Sunday, December 14, 2025
Facebook Instagram Telegram Twitter

ట్రంప్‌ దెబ్బకు హెచ్‌-1బి వీసాదారుల విల విల

By
Dayakar
-

అమెరికాకు రావాలనుకునేవారి సోషల్‌ మీడియా అకౌంట్‌లను సునిశితంగా పరిశీలించాల్సిందేనని ఇటీవల అమెరికా విదేశాంగ శాఖ కొత్తగా తీసుకువచ్చిన విధానంతో వందలాది భారతీయ హెచ్‌-1బి వీసాదారులు, వారి కుటుంబాలు భారత్‌లో చిక్కుకుపోయాయి.

ఈ పరిస్థితి మూకుమ్మడిగా వీసా నియామకాల రద్దుకు, రీ షెడ్యూలింగ్‌కు దారి తీసింది. దీనివల్ల అనేకమంది ఉద్యోగాలు ప్రతిష్టంభనలో పడ్డాయి, వారి కుటుంబ జీవితాలకు అంతరాయం కలిగింది.
హెచ్‌-1బి వీసాలపై వున్న వందలాదిమంది భారతీయులు వారితో పాటూ హెచ్‌ా4 మీద ఆధారపడిన వారి భాగస్వాములు, వారిపిల్లలు అందరూ కూడా భారత్‌లోనే వుండిపోయారు. కొన్ని కేసుల్లో, కుటుంబాలు విడిపోయాయి. కొంతమంది కుటుంబ సభ్యులు అమెరికాలో వుంటే మరికొంతమంది కుటుంబ సభ్యులు భారత్‌లో వుంటున్నారు. వెంటనే వెనక్కి తిరిగి వెళ్ళాలనుకున్నా వెళ్ళలేని పరిస్థితి, అంతులేని జాప్యం కొనసాగుతోంది.
ఈ గందరగోళం చాలా ఎక్కువగా కనిపిస్తోంది. సోషల్‌ మీడియా పోస్టుల్లో, వాట్సాప్‌ గ్రూపుల్లో వారి ఆవేదన స్పష్టంగా వెల్లడవుతోంది. ఉద్యోగాలు ఎంతోకాలం వుండకపోవచ్చు, పాఠశాలలకు అటంకాలు కలుగుతున్నాయి. పిల్లలు వారి కుటుంబాల నుండి వేరుపడుతున్నారు. ఈ నెల మధ్య నుండి చివరి వరకు గల ఇంటర్వ్యూలన్నింటినీ అమెరికా కాన్సులేట్లు రద్దు చేశాయి. చాలా అప్పాయింట్‌మెంట్లను వచ్చే ఏడాది మార్చికి వాయిదా వేశారు. మరికొన్నింటి జూన్‌ వరకు వెళ్ళిపోయాయి. ఇంతటి పెను మార్పులకు కారణం అమెరికా విదేశాంగ శాఖ తీసుకువచ్చిన కొత్త విధానమే. డిసెంబరు 15నుండి హెచ్‌-1బి, హెచ్‌-4 దరఖాస్తుదారుల సోషల్‌ మీడియా ఖాతాలను తప్పనిసరిగా పరిశీలించాలని ఆదేశాలు జారీ చేశారు. ఈ అదనపు ప్రక్రియతో ప్రతి రోజు చేయాల్సిన ఇంటర్వ్యూల సంఖ్య గణనీయంగా తగ్గిపోయింది. మూకుమ్మడి రద్దులు కూడా చోటు చేసుకున్నాయి.
మీ వీసా అప్పాయింట్‌మెంట్‌ రీ షెడ్యూల్‌ అయిందని మీకు ఇ మెయిల్‌ వచ్చినట్లైతే మీకు కొత్త అప్పాయింట్‌మెంట్‌ తేదీనివ్వడంలో మిషన్‌ ఇండియా మీకు సాయపడుతుంది అంటూ భారత్‌లోని అమెరికా ఎంబసీ ఎక్స్‌లో పోస్టు పెట్టింది.
దానికి వచ్చిన ప్రతిస్పందనలు చూస్తుంటే సంక్షోభాన్ని ఎదుర్కొంటున్న కుటుంబాల్లో పరిస్థితులు తేటతెల్లమవుతున్నాయి. “దయచేసి ఈ మార్పులు చేయడానికి ముందుగా, భారత్‌కు వచ్చిన వారు తిరిగి వెనక్కి వెళ్ళే విషయాన్ని పరిగణనలోకి తీసుకోవాలని ఒకరు అభ్యర్ధించారు. ఇక్కడ ఇరుక్కుపోవడం వల్ల తమ ఉద్యోగాలకు సంబంధించి, అమెరికా పౌరులైన పిల్లల చదువుకు సంబంధించి చాలా తీవ్రమైన సవాళ్ళు ఎదురవుతాయని ఆయన ఆవేదన వ్యక్తం చేశారు. త్వరగా కాన్సులార్‌ అప్పాయింట్‌మెంట్లు ఇవ్వాలని ఆయన విజ్ఞప్తి చేశారు.

ప్రతి ఒక్కరిదీ కన్నీటి కథే !
“వారాల తరబడి ప్రయత్నాలు చేసిన తర్వాత సెప్టెంబరులో హెచ్‌ా1బి వీసా స్లాట్‌ బుక్‌ చేసుకున్నా, డిసెంబరు 18న అప్పాయింట్‌మెంట్‌. ఇప్పుడు అది అకస్మాత్తుగా మార్చి 30కి వెళ్ళిపోయింది. జనవరి ప్రారంభానికల్లా మేం అక్కడ వుండాలి, మా పిల్లలు స్కూలుకి వెళ్ళాలి, త్వరగా సాయం చేయండి అంటూ మరొకరు వేడుకున్నారు.
ఇమ్మిగ్రేషన్‌ డాట్‌ కామ్‌ మేనేజింగ్‌ అటార్నీ రాజీవ్‌ ఖన్నా స్పందిస్తూ ఈ పరిస్థితిని అత్యంత దారుణమైనదిగా అభివర్ణించారు. కొత్త అప్పాయింట్‌మెంట్‌ తేదీకి వారు రాలేని పక్షంలో రీషెడ్యూల్‌ చేసుకోవడానికి ఒకే ఒక అవకాశం వుంటుందని, ఈలోగా ఫీజు చెల్లించిన సమయం ఏడాది దాటిపోతే ఇక అది మురిగిపోయినట్లే అవుతుందని చెప్పారు.
ఈ పరిస్థితి వల్ల చాలామంది హెచ్‌ా1బి వర్కర్లు వారి ఉద్యోగాలను కోల్పోతారని ఇమ్మిగ్రేషన్‌ అటార్నీ ఎలెన్‌ ఫ్రీమన్‌ హెచ్చరించారు. ఈలోగా భారత్‌ నుండి పనిచేసేందుకు లేదా సుదీర్ఘమైన శలవు తీసుకున్నట్లుగా పరిగణించాలని యజమానులను కోరాల్సి వుందన్నారు. ప్రస్తుతమున్న పరిస్థితుల్లో, ఒత్తిళ్ళల్లో ఎంప్లాయర్లు ఎవరూ కూడా అంతకాలం వేచి వుండలేరన్నారు.

చెల్లింపుల పరిస్థితేంటి ?
ఈలోగా అమెరికాలో కారు చెల్లింపులు, నీరు, విద్యుత్‌ వాడకం వంటి యూజర్‌ చార్జీలు, అప్పాయింట్‌మెంట్‌ లీజులు ఇవన్నీ కూడా ఎవరూ పట్టించుకోలేని పరిస్థితులు ఎదురవుతాయన్నారు. వాటివల్ల అమెరికా ఆర్థిక వ్యవస్థపై, ప్రజలపై అంతులేని ఇబ్బందులు పడతాయని ఆమె పేర్కొన్నారు. ప్రతి ఒక్క వీసా రద్దు వెనక గల మానవీయ కోణాలు, కథనాలు ఇవి.

ఏపీ ప్రభుత్వ ఉద్యోగులకు పండగే.. పీఎఫ్ విషయంలో కీలక నిర్ణయం, ఇక నో టెన్షన్

By
Dayakar
-

ఆంధ్రప్రదేశ్ ప్రభుత్వం ఉద్యోగుల పదవీ విరమణ ప్రయోజనాలు, జనరల్‌ ప్రావిడెంట్‌ ఫండ్‌ (జీపీఎఫ్‌)లను డిజిటలైజ్ చేయాలని నిర్ణయించింది. ఈ విధానాన్ని ఉద్యోగ సంఘాలు స్వాగతించాయి.

లోపాలు లేకుండా పకడ్బందీగా రూపొందించాలని వారు కోరారు. పెన్షనర్ల వార్షిక ధృవీకరణ ప్రక్రియను మొబైల్ ద్వారా చేసుకునే సదుపాయం కల్పించడంపై కూడా వారు సంతోషం వ్యక్తం చేశారు. ఆర్థిక శాఖ అధికారులు ఉద్యోగ సంఘాల నాయకులతో సమావేశమై ఈ కొత్త విధానంపై వారి అభిప్రాయాలు, సూచనలు స్వీకరించారు.

ఆర్థిక శాఖ సచివాలయంలో శుక్రవారం ఈ సమావేశం జరిగింది. పదవీ విరమణ ప్రయోజనాల ప్రాసెసింగ్‌ సిస్టమ్‌ (ఆర్‌బీసీ), జీపీఎఫ్‌ డిజిటలైజేషన్‌పై అధికారులు పవర్‌ పాయింట్‌ ప్రజంటేషన్‌ ఇచ్చారు. ఉద్యోగ సంఘాల నాయకులు ఈ కొత్త విధానానికి ఆమోదం తెలిపారు. ఈ డిజిటలైజేషన్ వల్ల ఉద్యోగులకు, పెన్షనర్లకు ఎంతో మేలు జరుగుతుందని అధికారులు తెలిపారు. పదవీ విరమణ తర్వాత రావాల్సిన డబ్బులు, జీపీఎఫ్‌ వివరాలు సులభంగా, వేగంగా అందుతాయి. పెన్షనర్లు తమ వార్షిక ధృవీకరణను ఇంటి నుంచే మొబైల్ ద్వారా చేసుకోవచ్చు. దీనివల్ల కార్యాలయాలకు వెళ్లాల్సిన అవసరం ఉండదు. ఉద్యోగ సంఘాల నాయకులు మాట్లాడుతూ, ఈ విధానం చాలా మంచిదని, అయితే దీనిని అమలు చేసేటప్పుడు ఎలాంటి లోపాలు లేకుండా చూసుకోవాలని కోరారు. ముఖ్యంగా, పాత విధానంలో ఉన్న సమస్యలు కొత్త విధానంలో పునరావృతం కాకుండా జాగ్రత్త పడాలని సూచించారు.

ప్రభుత్వ ఉద్యోగులకు సంబంధించిన అన్ని పనులను ఒకే చోట, సులభంగా చేసుకునేలా ఒక కొత్త విధానాన్ని తీసుకువస్తున్నారు. దీనివల్ల ఉద్యోగులు తమ పనులను త్వరగా పూర్తి చేసుకోవచ్చు. ఈ కొత్త ప్లాట్‌ఫాం వల్ల పెన్షన్ వంటి వాటిల్లో ఆలస్యం జరిగినా, సాంకేతిక సమస్యలు వచ్చినా వెంటనే పరిష్కారం దొరుకుతుంది. ఇకపై ఉద్యోగులు తమ కార్యాలయంలో ఒక కామన్ అప్లికేషన్ ఫారం నింపితే చాలు. ఆ ఫారం నేరుగా అకౌంటెంట్ జనరల్ ఆఫీస్ వరకు వెళ్లిపోతుంది. మొత్తం ప్రక్రియ అక్కడే పూర్తవుతుంది. ఉద్యోగులు తమ దరఖాస్తు ఎక్కడ వరకు వచ్చిందో మొబైల్‌లోనే చూసుకోవచ్చు.

పెన్షన్ మంజూరులో ఏమైనా ఆలస్యం జరిగితే, దానిపై ఫిర్యాదు చేయడానికి ఒక ప్రత్యేక విభాగాన్ని కూడా ఈ పోర్టల్‌లోనే ఏర్పాటు చేస్తున్నారు. ప్రస్తుతం ఉన్న పాత పద్ధతిలో పనులు ఆలస్యం అవ్వడం, మంజూరులో ఇబ్బందులు రావడం, చెల్లింపుల్లో సాంకేతిక సమస్యలు తలెత్తడం వంటివి జరుగుతున్నాయి. ఈ కొత్త విధానం వల్ల ఆ సమస్యలన్నీ తొలగిపోతాయి. ఆర్థిక శాఖ తీసుకొస్తున్న డిజిటలైజ్ విధానాన్ని ఆహ్వానిస్తున్నామని ఉద్యోగ సంఘాల నేతలు తెలిపారు. రాష్ట్రంలో పెన్షనర్లు, ఉద్యోగుల సమస్యల పరిష్కారానికి ప్రభుత్వం ఇంత త్వరగా చొరవ చూపడం ఆనందంగా ఉందన్నారు.

సిద్ధిపేట జిల్లాలో 182 మంది ఉద్యోగులను సస్పెండ్ చేసిన కలెక్టర్

By
Dayakar
-

సిద్ధిపేట జిల్లా కలెక్టర్ ఉద్యోగులకు షాకిచ్చారు. ఒకేసారి 182 మంది ఎంప్లాయ్స్ ను సస్పెండ్ చేస్తూ ఉత్తర్వులు జారీ చేశారు. పంచాయతీ ఎన్నికలకు హాజరు కానందున సస్పెండ్ చేస్తున్నట్లు పేర్కొన్నారు.

సిద్ధిపేట జిల్లాలో మొదటి విడత గ్రామపంచాయతీ ఎన్నికలకు సంబంధించి స్పష్టమైన ఆదేశాలు జారీ చేశారు జిల్లా ఎన్నికల అధికారి, కలెక్టర్ కె.హైమావతి. అయినప్పటికీ 182 మంది ఉద్యోగులు విధులకు హాజరు కాలేదు. దీంతో ఉద్యోగులను సస్పెండ్ చేస్తూ నిర్ణయం తీసుకున్నారు.

సిద్దిపేట డివిజన్‌ పరిధిలోని ఏడు మండలాల్లో మొదటి విడతలో పోలింగ్ జరిగింది. ఏడు మండలాల్లో మొత్తం 88.05 శాతం పోలింగ్‌ నమోదైంది. గజ్వేల్‌ డివిజన్‌ పరిధిలోని గజ్వేల్‌, జగదేవ్‌పూర్‌, మర్కుక్‌, ములుగు, వర్గల్‌, సిద్దిపేట డివిజన్ పరిధిలోని దౌల్తాబాద్, రాయపోల్ మండలాల్లో మొత్తం 163 పంచాయతీలకు 16 పంచాయతీలు ఏకగ్రీవం కావడంతో 147 గ్రామాలకు ఎన్నికలు నిర్వహించారు.

రాష్ట్ర వ్యాప్తంగా తొలివిడతలో మొత్తం 3,834 గ్రామాల్లో పోలింగ్ జరిగింది. 53.57 లక్షల ఓటర్లకు గాను 45.15 లక్షల మంది ఓటు వేయగా.. 84.28% పోలింగ్​ నమోదైంది. అత్యధికంగా యాదాద్రి భువనగిరి జిల్లాలో 92.88% పోలింగ్​ రికార్డు అయింది. భద్రాద్రి జిల్లాలో అత్యల్పంగా 71.79 శాతం నమోదైంది.

రికార్డులు సృష్టిస్తున్న బంగారం, వెండి ధరలు.. నెక్ట్స్ ఏంటి..?

By
Dayakar
-

వెండి తొలిసారి 2 లక్షల మార్క్‌ దాటేసింది.. బంగారం కూడా చరిత్ర సృష్టించింది.. శుక్రవారం నాడు వెండి ధర అకస్మాత్తుగా పెరగడంతో కిలోకు రూ.2 లక్షలు దాటింది.

బంగారం కూడా ఈరోజు కొత్త రికార్డు స్థాయిని తాకింది.. ఈరోజు MCXలో బంగారం దాదాపు రూ.2,500 పెరిగి, 10 గ్రాములకు రూ.1,34,966 రికార్డు గరిష్ట స్థాయికి చేరుకుంది. భారత స్టాక్ మార్కెట్ ముగిసిన తర్వాత సాయంత్రం బంగారం మరియు వెండి ధరల్లో పెరుగుదల కనిపించింది.. భారత స్టాక్ మార్కెట్ కూడా ఈరోజు భారీ లాభంతో ముగిసింది. నిఫ్టీ 140 పాయింట్లు పెరిగి 26,000 పైన ముగియగా.. సెన్సెక్స్ 450 పాయింట్లు పెరిగి 85,267 వద్ద ముగిసింది. అయితే, పారిశ్రామిక ఉత్పత్తిలో ప్రోత్సాహకరమైన ధోరణులు మరియు డాలర్ బలహీనపడటం వల్ల వెండి ధరలు మరింత పెరగవచ్చని ఇండియా బులియన్ అండ్ జ్యువెలర్స్ అసోసియేషన్ (IBJA) వైస్ ప్రెసిడెంట్, ఆస్పెక్ట్ గ్లోబల్ వెంచర్స్ ఎగ్జిక్యూటివ్ చైర్‌పర్సన్ అక్ష కాంబోజ్ తెలిపారు.. పరిశ్రమ మరియు క్లీన్ ఎనర్జీ నుండి డిమాండ్ పెరుగుతుందనే అంచనాలతో సానుకూలంగా ఉందన్నారు..

