రిపోర్ట్ వచ్చాక అవసరమైన ట్రీట్మెంట్ స్టార్ట్ చేస్తారు. అంటే ఇక్కడ రోగ నిర్ధారణ చాలా ముఖ్యం. అయితే ఇది అన్ని అనారోగ్యాలకూ ఒకేలా ఉండదు. కొన్ని నిర్ధారణలు ఆలస్యం అవుతుంటాయి. ఇక వైరస్ శరీరంలో ఉందా, చికిత్స అవసరమా అని తెలుసుకోవాలంటే HCV RNA PCR టెస్ట్ తప్పనిసరి. ఈ ఫలితాలు రావడానికి సాధారణంగా 3 నుంచి 15 రోజులు పడుతుంది. కానీ ఈ ఇక నుంచి అలాంటి పరిస్థితి ఉండకపోవచ్చు. ఎందుకంటే నార్త్ వెస్టర్న్ యూనివర్సిటీ సైంటిస్టులు 15 నిమిషాల్లో పూర్తి చేయగలిగే కొత్త పరీక్ష విధానాన్ని అభివృద్ధి చేశారు.

హెపటైటిసిస్ సి (HCV) టెస్టుల్లో, ట్రీట్మెంట్‌లో ఆలస్యాన్ని నివారించడమే లక్ష్యంగా శాస్త్రవేత్తలు కొత్త పరికరాన్ని, పరీక్ష విధానాన్ని అభివృద్ధి చేశారు. మొదట కోవిడ్-19 కోసం అభివృద్ధి చేసిన DASH® ప్లాట్‌ఫాంను వేగవంతమైన హెచ్‌సీవీ పరీక్షల నిర్ధారణకు అనుగుణంగా అనుకూలించారు. ఇది వివిధ వ్యాధులకు అనుకూలమైన ప్రూఫ్ ఆఫ్ కాన్సెప్ట్ (POC) డయాగ్నస్టిక్స్ సిస్టమ్‌గా రూపొందింది. కాబట్టి దీని ద్వారా రక్తసేకరణ తర్వాత 15 నిమిషాల్లో హెపటైటిస్ సి పరీక్షను పూర్తి చేయవచ్చు. అంటే ఇది రోగ నిర్ధారణ సమయాన్ని 75% తగ్గించడం ద్వారా త్వరగా చికిత్సను ప్రారంభించేందుకు సహాయపడుతుంది. ఇది త్వరలో ప్రపంచ వ్యాప్తంగా అందుబాటులోకి వచ్చే అవకాశాలున్నాయి.

ఇప్పటి వరకున్న హెచ్‌సీవీ పరీక్ష విధానం ఆలస్యంతో కూడుకున్నది. ఫలితాలు రావడానికి వారం నుంచి 15 రోజులుపడుతుంది. కానీ కొత్తగా అభివృద్ధి చేసిన DASH® పరికరింతోపాటు దానికి సంబంధించిన టెస్టింగ్ విధానంతో 15 నిమిషాల్లో ఫలితం తెలిసి పోతుంది. అంటే ఒకే రోజులో నిర్ధారణతోపాటు చికిత్స ప్రారంభించవచ్చు. దీంతో ల్యాబ్ లేదా రవాణా అవసరం లేదు.

నిజానికి హెపటైటిస్ సి వైరస్ (HCV) ప్రపంచవ్యాప్తంగా సుమారు 5 కోట్ల మందిని ప్రభావితం చేస్తోంది. ప్రతీ సంవత్సరం సుమారు 2.42 లక్షల మంది మరణాలకు కారణం అవుతుంది. ముఖ్యంగా లివర్ సిరోసిస్, లివర్ క్యాన్సర్లకు దారితీస్తుంది. అయితే 8 నుంచి 12 వారాలు మెడికేషన్స్ యూజ్ చేస్తే ఈ వైరస్ సంపూర్ణంగా దూరం అవుతుంది. కానీ టెస్టింగ్ ప్రాసెస్ వల్ల గుర్తించడమే ఆలస్యమయ్యేది. దీంతో చాలామందిలో చికిత్స ప్రారంభించే సమయానికి హెచ్‌సీవీ అధికమై ఇబ్బందులు తలెత్తేవి. కొన్నిసార్లు మరణాలు సంభవిస్తాయి కూడా. కానీ ఇప్పుడు కేవలం 15 నిమిషాల్లోనే హెసీవీ టెస్ట్ పూర్తి చేసే విధానాన్ని శాస్త్రవేత్తలు రూపొందించారు కాబట్టి ఆ వ్యాధివల్ల సంభవించే మరణాల రేటు 2030 నాటికి పూర్తిగా తగ్గే అవకాశం ఉందని నిపుణులు అంటున్నారు.

5జీ మొబైల్స్ అందజేశారు.

రాష్ట్రంలో 55,706 అంగన్‌వాడీ కేంద్రాలకుగాను మొత్తం 58,204 మంది సిబ్బందికి రూ.75కోట్ల విలువైన మొబైల్స్‌ను మంత్రి గుమ్మడి సంధ్యారాణి అందజేశారు. ఈ సందర్భంగా ఆమె మాట్లాడుతూ.. అంగన్ వాడీ కేంద్రాలు తల్లిదండ్రుల నమ్మకానికి, వారి ఆశలకు గుర్తుగా నిలుస్తున్నాయని తెలిపారు. మహిళా శిశు సంక్షేమ శాఖ అందిస్తున్న సేవలు 98శాతం సంతృప్తికరంగా, ఏప్లస్ ప్లస్ స్థాయిలో ఉండడం చాలా సంతోషకరమని మంత్రి ప్రశంసించారు. ఈ గొప్ప సేవలను కొనసాగిస్తూ అంగన్వాడీ సిబ్బంది గర్భిణులు, పాలిచ్చే తల్లులు, చిన్న పిల్లలకు ఇంకా బాగా సేవలు అందించాలని మంత్రి కోరారు.

