ్యూనిటీలకు ఫైనాన్స్‌ను చురుకుగా విస్తరింపజేస్తాయని తెలిపారు. SMFG గృహశక్తి కస్టమర్ అనుభవాన్ని మరియు కార్యాచరణ సామర్థ్యాన్ని మెరుగుపరచడానికి అత్యాధునిక సాంకేతికతను స్వీకరిస్తోందన్నారు. లోన్ ఒరిజినేషన్ సిస్టమ్ (LOS) పునరుద్ధరణ, రాబోయే నెలల్లో ప్రారంభించబడుతుందని చెప్పారు.ఆన్‌బోర్డింగ్ సమయాన్ని తగ్గించడం, రుణ పంపిణీని మెరుగుపరచడమే తమ కంపెనీ లక్ష్యంగా పెట్టుకుందని ఆయన చెప్పుకొచ్చారు.

చిత్తు కాగితాలు ఏరుకుంటుంటారు.. రోజుకో ఏరియాలో బాటిల్స్, చెత్త సేకరిస్తుంటారు. అయితే, వేస్ట్ ఏరుకుంటూనే మాటు వేస్తారు. ఆ ఏరియాలోని తాళాలు వేసిన ఇళ్లను టార్గెట్ చేస్తారు.

అనుమానం రాకుండా ఆ ఇంట్లోకి చొరబడతారు. తాళాలు పగులకొట్టి అందినకాడికి దండుకుంటారు. ఇదంతా చేసేది ఎవరుకుంటున్నారా.. చేయి తిరిగిన చోరులు.. మగవాళ్లేనేమో అనుకంటున్నారా అయితే మీ ఊహా కరెక్ట్ కాదు. చిత్తు కాగితాలు ఏరుకుంటూనే తాళం వేసిన ఇళ్లలో చోరిలకు పాల్పడుతుంది ఇద్దరూ మహిళలు.. వీరిని గుర్తించిన తెనాలి పోలీసులకు ఎట్టకేలకు అరెస్ట్ చేశారు..

తెనాలిలోని రామలింగేశ్వర వీథిలోని పేటలోని తోట వారి వీధి.. ఇదే ఏరియాలోని మల్లిఖార్జున శర్మ ఘనాపాఠి వారి ఇల్లు ఉంది.. అయితే.. ఎప్పటిలాగే శర్మ.. యజ్ఞం నిర్వహించేందుకు గత నెల 31వ తేదీన ఊరెళ్లారు. అయితే తర్వాత రోజు ఇంటి గ్రిల్స్ తీసి ఉండటంతో స్థానికులకు అనుమానం వచ్చిన శర్శకు విషయం చెప్పారు. వెంటనే వచ్చిన ఆయన ఇంటి తలుపులు తీసి విలువైన బంగారు, వెండి ఆభరణాలు చోరి చేసినట్లు గుర్తించి పోలీసులకు సమాచారం ఇచ్చారు. కేసు నమోదు చేసిన పోలీసులు రంగంలోకి దిగారు. నిన్న అదే ఏరియాలో చిత్తు కాగితాలు ఏరుకుంటున్న బాపట్ల జిల్లా చెరుకుపల్లి మండలం గుళ్లపల్లికి చెందిన రోశమ్మ, మహంకాళిలను అరెస్ట్ చేసి తమదైన శైలిలో విచారించగా నిజం ఒప్పుకున్నారు.

ఇద్దరు మహిళలు చిత్తు కాగితాలు ఏరుకుంటూ శర్మ ఇంటిలో ఎవరూ లేకపోవడాన్ని గమనించారు.. అనంతరం గోడ దూకి ఇంటిలోకి వెళ్లారు. ఇనుప రాడ్డుతో తాళం పగుల కొట్టారు. లోపలికి వెళ్లి ట్రంక్ పెట్టె తెరిచి అందులో పది లక్షల రూపాయల విలువైన బంగారు, వెండి ఆభరణాలను చిత్తు కాగితాల సంచుల్లో వేసుకొని దర్జాగా వెళ్లిపోయారు. అయితే దర్యాప్తు చేస్తున్న పోలీసులు వేలి ముద్రలు, సిసి కెమెరా విజువల్స్ ఆధారాంగా వీరిద్దరే చోరి చేసినట్లు రూఢి చేసుకొని వారిని అదుపులోకి తీసుకున్నారు. అయితే చోరి చేసిన బంగారు, వెండి ఆభరణాలను తమ ఇంటి దగ్గరలోని చెత్త కుప్పలోనే దాచి ఉంచారు. ఎప్పుడైతే పోలీసులు అదుపులోకి తీసుకున్నారో తాము దొరికి పోయినట్లు భావించి చోరి సొత్తు దాచిన ప్రాంతాన్ని కూడా పోలీసులకు చూపించారు. దీంతో దొంగతనం చేసిన బంగారు, వెండి ఆభరణాలను స్వాధీనం చేసుకున్న పోలీసులు మహిళలిద్దరిని అరెస్ట్ చేశారు.