2025లో వెండి ధరలు ఇప్పటికే 100 శాతం పెరిగాయి. యాక్సిస్ మ్యూచువల్ ఫండ్ నివేదిక ప్రకారం, సౌరశక్తి, విద్యుత్ వాహనాలు మరియు సెమీ కండక్టర్లు వంటి రంగాల విస్తరణ వెండికి డిమాండ్‌ను పెంచింది. పెట్టుబడిదారుల వస్తువుల పెట్టుబడి మరియు ఇతర లోహాలలో బలమైన ట్రెండ్ నుండి వెండి ప్రయోజనం పొందుతోంది, ఇది మార్కెట్‌లో మొత్తం సానుకూలతకు దోహదం చేస్తుందని అంచనా వేస్తున్నారు.. రాజకీయ ఉద్రిక్తతలు, అమెరికా సుంకాల ఆర్థిక పరిణామాల గురించి ఆందోళనలు, కేంద్ర బ్యాంకులు బంగారం మరియు వెండిని భారీగా కొనుగోలు చేయడం తో పాటు ETFలలో గణనీయమైన పెట్టుబడి ఈ విలువైన లోహాల ధరల పెరుగుదలకు దారితీశాయని చెబుతున్నారు..

బంగారం మరియు వెండిపై తర్వాత ఏమి జరగవచ్చు?
అయితే బంగారం, వెండి ధరలు చారిత్రాత్మకంగా దీర్ఘకాలంలో స్థిరంగా పెరుగుదలను చూపుతున్నాయి, పెట్టుబడిదారులకు మంచి రాబడిని అందిస్తున్నాయి. అందువల్ల, వాటిలో పెట్టుబడి పెట్టడం దీర్ఘకాలిక దృక్కోణం నుండి తెలివైన నిర్ణయం అంటున్నారు.. అయితే, బంగారం మరియు వెండి ధరలు ప్రస్తుతం రికార్డు స్థాయిలో ఉన్నందున, తగ్గుదల ప్రమాదం కూడా లేకపోలేదని అంటున్నారు.. ఈ సమయంలో బంగారం, వెండిపై పెట్టుబడి పెట్టాలని ప్లాన్ చేస్తున్నప్పటికీ, పెరుగుతున్న ధరల కారణంగా వాటిని కొనుగోలు చేయలేకపోతే, మీరు బంగారం మరియు వెండి ETFలలో చిన్న మొత్తాలను పెట్టుబడి పెట్టాలని నిపుణులు సూచిస్తున్నారు..ఇది ధరలు తగ్గినప్పుడు కూడా స్వల్పకాలిక నష్టాల ప్రమాదాన్ని తగ్గిస్తుంది.. తగ్గుదల సమయంలో ఎక్కువ కొనుగోలు చేయడం వల్ల ధరలు పెరిగినప్పుడు ఎక్కువ లాభాలు వచ్చే అవకాశం కూడా ఉందంటున్నారు.. ఏదేమైనా.. బంగారం, వెండితో పాటు ఇతర పెట్టుబడులు పెట్టే ముందు నిపుణుల సలహాలు తీసుకోవడం మంచిది..

ఈ ఆహారాలను దూరం పెట్టారంటే.. మీ గుండె వందేళ్లు పదిలం..

By
Dayakar
-

సంతృప్త కొవ్వు అధికంగా ఉండే ఆహారాలు: కొలెస్ట్రాల్ స్థాయిలను పెంచే అధిక సంతృప్త కొవ్వు పదార్థం కారణంగా గొడ్డు మాంసం, గొర్రె, పంది మాంసం వినియోగాన్ని పరిమితం చేయండి.

మొత్తం కొవ్వు తీసుకోవడం తగ్గించడానికి తక్కువ కొవ్వు పాలు, పెరుగు, జున్ను ఎంచుకోండి. వెన్నను ఆలివ్ నూనె లేదా కూరగాయల నూనె ఆధారిత స్ప్రెడ్‌లతో భర్తీ చేయండి. ఇవి గుండెకు ఆరోగ్యకరమైన మోనో పాలీఅన్‌శాచురేటెడ్ కొవ్వులను కలిగి ఉంటాయి.

ప్రాసెస్ చేసిన, వేయించిన ఆహారాలు: సోడియం, సంతృప్త కొవ్వు అధికంగా ఉండే బేకన్, సలామీ, హామ్ మరియు పాస్ట్రామి వంటి ఆహారాలను నివారించండి. కేలరీలు, కొవ్వు, సోడియం అధికంగా ఉండే ఫ్రెంచ్ ఫ్రైస్, ఫ్రైడ్ చికెన్, డోనట్స్ వంటి వేయించిన ఆహారాలను పరిమితం చేయండి. అధిక ఉప్పును నివారించడానికి తక్కువ సోడియం ఎంపికలను ఎంచుకోండి.

చక్కెర, అధిక-సోడియం ఆహారాలు: సోడా వంటి చక్కెర పానీయాలను నివారించండి. ఇది బరువు పెరగడానికి, రక్తపోటును పెంచడానికి దారితీస్తుంది. అదనపు చక్కెర, సంతృప్త కొవ్వు అధికంగా ఉండే కుకీలు, కేకులు, మఫిన్‌లను పరిమితం చేయండి. ప్రాసెస్ చేసిన మాంసాలు, డబ్బా ఉన్న వస్తువులు, ఘనీభవించిన భోజనం వంటి అధిక సోడియం కంటెంట్ ఉన్న ఆహారాలను పరిమితం చేయండి.

విటమిన్లు, ఖనిజాలు, ఫైబర్ అధికంగా ఉండే వివిధ రకాల రంగురంగుల పండ్లు, కూరగాయలను ఆహారంలో చేర్చుకోండి. ఫైబర్, పోషకాలు అధికంగా ఉండే బ్రౌన్ రైస్, క్వినోవా మరియు తృణధాన్యాల బ్రెడ్ వంటి తృణధాన్యాలను ఎంచుకోండి. స్కిన్‌లెస్ చికెన్, చేపలు, చిక్కుళ్ళు వంటి లీన్ ప్రోటీన్ వనరులను ఎంచుకోండి. వీటిలో సంతృప్త కొవ్వు తక్కువగా ఉంటుంది. ఆలివ్ ఆయిల్, అవకాడో, గింజలు వంటి వాడండి. ఇవి కొలెస్ట్రాల్ స్థాయిలను తగ్గించడంలో సహాయపడతాయి.

గుండె ఆరోగ్యాన్ని కాపాడుకోవడంపై ఎలాంటి ఆహారం తీసుకోవాలి అనే సలహా కోసం ఆరోగ్య సంరక్షణ నిపుణుడిని లేదా రిజిస్టర్డ్ డైటీషియన్‌ను సంప్రదించడం గుర్తుంచుకోండి. వీరు మీ శరీరాన్ని బట్టి ఎలాంటి ఆహారం తీసుకోవడం వల్ల ఆరోగ్యంగా ఉంటారో చెబుతారు. గుండె ఆరోగ్యంగా ఉండాలంటే మాత్రం డైటీషియన్‌ సలహా కచ్చితం తీసుకోవాలి.

 

సర్కారు వారి ట్రూ కాలర్ వచ్చేస్తుందోచ్‌

By
Dayakar
-

మొబైల్ ఫోన్లు అందుబాటులోకి వచ్చిన కొత్తలో ఫోన్ చేసింది ఎవరు? అని తెలుసుకోవడం దాదాపుగా అసాధ్యం ఉండేది. ఆ తర్వాత కొన్ని థర్డ్ పార్టీ అప్లికేషన్స్ అందుబాటులోకి వచ్చాయి.

అందులో ప్రధానంగా ట్రూ కాలర్. ఇది ఎక్కువ మంది ఆ నెంబర్‌ ఏ పేరుతో సేవ్ చేసుకుంటే ఆ పేరు మీకు స్క్రీన్ లో కనిపిస్తుంది. ఇప్పుడు తాజాగా జియో, ఎయిర్టెల్ కూడా ఇన్బిల్ట్ కాలర్ ఐడి అందుబాటులోకి తెచ్చాయి. అది కూడా అవతలి వ్యక్తి ఏ పేరుతో కావాలనుకుంటే ఆ పేరుతో కాలర్ ఐడి డిస్తే చేస్తుంది. ఇక మరింత అడ్వాన్సుడ్ గా సామ్‌సంగ్ లాంటి మొబైల్ కంపెనీలు ఫోన్లోనే ఇలాంటి కాలర్ ఐడి ఫెసిలిటీస్ ని అందుబాటులోకి తీసుకొచ్చాయి. కానీ ఇందులో కూడా 100% జన్యునిటీ లేదు.

రకరకాల ఫోన్ నెంబర్లతో ఫోన్లు చేసి సైబర్ క్రైమ్ నేరగాళ్లు ఈజీగా మోసాలు చేస్తున్నారు. ట్రూ కాలర్ లో పోలీస్ స్టేషన్, ఐపీఎస్ అధికారి, ఐఏఎస్ అధికారి, ప్రభుత్వ కార్యాలయాలు, డిజిటల్ అరెస్ట్, సిబిఐ, సిఐడి అంటూ రకరకాల పేర్లతో ట్రూ కాలర్ లో రిజిస్టర్ చేసుకుని కాల్స్ చేస్తూ కోట్లు కొల్లగొడుతున్నారు. ప్రజలు కూడా ట్రూ కాలర్ లో వెరిఫైడ్ నేమ్ వస్తుండడంతో ఈజీగా నమ్మేస్తున్నారు.

కేంద్ర ప్రభుత్వం ఎంతగా ప్రయత్నం చేస్తున్న వీటిని కంట్రోల్ చేయడం కష్టంగా మారుతుంది. దీంతో కేంద్ర టెలికమ్యూనికేషన్ శాఖ కొత్త ఐడియాతో ముందుకు వచ్చింది. సిమ్ కార్డ్ కొన్నప్పుడు ఏ ఆధార్ కార్డు ఇస్తామో ఆధార్ కార్డులో ఉన్న పేరు మీకు నెంబర్ బదులుగా స్క్రీన్ లో డిస్ప్లే అవుతుంది. 2026 మార్చి నుంచి దీన్ని అమల్లోకి తీసుకురానుంది కేంద్ర ప్రభుత్వం. ఇప్పటికే సాఫ్ట్‌వేర్ లో మార్పులు చేసుకోవాలని అన్ని టెలికాం ఆపరేటర్లకు ఆదేశాలు జారీ చేసింది. CNAP (కాలింగ్ నేమ్ ప్రజెంటేషన్) పేరుతో దీన్ని అమలు చేయనుంది.

వచ్చే ఏడాది మార్చి తర్వాత ఆటోమేటిక్‌గా ఇది అన్ని మొబైల్స్ లోనూ అప్డేట్ అవుతుంది. ఎవరు ఫోన్ చేస్తున్నారో… ఫోన్ నెంబర్ స్థానంలో పేరు కనిపిస్తుంది. దీని ద్వారా సైబర్ క్రైమ్ ని నియంత్రించడం, మొబైల్ యూజర్లకు మరింత ప్రైవసీని పెంచడం ప్రభుత్వ ఉద్దేశం. ఒకవేళ ఎవరైనా పేర్లు కాకుండా మాకు మొబైల్ నెంబర్ మాత్రమే డిస్‌ప్లే కావాలనుకునే వాళ్ళు దాన్ని ఆఫ్ చేసుకునే ఫెసిలిటీ కూడా కేంద్ర ప్రభుత్వం కలిగిస్తుంది.

వాట్సాప్ యూజర్లకు గుడ్ న్యూస్.. అదిరిపోయే న్యూ ఫీచర్లు

By
Dayakar
-

వాట్సాప్ను ఎక్కువ మంది వినియోగిస్తున్నారు. అయితే వాట్సాప్ కూడా ఎప్పటికప్పుడు కొత్త ఫీచర్లను తీసుకొస్తుంటుంది. తాజాగా ‘మిస్డ్ కాల్ మెసేజ్లు’ అనే ఫీచర్ను తీసుకొచ్చింది.

ఇది పాతకాలపు వాయిస్మెయిల్కు ఆధునిక ప్రత్యామ్నాయంగా వచ్చింది. ఇకపై మీరు ఎవరికైనా వాయిస్ లేదా వీడియో కాల్ చేసినప్పుడు వారు అందుబాటులో లేకపోతే వెంటనే ఒకే ట్యాప్తో వారికి వాయిస్ నోట్ లేదా వీడియో నోట్ను మెసేజ్గా పంపవచ్చు. ఈ నోట్ నేరుగా మీ చాట్లో రికార్డ్ అవుతుంది. దీనివల్ల కాల్ మిస్ అయినప్పుడు ముఖ్యమైన సమాచారాన్ని తక్షణమే తెలియజేయడానికి ఈజీ అవుతుంది. అలాగే గ్రూపులలో జరిగే వాయిస్ చాట్లలో ఇకపై సభ్యులు తమ మాటలకు అడ్డు కలగకుండా ఉండేందుకు ‘రియాక్షన్స్’ పంపే అవకాశం కల్పించారు. దీనితో పాటు గ్రూప్ వీడియో కాల్స్లో మాట్లాడుతున్న వ్యక్తిని ఆటోమేటిక్గా హైలైట్ చేయడం ద్వారా ఎక్కువ మంది ఉన్నప్పుడు ఎవరు మాట్లాడుతున్నారో తెలుసుకోవడం మరింత తేలిక అవుతుంది.

యూజర్లకు ఈజీగా ఉండేందుకు..

వాట్సాప్ ఇప్పుడు తన మెటా ఏఐ ఇమేజ్ జనరేషన్ సామర్థ్యాలను గణనీయంగా మెరుగుపరిచింది. ఇందులో భాగంగా మిడ్జర్నీ, ఫ్లక్స్ వంటి అత్యాధునిక మోడల్స్ టెక్నాలజీని వాడుకోవడం వల్ల టెక్స్ట్ ఆధారంగా తయారయ్యే ఏఐ చిత్రాల నాణ్యత, స్పష్టత చాలా మెరుగయ్యాయి. ముఖ్యంగా పండుగల సందర్భంగా శుభాకాంక్షలు పంపేందుకు లేదా సరదా గ్రాఫిక్స్ రూపొందించడానికి ఇది ఉపయోగపడుతుంది. ఈ అప్డేట్లో మరో ఆకర్షణీయమైన ఫీచర్ ఏమిటంటే మీరు పంపిన లేదా స్టేటస్లో పెట్టిన సాధారణ ఫోటోలను కూడా చిన్న వీడియో క్లిప్గా యానిమేట్ చేసే సామర్థ్యం ఉంది. మీరు కేవలం ప్రాంప్ట్ ఇస్తే, ఏఐ దాన్ని కదిలే చిత్రంగా మార్చుతుంది. ఈ ఫీచర్ బాగా ఉపయోగపడుతుంది.

అలాగే స్టేటస్ అప్డేట్లలో కూడా కొత్త మార్పులు వచ్చాయి. యూజర్లు తమ స్టేటస్లలో ఇప్పుడు మ్యూజిక్ లిరిక్స్, ఇంటరాక్టివ్ స్టిక్కర్లు, ఇతరులు స్పందించడానికి వీలుగా ప్రశ్నలు అడిగే ఫీచర్లను జోడించుకోవచ్చు. ఛానెల్స్లో అడ్మిన్లు తమ ఫాలోవర్లతో మరింత సమర్థవంతంగా మాట్లాడేందుకు, ప్రశ్నలు అడగడం ద్వారా రియల్ టైంలో స్పందనలు పొందేందుకు వీలు కలిగించారు. ఇక డెస్క్టాప్ యూజర్ల కోసం, అన్ని డాక్యుమెంట్లు, లింకులు, మీడియా ఫైళ్లను ఒకే చోట సులభంగా వెతికేందుకు నిర్వహించేందుకు కొత్త మీడియా ట్యాబ్ను తీసుకొచ్చారు. అలాగే చాట్లలో షేర్ చేసే పెద్ద పెద్ద లింకుల ప్రివ్యూలను మరింత స్పష్టంగా, చిందరవందరగా లేకుండా కనిపించేలా మెరుగుపరచడం జరిగింది. ఈ అన్ని ఫీచర్లను హాలిడే సీజన్ సందర్భంగా అందుబాటులోకి తీసుకొచ్చామని వాట్సాప్ తెలిపింది.

అఖండ 2 ఆడుతుంటే.. హఠాత్తుగా వచ్చిన రాజసాబ్

By
Dayakar
-

సాధారణంగా సినిమా ప్రమోషన్స్ అంటే ప్రీ రిలీజ్ ఈవెంట్లు, ఇంటర్వ్యూలు లేదా సోషల్ మీడియాలో పోస్టర్లు రిలీజ్ చేయడం చూస్తుంటాం. కానీ పాన్ ఇండియా స్టార్ ప్రభాస్ నటిస్తున్న ‘ది రాజా సాబ్’ టీమ్ మాత్రం రూటు మార్చింది.