అంగన్వాడీలకు ఏది కావాలన్నా చేస్తామని మంత్రి సంధ్యారాణి చెప్పారు. ఈ సందర్భంగా ఆమె కీలక సూచనలు చేశారు. ఎవరో చెప్పారని ధర్నాలతో సమయం వృథా చేసుకోవద్దని అన్నారు. అలాగే వేతనాల పెంపు అంశం ముఖ్యమంత్రి పరిశీలనలో ఉందని, గ్రామీణ ప్రాంతాల్లోని అంగన్వాడీ ఉద్యోగులకు ప్రభుత్వ సంక్షేమ పథకాలను వర్తింపజేయాలనే ప్రతిపాదనను కూడా ముఖ్యమంత్రి చంద్రబాబు నాయుడు దృష్టికి తీసుకెళ్లామని మంత్రి పేర్కొన్నారు.

అంగన్వాడీల కోసం ఉపయోగించే యాప్‌ల సంఖ్యను తగ్గించాలని కేంద్రాన్ని కోరామని మంత్రి సంధ్యారాణి పేర్కొన్నారు. ఈ మొబైల్స్ ద్వారా గర్భిణులు, బాలింతలు, చిన్నారులకు వేగంగా సేవలు అందించేందుకు దోహదపడతాయని చెప్పారు. త్వరలోనే అంగన్వాడీ ఉద్యోగులందరికీ ఒకేరకమైన దుస్తులు అందజేస్తామని అన్నారు.

ఈ మార్పులు నవంబర్ 3 నుంచి అమల్లోకి వచ్చాయి. మరి పాత టైమింగ్స్ ఎలా ఉండేవని అనుకుంటున్నారా.?

సోమవారం నుంచి శుక్రవారం వరకు: మొదటి మెట్రో ఉదయం 6 గంటలకు, చివరి రైలు దాదాపు 11:45 వరకు నడుస్తూ ఉండేది.

శనివారం: ఉదయం 6 నుంచి రాత్రి 11 గంటల వరకు సర్వీసులు ఉండేవి.

ఆదివారం: మొదటి మెట్రో ఉదయం 7 గంటలకు, చివరి రైలు రాత్రి 11 గంటలకు ఉండేది.

ఈ కాంబినేషన్ వల్ల వర్కింగ్ డేస్‌లో లేట్ అవర్స్ ప్రయాణానికి సౌలభ్యం ఉన్నా, ఆదివారం మొదటి రైలు ఆలస్యంగా ఉండటం, టైమింగ్స్ రోజు వారీగా మారడం వల్ల కన్‌ఫ్యూజన్ ఉండేది. దీంతో హైదరాబాద్‌లో తమ గమ్యస్థానాలకు చేరుకోవటానికి ఆటోలు, క్యాబ్‌లు, బస్సులు లాంటి ప్రత్యామ్నాయాల వైపు ప్రజలు మొగ్గు చూపారు. ఈ నేపధ్యంలో మెట్రో అధికారులు వారం రోజులు మెట్రో సర్వీసులు ఒకే టైమింగ్స్‌లో నడపాలని నిర్ణయించారు.

ఇకపై వారంలో అన్ని రోజులు మెట్రో సర్వీసులు ఒకే టైమింగ్‌లో నడుస్తాయి. అన్ని రోజులు(సోమవారం నుంచి ఆదివారం) మెట్రో సర్వీస్ అవర్స్ ఉదయం 6:00 నుంచి రాత్రి 11:00 వరకు ఉండేలా ఫిక్స్ చేశారు. మొదటి రైలు అన్ని టెర్మినల్ స్టేషన్ల నుంచి ఉదయం 6:00కి బయల్దేరితే.. చివరి రైలు అన్ని టెర్మినల్స్ నుంచి రాత్రి 11:00కి డిపార్ట్ అవుతుంది. దీంతో వీకెండ్‌లో నడిచే రాత్రి 11:45 గంటలకు చివరి రైలు ఇక కట్ అయినట్టే. ఇకపై ఎప్పటిలానే చివరి మెట్రో రైలు రాత్రి 11 గంటలకు క్లోజ్ కానుంది. ప్రయాణికుల సౌలభ్యం, డిమాండ్‌ను బట్టి సర్వీసులను స్టాండర్డ్ టైమ్‌స్లాట్‌లో కుదించే స్ట్రాటజీగా ఈ నిర్ణయం తీసుకున్నట్టు తెలుస్తోంది. రోజూ ఒకే టైమింగ్ ఉండటం వల్ల ఆఫీస్ వర్కర్లు, స్టూడెంట్స్, ఇతర ప్రయాణికులు తమ రొటీన్‌ను ప్లాన్ చేయడం సులభం అవుతుందని.. ప్రత్యేకించి ఆదివారం ఉదయం 7 నుంచి 6 గంటలకు మార్చడం వల్ల ఎర్లీ మార్నింగ్ ట్రావెలర్లకు కంఫర్ట్ పెరుగుతుందని మెట్రో సంస్థ భావిస్తోంది. ఫ్రీక్వెన్సీ పరంగా పీక్ అవర్స్(ఉదయం 8-11, సాయంత్రం 5-8)లో ఎక్కువ ట్రైన్లు, మిగతా సమయాల్లో 5-12 నిమిషాల గ్యాప్‌తో సర్వీసులు కొనసాగుతాయని అధికారులు తెలిపారు.

కొంతమంది నెటిజన్లు సమంత, రాజ్ నిడమోరుతో 2019లోనే ‘ది ఫ్యామిలీ మ్యాన్ 2′ షూటింగ్ సందర్భంగా దగ్గరయ్యారని, అప్పటి నుంచే వీరి మధ్య రిలేషన్ ఉందని, ఈ కారణంగానే నాగచైతన్య విడాకులు తీసుకున్నాడని చెబుతూ అనేక రకాలుగా కామెంట్లు చేస్తున్నారు.ఇదే విషయాన్ని ఆధారంగా తీసుకొని మరికొందరు —’చైతన్య తప్పు చేయలేదు’,’శోభిత, చైతు ఇన్నోసెంట్’,’సమంత వల్లే విడాకులు వచ్చాయి’ అంటూ సమంతను లక్ష్యంగా చేసుకుని తీవ్రమైన విమర్శలు చేస్తున్నారు.