అయితే.. మీ మీ ప్రాంతాల్లో అనుమానిత వ్యక్తులు కనిపిస్తే వెంటనే పోలీసులకు సమాచారం ఇవ్వాలని తెనాలి డిఎస్పీ జనార్ధన రావు చెప్పారు. ఇటువంటి చోరీలను మొదటి రెక్కి చేసి తర్వాత సీన్ లోకి వస్తారని విచిత్ర వేషధారణలో తిరుగుతన్న వారిపై అనుమానం వస్తే వెంటనే స్థానిక పోలీసుల దృష్టికి తీసుకురావాలన్నారు.

ఆన్‌లైన్ షాపింగ్ క్రేజ్ చాలా పెరిగింది. భారతదేశంలో అధిక సంఖ్యలో ప్రజలు షాపింగ్ కోసం ఆన్‌లైన్ వెబ్‌సైట్‌లను ఆశ్రయిస్తున్నారు. కానీ పెరుగుతున్న ప్రజాదరణతో స్కామర్ల ద్వారా మోసం చేసే మార్గాలు కూడా పెరిగాయి.

ఇప్పుడు రకరకాల పద్ధతులతో ప్రజలను మోసం చేస్తున్నారు.

ప్రభుత్వం హెచ్చరిక జారీ! పండగల సందర్భంగా ఆన్‌లైన్ షాపింగ్ సంఖ్య గణనీయంగా పెరిగింది. ఇది చూసి ప్రభుత్వం అనేక హెచ్చరికలు కూడా చేసింది. ప్రభుత్వం కూడా మోసాల బారిన పడకుండా అనేక చర్యలు చేపడుతోంది. ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ హ్యాండిల్ ట్వీట్ చేసింది. ఆన్‌లైన్ షాపింగ్ ద్వారా మోసాన్ని ఎలా నివారించవచ్చో వివరించింది.

వెబ్‌సైట్ URLని తనిఖీ చేయండి- ఏదైనా వెబ్‌సైట్ నుండి ఆన్‌లైన్ షాపింగ్ చేసే ముందు ఖచ్చితంగా ఆ వెబ్‌సైట్ URLని తనిఖీ చేయండి. అందులో ‘https’ రాసి ఉందో లేదో చెక్‌ చేయండి. ఇది కాకుండా, వెబ్‌సైట్ పేరును ఒకటికి రెండుసార్లు తనిఖీ చేయండి. చాలా సార్లు స్కామర్లు పేరు స్పెల్లింగ్‌ని మార్చడం ద్వారా ప్రజలను మోసం చేస్తారు. ఆ స్పెల్లింగ్‌లను సరిగ్గా చెక్‌ చేసుకోండి. యూఆర్‌ఎల్‌లో ఒక అక్షరం మార్చి మోసాలకు పాల్పడుతుంటారు.

చెల్లింపు కోసం సురక్షితమైన గేట్‌వేని ఎంచుకోండి – చెల్లింపు చేయడానికి ఎల్లప్పుడూ సురక్షిత గేట్‌వే అంటే సురక్షిత మార్గాలను ఉపయోగించండి. చాలా సార్లు స్కామర్‌లు డిస్కౌంట్‌లు, మరియు ఆఫర్‌ల పేరుతో ఇతర చెల్లింపు ఎంపికలతో ప్రజలను ఆకర్షిస్తారు. దీన్ని నివారించండి, ఎల్లప్పుడూ ప్రామాణికమైన క్రెడిట్, డెబిట్ కార్డ్ ద్వారా సురక్షిత చెల్లింపు గేట్‌వేని ఉపయోగించండి.

కస్టమర్‌ కేర్‌ నంబర్‌ను చెక్‌ చేయండి- షాపింగ్ చేయడానికి ముందు, విక్రేత గురించిన సమాచారం వ్రాయబడిందో లేదో తనిఖీ చేయండి. చాలా సార్లు మోసగాళ్లు తప్పుడు సమాచారం పేరుతో ప్రజలను మోసం చేస్తున్నారు. అందువల్ల ఎల్లప్పుడూ విక్రేత సమాచారాన్ని ధృవీకరించండి.

వ్యక్తిగత సమాచారాన్ని సురక్షితంగా ఉంచండి: పెద్ద షాపింగ్ బ్రాండ్‌ల పేరుతో వ్యక్తుల మొబైల్ నంబర్‌లకు చాలాసార్లు నకిలీ సందేశాలు వస్తాయి. సందేశంలో KYC పేరుతో మొత్తం సమాచారాన్ని సేకరించి ప్రొఫైల్‌ను అప్‌డేట్ చేసే ప్రయత్నం చేస్తారు. అటువంటి సందేశానికి ప్రతిస్పందించే ముందు లేదా లింక్‌పై క్లిక్ చేసే ముందు చెక్‌ చేసుకోవడం మంచిదని నిపుణులు సూచిస్తున్నారు.