థియేటర్లో మాస్ సినిమా చూడటానికి వచ్చిన ప్రేక్షకులకు ఊహించని షాక్ ఇచ్చి, తమ సినిమా మీద అటెన్షన్ క్రియేట్ చేసుకుంది. ఈరోజు రిలీజ్ అయిన బాలకృష్ణ ‘అఖండ 2’ సినిమా స్క్రీనింగ్ సమయంలో ఓ కిక్ ఇవ్వడం ఇప్పుడు ఇండస్ట్రీలో హాట్ టాపిక్ గా మారింది.

అసలు ఏం జరిగిందంటే.. థియేటర్లో ‘అఖండ 2’ సినిమా ప్రదర్శన జరుగుతుండగా, సడన్ గా స్క్రీన్ బ్లాంక్ అయిపోయింది. కరెంట్ పోయిందేమో లేదా టెక్నికల్ సమస్య వచ్చిందేమో అని జనం కంగారు పడేలోపే.. థియేటర్ మొత్తం చిమ్మ చీకటి అలుముకుంది. ఆ వెంటనే ఆడియెన్స్ చేతిలో ఉన్న బ్యాండ్స్ నుంచి, ఫోన్ల నుంచి లైట్లు వెలుగుతూ ఒక వింతైన వాతావరణం క్రియేట్ అయ్యింది. ఈ చీకటి, ఆ వెలుగుల మధ్య పిల్లి హర్రర్ సౌండ్స్ వచ్చాయి.

సరిగ్గా అప్పుడే స్క్రీన్ మీద ఒక టీజర్ ప్లే అవ్వడం మొదలైంది. బ్యాక్ గ్రౌండ్ లో విచిత్రమైన శబ్దాలు, హార్రర్ థీమ్ మ్యూజిక్ వినిపిస్తుండగా.. స్క్రీన్ మీద మెరుపులు మెరిసినట్లు విజువల్స్ వచ్చాయి. చివర్లో ‘ది రాజా సాబ్’ అనే టైటిల్ లోగో రివీల్ అవ్వగానే థియేటర్ దద్దరిల్లిపోయింది. ప్రభాస్ సినిమా అని తెలియగానే ఫ్యాన్స్ కేకలతో రచ్చ చేశారు. ఒక హార్రర్ సినిమాకు ఇంతకంటే బెస్ట్ ఇంట్రడక్షన్ ఏముంటుంది?

ప్రస్తుతం థియేటర్లకు వచ్చే ఆడియెన్స్ మూడ్ మాస్ వైబ్ లో ఉంది. అఖండ 2 కోసం వచ్చేది పక్కా మాస్ ఆడియెన్స్. వాళ్ళను టార్గెట్ చేయడానికి ఇంతకంటే మంచి వేదిక దొరకదు. పైగా సినిమా జానర్ హార్రర్ కామెడీ కాబట్టి, ఆ చీకటి థీమ్, ఆ సడన్ సర్ ప్రైజ్ ఎలిమెంట్ పర్ఫెక్ట్ గా సెట్ అయ్యాయి. పోస్టర్ రిలీజ్ చేస్తే చూసి వదిలేస్తారేమో కానీ, ఇలాంటి లైవ్ ఎక్స్ పీరియన్స్ ఇస్తే అది చాలా కాలం గుర్తుండిపోతుంది.

ఈ చిన్న గ్లింప్స్ లోనే సినిమా రిలీజ్ డేట్ ను కూడా అధికారికంగా ప్రకటించేశారు. 2026 జనవరి 9న సంక్రాంతి కానుకగా ఈ సినిమా రాబోతున్నట్లు క్లారిటీ ఇచ్చారు. మారుతి దర్శకత్వంలో వస్తున్న ఈ సినిమా మీద ఇప్పటికే అంచనాలు ఉన్నాయి. ఇప్పుడు ఈ యూనిక్ ప్రమోషన్ తో ఆ అంచనాలు డబుల్ అయ్యాయి.

 

జనవరి 30 నుంచి నిరాహార దీక్ష.. ప్రకటించిన అన్నా హజారే

By
Dayakar
-

 ప్రముఖ సామాజిక కార్యకర్త అన్నా హజారే మరోసారి నిరాహార దీక్షకు సిద్ధమయ్యారు. మహారాష్ట్రలో లోకాయుక్త చట్టం అమల్లో జాప్యం జరుగుతున్నందుకు నిరసనగా వచ్చే ఏడాది జనవరి 30న తన స్వగ్రామం రాలేగావ్ సిద్ధిలో నిరాహార దీక్ష చేపట్టనున్నారు (Anna Hazare Hunger Strike).

లోకాయుక్త చట్టం అమలులో రాష్ట్ర ప్రభుత్వం విఫలమైందని అన్నా హజారే మండిపడ్డారు. ప్రజాసంక్షేమానికి కీలకమైన ఈ చట్టాన్ని నిర్లక్ష్యం చేస్తున్నారని అన్నారు. చట్టం అమలుకు గతంలో ఇచ్చిన హామీలను పక్కనపెట్టారని ఆరోపించారు.

లోకాయుక్త చట్టాన్ని తీసుకురావాలంటూ హజారే 2022లో నిరాహార దీక్ష చేపట్టారు. అయితే, అప్పటి ముఖ్యమంత్రి జోక్యంతో ఆయన దీక్షను విరమించారు. అనంతరం మహారాష్ట్ర అసెంబ్లీ లోకాయుక్త బిల్లుకు ఆమోదం కూడా తెలిపింది.

అయితే, క్షేత్రస్థాయిలో మాత్రం చట్టం అమలు జరగట్లేదని హజారే అన్నారు. ముఖ్యమంత్రి ఫడణవీస్‌కు ఈ విషయంలో 7 లేఖలు రాసినా స్పందన కరువైందని ఆక్షేపించారు. ‘ఈ చట్టం ప్రజాసంక్షేమానికి ఎంతో అవసరం. నేను ఈ విషయంపై ఏడు లేఖలు రాశాను. కానీ అవతలి వైపు నుంచి ఎటువంటి స్పందనా లేదు. ఇలా ఎందుకో నాకు అర్థం కావట్లేదు. ప్రభుత్వం ఉన్నదే ప్రజాసంక్షేమానికి, కేవలం ప్రదర్శనకు కాదు’ అంటూ హజారే ఘాటు వ్యాఖ్యలు చేశారు. పరిస్థితి ముదరక మునుపే ప్రభుత్వం చర్యలు తీసుకుంటుందని తాను ఆశిస్తున్నట్టు చెప్పారు.

తెలంగాణలో చంపేస్తోన్న చలి.. గత పదేళ్ల రికార్డు బద్దలు, వచ్చే మూడ్రోజుల జాగ్రత్త

By
Dayakar
-

తెలంగాణలో చలి పులి పంజా విసురుతోంది. గత పదేళ్ల రికార్డును బద్దలు కొడుతూ వణికిస్తోంది. గురువారం రాత్రి నుంచి శుక్రవారం ఉదయం వరకు రాష్ట్రంలోని ఏకంగా 28 జిల్లాల్లో కనిష్ఠ ఉష్ణోగ్రతలు 10 డిగ్రీల సెల్సియస్ కంటే తక్కువగా నమోదయ్యాయి.

ఈ సీజన్‌లో అత్యంత చలి నమోదైన ప్రాంతంగా సంగారెడ్డి జిల్లాలోని కోహిర్‌ మండలం నిలిచింది, ఇక్కడ అత్యల్పంగా 5.8 డిగ్రీల సెల్సియస్ ఉష్ణోగ్రత రికార్డైంది. డిసెంబరు రెండో వారంలో ఈ స్థాయిలో అత్యల్ప ఉష్ణోగ్రతలు నమోదు కావడం ఇదే తొలిసారని హైదరాబాద్ వాతావరణశాఖ వెల్లడించింది. రాజధాని హైదరాబాద్‌లోనూ చలి వణికిస్తోంది, ఇక్కడ 10.8 డిగ్రీలు నమోదైంది. ఇది సాధారణం కంటే 4.9 డిగ్రీలు తక్కువ.

ఆదిలాబాద్, మెదక్ వంటి నగరాలతో జిల్లా కేంద్రాలలోనూ ఉష్ణోగ్రతలు సాధారణం కంటే 5 నుంచి 7 డిగ్రీల వరకు పడిపోయాయి. హనుమకొండలో 8.5 డిగ్రీల సెల్సియస్ ఉష్ణోగ్రత నమోదైంది. వరుసగా పడిపోతున్న ఈ కనిష్ఠ ఉష్ణోగ్రతల కారణంగా ప్రజలు తీవ్ర ఇబ్బందులు పడుతున్నారు. ముఖ్యంగా బహిరంగ ప్రాంతాలు, శివారుల్లో చలిగాలుల తీవ్రత అధికంగా ఉండటంతో చిన్నారులు, వృద్ధుల్లో చర్మం పగుళ్లు, కళ్ల నుంచి నీళ్లు రావడం వంటి ఆరోగ్య సమస్యలు తలెత్తుతున్నాయి. అనేక జిల్లాల్లో ఉదయం పూట దట్టమైన పొగమంచు కారణంగా రహదారులపై దృశ్యమానత తగ్గి వాహనదారులు ఇబ్బందులు ఎదుర్కొంటున్నారు.

కాగా, రాబోయే శని, ఆది, సోమవారాల్లోనూ చలి తీవ్రత ఇలాగే కొనసాగే అవకాశం ఉందని వాతావరణశాఖ హెచ్చరించింది. ఈ మూడు రోజుల్లో చాలా జిల్లాల్లో 9.2 డిగ్రీల లోపు ఉష్ణోగ్రతలు నమోదయ్యే అవకాశం ఉన్నందున శనివారం 20 జిల్లాలకు ఆదివారం 13 జిల్లాలకు, సోమవారం 12 జిల్లాలకు ‘ఆరెంజ్’ హెచ్చరికలు జారీ చేసింది. ప్రజలు వెచ్చని దుస్తులు ధరించి, తగిన జాగ్రత్తలు తీసుకోవాలని అధికారులు సూచించారు. అత్యవసరం అయితేనే ఉదయం, సాయంత్రం వేళల్లో ఇళ్ల నుంచి బయటకు రావాలని తెలిపారు. ఒకవేళ బయటకు వెళ్లాల్సి వచ్చినా.. వెచ్చటి దుస్తులు ధరించాలన్నారు.

ఉద్యోగులకు కూటమి గుడ్ న్యూస్

By
Dayakar
-

ఏపీలో ప్రభుత్వ ఉద్యోగులకు టీడీపీ కూటమి ప్రభుత్వం గుడ్ న్యూస్ ని వినిపించింది. వారి సమస్యలను పరిష్కరించే దిశగా కీలకమైన అడుగులు వేసింది. దాంతో చాలా కాలంగా తమ సమస్యల మీద పోరాడుతున్న ఉద్యోగులకు ఇపుడు భారీ ఊరట కలుగుతోంది.

ఏడుగులు సభ్యులతో ఉన్నత స్థాయి కమిటీని కూటమి ప్రభుత్వం నియమించింది. దాంతో ఈ కమిటీ ఉద్యోగుల సమస్యల మీద అధ్యయనం చేసి ఎనిమిది వారాలలోగా ప్రభుత్వానికి నివేదిక అందచేస్తుంది అని అంటున్నారు.

వైద్య సేవల కోసం :

ఏపీలో ప్రభుత్వ ఉద్యోగులకు మెరుగైన వైద్య సేవలు దక్కాలని చాలా కాలంగా కోరుకుంటున్నారు. వీరికి ఈ హెచ్ ఎస్ ఉంది. అంటే ఎంప్లాయీస్ హెల్త్ స్కీం అన్న మాట. దీని ద్వారా వారికి ఇప్పటిదాకా వైద్య సేవలు అందుతున్నాయి. కానీ మెరుగైన వైద్య సేవల కోసం వారు చాలా కాలంగా డిమాండ్ చేస్తున్నారు. దాంతో నాణ్యమైన వైద్య సేవలను అందించాలని కూటమి ప్రభుత్వం నిర్ణయించింది.

చంద్రబాబు ఆదేశాలతో :

ఈ విషయంలో ముఖ్యమంత్రి చంద్రబాబు ఆదేశాలు జారీ చేశారు. ఆయన సూచనలతో ఒక ఉన్నత స్థాయి కమిటీని ఏర్పాటు చేశారు. ఈ కమిటీకి చైర్మన్ గా ప్రభుత్వ ప్రధాన కార్యదర్శి కె విజయానంద్ వ్యవహరిస్తారు. అలాగే రాష్ట్ర ప్రభుత్వమే ఏడుగురు సభ్యులను నియమించింది. వీరంతా ప్రభుత్వ ఉద్యోగులకు ప్రస్తుతం అందుతున్న ఈ హెచ్ ఎస్ విధానంలో వైద్యం గురించి పూర్తిగా అధ్యయనం చేస్తుంది అని అంటున్నారు ఇంతకంటే మెరుగైన సేవలు వారికి ఎలా అందించాలన్నదే ఈ కమిటీ పరిశీలన చేసి ప్రభుత్వానికి దీని మీద నివేదిక అందిస్తుంది అని అంటున్నారు. దాంతో పాటు ఉద్యోగులకు వైద్య పరంగా ఎదురవుతున్న సమస్యల మీద పూర్తి నివేదికను తయారు చేసి అందిస్తుంది అని అంటున్నారు.

వీరే సభ్యులుగా :

ఇక ప్రభుత్వం ఏర్పాటు చేసిన ఉన్నత స్థాయి కమిటీలో సభ్యులుగా సాధారణ పరిపాలన శాఖ ఆర్థిక శాఖ, వైద్య ఆరోగ్య శాఖల ముఖ్య కార్యదర్శులతో పాటు ఉద్యోగ సంఘాల నేతలైన ఏపీ ఎన్జీవో అధ్యక్షుడు ఎ. విద్యాసాగర్, ఏపీ రెవెన్యూ సర్వీస్ అసోసియేషన్ అధ్యక్షుడు బొప్పరాజు వెంకటేశ్వర్లు ఉంటారు అని అంటున్నారు. ఇక ఈ కమిటీ చేయాల్సింది మెరుగైన వైద్యం ఉద్యోగులకు అందించడం. దీంతో ఈ కమిటీ అధ్యయనం మీదనే అందరి దృష్టి ఉంది. మొత్తం మీద కీలకమైన ఒక సమస్య విషయంలో బాబు జోక్యం చేసుకుని పరిష్కరించేందుకు సిద్ధపడడం పట్ల అంతా హర్షం వ్యక్తం అవుతోంది.

చేపల కూర తిన్నాక వీటిని అస్సలు తినకూడదు భయ్యా

By
Dayakar
-

చేపలు లీన్ ప్రొటీన్, ఒమేగా-3 ఫ్యాటీ యాసిడ్స్‌కు మూలం. అవి మొత్తం ఆరోగ్యాన్ని, రోగనిరోధక శక్తిని పెంపొందించడంలో సహాయపడతాయి. చేపలను ఏ ఆహారాలతో కలిపి తీసుకుంటామనేది చాలా ముఖ్యం.

అన్ని ఆహారాలను సీఫుడ్‌తో కలిపి తీసుకోకూడదు. కొన్నింటితో కలిపి తింటే జీర్ణ సమస్యలు తలెత్తవచ్చు. మరికొన్ని- కడుపు ఉబ్బరం, అజీర్తి, వికారం, డయేరియా వంటి సమస్యలకు దారితీస్తాయి. సీఫుడ్‌/చేపలతో కలిపి లేదా తిన్న తర్వాత ఏఏ ఆహార పదార్థాలను తీసుకోకూడదో తెలుసుకుందాం.

పాలు, పెరుగు లేదా ఇతర పాల ఉత్పత్తులను చేపలతో కలిపి తినడం వల్ల జీర్ణ అసౌకర్యం, ఉబ్బరం, కడుపు నొప్పి వంటి సమస్యలు వస్తాయి. కొన్నిసార్లు చర్మ అలెర్జీలు, ఇన్‌ఫెక్షన్లు కూడా ఏర్పడవచ్చు. పాల ఉత్పత్తులు, చేపల్లో ఉండే అధిక ప్రొటీన్లు, ఇతర సమ్మేళనాలు జీర్ణక్రియను ప్రభావితం చేస్తాయి. చేపలు, నిమ్మజాతి పండ్లు కలిపి తినడం గురించి భిన్నాభిప్రాయాలు ఉన్నాయి. కొందరు నిమ్మలోని ఆమ్లం చేపల ప్రొటీన్‌తో కలివడం వల్ల ఆరోగ్య సమస్యలు తలెత్తుతాయి.

బాగా ప్రాసెస్ చేసిన లేదా వేయించిన ఆహార పదార్థాలను చేపలతో కలిపి తీసుకోవడం వల్ల కూడా అనారోగ్యానికి దారి తీయవచ్చు. వేయించిన ఆహారాల్లో ఉండే ట్రాన్స్ ఫ్యాట్‌లు గుండె ఆరోగ్యానికి హానికరం. చేపలను బంగాళాదుంపలు, పాస్తా వంటి పిండి పదార్థాలు అధికంగా ఉండే వంటకాలతో కలపడం మానుకోవాలి. ఇలా చేయడం వల్ల అధిక కేలరీలు, కార్బోహైడ్రేట్లు శరీరంలో చేరి జీర్ణ వ్యవస్థ మందగించే అవకాశం ఉంది.