‘ది ఫ్యామిలీ మ్యాన్ 2’ షూటింగ్ 2019లో ప్రారంభం కాగా, సమంత-నాగచైతన్య విడాకులు 2021లో అధికారికంగా ప్రకటించబడ్డాయి. ఈ చిన్న టైమ్‌లైన్‌ను ఆధారంగా చేసుకుని కొందరు “సమంత చీట్ చేసింది” అని నిర్ణయాలు తీసుకుంటున్నారు. కానీ వాస్తవంగా చూస్తే— రాజ్ నిడిమోరుకు ఆ సమయంలో భార్య శ్యామలీ ఉంది. సమంత, శ్యామలీ ఇద్దరూ కూడా మంచి స్నేహితులే. సమంతకు శ్యామలీ కామెంట్లు, సపోర్టివ్ మెసేజులు ఎన్నో ఉన్నాయి. ప్రత్యేకంగా, 2022 నవంబర్‌లో మయోసైటిస్‌ గురించి సమంత పోస్ట్ పెట్టినప్పుడు, ఆమె ‘నా గుడ్ ఫ్రెండ్ రాజ్ నన్ను ఇలా ప్రోత్సహించాడు’ అని రాసింది. దానికి రాజ్ తొలి భార్య శ్యామలీ, “రాజ్ దగ్గర ఇలాంటివి చాలా ఉంటాయి సామ్” అంటూ హాయిగా, ఫ్రెండ్లీగా కామెంట్ చేసింది . దీంతో ఆ సమయంలో రాజ్-సమంత మధ్య ఎలాంటి అనుమానాస్పద విషయాలు లేవని స్పష్టమవుతుంది. ఎందుకంటే నిజంగా ఏదైనా తప్పు రిలేషన్ ఉంటే… రాజ్భార్య సపోర్టివ్‌గా సమంత పోస్టులపై ఇలా కామెంట్ చేయడం అసాధ్యం.

ఇప్పటికీ ఈ విడాకుల అసలు కారణం ఏంటి అనేది ఇద్దరు వ్యక్తులకు మాత్రమే పూర్తిగా తెలుసు. బయట ఎవరు చెప్పేది ఊహాగానాలు మాత్రమే. ఇది వారి వ్యక్తిగత జీవితం. వారు ముందుకు వెళ్లిపోయారు. కానీ అభిమానులు మాత్రం సోషల్ మీడియాలో పాత విషయాలను తవ్వడం, పాత ఆరోపణలను మళ్లీ మళ్లీ తెరపైకి తీసుకురావడం కొనసాగిస్తున్నారు. ఇలా కాకుండా అందరూ “మూవ్ ఆన్” అయితే — నెగిటివిటీ తగ్గుతుంది. వ్యక్తిగత దూషణలు ఆగుతాయి.సోషల్ మీడియా మరింత ఆరోగ్యకరంగా మారుతుంది అనే అభిప్రాయం సాధారణ ప్రజలది. ఇక మొత్తం విషయాన్ని చూస్తే… సమంతపెళ్లి అనూహ్యంగా జరిగినా, ఇప్పుడు బయటకు వస్తున్న ఈ ఆరోపణలకు స్పష్టమైన ఆధారాలు లేవు. అయినప్పటికీ ఆమెపై సోషల్ మీడియా దాడి మాత్రం ఆగేలా కనిపించడం లేదు.

హైదరాబాదులోని ఓ ప్రైవేటు ఆసుపత్రిలో చికిత్స పొందుతూ రామ భూపాల్ రెడ్డి మరణించారు. తెలుగు రాష్ట్రాల్లోని రాజకీయ ప్రముఖులు ఆయన మృతి పట్ల సంతాపం తెలుపుతున్నారు. కాగా, 1994లో టీడీపీ నుంచి పోటీ చేసి రామ భూపాల్ రెడ్డి ఎమ్మెల్యేగా ఎన్నికైన సంగతి తెలిసిందే.

మందుగా తొలి విడత 11వ తేదీ నుంచి మొదలు కానుంది. ఆ తర్వాత రెండో, మూడో విడత జరగనున్నాయి.

ఈ నేపథ్యంలో ఎన్నికల ప్రక్రియను ప్రశాంతంగా జరిగేలా అధికారులు చర్యలు చేపడుతున్నారు. రాష్ట్రంలో 11వ విడత జరగబోయే గ్రామీణ ప్రాంతాల్లో ఎన్నికల హడావుడి కొనసాగుతోంది. ఓటర్లందరకూ కూడా తమ ఓటు హక్కును వినియోగించుకునేందుకు ఆసక్తిగా ఎదురుచూస్తున్నారు.

మీరు కూడా పంచాయతీ ఎన్నికల్లో ఓటు వేసేందుకు వెళ్తున్నారా? అయితే ఇది మీకోసమే.. సాధారణంగా ఓటు వేయాలంటే ప్రతిఒక్కరికి ఓటర్ కార్డు ఉండాల్సిందే. లేదంటే ఓటర్ స్లిప్ ఉన్నా పర్వాలేదు. పంచాయతీ పరిధిలో ఓటర్లకు ఇప్పటికే ఓటర్ స్లిప్స్ కూడా అందే ఉంటాయి.

ఒకవేళ మీకు ఓటర్ స్లిప్ అందకపోతే ఓటు హక్కును ఎలా వినియోగించుకోవాలి? ఓటర్ స్లిప్ లేకుండా ఓటు వేయలేమా? అసలు ఓటు వేసేందుకు వెళ్లే సమయంలో ఎలాంటి డాక్యుమెంట్లు తీసుకెళ్లాలి? ఓటర్ కార్డు లేని పక్షంలో తీసుకెళ్లాల్సిన డాక్యుమెంట్లు ఏంటి? అనేది ఇప్పుడు పూర్తి వివరంగా తెలుసుకుందాం..