కారంగా ఉండే ఆహారాలు చేపల సున్నితమైన రుచిని డామినేట్ చేయగలవు. అంతేకాకుండా, మసాలా ఆహారాలను చేపలతో కలిపి తిన్నప్పుడు గ్యాస్ట్రోఇంటెస్టినల్ అసౌకర్యం, కడుపు ఉబ్బరం వంటి సమస్యలు రావొచ్చు. బీన్స్, పప్పులు, చేపలు రెండూ ప్రొటీన్‌కు మూలాలే. వీటిని కలిపి తిన్నప్పుడు అజీర్తి, కడుపులో గ్యాస్, ఉబ్బరం వంటి సమస్యలు తలెత్తే అవకాశం ఉంది. చేపలతో పాటు కాఫీ తాగడం వల్ల చేపల్లో ఉండే పాదరసం (మెర్క్యూరీ) శరీరానికి అందదు అనే వాదన కూడా ఉంది.

పుచ్చకాయ, నారింజ, నిమ్మకాయ వంటి వాటిని సీఫుడ్‌తో కలిపి తినడం వల్ల కడుపు ఉబ్బరం, అజీర్ణం వంటివి కలుగుతాయి. చేపలు తిన్న తర్వాత టీ తాగడం కూడా మంచిది కాదు. అలా చేయడం వల్ల టీలో ఉండే టానిక్ యాసిడ్.. జీర్ణవ్యవస్థలో చికాకును కలిగిస్తుంది. సీఫుడ్, రెడ్‌వైన్ రెండింటిలోనూ హిస్టమైన్ ఉంటుంది. ఈ రెండింటిని కలిపి తీసుకోవడం వల్ల తీవ్రమైన అలెర్జీ, సైడ్ ఎఫెక్ట్స్, శారీరక అసౌకర్యం, తలనొప్పి వంటివి సంభవించవచ్చు.

చేపలకు సహజంగా శీతల స్వభావం ఉన్నందున, పాలకూర, దోసకాయ, పుచ్చకాయ వంటి ఇతర శీతల ప్రభావం ఉన్న ఆహారాలతో దీనిని కలిపి తినకూడదు. ఇది ఉబ్బరం, అజీర్ణానికి దారితీస్తుంది. చేపలతో కలిపి లేదా ఆ తర్వాత చిక్కుళ్ళు తినడం వల్ల అజీర్ణం, కడుపు ఉబ్బరం తలెత్తవచ్చు. అలాగే కోకా కోలా వంటి అధిక ఆమ్ల పదార్థాలను కలిపి తీసుకుంటే అదే విధమైన జీర్ణ సమస్యలు వస్తాయి.

జన్మభూమి ఎక్స్ ప్రెస్ టైమింగ్స్ మార్పు..! 15 నుంచే

By
Dayakar
-

దక్షిణమధ్య రైల్వే పరిధిలోని విశాఖపట్నం-లింగంపల్లి స్టేషన్ల మధ్య రాకపోకలు సాగించే ఇంటర్ సిటీ రైలు జన్మభూమి ఎక్స్ ప్రెస్ సమయాల్లో మార్పు చోటు చేసుకుంది.

తెలుగు రాష్ట్రాల కనెక్టింగ్ రైలుగా ఉన్న జన్మభూమి ఎక్స్ ప్రెస్ కొత్త సమయాల్లోని రైల్వే అధికారులు ప్రకటించారు. తాజా షెడ్యూల్ మేరకు ఇరువైపులా జన్మభూమి రైళ్ల సమయాలూ మారబోతున్నాయి. ఈ కొత్త సమయాలు ఈ నెల 15 నుంచి అమల్లోకి వస్తాయి.

విశాఖపట్నం-లింగంపల్లి మధ్య రెండు వైపులా 12805, 12806 నంబర్లతో జన్మభూమి ఎక్స్ ప్రెస్ రైళ్లు ప్రయాణిస్తున్నాయి. వీటిలో విశాఖ నుంచి లింగంపల్లికి వెళ్లే రైలు నంబర్ 12805 జన్మభూమి ఎక్స్ ప్రెస్ ఇకపై విశాఖలో ఉదయం 6.20కి బయలుదేరనుంది. అనంతరం దువ్వాడకు 6.43కు, అనకాపల్లికి 6.58కి, యలమంచిలికి 7.13కు, తునికి 7.38కి, అన్నవరానికి 7.58కి, సామర్లకోటకు 8.33కి, రాజమండ్రికి 9.18కి, తాడేపల్లిగూడానికి 10.03కు, ఏలూరుకు 10.43కు, నూజివీడుకు 11.03కు, విజయవాడకు 12.02కు, తెనాలికి 12.45కు, గుంటూరుకు మధ్యాహ్నం 1.45కు, సత్తెనపల్లికి 1.56కు, పిడుగురాళ్లకు 2.22కు, నడికుడికి 2.43కు, మిర్యాలగూడకు 3.12కు, నల్గొండకు 3.42కు, రామన్నపేటకు 4.14కు, చర్లపల్లికి 6.05కు, సికింద్రాబాద్ కు 6.25కు, బేగంపేటకు 6.41కి, లింగంపల్లికి 7.15కు చేరుకుంటుంది.

కొడుకు భవిష్యత్తుకోసం రాత్రంతా 800 కి.మీ. డ్రైవ్‌

By
Dayakar
-

కనీవినీ ఎరుగని రీతిలో ఇండిగో విమానాల రద్దు, ప్రయాణీకుల కష్టాలకు సంబంధించిన ఇప్పటికే పలు హృదయవిదారక కథనాలు వెలుగులోకి వచ్చాయి. ఒక్కొక్కరిదీ ఒక్కో గాథ.

హరియాణాలోని రోహ్‌తక్ నుండి పంఘల్ కుటుంబాన్ని కూడా తీవ్రంగా ప్రభావితం చేసింది. కుమారుడి పరీక్ష కోసం తండ్రి చేసిన సాహసం వైరల్‌గా మారింది.

హర్యానాలోని రోహ్‌తక్‌కు చెందిన యువ షూటర్ ఆశీష్ చౌధరిపంఘాల్, ఇండోర్‌లోని డాలీ కళాశాలలో 12వ తరగతి చదువుతున్నాడు. ప్రీ-బోర్డ్​ పరీక్ష (XII ) రాసేందుకు ఇండోర్‌కు వెళ్లాల్సి ఉంది. ఢిల్లీ నుండి విమానాశ్రయానికి వెళ్లాలని ‍ ప్లాన్‌. కానీ అనూహ్యంగా ఇండిగో విమాం రద్దు అయింది.

రైలులో సీటు అందుబాటులో లేదు. దీంతో ఏం చేయాలో పాలుపోని తండ్రి రాజ్‌నారాయణ్ పంఘాల్‌ సాహసపోతమైన నిర్ణయం తీసుకున్నాడు. తన కొడుకు పరీక్షకు హాజరుకావాలంటే రాత్రంతా కారులో ప్రయాణించాలని ఎంచుకున్నాడు. దాదాపు 800కిలోమీటర్లు కారులో ప్రయాణించి కాలేజీకి చేరుకున్నాడు. సరిగ్గాపరీక్ష సమయానికి ఇండోర్‌కు చేరడం విశేషంగా నిలిచింది.

దీనిపై తండ్రి రాజ్ నారాయణ్ స్పందిస్తూ డిసెంబర్ 8న పరీక్షలు రాయాల్సి ఉంది. అంతకుముందు, డిసెంబర్ 6 సాయంత్రం ఇండోర్‌లోని కళాశాలలో అబ్బాయికి సత్కారం జరగాల్సి ఉంది. ఢిల్లీ నుండి ఇండోర్‌కు అతని విమానం ఇప్పటికే బుక్ చేశాం. అతణ్ని ఢిల్లీ విమానాశ్రయంలో దింపడానికి వెళ్ళాను, విమానం రద్దు కావడంతో సత్కారం మిస్‌ అయింది. కానీ పరీక్ష మిస్‌ కాకూడదనే ఉద్దేశంతోనే తానీ నిర్ణయం తీసుకున్నట్టు చెప్పారు. సమయానికి తీసుకెళ్ల గలిగాను అంటూ ఊపిరిపీల్చుకున్నారు. దీంతో గ్రేట్‌ ఫాదర్‌, నాన్న ప్రేమ అలా ఉంటుంది అంటూ నెటిజన్లు ప్రశంసలు కురిపించారు.

రైలు ప్రయాణికులకు గుడ్‌న్యూస్‌.. సంక్రాంతికి ప్రత్యేక రైళ్లు

By
Dayakar
-

సంక్రాంతికి దక్షిణ మధ్య రైల్వే (SCR) ప్రయాణీకుల రద్దీని దృష్టిలో పెట్టుకుని ప్రత్యేక రైళ్లను నడుపుతుంది. సాధారణంగా హైదరాబాద్, బెంగళూరు వంటి నగరాల నుండి ఆంధ్రప్రదేశ్, తెలంగాణలోని వివిధ ప్రాంతాలకు (విశాఖపట్నం, కాకినాడ, తిరుపతి, విజయవాడ) ఈ రైళ్లు ఉంటాయి.

అయితే వీటి షెడ్యూల్స్‌, బుకింగ్స్ పండుగకు దగ్గరలో (జనవరి మొదటి వారంలో) ప్రకటిస్తుంటుంది.

ఈ ప్రత్యేక రైళ్లు గుడివాడ, విజయవాడ, ఖమ్మం, డోర్నకల్‌లో ఆగుతాయి. అలాగే మహబూబాబాద్, వరంగల్, జమ్మికుంట, పెద్దపల్లి, కరీంనగర్, లింగంపేట్ జగిత్యాల్, మోర్తాడ్, ఆర్మూర్, నిజామాబాద్, బాసర్, ధర్మాబాద్, ముద్ఖేడ్, నాందేడ్, పూర్ణ, పర్భాని, మాన్వత్ రోడ్, పార్టూర్, జాల్నా, సి సంభాజీనగర్, లాసూర్, రోటేగావ్, నాగర్‌సోల్, మన్మాడ్, భుసావల్, ఖాండ్వా, ఇటార్సి, భోపాల్, ఉజ్జయిని తదితర స్టేషన్‌లలో స్టాప్‌లు ఉంటాయని దక్షిణ మధ్య రైల్వే తెలిపింది.

పొడిగించిన ప్రత్యేక రైళ్ల తేదీలు:

  • రైలు నంబర్‌ 07041 సికింద్రాబాద్‌- అనకాపల్లి – 2026 జనవరి ఆదివారాల్లో అంటే 4వ తేదీ, 11,18 తేదీల్లో ఈ ప్రత్యేక రైలును నడపనున్నారు.
  • రైలు నంబర్‌ 07042 అనకాపల్లి- సికింద్రాబాద్‌- సోమవారాలు జనవరి 5,12,19 తేదీల్లో నడుస్తుంది.
  • రైలు నంబర్‌ 07075 హైదరాబాద్‌- గోరక్‌పూర్‌ శుక్రవారాల్లో జనవరి 9,16,23 తేదీల్లో.
  • రైలు నంబర్‌ 07076 గోరక్‌ పూర్‌ – హైదరాబాద్‌- ఆదివారాల్లో జనవరి 11,18,25 తేదీల్లో నడుస్తుంది.

ప్రత్యేక రైళ్లు:

  • రైలు నంబర్‌ 07274 మచిలిపట్నం- అజ్మీర్‌ – 21 డిసెంబర్‌ 2025న ఆదివారం ప్రయాణించనుంది.
  • రైలు నంబర్‌ 07275 అజ్మీర్‌-మచిలీపట్నం- డిసెంబర్‌ 28వ తేదీన.

ప్రయాణికుల సౌకర్యార్థం ఈ ప్రత్యేక రైళ్లను నడుపుతున్నట్లు దక్షిణ మధ్య రైల్వే తెలిపింది. ప్రయాణికుల రద్దీని బట్టి రైళ్లను నడిపేందుకు చర్యలు చేపడతామని తెలిపింది.

ఆంధ్రప్రదేశ్‌లో ప్రభుత్వ ఉద్యోగుల జీతాలు ఆలస్యం ఎందుకు?

By
Dayakar
-

ఆంధ్రప్రదేశ్ ప్రభుత్వ ఉద్యోగులకు సకాలంలో జీతాలు అందించలేకపోవటం ఒక వివాదాస్పద అంశంగా మారింది. 2025 డిసెంబర్ 12 నాటికి ఉద్యోగుల జీతాలను ప్రభుత్వం జమ చేసింది.

అంటే 12 రోజుల పాటు జీతాలు ఆలస్యమైతే వారి కుటుంబాల పరిస్థితి ఏమిటనేది ఉద్యోగ సంఘాల నాయకుల ప్రశ్న. ఈ సమస్య గత వైఎస్ఆర్‌సీపీ ప్రభుత్వం నుంచి మొదలైనప్పటికీ ప్రస్తుత ప్రభుత్వంలో కూడా ఇవే పరిస్థితులు ఏర్పడటం విమర్శలకు దారితీస్తోంది. మూడు నెలల క్రితం వరకు మూడో తేదీలోపులో జీతాలు ఇచ్చిన ప్రభుత్వం మూడు నెలలుగా జీతాలు ఇవ్వడం ఆలస్యం చేస్తోంది. ఇది ప్రభుత్వ నిర్వహణపై తీవ్ర ప్రశ్నలు లేవనెత్తుతోంది. ప్రభుత్వ ఉద్యోగం అంటే ‘గ్యారెంటీ’గా భావించే సామాజిక భావనకు ఈ ఆలస్యాలు గట్టి దెబ్బ తీస్తున్నాయి.

రాష్ట్రంలో మొత్తం ఉద్యోగుల సంఖ్య సుమారు 8 లక్షలు (ఇందులో 5.6 లక్షలు రెగ్యులర్, 2 లక్షలు కాంట్రాక్టు/ఔట్‌సోర్సింగ్ ఉద్యోగులు)గా అంచనా.

2025 డిసెంబర్ 9 నాటికి ఉద్యోగుల బకాయిల మొత్తం రూ. 32,000 కోట్లుగా అంచనా వేశారు. కానీ ఇది ప్రధానంగా డీఏ, అర్రియర్స్‌కు సంబంధించినది.

ఉద్యోగులపై ప్రభావం

మొత్తం 8 లక్షల ఉద్యోగులలో, కాంట్రాక్టు, ఔట్‌సోర్సింగ్ ఉద్యోగులు (సుమారు 2 లక్షలు) ఉన్నారు. వీరిలో కాంట్రాక్ట్, ఔట్ సోర్సింగ్ ఉద్యోగులు ఎక్కువగా ప్రభావితమవుతున్నారు. ప్రస్తుతం పూర్తి స్కేల్‌లో ఎక్కువ ఆలస్యం లేనట్లు కనిపిస్తుంది. కానీ DA, PRC (పే రివిజన్ కమిషన్) అరియర్స్ ఇప్పటికీ ఆలస్యమవుతున్నాయి.

ఉద్యోగులు CFMS పోర్టల్‌లో తమ పే స్లిప్‌లను తనిఖీ చేయవచ్చు. ఆలస్యాలు ఉంటే ఉద్యోగ సంఘాలు (ఉదా. APGEA) ద్వారా గవర్నర్ లేదా ఫైనాన్స్ డిపార్ట్‌మెంట్‌కు పిటిషన్ ఇవ్వవచ్చు. ప్రభుత్వం 2026 సెలవుల జాబితా విడుదల చేసింది. జీతాల చెల్లింపు కోసం మొదటి తేదీనే నిర్ణయించాలని సంఘాలు డిమాండ్ చేస్తున్నాయి.

గతం నుంచి కొనసాగుతున్న సమస్య

ఆంధ్రప్రదేశ్‌లో జీతాల ఆలస్యం కొత్త అంశం కాదు. గత వైఎస్ఆర్‌సీపీ ప్రభుత్వ కాలంలోనే ఈ సమస్య తీవ్రమైంది. ఇది రాష్ట్ర ఆర్థిక వ్యవధులు, రుణాలు, పెండింగ్ చెల్లింపుల వల్ల ఏర్పడింది. కూటమి ప్రభుత్వం అధికారం చేపట్టిన తర్వాత అక్టోబర్ 2025లో ముఖ్యమంత్రి ఎన్ చంద్రబాబు నాయుడు దీపావళి బోనాన్జా పేరుతో డియర్‌నెస్ అలవెన్స్ (డీఎ) ఒక కిస్తును నవంబర్ 1 నుంచి విడుదల చేస్తామని ప్రకటించారు. ఈ ప్రకటనలో జీతాలు ప్రతి నెల 1వ తేదీనే జమ చేస్తామని, క్యాబినెట్ సబ్-కమిటీ ఏర్పాటు చేసి ఉద్యోగుల సమస్యలు పరిష్కరిస్తామని హామీ ఇచ్చారు.