ఓటర్ ఐడీ లేకుంటే ఏం చేయాలి? :
ఓటింగ్ సమయంలో మీ దగ్గర ఓటర్ ఐడీ లేకుండా కంగారుపడాల్సిన పనిలేదు. అలాగే ఓటర్ స్లిప్ లేకున్నా డోంట్ వర్రీ.. మీరు ఓటు హక్కును వినియోగించుకోవచ్చు. మీకు ఆ ప్రాంతంలో ఓటు ఉంటే చాలు.. కొన్ని ముఖ్యమైన డాక్యుమెంట్లను తీసుకెళ్లడం ద్వారా సులభంగా ఓటు వేయొచ్చు. ఎన్నికల పోలింగ్ అధికారులు ప్రధానంగా చెక్ చేసే అంశం.. మీ ఐడెంటిటీ మాత్రమే.. మీకు ఇక్కడ ఓటు ఉందా? లేదా అనేది చూస్తారు. మీరు అందించే ఐడెంటిటీ కార్డు ఆధారంగా వెరిఫై చేస్తారు.

ఓటర్ లిస్టులో మీ పేరు ఉంటే మీరు మీ ఓటు హక్కును వినియోగించుకోవచ్చు. ఐడెంటిటీ వెరిఫై కోసం ఎన్నికల సంఘం ఓటర్లకు కొన్ని సడలింపులను ఇచ్చింది. ఓటర్ ఐడీ కార్డ్‌ మీ వద్ద లేకుంటే డ్రైవింగ్ లైసెన్స్, ఆధార్ కార్డు, పాస్‌పోర్ట్ మాదిరిగా 12 వరకు ఐడెంటిటీ కార్డులను తీసుకెళ్లవచ్చు. ఈ కార్డుల్లో ఏ ఒక్క గుర్తింపు కార్డు చూపించినా మీరు ఓటు వేసేందుకు అనుమతిస్తారు. ఇంతకీ ఏయే డాక్యుమెంట్స్ పోలింగ్ కేంద్రానికి తీసుకెళ్లాలో ఇప్పుడు చూద్దాం..

13 గుర్తింపు కార్డులివే :

ఈసీఐ ఓటరు ఐడీ కార్డుతో పాటు ఈ కింది డాక్యుమెంట్లు కూడా అనుమతిస్తారు. ఆధార్ కార్డు, పాన్ కార్డ్, ప్రత్యేక దివ్యాంగ (UDID) కార్డు, సర్వీస్ గుర్తింపు కార్డు, బ్యాంక్/పోస్ట్ ఆఫీస్ జారీ చేసిన ఫొటోతో కూడిన పాస్‌బుక్, ఆరోగ్య బీమా స్మార్ట్ కార్డ్ (కార్మిక మంత్రిత్వ శాఖ), డ్రైవింగ్ లైసెన్స్, పాస్‌పోర్ట్, జాతీయ జనాభా రిజిస్టర్ (NPR) కింద భారత రిజిస్ట్రార్ జనరల్ జారీ చేసిన స్మార్ట్ కార్డ్, పెన్షన్ పత్రం, MP/MLA/MLCకి జారీ చేసిన అధికారిక గుర్తింపు కార్డు, MGNREGA జాబ్ కార్డ్ వంటివి కూడా తీసుకెళ్లొచ్చు. పోలింగ్ కేంద్రాలకు వెళ్లే సమయంలో ఓటర్ కార్డు లేని ఈ 13 గుర్తింపు కార్డులలో ఏదైనా ఒకటి దగ్గర ఉంచుకోవచ్చు.

1) ఓటర్ గుర్తింపు కార్డు
2) ఆధార్ కార్డు
3) M.N.R.E.G.A జాబ్ కార్డు
4) ఫోటోతో బ్యాంక్, పోస్టాఫీస్ పాస్‌బుక్,
5) డ్రైవింగ్ లైసెన్స్
6) హెల్త్ ఇన్సూరెన్స్ స్మార్ట్ కార్డు
7) పాన్ కార్డ్
8) స్మార్ట్ కార్డు (కార్మిక మంత్రిత్వ శాఖ పథకం)
9) పాస్‌పోర్ట్
10) పెన్షన్ డాక్యుమెంట్ (ఫోటో తప్పనిసరి)
11) యూనిక్ డిసేబిలిటీ గుర్తింపు కార్డు
12) అధికారిక గుర్తింపు కార్డు (ఎంపీ, ఎమ్మెల్యే, ఎమ్మెల్సీలు)
13) ఉద్యోగ గుర్తింపు కార్డు (కేంద్ర, రాష్ట్ర ప్రభుత్వం)

ఈ 13 ఐడెంటిటీ కార్డులలో ఏదైనా ఒకటి పోలింగ్ బూత్ వద్ద చూపించి ఓటు వేయొచ్చు.

గత కొన్ని నెలలుగా అనేక సంస్కరణలను చేపట్టారు. ఈ క్రమంలో విదేశీ టూరిస్టుల విషయంలో ట్రంప్ సర్కార్ మరోసారి కీలక నిర్ణయం తీసుకోనున్నట్లు తెలుస్తోంది. కొంతమంది టూరిస్టులకు.. 5 ఏళ్లకు సంబంధించిన తమ సోషల్ మీడియా హిస్టరీని అందించాల్సిన అంశాన్ని తప్పనిసరి చేసే యోచనలో ఉన్నట్లు సమాచారం అందుతోంది.

అలాగే విదేశాల నుంచి వచ్చే పర్యటకులు ఫేస్ స్క్రీనింగ్ ప్రాసెస్ లో భాగంగా సెల్ఫీలను అప్లోడ్ చేయాలన్న రూల్ ను కూడా తీసుకురానున్నట్లు తెలుస్తోంది. అమెరికాలోకి విదేశీయుల రాకను తగ్గించే విధంగా ట్రంప్ సర్కార్ ఈ నిర్ణయం తీసుకోనున్నట్లు స్పష్టం అవుతోంది. ఇప్పటికే ఈ విధానాన్ని ట్రయల్ విధానంలో అమలు చేసేందుకు అగ్రరాజ్యం సిద్దమైంది.