డిసెంబర్ 9 నాటికి, సుమారు లక్ష మంది ఉద్యోగులకు నవంబర్ నెల జీతాలు జమ కాలేదని వైఎస్ఆర్‌సీపీ నాయకుడు నలమారు చంద్రశేఖర రెడ్డి ఆరోపించారు. అధికారంలోకి వచ్చిన తర్వాత జీతాలు సకాలంలో జమ చేసింది ఒక్కసారి మాత్రమే జరిగిందని, మిగిలిన సందర్భాల్లో ఆలస్యాలు కొనసాగుతున్నాయని ఆయన అన్నారు.

వాగ్దానాలు vs వాస్తవాలు

ప్రభుత్వం ఈ అంశంపై ఇప్పటివరకు ఎటువంటి అధికారిక ప్రకటన విడుదల చేయలేదు. ఇది విమర్శలకు దారితీసింది. పే రివిజన్ కమిషన్ (పీఆర్‌సీ) చైర్మన్ నియామకం జరగకపోవటం, ఐదు డీఎ కిస్తులలో ఒకటి మాత్రమే క్లియర్ చేయబడటం వంటి ఆలస్యాలు ఉద్యోగులలో అసంతృప్తిని పెంచుతున్నాయి.

విశ్లేషకుల అభిప్రాయం ప్రకారం ఆంధ్రప్రదేశ్ రాష్ట్ర బడ్జెట్‌లో సుమారు 91శాతం ఖర్చు స్థాపనల ఖర్చుగా చెబుతున్నారు.

స్థాపన ఖర్చు (establishment expenditure) అనేది రాష్ట్ర ప్రభుత్వ ఉద్యోగుల సాలరీలు, పెన్షన్లు, డియర్‌నెస్ అలవెన్స్ (DA), సంబంధిత ప్రయోజనాలపై వెచ్చించే మొత్తం. ఇది “కట్టుబాటు ఖర్చు” (committed expenditure) భాగంగా పరిగణించబడుతుంది. ఇందులో ఆసక్తి చెల్లింపులు (interest payments) కూడా చేర్చబడతాయి.

2024-25, 2025-26 అంచనాలు

2024-25లో రాష్ట్ర స్వంత ఆదాయం రూ. 1,01,985 కోట్లు. ఇందులో రూ. 89,008 కోట్లు (సుమారు 88 శాతం) సాలరీలు, పెన్షన్ల పై వెచ్చించబడ్డాయి. సెంట్రల్ షేర్ చేర్చితే మొత్తం ఆదాయం రూ. 1,54,065 కోట్లు. ఇందులో సాలరీలు+పెన్షన్లు 58 శాతం. ఆసక్తి+లోన్లు 43 శాతం (మొత్తం 101 శాతం మించి) వెచ్చించబడ్డాయి.

2025-26 బడ్జెట్‌లో మొత్తం ఖర్చు రూ. 2,97,929 కోట్లు (డెట్ రీపేమెంట్ తప్ప). రెవెన్యూ రిసిప్ట్ లపై సాలరీలు 21 శాతం, పెన్షన్లు 10 శాతం, ఆసక్తి 17 శాతం (మొత్తం 51 శాతం కట్టుబాటు ఖర్చు). విశ్లేషకులు దీన్ని own revenue పై 90-91 శాతంగా అంచనా వేస్తున్నారు. ఎందుకంటే రాష్ట్రం ఆదాయాలు తక్కువగా ఉండటం వల్ల ఈ ఖర్చు పెద్దగా కనిపిస్తోంది.

పరిణామాలు

ఈ ఖర్చు వల్ల రాష్ట్రం డెవలప్‌మెంట్, క్యాపిటల్ ఎక్స్‌పెండిచర్ (infrastructure, education, health) కు తక్కువ స్థలం ఇవ్వగలదు. 2024-25లో క్యాపిటల్ ఎక్స్‌పెండిచర్ తక్కువగా ఉండటం వల్ల పబ్లిక్ డెట్ రూ. 97,352 కోట్లకు పెరిగింది. 2025-26లో ఫిజికల్ డెఫిసిట్ 4.4 శాతం GSDP (రూ. 79,927 కోట్లు), ఇది లోన్లపై ఆధారపడటానికి దారితీస్తుంది.

“ఫ్రీబీస్” (welfare schemes), తక్కువ ట్యాక్స్ రెవెన్యూలు, పెన్షన్ బర్డెన్ (NTR Bharosa వంటివి) వల్ల ఈ పరిస్థితి ఏర్పడింది. రాష్ట్ర ఆదాయాలు తక్కువగా ఉండటం వల్ల own revenue పై ఈ ఖర్చు 90 శాతం మించి కనిపిస్తుంది.

K.S. Chalam, Institute for Economic and Social Justice విశ్లేషణ ప్రకారం రెవెన్యూ పెంచడం (ట్యాక్స్ అడ్మినిస్ట్రేషన్ మెరుగుపరచడం), పెన్షన్ రిఫార్మ్స్ (OPS నుండి NPSకి మార్పు), క్యాపిటల్ ఎక్స్‌పెండిచర్‌ను 10-15 శాతానికి పెంచడాన్ని సూచిస్తున్నారు. ఇది మల్టిప్లయర్ ఎఫెక్ట్ (ఉద్యోగాలు, ఆదాయం) తీసుకురావచ్చు.

పొరుగు రాష్ట్రాలైన తెలంగాణ (38 శాతం), తమిళనాడు (42 శాతం), కర్ణాటక (39 శాతం)లో ఈ రేషియో తక్కువగా ఉండటం, అక్కడ జీతాలు స్థిరంగా జమవడం పోలిస్తే ఆంధ్రప్రదేశ్ పరిస్థితి మరింత ఆందోళనకరంగా కనిపిస్తుంది.

ఈ ఆలస్యాలు ప్రభుత్వ ఉద్యోగుల మధ్య ‘గ్యారెంటీ’ భావనను దెబ్బతీస్తున్నాయి. ప్రతి నెల 1వ తేదీనే జీతాలు జమవడం అనే సామాజిక ఆశకు విరుద్ధంగా, ఈ ఆలస్యాలు ఉద్యోగులు, వారి కుటుంబాల ఆర్థిక స్థిరత్వాన్ని దెబ్బతీస్తున్నాయి. బ్యాంక్ రుణాలు, విద్య, వైద్యం వంటి అవసరాలపై ఆధారపడే ఉద్యోగులు ఆర్థిక ఒత్తిడికి గురవుతున్నారు. ఇది మొత్తం రాష్ట్ర ఆర్థిక వ్యవస్థకు కూడా ప్రతికూల ప్రభావం చూపుతుంది. ఎందుకంటే ఉద్యోగుల ఖర్చులు తగ్గడం వల్ల వినియోగం, వ్యాపారాలు ప్రభావితమవుతాయి.

ఉద్యోగ సంఘాలు, ఎన్జీవోల ఆందోళన

ప్రభుత్వ ఉద్యోగుల సంఘాలు, ఎన్జీవోలు ఈ అంశంపై తీవ్ర ఆందోళన వ్యక్తం చేస్తున్నాయి. ఉద్యోగులు, పెన్షనర్ల విభాగం వైఎస్ఆర్‌సీపీ రాష్ట్ర అధ్యక్షుడు చంద్రశేఖర రెడ్డి, “ఈ ఆలస్యాలు ఉద్యోగుల ఆర్థిక ఇబ్బందులకు కారణమవుతున్నాయి, ప్రభుత్వం తమ వాగ్దానాలను నెరవేర్చలేకపోతోంది” అని విమర్శించారు. టీచర్స్ యూనియన్లు కూడా నవంబర్, డిసెంబర్ నెలల చెల్లింపులు ఆలస్యమవుతున్నాయని, దీనిపై ప్రదర్శనలు నిర్వహించాల్సి వస్తే చేస్తామని హెచ్చరిస్తున్నాయి. ఎన్జీవోలు ఈ సమస్యను ‘పాలనా వైఫల్యం’గా వర్గీకరిస్తూ, రాష్ట్ర ఆర్థిక సంక్షోభాన్ని ఉద్యోగులపై భారం వేయకుండా, ప్రభుత్వ ఖర్చులు తగ్గించాలని, పీఆర్‌సీని త్వరగా ఏర్పాటు చేయాలని డిమాండ్ చేస్తున్నాయి.

బడ్జెట్ లో జీతాలకు ప్రత్యేకంగా నిధులు కేటాయించాలి: జీఈఏ

ఆంధ్రప్రదేశ్ ప్రభుత్వ ఉద్యోగులకు ప్రతి నెల ఒకటో తేదీనే జీతాలు, పెన్షన్లు సకాలంలో చెల్లించాలని గవర్నమెంట్ ఎంప్లాయిస్ అసోసియేషన్ (జీఈఏ) రాష్ట్ర అధ్యక్షుడు కె రామ సూర్యనారాయణ, ప్రధాన కార్యదర్శి ఎం. రమేష్‌ కుమార్ డిమాండ్ చేశారు. రాష్ట్ర బడ్జెట్‌లో జీతాలకు ప్రత్యేకంగా నిధులు కేటాయించాలని, ప్రభుత్వ ఆర్థిక ఇబ్బందుల భారాన్ని ఉద్యోగులపై వేయకూడదని వారు స్పష్టం చేశారు.

జీతాల ఆలస్యం వల్ల ఉద్యోగులు తీవ్ర ఇబ్బందులు పడుతున్నారని, ముఖ్యంగా బ్యాంక్ రుణాల చెల్లింపులకు జీతం కోసం ఎదురుచూస్తున్నారని వివరించారు. ఒకటో తేదీన జీతాలు జమ చేయడం ద్వారా రాష్ట్రంలోని ఎక్కువ మంది ప్రజలు ఆనందిస్తారని, ఉద్యోగులను ఉత్సాహపరుస్తుందని వారు అభిప్రాయపడ్డారు. ఇది ఉద్యోగ జీవితంలో స్థిరత్వాన్ని, సంయమనాన్ని పెంచుతుందని పేర్కొన్నారు.

గత ఆరు ఆర్థిక సంవత్సరాల నుంచి పెండింగ్‌లో ఉన్న డియర్‌నెస్ అలవెన్స్ (డీఏ), హౌస్ రెంట్ అలవెన్స్ (హెచ్‌ఆర్‌ఏ), ఇతర అలవెన్సుల ప్రకటన ఇంకా జరగలేదని విమర్శించారు. మొత్తంగా ఉద్యోగులకు రావాల్సిన బకాయిలు రూ. 35వేల కోట్లు ఉన్నాయన్నారు.

ఆర్థిక సంక్షోభం మాత్రమే కారణం కాదు

విమర్శకులు ఈ ఆలస్యాలను రాష్ట్ర ఆర్థిక సంక్షోభంతో ముడిపెట్టినప్పటికీ, ఇది పూర్తిగా సమర్థనీయం కాదు. గత ప్రభుత్వం వదిలిన రూ. 23,556 కోట్ల పెండింగ్ డ్యూస్‌ను క్లియర్ చేస్తున్నప్పటికీ, ప్రస్తుత పాలనలో ఆర్థిక ప్రణాళికలు మరింత సమర్థవంతంగా ఉంటే ఈ సమస్యలు తగ్గి ఉండొచ్చు. ఉదాహరణకు డీఎ విడుదలకు 160 కోట్లు నెలకు వెచ్చించబడుతున్నప్పటికీ, మొత్తం జీతాల చెల్లింపు వ్యవస్థలో డిజిటలైజేషన్ లోపాలు, బ్యాంకింగ్ వ్యవహారాల ఆలస్యాలు కూడా కారణాలుగా కనిపిస్తున్నాయి. ఈ పరిస్థితి ఉద్యోగుల మధ్య అసంతృప్తిని పెంచి, భవిష్యత్తులో ప్రదర్శనలు, రాజకీయ వివాదాలకు దారితీయవచ్చు. ప్రభుత్వం త్వరితంగా దీని పరిష్కారానికి దశలవారీ చెల్లింపు ప్రణాళిక, పీఆర్‌సీ ఏర్పాటు వంటి చర్యలు చేపట్టాలి.

ఈ జీతాల ఆలస్యం రాష్ట్ర పాలనా వ్యవస్థలోని లోపాలను బహిర్గతం చేస్తుంది. ప్రభుత్వం ఈ అంశాన్ని తీవ్రంగా తీసుకుని, ఉద్యోగుల విశ్వాసాన్ని తిరిగి సంపాదించాలి. లేకపోతే ఇది రాజకీయంగా మరింత భారీ సమస్యగా మారవచ్చు.

ఇంట్లో డబ్బులు దాచుకునేవారికి షాకింగ్ న్యూస్.. భారీగా ఫైన్..! ఐటీ శాఖ కొత్త రూల్స్..

By
Dayakar
-

బ్లాక్ మనీ, అక్రమ నగదును అరికట్టేందుకు ఇన్‌కమ్ ట్యాక్స్ డిపార్ట్‌మెంట్ కఠిన నిబంధనలు అమల్లోకి తీసుకురానుంది. నగదు లావాదేవీలపై మరింత నిఘా పెంచనుంది.

అక్రమ నగదు పట్టుబడితే భారీగా జరిమానాలు వేసేందుకు సిద్దమవుతోంది. నగదు బదిలీ, విత్ డ్రాలపై కొన్ని పరిమితులు విధించనుంది. ఈ పరిమితులకు మించి మీరు నగదు లావాదేవీలు జరిపితే ఆటోమేటిక్‌గా ఆదాయపు పన్ను శాఖ కనుసన్నల్లోకి వెళతారు. ఆదాయానికి మించి మీరు లావాదేవీలు జరిపినట్లు నిరూపితమైతే భారీ మొత్తంలో జరిమానా కట్టాల్సి వస్తుంది. త్వరలోనే కొత్త రూల్స్‌ను తీసుకొచ్చే ప్రయత్నాల్లో ఆదాయపు పన్ను శాఖ నిమగ్నమైంది.

ఇంట్లో డబ్బులు దాచుకుంటున్నారా..?

ఇంట్లో మీరు పెద్ద మొత్తంలో డబ్బులు దాచుకుంటున్నారా..? మీకు ఆ డబ్బులు ఎక్కడి నుంచి వచ్చాయనే ఆధారాలు మీ దగ్గర ఉంచుకోవాలి. ఐటీ అధికారులు సోదాలు నిర్వహించినప్పుడు సరైన ఆధారాలు చూపించకపోతే 84 శాతం పన్ను చెల్లించాల్సి ఉంటుంది. చాలామంది ఇంట్లో లక్షలకు లక్షలు డబ్బులు దాచుకుంటూ ఉంటారు. అవి ఎలా వచ్చాయనే ఆధారాలు దాచిపెట్టుకోవాలి. ఇక ప్రాపర్టీ అమ్మినప్పుడు రూ.20 వేల కంటే ఎక్కువ నగదు పొందితే 100 శాతం జరిమానా పడుతుంది. ఇక ఏదైనా వ్యక్తి నుంచి రోజుకు రూ.2 లక్షల కంటే ఎక్కువ నగదు తీసుకున్నా 100 శాతం ఫైన్ పడే అవకాశం ఉంటుంది.

రూ.10 లక్షల కంటే ఎక్కువ తీసుకుంటే..?

మీరు ఒక ఆర్ధిక సంవత్సరంలో రూ.10 లక్షల కంటే ఎక్కువ నగదు విత్ డ్రా చేస్తే బ్యాంకుల ద్వారా మీ డీటైల్స్ ఇన్‌కమ్ ట్యాక్స్ డిపార్ట్‌మెంట్‌కు చేరుతాయి. దీంతో ఐటీ శాఖ మీ అకౌంట్‌పై నిఘా ఉంచుతుంది. ఇక ఒకే ఏడాదిలో రూ.10 లక్షల కంటే ఎక్కువ విత్ డ్రా చేస్తే టీడీఎస్ పే చేయాలి. ఇక తరచుగా బ్యాంకు నుంచి పెద్ద మొత్తంలో లావాదేవీలు చేస్తున్నా బ్యాంకులు మీ వివరాలు ఐటీ శాఖకు అందజేస్తాయి.

కొత్త రూల్స్ ఎందుకు..?

ముఖ్యంగా బ్లాక్ మనీని అడ్డుకోవడం ఐటీ శాఖ ప్రధాన ఉద్దేశం. కొంతమంది నగదు రూపంలో బ్లాక్ మనీని వైట్ మనీగా మార్చుకుంటున్నారు. దీనిని అరికట్టడానికి ఈ నిర్ణయాలు ఉపయోగపడతాయని ఐటీ శాఖ చెబుతోంది. ఇక ఈ కఠిన నిర్ణయాల వల్ల నగదు లావాదేవీల్లో పారదర్శకత వస్తుందని చెబుతోంది.

మధుమేహులకు గుడ్‌ న్యూస్‌ : నోవో నార్డిస్క్ మందు వచ్చేసింది

By
Dayakar
-

డానిష్ ఔషధ తయారీ సంస్థ నోవో నార్డిస్క్ తన బ్లాక్‌బస్టర్ యాంటీ-టైప్-2 డయాబెటిస్ డ్రగ్ ఓజెంపిక్ (సెమాగ్లుటైడ్ ఇంజెక్షన్)ను ఇండియాలో లాంచ్‌ చేసింది.

దీన్ని అధిక బరువు నియంత్రలో కూడా వాడుతున్నారు. 0.25 మిల్లీగ్రాముల డోసేజ్ వెర్షన్‌కు వారానికి రూ. 2,200 ప్రారంభ ధరకు భారతదేశంలో విడుదల చేస్తున్నట్లు శుక్రవారం ప్రకటించింది.

ఈ ఔషధం 0.25మి.గ్రా., 0.5 మి.గ్రా, 1 మి.గ్రా మూడు మోతాదు రూపాల్లో లభిస్తుంది నొప్పి లేకుండా సబ్కటానియస్ నోవోఫైన్ నీడిల్స్ ఇంజెక్షన్. ఇది సింగిల్-యూజ్ ప్రీ-ఫిల్డ్ పెన్. ‘ఒజెంపిక్‌’ను మొదటి 4 వారాల పాటు వారానికి ఒకసారి చొప్పున 0.25 మి.గ్రాతో ప్రారంభిస్తారు, ఆ తర్వాత కనీసం 4 వారాల పాటు వారానికి ఒకసారి 0.5 మి.గ్రా స్టెప్ అప్ డోసేజ్ ఇస్తారు. లాంగ్‌ డోసేజ్‌ కింద వారానికి ఒకసారి 1 మి.గ్రీ వరకు తీసుకోవచ్చు.

మూడు మోతాదుల ఇంజెక్షన్‌గా ప్రీ-ఫిల్డ్ పెన్ను వస్తుంది. దీని ఖరీదు నెలకు రూ.8800 (వారానికి రూ.2200), మరొక డోస్‌ ధర రూ.10,170 (వారానికి రూ.2542.5), నెలకు రూ.11,175 (వారానికి రూ.2793.75) అవుతుందని కంపెనీ చెప్పింది.

భారతదేశంలో ఇన్సులిన్ ధరల జోన్‌లోనే ఇది అందుబాటులో ఉందన్నారు. ఇదొక కీలకమైన అభివృద్ధిగా అభివర్ణించారు. వైద్య చరిత్రను మార్చిన పెన్సిలిన్ , యాంటీ బయాటిక్స్ ఆవిష్కరణలకు ఇది సమానమని నోవో నార్డిస్క్ ఇండియా కార్పొరేట్ వైస్ ప్రెసిడెంట్, మేనేజింగ్ డైరెక్టర్ విక్రాంత్ శ్రోత్రియ పేర్కొన్నారు. నిజంగా ఓజెంపిక్‌ను ఈ ధర జోన్‌లోకి తీసుకురావడం చాలా కష్టతర మైందన్నారు. ఇండియాలో వైద్యులు సూచన మేరకు ఎక్కువ మంది తమ మందును వాడాలని ఆశిస్తున్నామన్నారు.

దీని వాడకంపై ఆందోళనలు
మానసిక-ఆరోగ్య సవాళ్లు, ఆత్మహత్య ధోరణుల ఆందోళనలపై బరువు తగ్గించే మందులపై ఆస్ట్రేలియా కొత్త భద్రతా హెచ్చరిక మధ్య, విస్తృతమైన ప్రపంచ & భారతీయ నియంత్రణ సంస్థ పరిశీలన నేపథ్యంలో ఇండియాలో అలాంటి ప్రతిసవాళ్లేవీ లేవని విక్రాంత్ శ్రోత్రియ ప్రకటించారు.

కాగా చైనా తర్వాత భారతదేశంలో టైప్ 2 డయాబెటిస్‌ రోగులు అధికంగా ఉన్నారు. వేగంగా పెరుగుతున్న ఊబకాయం రేట్లతో పాటు, వేగంగా అభివృద్ధి చెందుతున్నబరువు తగ్గించే మందుల మార్కెట్‌లో వాటా కోసం పోటీ పడుతున్న ప్రపంచ ఔషధ తయారీదారులకు కీలకమైన జోన్‌గా ఇండియా మారింది. దీనికి సంబంధించి ప్రపంచ మార్కెట్ దశాబ్దం చివరి నాటికి ఏటా 150 బిలియన్‌ డాలర్లుగా ఉంటుందని అంచనా.

సూపర్‌స్టార్‌ రజనీకాంత్‌ ఫిట్‌నెస్‌ సీక్రెట్‌..! ఇప్పటికీ యువ హీరోలా.

By
Dayakar
-

తమిళ సినిమా ఐకాన్‌ రజనీకాంత్‌ గురించి ప్రత్యేకంగా చెప్పాల్సిన పనిలేదు. ఇప్పటికీ కుర్రహారోల మాదిరిగా అంతే ఫిట్‌గా ఉండటమే కాదు, స్టైలిష్‌గా డ్యాన్స్‌లు కూడా చేస్తుంటారు.

ఏడు పదుల వయసులోనూ అంతే స్ట్రాంగ్‌ పర్సనాలిటి మెయింటైన్‌ చేస్తున్న​ సూపర్‌స్టార్‌ డైట్‌ సీక్రెట్ తెలిస్తే ఆశ్చర్యపోతారు. అంతేగాదు ఒక చెన్నై డాక్టర్‌ రజనీ డైట్ గురించి వివరిస్తూ ఇన్‌స్టాగ్రామ్‌లో ఓ వీడియోను కూడా ఇషేర్‌ చేశారు. మరి ఇవాళ (డిసెంబర్‌ 12) రజనీకాంత్‌ 75వ పుట్టిన రోజు సందర్భంగా ఆయన ఆరోగ్య రహాస్యాలు, డైట్‌ ఎలా ఉంటుంది వంటి వాటి గురించి ఆ డాక్టర్‌ మాటల్లోనే తెలుసుకుందామా.

చెన్నై బారియాట్రిక్ సర్జన్ డాక్టర్ ప్రీతి మృణాళిని రజనీ ఆరోగ్య రహస్యం గురించి ఇన్‌స్టాగ్రామ్‌లో షేర్‌ చేశారు. ఆయన ఐదు తెల్లటి ఆహారాలను నివారించడం వల్ల ఇంతలా ఆరోగ్యంగా యాక్టివ్‌గా ఉన్నారని అన్నారామె. ఉప్పు, చక్కెర, మైదా, పాలు, పెరుగు అతిగా తీసుకుంటే వాపు, ఇన్సులిన్ స్పైక్‌లు, ఆమ్లత్వం, గట్‌ సమస్యలకు దోహదం చేస్తాయి. అలాగే ఆయన మంచి పోషకవంతమైన ఆహారం తోపాటు రోజువారీ వ్యాయామాలు, ధ్యానం వంటివి ఆరోగ్యకరమైన వృద్ధాప్యానికి దోహదపడతాయని అన్నారు.

అలాగే డాక్టర్‌ మృణాళిని రజనీ డ్యాన్సులు చేస్తున్న వీడియోలు పంచుకుంటూ..మన సూపర్ స్టార్ రజనీకాంత్ 74 సంవత్సరాల వయస్సులో కూడా చాలా అందంగా నృత్యం చేస్తున్నారు కదా..!. దానికి కారణం ఏంటో తెలుసా..అంటూ ఆయనే స్వయంగా తాను ఎలాంటి ఆహారం తీసుకుంటాననేది చెబుతున్న వీడియోని కూడా ఆమె జోడించారు. ఆ వీడియోలో రజనీకాంత్‌ స్వయంగా తాను తెల్లటి ఆహారాలకు దూరంగా ఉంటానని అన్నారు. అవేంటో కూడా ఆయనే చెప్పారు కూడా.

ఆ ఐదు ఎందుకు నివారించాలంటే.

1. ప్రాసెస్ చేసిన తెల్లటి చక్కెర
డాక్టర్ మృణాళిని మాట్లాడుతూ.. “ఇది బొడ్డు కొవ్వు, ఇన్సులిన్ నిరోధకత, ఆకలి కోరికలను పెంచుతుంది. కాబట్టి, దీన్ని ఎంత త్వరగా నివారిస్తే అంత మంచిది.” అని సూచించారు.

2. తెల్ల ఉప్పు
పరిమితంగా తీసుకోకపోతే పొట్ట ఉబ్బరం, అధిక బిపి (రక్తపోటు) కూడా రావొచ్చు

3. తెల్ల బియ్యం
దీన్ని (తెల్ల బియ్యం) కూరగాయలతో కలిపి మితమైన పరిమాణంలో తీసుకుంటే పర్లేదు లేదంటే బరువు వేగంగా పెరిగిపోయేందుకు దారితీస్తుందని హెచ్చరించారు డాక్టర్‌ మృణాళిని.

4. మైదా
బియ్యంలో కొద్దిగా ఫైబర్ ఉంటుంది, కానీ మైదాలో పూర్తిగా జీరో కేలరీలు ఉంటాయి. కాబట్టి, బరువు పెరగడం ఖాయం అని హెచ్చరిస్తున్నారు వైద్యులు

5. పాలు, పెరుగు వెన్న వంటి పాల ఉత్పత్తులు
ఇవి కాల్షియం, ప్రోటీన్లకు మంచి మూలం. కానీ, 40 ఏళ్ల తర్వాత, జీవక్రియ మందగించడం ప్రారంభమవుతుందట. అందువల్ల వీటిని ఎక్కువగా తీసుకోకపోవడమే మంచిదని అంటున్నారు. అప్పుడే పొట్ట ఉబ్బరం, అధిక బరువు సమస్య దరిచేరవని అంటున్నారు.

గమనిక: ఇది కేవలం అవగాహన కోసం మాత్రమే ఇచ్చాం. పూర్తి వివరాలకు వ్యక్తిగత వైద్యులు లేదా నిపుణులను సంప్రదించడం ఉత్తమం.

మధ్యతరగతి ప్రజలు కూడా కొనుగోలు చేయొచ్చు.. మార్కెట్లోకి చీఫెస్ట్ కారు.. ఫీచర్లు చూస్తే స్టన్నింగ్

By
Dayakar
-

కుటుంబ అవసరాల నిమిత్తం మధ్య తరగతి ప్రజలకు కారు కొనాలనే కోరిక ఉంటుంది. కానీ కారు అంటేనే లక్షల ఖర్చుతో కూడుకున్న వ్యవహారం. మధ్యతరగతి ప్రజల దగ్గర అంత డబ్బులు ఉండవు.

దీంతో కారు ఎందుకులే అని వెనకడుగు వేస్తూ ఉంటారు. అయితే మధ్య తరగతి ప్రజల కోసం ఆటోమొబైల్ కంపెనీలు బడ్జెట్ కార్లను తీసుకొస్తున్నాయి. ఎవరైనా కొనగలిగేలా రూ.5 లక్షల కంటే తక్కువ ధరలో కార్లను లాంచ్ చేస్తున్నాయి. బడ్జెట్ ధరలో వచ్చే ఇలాంటి కార్లకు మార్కెట్లో ఎక్కువ డిమాండ్ ఉంటుంది. అందులో భాగంగా ప్రముఖ జపనీస్ ఆటోమొబైల్ తయారీ సంస్థ నిస్సాన్ త్వరలో భారత్‌లో బడ్జెట్ ఫ్రెండ్లీ మోడల్ కారును లాంచ్ చేయనుంది. వీటి వివరాలు తెలుసుకుందాం.

కాంపాప్ట్ MPV

నిస్సాన్ కాంపార్ట్ ఎంపీవీ కారును ఇండియాలో లాంచ్ చేసేందుకు సిద్దమైంది. డిసెంబర్ 18న ఈ కారును విడుదల చేసేందుకు ముహూర్తం ఖరారు చేసింది. 7-సీటర్ సామర్థ్యంతో వస్తున్న ఈ కారు ఎంపీవీ రెనాల్ట్ ట్రైబర్ ప్లాట్‌ఫారమ్‌పై అభివృద్ది చేశారు. దీంతో పాటు ఇందులో అనేక అత్యాధునిక ఫీచర్లను జోడించారు.

ఫీచర్లు ఇవే

-మాడ్యులర్ 3-వరుసల సీటింగ్ లేఅవుట్

-వైర్‌లెస్ ఛార్జింగ్ ప్యాడ్, కూల్డ్ సెంటర్ స్టోరేజ్, స్లైడింగ్/రిక్లైనింగ్ సీట్లు

-7-అంగుళాల TFT ఇన్‌స్ట్రుమెంట్ క్లస్టర్

-ఆండ్రాయిడ్ ఆటో, ఆపిల్ కార్‌ప్లే ఫీచర్లతో 8-అంగుళాల టచ్‌స్క్రీన్ ఇన్ఫోటైన్‌మెంట్

-72 bhp పవర్

-3 సిలిండర్ నేచురల్లీ ఆస్పిరేటెడ్ పెట్రోల్ ఇంజిన్

-5 స్పీడ్ మాన్యువల్ లేదా ఏఎమ్‌టీ గేర్‌బాక్స్‌తో ఇంజిన్

-ఫంక్షనల్ రూఫ్ రెయిల్స్

-కొత్త డిజైన్ అల్లాయ్ వీల్స్‌

-ఫ్రంట్ బంపర్‌లో C ఆకారపు యాక్సెంట్‌

ధర వివరాలు

ఈ కారు ఎక్స్‌షోరూమ్ ధర రూ.5.76 లక్షలుగా ఉండే అవకాశముంది. గతంలో 7 సీటర్ సామర్థ్యం గల రెనాల్ట్ ట్రైబర్ కారును నిస్సాస్ తీసుకొచ్చింది. దాని ధర తరహాలోనే ఈ కొత్త కారు ఉంటుందని చెబుతున్నారు.

ప్రతిరోజూ బెల్లం నీళ్లు తాగితే మీ శరీరంలో జరిగే అద్భుతాలు ఇవే.. కేవలం 7 రోజుల్లోనే..

By
Dayakar
-

బెల్లం రుచికరమైన స్వీటెనర్ మాత్రమే కాదు.. ఇది పోషకాల నిధి. చెరకు రసం నుండి తయారయ్యే బెల్లంలో అనేక శక్తివంతమైన యాంటీఆక్సిడెంట్లు నిజాలు ఉంటాయి. దీని సహజమైన తీపి చక్కెర కంటే చాలా ఆరోగ్యకరమైనది. అందుకే చాలా మంది భోజనం తర్వాత ఒక చిన్న బెల్లం ముక్క తినడానికి ఇష్టపడతారు. అయితే కొన్ని రోజులు ప్రతి ఉదయం బెల్లం నీటిని తాగితే మీ శరీరంలో ఎలాంటి అద్భుతమైన మార్పులు వస్తాయి అనేది ఇప్పుడు తెలుసుకుందాం..

శరీరం డీటాక్స్: బెల్లం నీరు ఒక సహజమైన డీటాక్ డ్రింక్. దీన్ని క్రమం తప్పకుండా తీసుకోవడం వల్ల శరీరంలో పేరుకుపోయిన విషాన్ని సమర్థవంతంగా బయటకు పంపి, కాలేయం పనితీరును మెరుగుపరుస్తుంది. అంతేకాకుండా ఇది రక్తాన్ని కూడా శుద్ధి చేస్తుంది. బెల్లం నీటిని కేవలం 7 రోజులు తాగడం ద్వారా రక్త శుద్ధిలో ఫలితాలు కనిపించడం మొదలవుతాయి.

చర్మ సమస్యలు: బెల్లం కేవలం అంతర్గత ఆరోగ్యానికి మాత్రమే కాక చర్మ ఆరోగ్యాన్ని మెరుగుపరచడంలో కూడా సహాయపడుతుంది. దీన్ని క్రమం తప్పకుండా గోరువెచ్చని నీటితో కలిపి తాగడం వల్ల మొటిమలు, మచ్చలు వంటి చర్మ సమస్యలు తగ్గుముఖం పడతాయి. ఆయుర్వేదంలో కూడా వేడి నీరు, బెల్లం మిశ్రమం చర్మానికి ప్రయోజనకరంగా ఉంటుంది.

లివర్ హెల్త్: బెల్లంలో లభించే ఖనిజాలు, యాంటీఆక్సిడెంట్లు కాలేయాన్ని ఆరోగ్యంగా ఉంచడానికి దోహదపడతాయి. బెల్లం నీటిని క్రమం తప్పకుండా తీసుకోవడం వల్ల కాలేయం శుభ్రపడటంతో పాటు కొవ్వు కాలేయ సమస్యలు వంటి వాటిని నయం చేయడంలో కూడా సహాయపడుతుంది.

పీరియడ్స్ నొప్పి: మహిళలకు బెల్లం నీరు ఒక అద్భుతమైన ఔషధంలా పనిచేస్తుంది. బెల్లం కషాయంలో ఉండే మెగ్నీషియం, పొటాషియం వంటి ఖనిజాలు.. పీరియడ్స్ సమయంలో సంభవించే కడుపు నొప్పి, బలహీనత, మానసిక స్థితిలో మార్పులను తగ్గించడంలో సహాయపడతాయి. ఈ సమయంలో మహిళలు బెల్లం నీటిని లేదా బెల్లం కషాయాన్ని తాగడం చాలా మంచిది.