బ్రిటన్, ఆస్ట్రేలియా, ఫ్రాన్స్, జపాన్ నుంచి అమెరికాలోకి వచ్చే విదేశీయులు తప్పనిసరిగా ఐదేళ్ల సోషల్ మీడియా అకౌంట్ హిస్టరీని సంబంధిత అధికారులకు సమర్పించాల్సి ఉంటుంది. ఈ విషయాన్ని యూఎస్ కస్టమ్స్ అండ్ బోర్డర్ ప్రొటెక్షన్ సంస్థ పోస్టు చేసింది. ఈ ప్రొపోజల్ కు 60 రోజుల నోటీసు ఇచ్చింది. ఈ మేరకు ప్రజల నుంచి అభ్యంతరాలను ఆహ్వానించింది.

యూఎస్ వీసా ఫ్రీ దేశాల నుంచి టూరిస్టులు.. ఎలక్ట్రానిక్ సిస్టమ్ ఫర్ ట్రావెల్ అండ్ ఆథరైజేషన్(ESTA) కు అప్లై చేసుకోవచ్చు. దీనిలో భాగంగా 90 రోజుల పాటు అమెరికాలో పర్యటించవచ్చు. అయితే తాజాగా సోషల్ మీడియా హిస్టరీని తప్పనిసరి చేసేందుకు ట్రంప్ సర్కార్ సిద్ధమైన నేపథ్యంలో ఆయా దేశాల పర్యటకులు ఆందోళన వ్యక్తం చేస్తున్నారు. సోషల్ మీడియా హిస్టరీతోపాటుగా టూరిస్టులు.. సెల్ఫీలను కూడా అప్లోడ్ చేయాలన్న కొత్త నిబంధన తీసుకొస్తున్నట్లు తెలుస్తోంది.

ఇదిలాఉంటే.. అమెరికా అధ్యక్షుడు డొనాల్డ్ ట్రంప్ విధించిన టారిఫ్ లపై అక్కడి సుప్రీంకోర్టులో ప్రస్తుతం విచారణ జరుగుతున్న విషయం తెలిసిందే. ఈ నేపథ్యంలోనే ట్రంప్ కీలక కామెంట్స్ చేశారు. సుంకాలకు వ్యతిరేకంగా సుప్రీంకోర్టు నిర్ణయం తీసుకుంటే అది అమెరికాకే పెద్ద ముప్పని తన అభిప్రాయం వ్యక్తం చేశారు.

పీజీఐ ప్రకారం రాష్ర్టాలు, కేంద్రపాలిత ప్రాంతాలు కలిపి 36 ఉండగా, వాటిలో మన రాష్ట్రం 21వ స్థానంలో నిలిచింది. అభ్యసనా ప్రమాణాల్లో 35వ స్థానంలో ఉన్నది. నేషనల్‌ అచీవ్‌మెంట్‌ సర్వే ప్రకారం ప్రభుత్వ పాఠశాలల విద్యార్థుల సామర్థ్యం 50 శాతం కంటే తక్కువ ఉన్నది. అదేవిధంగా ప్రైవేట్‌ పాఠశాలల విద్యార్థుల విద్యాసామర్థ్యాలూ కొంచెం అటు ఇటుగా ఉన్నాయని సర్వేల నివేదికలు చెప్తున్నాయి.

విద్యార్థులకు సరైన సామర్థ్యాలు లేకపోవడానికి గల కారణాలు ఏమిటనే అభిప్రాయంతో ఇటీవల పాఠశాల విద్యాశాఖ, హైదరాబాద్‌ కేంద్రీయ విశ్వవిద్యాలయం, యూనిసెఫ్‌ అధ్యయనం చేశాయి. ఉపాధ్యాయులకు బోధనేతర పనులను అప్పగిస్తుండటంతో కీలకమైన బోధన సమయాన్ని కోల్పోతున్నారు. దానివల్ల విద్యార్థులకు నష్టం జరుగుతున్నది. పాఠాలు బోధించాల్సిన సమయంలో ఉపాధ్యాయులకు ఫోన్లు వస్తుంటాయి. మధ్యాహ్న భోజనం, విద్యార్థుల హాజరు.. ఇలా ఏదో ఒక డేటా అడుగుతారు. దానివల్ల ఉపాధ్యాయులు బోధన పట్ల ఏకాగ్రతను కోల్పోతున్నారు. అందుకు ప్రభుత్వమే కారణం. ఉపాధ్యాయులు తరగతి గదికే పరిమితమయ్యే పరిస్థితులు కల్పించాల్సిన బాధ్యత ప్రభుత్వ యంత్రాంగానిదే. పాఠశాల పనిదినాల్లో తరగతి గదిలో బోధించే పనిలో ఉపాధ్యాయుడు, వారి బోధనను పర్యవేక్షించే విధుల్లో పర్యవేక్షణాధికారి ఉండాలి. కానీ, అలా జరగకపోవడంతో విద్యాపాలన చిన్నాభిన్నమైంది.

‘ఉపాధ్యాయులు ఉద్యోగాలు వదిలి వెళ్లిపోతున్నారు- కొందరు మౌనంగా, మరికొందరు ఉద్యోగంలో ఉన్నప్పటికీ మానసికంగా వైదొలుగుతున్నారు. యువతరం అసలు ఉపాధ్యాయులుగా రావాలనే కోరుకోవడం లేదు’- అని విద్యావేత్త, జాతీయ విద్యాపరిశోధన శిక్షణా సంస్థ (ఎన్‌సీఈఆర్‌టీ) పూర్వ సంచాలకులు ఎన్‌.కృష్ణకుమార్‌ అన్నారు. ఇట్లా ఎందుకు జరుగుతున్నది? సిలబస్‌ పూర్తి చేయాలనే తీవ్ర ఒత్తిడి ఉపాధ్యాయులపై ఉన్నది. తల్లిదండ్రుల అవాస్తవ అంచనాలు ఒత్తిడిని పెంచుతున్నాయి. సబ్జెక్టులు, పనిభారం పెరిగిపోయాయి. గురుశిష్యుల మధ్య బంధం ఒకప్పుడు విద్యకు గుండెకాయ లాంటిది. కానీ, ఇప్పుడు డేటా, గడువుల కింద అది సమాధి అయిపోయింది. బోధన కంటే డేటా సేకరించి పంపడమే కీలకమైపోయింది. విద్యార్థులు ఇప్పుడు ఉపాధ్యాయులను సేవలందించేవారిగా మాత్రమే చూస్తున్నారు. వారిపై గౌరవమూ తగ్గిపోయింది. దేశవ్యాప్తంగా పాఠశాలల్లో ఒక నిశ్శబ్ద విప్లవం జరుగుతున్నది. అది ఉపాధ్యాయుల మనసుల్లో నెలకొన్న అలసట, నిస్సహాయత, నిరాశలతో కూడినది.

ఉపాధ్యాయులు బోధనకు దూరంగా వలసపోవడాన్ని రెండు దశాబ్దాల కిందటే యునెస్కో గుర్తించింది. అందుకే ఉపాధ్యాయులు ఎటు పోతున్నారంటూ తన అధికార పత్రిక ప్రాస్పెక్ట్స్‌లో విద్యపై జరిగే తైమాసిక సమీక్షలో ప్రశ్నించింది. పాఠశాల తరగతి గది పరిస్థితులకు సంబంధించిన అంశాలను, విద్యార్థి ప్రవర్తనను ప్రభావితం చేసే గృహ వాతావరణం వంటివి ఇందుకు కొన్ని కారణాలైనప్పటికీ, మన దేశంలో ఈ దిశగా అధ్యయనమే జరగలేదు. ఆ క్రమంలోనే యునెస్కో, హైదరాబాద్‌ కేంద్రీయ విశ్వవిద్యాలయం, పాఠశాల విద్యాశాఖ మన రాష్ట్రంలో జరిపిన అధ్యయన నివేదికను బయటపెట్టింది.

‘తరగతి గదిలో దేశ భవిష్యత్తు రూపుదిద్దుకుంటుంది’ అన్న విద్యావేత్త కొఠారి ఉపాధ్యాయుల వేతనాలు, పని పరిస్థితులు, పదోన్నతులపై కూడా తన అభిప్రాయాలను సిఫారసుల రూపంలో చెప్పారు. దేశంలోని మిగతా వృత్తుల కన్నా ఉపాధ్యాయ వృత్తికి అధిక వేతనాలుండాలని, మెరుగైన పదోన్నతి విధానాలుండాలని ఆయన సిఫారసు చేశారు. కానీ, ఆరు దశాబ్దాలైనా ఆ దిశగా విద్యావ్యవస్థ రూపుదిద్దుకోలేదు. ఉపాధ్యాయుల వేతన వ్యవస్థ మెరుగుపడలేదు సరికదా.. కాంట్రాక్ట్‌, ఔట్‌సోర్సింగ్‌, అవర్‌ లీ బేస్డ్‌ పద్ధతిలో అతి తక్కువ జీతాలకు ఉపాధ్యాయుల నియామకాలు జరుగుతున్నాయి. ఇన్ని అవలక్షణాలతో ఉన్న ఉపాధ్యాయ వృత్తిని యువకులు ఎందుకు ఆదరించాలి?

ప్రస్తుత డీఈవోలలో బోధనేతర సిబ్బందే ఎక్కువగా ఉన్నారు. పాఠశాలల పర్యవేక్షణ బాధ్యతను ఉపాధ్యాయులకే అప్పగించాలని, విద్యార్థులతో నేరుగా సంబంధం ఉండే మండల విద్యాధికారి, డిప్యూటీ విద్యాధికారి పోస్టులనూ ఉపాధ్యాయులతో భర్తీ చేయాలని 1992లో సుందరేశన్‌ ఏకసభ్య కమిటీ సిఫారసు చేసింది. ఈ సిఫారసులను గమనంలోకి తీసుకోవాలి. డీఈవో, జాయింట్‌ డైరెక్టర్‌ లాంటి పోస్టుల్లోనూ ఉపాధ్యాయులకు భాగస్వామ్యం లభిస్తే వారు తమకున్న బోధనానుభవం, విద్యాతత్వశాస్త్ర, విద్యామనస్తత్వశాస్త్ర అవగాహనతో పాలనా చర్యలు తీసుకోగలుగుతారు.

విద్యా విధానంలో పరివర్తన తీసుకురావడం అర్హులైన ఉపాధ్యాయులతోనే సాధ్యమవుతుంది. అయితే వారికి సమాజం నుంచి తగిన గౌరవం, సంతృప్తికరమైన వేతనం అందితేనే వారిలో ప్రేరణ సజీవంగా ఉంటుంది. ప్రభుత్వ విద్యాసంస్థలను అన్నిరకాల వసతులతో అభివృద్ధి చేసి, పటిష్ఠ పర్యవేక్షణతో, జవాబుదారీతనంతో కూడిన ఉన్నత ప్రమాణాల విద్యను అందిస్తామని తల్లిదండ్రులకు ప్రభుత్వం గ్యారెంటీ ఇవ్వాలి. అప్పుడే అందరికీ విద్యాప్రమాణాలతో కూడిన విద్య అందుతుంది.

రాత్రి రాసలీల కోసం సిద్ధం చేసిన రంగమహల్‌లోని మంచం ఉదయానికి ఎలా చెదిరిపోతుంది? ఆ మాయా నృత్యం చూడాలని ప్రయత్నించిన వారికి ఎలాంటి భయంకర అనుభవాలు ఎదురయ్యాయి? తెలుసుకుందాం.