జీర్ణవ్యవస్థ: ప్రతి ఉదయం ఖాళీ కడుపుతో గోరువెచ్చని నీటితో బెల్లం కలిపి తాగడం జీర్ణక్రియకు అత్యంత ప్రయోజనకరం. ఇది జీర్ణక్రియ సరిగ్గా జరిగేలా చూస్తుంది. కడుపులో గ్యాస్, ఆమ్లత్వం, మలబద్ధకం నుండి ఉపశమనం కలిగిస్తుంది. బెల్లంలో ఉండే ఫైబర్ పేగులను శుభ్రపరుస్తుంది. ప్రేగు కదలికలను సులభతరం చేస్తుంది.

క్రిస్మస్-న్యూ ఇయర్‌కు IRCTC బంపర్ ఆఫర్.. రూ. 15 వేలకే..

By
Dayakar
-

 క్రిస్మస్, నూతన సంవత్సర వేడుకలను మరింత ప్రత్యేకంగా మార్చేందుకు ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) సిమ్లాకు ప్రత్యేక టూర్ ప్యాకేజీని ప్రకటించింది. సాధారణంగా ఈ సీజన్‌లో హోటల్ ఛార్జీలు, క్యాబ్ రేట్లు చాలా ఎక్కువగా ఉంటాయి. కానీ IRCTC అందిస్తున్న ఈ ప్యాకేజీ బడ్జెట్ ఫ్రెండ్లీగా ఉండటంతో పాటు, ప్రయాణాన్ని పూర్తిగా సౌకర్యవంతంగా చేస్తుంది. మీకు వసతి, ఆహారం, స్థానిక ప్రయాణం వంటి సమస్యలేమీ ఉండవు.

కవర్ అయ్యే ప్రదేశాలు

‘కొండల రాణి’గా పిలిచే సిమ్లా హిమాచల్ ప్రదేశ్‌లో అత్యంత ప్రసిద్ధ పర్యాటక నగరం. పర్వతాలు, అడవులు, దివ్యమైన దేవాలయాలు మనసును కట్టిపడేస్తాయి. ఈ ప్యాకేజీ పేరు సిమ్లా–హతు మందిర్–నర్కండ–చండీగఢ్ (NCH38). మీరు సిమ్లా, కుఫ్రి, నర్కండలోని హతు దేవాలయాన్ని సందర్శిస్తారు.

తేదీలు, బుకింగ్

  • మొత్తం ట్రిప్ 3 రాత్రులు, 4 పగళ్లు.
  • ప్యాకేజీ తేదీలు: డిసెంబర్ 22, 2025 నుంచి జనవరి 2, 2026 వరకు.
  • క్రిస్మస్ (డిసెంబర్ 25), న్యూఇయర్ తేదీలకు ట్రిప్ స్టార్ట్ కాదు.
  • మిగిలిన రోజుల్లో రోజువారీ ప్యాకేజీలు అందుబాటులో ఉన్నాయి.

ప్రయాణ కార్యక్రమం ఎలా ఉంటుంది?

  • మొదటి రోజు మిమ్మల్ని చండీగఢ్ రైల్వే స్టేషన్ లేదా విమానాశ్రయం నుండి సాయంత్రం మాల్ రోడ్‌ సమీపంలోని హోటల్ వద్ద దింపుతారు.
  • రెండవ రోజు అల్పాహారం తర్వాత, నర్కండలోని హతు ఆలయానికి వెళ్లి, అక్కడ నుండి కుఫ్రి(రిసార్ట్ హిల్ స్టేషన్‌)కు వెళ్ళి సాయంత్రం, మాల్ రోడ్‌ను సందర్శించి హోటల్‌లో చెక్ ఇన్ చేయాల్సి ఉంటుంది.
  • మూడవ రోజు అల్పాహారం తర్వాత జఖు ఆలయం, హనుమాన్ ఆలయం, బౌద్ధ ఆరామం, పంథాఘటికి వెళ్లి తిరిగి హోటల్‌కు చేరుకుంటారు.
  • నాలుగవ రోజు అల్పాహారం తర్వాత తిరుగు ప్రయాణం చేస్తారు.

 

ప్యాకేజీ ధరలు

ఎటియోస్/ఇండిగో/డిజైర్ లేదా అలాంటి వాహనంలో ప్రయాణించడానికి ధర.

ఒక వ్యక్తి ప్యాకేజీ: రూ. 34,880

ఇద్దరికీ (డబుల్ షేరింగ్): వ్యక్తికి రూ. 19,330

ముగ్గురికి: వ్యక్తికి రూ. 15,160

5–11 ఏళ్ల పిల్లలు (అదనపు బెడ్): రూ. 11,280

5–11 ఏళ్ల పిల్లలు (బెడ్ లేకుండా): రూ. 10,140

ఇన్నోవా / టవేరా మొదలైన వాటి ధర

వ్యక్తికి ప్యాకేజీ రూ. 22970

ఇద్దరికీ రూ. 16,360

ముగ్గురికి రూ. 15,160

5-11 సంవత్సరాల పిల్లల అదనపు బెడ్: 12,770

5–11 ఏళ్ల పిల్లలు (బెడ్ లేకుండా): రూ. 11,630

మీరు ఈ ప్యాకేజీని తీసుకోవాలనుకుంటే, ఆన్‌లైన్‌లో www.irctctourism.com వెబ్‌సైట్‌ ద్వారా బుక్ చేసుకోవచ్చు. ఇది సాధారణ సమాచారం మాత్రమే.. మిగిలిన వివరాలను మీరు IRCTC వెబ్‌సైట్‌లో కనుగొనవచ్చు.

(Note: ఇందులోని సమాచారం ఇంటర్నెట్ ఆధారంగా మీకు అందించడం జరుగుతుంది. కేవలం మీ అవగాహన కోసమే.. )

న్యూ ఇయర్ పార్టీ.. ఇండియాలో బెస్ట్ బీచ్ డెస్టినేషన్స్ ఏవో తెలుసా?

By
Dayakar
-

న్యూ ఇయర్ పార్టీని బీచ్ వద్ద సెలబ్రేట్ చేసుకోవాలనుకుంటున్నారా? అయితే, ఇండియాలో న్యూ ఇయర్ సెలబ్రేషన్స్‌కు బెస్ట్ బీచ్ డెస్టినేషన్స్ ఏవో ఇప్పుడు తెలుసుకుందాం..

కొత్త సంవత్సరం వేడుకలు దగ్గరపడుతున్నాయి. ఈ సారి న్యూ ఇయర్‌ను స్పెషల్‌గా, మరిచిపోలేని అనుభూతిగా మార్చుకోవాలని ప్లాన్ చేస్తున్నారా? అయితే ఇండియాలోని అద్భుతమైన బీచ్‌లు మీ సెలబ్రేషన్స్‌కు బెస్ట్ డెస్టినేషన్‌గా నిలుస్తాయి. ఇసుక తీరాలు, నీలిరంగు అలల సవ్వడులు, నైట్ పార్టీలు, బీచ్ ఫుడ్ ఇలా ఇండియాలోని పలు బీచ్‌లు న్యూ ఇయర్ సెలబ్రేషన్స్‌కు పర్ఫెక్ట్ స్పాట్‌గా మారాయి. ఈ బీచ్‌లు మీ న్యూ ఇయర్‌ను మరింత కలర్‌ఫుల్‌గా మార్చేస్తాయి.

సేఫ్ జర్నీ.. ఈ విషయాలు తెలుసుకోని ప్రయాణించండి..

By
Dayakar
-

జ్యోతిష్యశాస్త్రం ప్రకారం.. ప్రయాణాలకు అనుకూలమైన రోజులు, దిశలను ఎంచుకోవడం ముఖ్యం. ఇలా ప్రణాళిక లేకుండా ప్రయాణించడం వల్ల కొన్నిసార్లు ఊహించని సంఘటనలకు దారితీయవచ్చని జ్యోతిష్య నిపుణులు చెబుతున్నారు.

ప్రయాణం అనేది జీవితంలో నిరంతర ప్రక్రియ. మతపరమైన తీర్థయాత్రలు, వ్యాపార లావాదేవీలు లేదా ఏదైనా ముఖ్యమైన పని కోసం, మనం నిరంతరం ప్రయాణిస్తాము. అయితే, ఆధునిక జీవితంలో ముందస్తు ప్రణాళిక లేకుండా ప్రయాణాలు చేయడం సర్వసాధారణం. అయితే, ఇటువంటి ప్రయాణాలు కొన్నిసార్లు ఊహించని సంఘటనలకు దారితీస్తాయని జ్యోతిష్యం చెబుతోంది. గతంలో, చాలా మంది ఏదైనా ముఖ్యమైన ప్రయాణానికి బయలుదేరే ముందు జ్యోతిషశాస్త్రం ప్రకారం తేదీ, సమయం, దిశను ప్లాన్ చేసుకునేవారు. కానీ నేటి కాలంలో ఇలాంటివి ఏవీ పట్టించుకోకుండా ప్రయాణాలు చేస్తూ తీవ్ర ఇబ్బందులను ఎదుర్కొంటున్నారు.

ప్రయాణించడానికి ఏ రోజులు మంచివి?

ప్రయాణం సంతోషంగా, విజయవంతంగా సాగడానికి కొన్ని రోజులు శుభప్రదంగా భావిస్తారు. సోమవారం, బుధవారం, గురువారం, శుక్రవారాలు మతపరమైన కార్యక్రమాలు, దేవాలయాల సందర్శనలు, మతపరమైన ప్రదేశాలకు తీర్థయాత్రలు లేదా ఏదైనా ఆధ్యాత్మిక, ముఖ్యమైన పనిని చేపట్టడానికి ఉత్తమ రోజులు. ఈ రోజుల్లో ప్రారంభించే ప్రయాణాలు శుభ ఫలితాలను ఇస్తాయని నమ్ముతారు.

ప్రయాణానికి అనుకూలం కాని దిశలు:

ప్రయాణాలకు రోజులతో పాటు, దిశల జ్ఞానం కూడా అంతే ముఖ్యం. జ్యోతిషశాస్త్రం ప్రకారం, ప్రతిరోజూ ఒక నిర్దిష్ట దిశలో ప్రయాణించడం శుభప్రదం కాదు.

సోమవారం: తూర్పు దిశలో ప్రయాణించడం అంత శుభప్రదం కాదు. తూర్పు దిశ తప్ప, సోమవారం అన్ని దిశలలో ప్రయాణించడం శుభప్రదం.

బుధవారం: ఉత్తర దిశలో ప్రయాణించడం మానుకోవాలి.

గురువారం: దక్షిణ దిశలో ప్రయాణించడం శుభం కాదు. మీరు దక్షిణం తప్ప ఏ దిశలోనైనా ప్రయాణించవచ్చు.

శుక్రవారం: పశ్చిమ దిశలో ప్రయాణించడం శుభం కాదు. మీరు పశ్చిమ దిశ తప్ప అన్ని దిశలలో ప్రయాణించవచ్చు.

ఈ నియమాలను పాటించడం వల్ల అవాంఛనీయ సంఘటనలు, అడ్డంకులను నివారించవచ్చని జ్యోతిష్య నిపుణులు చెబుతున్నారు.

(NOTE: పై సమాచారం ఇంటర్నెట్ ఆధారంగా మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. )

నిమ్మకాయలు త్వరగా చెడిపోకుండా ఉండాలంటే.. ఇలా నిల్వ చేయండి

By
Dayakar
-

సాధారణంగా, మార్కెట్ నుండి తెచ్చిన నిమ్మకాయలు రెండు రోజుల్లోనే ఎండిపోతాయి. నిమ్మకాయ పైభాగం గోధుమ రంగులోకి మారడం ప్రారంభమవుతుంది. వాటిని తాజాగా ఉంచడం కొంచెం కష్టం. అయితే, ఈ కొన్ని సాధారణ చిట్కాల ద్వారా నిమ్మకాయలు త్వరగా చెడిపోకుండా ఉండాలంటే ఎలా నిల్వ చేయాలో తెలుసుకుందాం..

చాలా మంది వంట నుండి చర్మ సంరక్షణ వరకు ప్రతిదానిలోనూ నిమ్మకాయను ఉపయోగిస్తారు. అందుకే, నిమ్మకాయలను ఎక్కువగా కొంటారు. కానీ, మార్కెట్లో కొన్న నిమ్మకాయలు రెండు రోజుల్లోనే ఎండిపోతాయి. వాటి ఉపరితలం గోధుమ రంగులోకి మారుతుంది. మీరు కూడా అదే సమస్యను ఎదుర్కొంటున్నారా? అయితే, ఈ కొన్ని సాధారణ చిట్కాల ద్వారా నిమ్మకాయలు త్వరగా చెడిపోకుండా ఉండాలంటే ఎలా నిల్వ చేయాలో తెలుసుకుందాం..

ఈ విషయాలు గమనించండి

నిమ్మకాయలను ఎక్కువ కాలం తాజాగా ఉంచుకోవాలంటే, ముందుగా మార్కెట్ నుండి సరైన నిమ్మకాయను కొనడం ముఖ్యం. నిమ్మకాయ చాలా గట్టిగా ఉంటే, దానిని కొనకండి. కొంచెం మెత్తగా ఉండే నిమ్మకాయను ఎంచుకోండి. అలాగే, తాజా నిమ్మకాయ మంచి వాసన వస్తుంది. దానిని కొనండి.

రిఫ్రిజిరేటర్‌లో ఎలా నిల్వ చేయాలి?

నిమ్మకాయలను ఎక్కువ కాలం తాజాగా ఉంచడానికి, వాటిని నేరుగా రిఫ్రిజిరేటర్‌లో నిల్వ చేయవద్దు. నిమ్మకాయలను బాగా కడిగి శుభ్రం చేయండి. తర్వాత ఒక గాజు సీసాలో నీటిని నింపి, నిమ్మకాయలను కంటైనర్‌లో ఉంచండి. మూత గట్టిగా మూసివేసి రిఫ్రిజిరేటర్‌లో నిల్వ చేయండి. మీరు ఈ సలహాను పాటిస్తే, నిమ్మకాయలు త్వరగా చెడిపోవు.

రిఫ్రిజిరేటర్ లేకుంటే ఏలా నిల్వ చేయాలి?

ఇంట్లో రిఫ్రిజిరేటర్ లేకపోయినా, నిమ్మకాయలను ఎక్కువ కాలం తాజాగా ఉండేలా చేయవచ్చు. దీని కోసం, మొదట నిమ్మకాయను కడిగి, ఆ తర్వాత తుడిచి ఆపై నిమ్మకాయ ఉపరితలంపై తేలికగా నూనె రాయండి. దీని కోసం మీరు ఆవాల నూనె లేదా నెయ్యిని ఉపయోగించవచ్చు. దీని తరువాత, నిమ్మకాయలను ఒక్కొక్కటిగా టిష్యూ పేపర్‌లో చుట్టి, చల్లని ప్రదేశంలో ఒక కంటైనర్‌లో ఉంచండి. ఈ విధంగా, నిమ్మకాయలు చాలా కాలం పాటు తాజాగా ఉంటాయి.

(NOTE: పై సమాచారం ఇంటర్నెట్ ఆధారంగా మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. )

ఒకే జిల్లాలో 7400 హెచ్‌ఐవీ కేసులు

By
Dayakar
-

హెచ్‌ఐవీ, ఎయిడ్స్‌ వ్యాప్తిని అరికట్టేందుకు ప్రభుత్వాలు ఎన్ని చర్యలు తీసుకుంటున్నా.. కొన్నిచోట్ల ప్రజలు అవగాహన లోపంతో…

బిహార్‌లోని సీతామఢీ జిల్లాలో నిర్ధారణ

వీరిలో 400 మంది చిన్నారులు!

హెచ్‌ఐవీ, ఎయిడ్స్‌ వ్యాప్తిని అరికట్టేందుకు ప్రభుత్వాలు ఎన్ని చర్యలు తీసుకుంటున్నా.. కొన్నిచోట్ల ప్రజలు అవగాహన లోపంతో ఆ వైరస్‌ బారిన పడుతూనే ఉన్నారు. బిహార్‌లోని సీతామఢీ జిల్లాలో ఏకంగా 7400 మంది హెచ్‌ఐవీ బాధితులు ఉన్నట్లు ఓ అధికారిక నివేదిక పేర్కొంది. వీరిలో 400 మంది చిన్నారులు కూడా ఉన్నట్లు తెలిపింది. జిల్లా ఆస్పత్రిలోని ఏఆర్‌టీ సెంటర్‌ నిర్వహించిన పరీక్షల్లో.. ఈ చిన్నారులకు తమ తల్లిదండ్రుల ద్వారా ఈ వ్యాధి సంక్రమించినట్లు నిర్ధారణ అయింది. తల్లిదండ్రుల్లో ఎవరో ఒకరు హెచ్‌ఐవీ బారిన పడితే.. వారి పిల్లలు పుట్టుకతోనే ఈ వైరస్‌ బాధితులవుతున్నారని వైద్యులు చెబుతున్నారు. ప్రజల్లో హెచ్‌ఐవీ పట్ల సరైన అవగాహన లేకపోవడమే ఇందుకు కారణమని వారు పేర్కొంటున్నారు. జిల్లాలో ప్రతి నెలా 50 నుంచి 60 దాకా హెచ్‌ఐవీ పాజిటివ్‌ కేసులు నిర్ధారణ అవుతున్నాయని, ప్రస్తుతం 5వేల మందికి పైగా వైద్య చికిత్స అందిస్తున్నామని జిల్లా వైద్యాధికారి డాక్టర్‌ హసీన్‌ అక్తర్‌ తెలిపారు.