బృందావనంలో నిధివనం (నిధి అంటే నిధి, వనం అంటే అడవి) గురించి కథలు, జానపదాలు అపారంగా ఉన్నాయి. ఈ వనంలోని పొదలు, చెట్లు మీరు ఎక్కడా చూడని విధంగా వంగి, పొట్టిగా ఉంటాయి. స్థానికులు వీటిని గోపికల రూపాలు అంటారు. సూర్యోదయంతో అవి స్తంభిస్తాయి, చంద్రోదయంతో మళ్లీ నృత్యం చేస్తాయి అని నమ్ముతారు. అవి ఎప్పుడూ జంటలుగా ఉంటాయి.

సూర్యాస్తమయం తర్వాత నిశ్శబ్దం

సమయం సాయంత్రం అవుతుంది. పూజారులు చివరి హారతి ఇస్తారు. దీపాలు వణుకుతాయి, గంటలు ఆగిపోతాయి. ఆ తర్వాత ఒక్కరూ ఉండరు. పూజారి, భక్తుడు, బృందావనంలో కనిపించే కోతులు, పక్షులు కూడా మాయమవుతాయి. వేసవిలో రాత్రి 8 గంటలకల్లా, చలికాలంలో మరింత ముందుగా వనం తాళం వేసి, నిర్మానుష్యంగా మారుతుంది. అయితే ఆ వనం ఖాళీగా ఉండదు.

ప్రతి రాత్రి రాసలీల

నమ్మకం ప్రకారం, రాధాకృష్ణులు ప్రతి రాత్రి ఇక్కడికి వచ్చి, గోపికలతో రాసలీల చేస్తారు. ఆలయ వాసులకు ఇది కేవలం కథ కాదు, నిత్య సత్యం. తలుపులు మూసే ముందు, పూజారులు కృష్ణుడు (కన్హయ్య) కోసం ప్రతిదీ సిద్ధం చేస్తారు: తమలపాకులు, పళ్లు తోముకోవడానికి వేప పుల్లలు, వెండి లేదా ఇత్తడి నీటి పాత్రలు, స్వీట్లు, మంచంపై మెత్తటి పరుపులు సర్దుతారు.

ఉదయం కనిపించే వింత సంకేతాలు

ప్రతి ఉదయం ఏదో ఒకటి తప్పకుండా మాయమవుతుంది. మంచం నిద్రపోయినట్లుగా చెదిరిపోతుంది. నీరు అయిపోతుంది. వేప పుల్లలు కొరికినట్లు గుర్తులు కనిపిస్తాయి. ఇవి దైవం యొక్క వేలిముద్రలు. తరతరాలుగా వనం సంరక్షకులు ఈ విషయాన్ని ధృవీకరిస్తున్నారు.

సాక్ష్యం చెప్పడానికి ప్రయత్నించిన వారికి…

ఈ దైవ నృత్యం చూడాలని ప్రయత్నించిన వారు తిరిగి వచ్చినప్పుడు సాధారణ స్థితిలో లేరనే కథనాలు ఉన్నాయి. ఒక పండితుడు లోపల దాక్కున్నాడు, అతడు జీవితాంతం మాట్లాడకుండా పిచ్చిగా కనిపించాడు. కిటికీలోంచి తొంగి చూసిన ఒక ప్రయాణికుడు కంటిచూపు కోల్పోయాడు. మరికొందరు అదృశ్యమయ్యారు. దీనికి నిర్దిష్ట ఆధారం లేదు. కానీ దశాబ్దాలుగా ఈ కథనం తరచుగా వినిపిస్తుంది. భయం, విశ్వాసం కలిసే ఈ గోడల వెనుక ఆ రహస్యం సురక్షితంగా ఉంటుంది.

రంగ మహల్ లోపల

నిధివనం మధ్యలో రంగ మహల్ ఉంది. ఇది రాధా-కృష్ణులు తమ దైవ నృత్యం తర్వాత విశ్రాంతి తీసుకునే స్థలమని భక్తులు నమ్ముతారు. ఇక్కడ ప్రతి సాయంత్రం మంచాన్ని శుభ్రంగా, పద్ధతిగా సిద్ధం చేస్తారు – అలంకరణ వస్తువులు, తమలపాకులు, స్వీట్లు ఉంచుతారు. ఉదయం చూస్తే, పరుపులు చెదిరి, వస్తువులు కదిలి, నీరు అయిపోయినట్లు కనిపిస్తుంది.

స్వామి హరిదాస్ కథ

బృందావనంలో కృష్ణుడి అత్యంత ఇష్టమైన రూపాన్ని ప్రజల మధ్యకు తీసుకురావడానికి కారణం స్వామి హరిదాస్. ఈ సంగీతకారుడు, కవి, సన్యాసి నిధివనంలో ధ్యానం చేస్తున్నప్పుడు రాధాకృష్ణులు ప్రకాశవంతమైన రూపంలో ఆయనకు దర్శనం ఇచ్చారు. శాశ్వత దర్శనం కోసం ఆయన కోరగా, దైవం బాంకే బిహారీగా రూపాంతరం చెందింది. ఈ విగ్రహం ఇప్పుడు ప్రసిద్ధి చెందిన బాంకే బిహారీ ఆలయంలో ఉంది.

భక్తులు చెప్పే మరొక విషయం

బాంకే బిహారీ కళ్లు సగం మూసుకునే ఉంటాయి. కారణం, ఆ విగ్రహం చూపు కూడా మనుషులు భరించలేని విధంగా అత్యంత తీవ్రమైన అనుభూతిని ఇస్తుందట. ఎక్కువసేపు కంటికి కన్ను కలిపి చూస్తే, భక్తులు ఆనందంతో స్పృహ కోల్పోతారనేది ఇక్కడి నమ్మకం.

చెట్లు వంగి ఉంటాయి..