కుక్కర్‌లో వండిన అన్నం తింటున్నారా.. అయితే, ఇది తెలుసుకోవాల్సిందే

By
Dayakar
-

ఇప్పుడు రైస్ కుక్కర్ లో వండడం అలవాటు అయ్యింది. అలాంటి రైస్ ను ఎంతోమంది మెత్తగా చాలా బాగుంటుంది అని ప్రెషర్ కుక్కర్ లో వండుతారు. ప్రెజర్ కుక్కర్ లో వండినప్పుడు..

రైస్ లోని పోషకాలు బయటకుపోయే అవకాశం ఉండదు. దీంతో, పోషకాలు అలానే ఉండటం వల్ల.. ఆరోగ్యానికి మేలు జరుగుతుంది. ప్రెజర్ కుక్కర్ లో అన్నం చెమ్మలేకుండా, రుచిగా ఉంటుంది. అయితే, ప్రెషర్ కుక్కర్ లో వండిన అన్నం నిజంగా ఆరోగ్యానికి మంచిదేనా.. కొందరిలో ఈ సందేహాం ఉంది. దీని పైన నిపుణులు స్పష్టత ఇస్తున్నారు.

సాధారణ పద్ధతిలో కాకుండా ఇప్పుడు ఎక్కువగా ఎలెక్ట్రిక్ ప్రెషర్‌ కుక్కర్‌లో అన్నం వండు తున్నారు. ఈజీగా ఉండడంతో చాలా మంది ఈ పద్ధతినే ఎక్కువగా అనుసరిస్తున్నారు. కుక్కర్ సహాయంతో అన్నం, కూరగాయలు, పప్పులు మొదలైనవన్నీ నిమిషాల మీద ఉడికిపోతాయి. పైగా గ్యాస్ కూడా ఆదా అవుతుంది. ప్రెజర్ కుక్కర్ లో ఆహారం ఉడుకుతున్నప్పుడు ఆవిరి బయటకు వెళ్లదు. ఈ ఆవిరి కాస్తా ఉష్టోగ్రతగా రూపాంతరం చెంది ఆహారం తొందరగా ఉడకడానికి సహాయపడుతుంది. ఎక్కువ ఉష్ణోగ్రత వద్ద ఆహారం ఉడుకుతుంది కాబట్టి ఇది ఆరోగ్యానికి మంచి ది కాదని కొందరు చెబుతారు. కాగా, ఎక్కువ ఉష్టోగ్రత ఉన్నా చాలా తొందరగా ఉడికిపోతుంది కాబట్టి ఇది ఆరోగ్యం అని మరికొందరు అంటారు. ఇలా కుక్కర్ వంట గురించి విభిన్న వాదనలు ఉన్నాయి. అయితే కుక్కర్లో వండే ఆహారాన్ని బట్టి దాని ఫలితాలుంటాయని అంటున్నారు.

అయితే, పిండిపదార్థాలను ఇలా ప్రెజర్ కుక్కర్లో ఉడికించినప్పుడు యాక్రిలామైడ్ అనే రసా యనం ఏర్పడుతుందనే వాదన ఉంది. ప్రతిరోజూ కుక్కర్లో వండిన అన్నాన్ని తింటే యాక్రిలామైడ్ కారణంగా నాడీ సంబంధ జబ్బులు చాలా తొందరగా చుట్టుముడతాయనే అభిప్రాయం ఉంది. కాగా, ఆహారనిపుణులు మాత్రం వంట చేయడానికి కేవలం కుక్కర్ వినియోగం మీద ఆధార పడ కుండా ఇతర పద్దతుల్లో వంట చేయడానికి మెల్లిగా అలవాటు పడాలి. తినే ఆహారం రుచిగా ఉందా లేదా అన్నదే కాకుండా..ఎలా వండారనేది కూడా అందరూ తెలుసుకోవలసిన ముఖ్య విషయంగా సూచిస్తున్నారు.

ఇక.. ఎలక్ట్రిక్‌ ప్రెషర్‌ కుక్కర్‌లో వండిన అన్నం ఆరోగ్యానికి మంచిది కాదనేది కొందరి వాదన. అయితే.. ప్రెషర్ కుక్కర్ లో ఉడకడంవల్ల.. బియ్యం, నీళ్లలోని హానికర బ్యాక్టీ రియా నాశనమైపోయి.. అన్నం రుచిగా ఉంటుందని చెబుతున్నారు. అంతేకాదు కుక్కర్‌లో వండిన అన్నంలో పిండి పదార్థం తొలగిపోతుందట. అందువల్ల ఫ్యాట్ కంటెంట్ తక్కువగా ఉంటుందని.. ఫలితంగా ఊబకాయం వచ్చే ప్రమాదం కూడా తగ్గుతుందని చెబుతున్నారు.

మినప్పిండి స్వీట్.. ఎంతో బలం.. తయారీ ఇలా..

By
Dayakar
-

స్వీట్లను చాలా మంది ఇష్టంగా తింటారు. మినప్పిండితో తయారు చేసిన స్వీట్లు టేస్టీ టేస్టీగాఉండే వీటిని పిల్లల నుంచి పెద్దల వరకు ఎంతో ఇష్టంగా తింటారు.

అంతేకాదు ఇవి చాలా బలం కూడా.. పూర్వ కాలంలో వాడు రాళ్లను పిండి చేస్తాడు అనే సామెతను వాడేవారు.. అంటే ఆ వ్యక్తికి చాలా బలం ఉందని అర్దం.. మరి మినప్పిండి స్వీట్​ తింటే అంత బలం వస్తుందట. మినప్పిండితో మీరే ఇంట్లో స్వీట్ షాప్ టేస్ట్ వచ్చేలా సింపుల్​గా రెడీ చేసుకోవచ్చు. ఒక్కసారి ఈ స్వీట్ టేస్ట్ చేశారంటే ఇంటిల్లిపాదీ మరొకటి కావాలంటారు. మరి ఇక ఆలస్యం చేయకుండా సింపుల్ఎలా చేయాలో ఈ స్టోరీలో తెలుసుకుందాం. . .!

మినప్పిండితో స్వీట్​ తయారీకి కావలసినవి

  • పొట్టు మినపప్పు :2 కప్పులు
  • పాలు : పావు కప్పు
  • నెయ్యి : 1 1/2 కప్పు
  • ఎడిబుల్ గమ్(జిగురు) : 1 టేబుల్ స్పూన్
  • కోవా : 250 గ్రాములు
  • మిక్ నట్స్ : 1 కప్పు (ఆల్మండ్స్, జీడిపప్పు, ఎండుద్రాక్ష, పిస్తా)
  • చక్కెర : ఒకటిన్నర కప్పు
  • నీళ్లు : 1 కప్పు
  • యాలకుల పొడి : ఒకటిన్నర టేబుల్ స్పూన్
  • లవంగాల పొడి : ఒకటిన్నర టేబుల్ స్పూన్
  • శొంఠి పొడి : 3 టేబుల్ స్పూన్లు
  • దాల్చిన చెక్క పొడి : అర టీస్పూన్
  • జాపత్రి : కొంచెం
  • కుంకుమ పువ్వు : కొంచెం
  • మిరియాలు : 1 టీ స్పూన్

తయారీ విధానం: మినపప్పును వేగించి పొడి చేయాలి. తర్వాత ఒక గిన్నెలో మినపప్పు పొడి, పాలు, కప్పు నెయ్యి వేసి బాగా కలపాలి. అడుగు మందం ఉన్న పాన్​ లో మిగిలిన నెయ్యి వేడి చేసి ముందు వరకు వేగించాలి. అందులోనే ఎడిబుల్ గమ్, కలుపుకున్న మినప్పిండిని బంగారు రంగు వచ్చే కోవా వేసి మరో రెండు నిమిషాలు ఫ్రై చేసి పాన్ దించేయాలి. తర్వాత చక్కెర పాకం తయారు చేసుకుని మినప్పిండి, కోవా మిశ్రమం, యాలకుల పొడి, లవంగాల పొడి, శొంఠి పొడి, మిక్సిడ్​ నట్స్, దాల్చిన చెక్క, జాపత్రి, కుంకుమ పువ్వు, మిరియాలు కూడా వేసి బాగా కలిపి నచ్చిన షేపులో స్వీటు తయారు చేసుకోవచ్చు.

ఉదయం పూట బ్రేక్‌ ఫాస్ట్‌ మానేస్తే ఏం జరుగుతుందో తెలుసా?

By
Dayakar
-

ఆరోగ్యకరమైన జీవితానికి ఉదయం పూట బ్రేక్‌ పాస్ట్‌ తీసుకోవడం చాలా అవసరం. ముఖ్యంగా ఉదయం అల్పాహారంగా ఏమి తీసుకుంటామనే దానిపై ఆరోగ్యం ఆధారపడి ఉంటుంది.

చాలా మంది ఉదయం పూట సమయం లేదని తొందరలో అల్పాహారం తీసుకోకుండానే బయటకు వెళ్లిపోతుంటారు. ఈ అలవాటు ఆరోగ్యానికి అంత మంచిది కాదు.

ఉదయం బ్రేక్‌ఫాస్ట్‌ దాటవేసే అలవాటు క్రమంగా జీవక్రియ సిండ్రోమ్‌కు దారితీస్తుంది. దీనిలో బొడ్డు కొవ్వు, అధిక రక్తపోటు, అధిక చక్కెర, చెడు కొలెస్ట్రాల్ ఒకేసారి పెరుగుతాయి.

ఇది మీ ఆరోగ్యానికి చాలా ప్రమాదకరం. ముఖ్యంగా ఉదయం టిఫిన్‌ స్కిప్‌ చేసే వారిలో మధుమేహం వచ్చే ప్రమాదం ఎక్కువగా ఉంటుందని నిపుణులు చెబుతున్నారు. టిఫిన్‌ తీసుకోవడం మానేయడం వల్ల రక్తంలో చక్కెర స్థాయిలు పెరుగుతాయని నిపుణులు చెబుతున్నారు. ముఖ్యంగా కళ్లు తిరగడం, బలహీనత వంటి సమస్యలు వస్తాయని అంటున్నారు.

ఉదయం టిఫిన్‌ తీసుకోవడం మానేస్తే జీవక్రియ మందగిస్తుందని నిపుణులు చెబుతున్నారు. జీర్ణక్రియ సంబంధిత సమస్యలకు ఇది దారి తీస్తుంది. శరీర మెటబాలిజం తగ్గడం వల్ల జీవక్రియ రేటు తగ్గుతుందని అంటున్నారు.

మైగ్రేన్‌ వంటి సమస్యలకు కూడా టిఫిన్‌ స్కిప్‌ చేయడం ఒక కారణమని నిపుణులు అభిప్రాయపడుతున్నారు. ఎక్కువసేపు ఆకలితో ఉండడం తీవ్రమైన తలనొప్పి, వికారం, వాంతులు వంటి సమస్యలు వస్తాయని అంటున్నారు.

వైభవ్‌ సూర్యవంశీ విధ్వంసం.. 14 సిక్సర్లు, 9 ఫోర్లతో

By
Dayakar
-

అండర్‌-19 ఆసియాకప్ 2025ను టీమిండియా యువ సంచలనం వైభవ్ సూర్యవంశీ ఘనంగా ఆరంభించాడు. ఈ టోర్నీలో భాగంగా దుబాయ్ వేదికగా యూఏఈతో జరుగుతున్న తొలి మ్యాచ్‌లో సూర్యవంశీ భారీ సెంచరీతో చెలరేగాడు.

ఆతిథ్య జట్టు బౌలర్లకు వైభవ్ చుక్కలు చూపించాడు.

తొలుత కాస్త ఆచితూచి ఆడిన సూర్యవంశీ.. క్రీజులో సెటిల్ అయ్యాక ఆకాశమే హద్దుగా చెలరేగిపోయాడు. తనదైన స్టైల్లో బౌండరీల వర్షం కురిపించాడు. అతడిని ఆపడం ప్రత్యర్ధి బౌలర్ల తరం కాలేదు. ఈ క్రమం‍లో కేవలం 56 బంతుల్లోనే తన రెండో యూత్ వన్డే సెంచరీ మార్క్‌ను వైభవ్ అందుకున్నాడు.

సెంచరీ పూర్తి అయిన తర్వాత కూడా తన జోరును కొనసాగించాడు. అతడి దూకుడు చూస్తే సునాయసంగా డబుల్ సెంచరీ మార్క్‌ను అందుకుంటాడని అంతాభావించారు. స్పిన్నర్ ఉద్దీష్ సూరి బౌలింగ్‌లో అనవసరంగా రివర్స్ స్కూపు షాట్‌కు ప్రయత్నించి క్లీన్ బౌల్డయ్యాడు. ఓవరాల్‌గా 95 బంతులు ఎదుర్కొన్న వైభవ్‌.. 14 సిక్సర్లు, 9 ఫోర్లతో 171 పరుగులు చేసి ఔటయ్యాడు. ఈ ఏడాది అతడికి అన్ని ఫార్మాట్లలో కలిపి ఇది ఆరో సెంచరీ కావడం విశేషం.

ఈ మ్యాచ్‌లో భారీ స్కోర్ దిశగా భారత్ సాగుతోంది. 44 ఓవర్లు ముగిసే సరికి భారత యువ జట్టు 4 వికెట్లు కోల్పోయి 353 పరుగులు చేసింది. విధ్వంసంకర సెంచరీతో మెరిసిన వైభవ్.. ఆరోన్ జార్జ్ తో కలిసి 212 పరుగుల భాగస్వామ్యాన్ని నెలకొల్పాడు. కెప్టెన్ అయూష్ మాత్రే(4) సింగిల్ డిజిట్ స్కోర్‌కే పరిమితమయ్యాడు.

123...887Page 2 of 887

Also Read

ప్రజలకు ఏపీ సర్కార్ గుడ్ న్యూస్.. ఈ 3 డాక్యుమెంట్స్ ఉంటే ఈజీగా రేషన్ కార్డు..

పొగమంచు ప్రమాదం.. అప్రమత్తతే ప్రధానం

అలాంటి తొందరపాటు నిర్ణయాల వల్లే మూడు పెళ్లిళ్లు ఒక సహజీవనం

శబరిమల వద్ద ట్రాక్టర్ ప్రమాదం.. తొమ్మిది మంది భక్తులకు గాయాలు

గుండెపోటుతో క్లాస్‌రూమ్‌లోనే కుప్పకూలిన పదో తరగతి విద్యార్థిని

ప్రపంచంలో ఇలాంటి ఎన్నికలు ఎక్కడా జరగవేమో – ఉత్తరకొరియాలో కిమ్ జాంగ్‌ పార్టీకి 99.91 శాతం ఓట్లు

90 ఏళ్లకు మించి బతుకుతామా? ఈ ఐదు పరీక్షలు నెగ్గితే!

ఇంటర్‌ పరీక్షల్లో భారీ మార్పులు

టర్కీని నాశనం చేస్తున్న రాకాసి గుంతలు.. ఊర్లూ, రోడ్లూ, పంటపొలాలను మింగేస్తున్న సింక్ హోల్స్.. ఎందుకిలా..?

గుడ్‌న్యూస్‌ చెప్పిన SBI.. హోమ్‌ లోన్‌ తీసుకోవాలి అనుకుంటున్నవారికి పండగే

Education

ఇంటర్‌ పరీక్షల్లో భారీ మార్పులు

IIT, NIT , IIIT మధ్య తేడా ఏంటి?.. ఎక్కడ చదివితే మంచి ప్యాకేజీ వస్తుంది?

నవోదయ- 2026 మోడల్‌ ఎంట్రెన్స్‌ టెస్ట్‌కు విశేష స్పందన

కళ్లకు గంతలు కట్టుకుని పరీక్ష రాసిన విద్యార్థిని.. ఆమె రహస్యం తెలిస్తే అవాక్కే..

మరోవారంలో ఎన్టీపీసీ రైల్వే రాత పరీక్షలు.. అడ్మిట్ కార్డులు విడుదల ఎప్పుడంటే?

తెలంగాణ పదో తరగతి పబ్లిక్ పరీక్షల టైం టేబుల్ విడుదల.. ఏ పరీక్ష ఏ తేదీలోనంటే!

సర్కార్ బడి టీచర్లకు అగ్ని పరీక్ష.. సుప్రీం తీర్పుతో కొత్త టెన్షన్

తెలంగాణ స్థానిక ఎన్నికల ఎఫెక్ట్: స్కూళ్లకు ఏకంగా 6 రోజులు సెలవులు!

వెలుగులోకి వస్తున్న గురుకుల ప్రిన్సిపల్, వైస్ ప్రిన్సిపల్ దారుణాలు

విద్యార్థులకు సర్కార్ గుడ్ న్యూస్.. సూపర్ స్కీమ్ ప్రకటించిన సీఎం చంద్రబాబు..

Health

సినిమా

Mannam News promises to be a transparent and informative portal, where every user can find the best in the market latest information with recent facts and entertaining news.
Contact us: mannamnews@gmail.com
Facebook Instagram Telegram Twitter

POPULAR POSTS

POPULAR CATEGORY

© All rights reserved