నిధివనంలోని అసాధారణ వృక్షజాలం పరిశోధనా పత్రాలు, ట్రావెలాగ్‌లలో ప్రస్తావనకు వస్తుంది. నేల కూర్పు, తక్కువ సూర్యరశ్మి కారణంగా మొక్కలు వంగి, పొట్టిగా పెరుగుతాయని శాస్త్రం చెబుతుంది. కానీ భక్తులు, అవి నృత్యం మధ్యలో ఉన్న గోపికలు అని నమ్ముతారు. ఇక్కడి కొమ్మను నరికితే జీవితాంతం దురదృష్టం వెంటాడుతుందని భయపడతారు.

సందర్శించడానికి ఉత్తమ సమయం

మీరు తప్పకుండా సూర్యాస్తమయం కంటే ముందే తిరిగి రావాలి. పూజారులు కూడా ఈ సంప్రదాయాన్ని పాటిస్తారు.

వేసవి: ఉదయం 5 గంటల నుండి రాత్రి 8 గంటల వరకు (మధ్యాహ్నం 1 గంట నుండి 3:30 గంటల వరకు మూసివేస్తారు)

శీతాకాలం: ఉదయం 6 గంటల నుండి సాయంత్రం 7 గంటల వరకు (మధ్యాహ్నం 1 గంట నుండి 3:30 గంటల వరకు మూసివేస్తారు)

మీరు విశ్వాసం వైపు ఉన్నా లేదా సైన్స్ వైపు ఉన్నా, నిధివనం మిమ్మల్ని ఆలోచింపజేస్తుంది. సాయంత్రం గంటల తర్వాత వచ్చే నిశ్శబ్దం అసాధారణంగా ఉంటుంది. రంగ మహల్‌లోని చెదిరిన మంచం లాజిక్‌కు సవాలు విసురుతుంది. బహుశా రాధా-కృష్ణులు ప్రతి రాత్రి ఇక్కడ కలుస్తారు. బహుశా రాసలీల మన కంటికి కనిపించని ప్రపంచానికి అతీతంగా జరుగుతుంది. కొన్నిసార్లు, ఒక ప్రదేశం సజీవంగా ఉండటానికి ప్రజలు నమ్మడం సరిపోతుంది.

ఎన్నికలు జరిగే రోజునే ఓట్ల లెక్కింపు నిర్వహించనున్నారు. దీంతో గ్రామీణ ప్రాంతాల్లో ఎవరు సర్పంచ్గా గెలుస్తారో అనేది రాష్ట్రవ్యాప్తంగా అన్ని గ్రామాల్లో ఉత్కంఠ నెలకొంది. అయితే తెలంగాణలో అతిపెద్ద గ్రామం, అతిచిన్న గ్రామం ఏంటో మీకు తెలుసా ?. ఇప్పుడు దాని గురించే తెలుసుకుందాం.

అతిపెద్ద గ్రామం

ఇక వివరాల్లోకి వెళ్తే.. ఉమ్మడి ఖమ్మం జిల్లాలోని భద్రాచలం మేజర్ పంచాయతీ అతిపెద్ద గ్రామంగా నిలిచింది . ఈ ప్రాంతం పంచాయతీతో పాటు మండలకేంద్రంగా ఉంది. రాష్ట్ర ఎన్నికల సంఘం (SEC) ప్రకటించిన జాబితా ప్రకారం ఇక్కడ ఏకంగా 40,761 మంది ఓటర్లు ఉన్నారు. ఇక్కడ డిసెంబర్ 11న ఎన్నికలు జరగనున్నాయి. ఈ పంచాయతీలో ఎస్టీ జనరల్కు రిజర్వేషన్ కేటాయించారు. 20 వార్డుల్లో 5 స్థానాలు ఎస్టీ జనరల్, 5 స్థానాలు ఎస్టీ మహిళ, మరో అయిదు స్థానాలు జనరల్, ఇతర 5 స్థానాలు జనరల్ మహిళకు కేటాయించారు. ఇక సర్పంచ్ స్థానానికి అయిదుగురు, వార్టుల్లో 75 మంది అభ్యర్థులు బరిలోకి దిగారు. 1982లో ఈ పంచాయతీకి తొలిసారిగా ఎన్నికలు జరిగాయి.

2005లో ఈ ప్రాంతాన్ని మున్సిపాలిటీగా ఏర్పాటు చేసినా పలు కారణాల వల్ల రద్దయ్యింది. 2018లో మళ్లీ మున్సిపాలిటీగా మార్చేందుకు యత్నించినా న్యాయపరంగా ఇబ్బందులు ఎదురయ్యాయి. దీంతో 2019లో అక్కడ ఎన్నికలు జరగలేదు. చివరికి అప్పటి బీఆర్ఎస్ ప్రభుత్వం భద్రచలం పట్టాణాన్ని మూడు పంచాయతీలుగా విభజిస్తూ నిర్ణయించింది. కానీ కాంగ్రెస్ అధికారంలోకి వచ్చాక భద్రాచలం పట్టాణాన్ని ఒకే పంచాయతీగా కొనసాగించింది. అలాగే 14 ఎంపీటీసీ స్థానాలతో తిరిగి మండల కేంద్రంగా కూడా ఏర్పాటు చేసింది.

అతిచిన్న గ్రామం

ఉమ్మడి ఖమ్మం జిల్లాలనే ఆళ్లపల్లి మండలం అడవిరామారం అనే గ్రామం అతి తక్కువ ఓటర్లు ఉన్న గ్రామ పంచాయతీగా కొనసాగుతోంది. ఇక్కడ కేవలం 85 మంది మాత్రమే ఓటర్లు ఉన్నారు. వీళ్లలో 40 మంది మహిళలు, 45 మంది పురుషులు ఉన్నారు. ఇక్కడ సర్పంచ్ స్థానాన్ని ఎస్టీ జనరల్కు కేటాయించారు. అలాగే ఇక్కడున్న నాలుగు వార్డులను కూడా ఎస్టీలకే రిజర్వ్ చేశారు. ఈ గ్రామానికి డిసెంబర్ 17న మూడో దశలో ఎన్నికలు జరగనున్నాయి. అడవిరామం అనేది పినపాక నియోజకవర్గంలో ఉంది. ఇది మారుమూల ఏజెన్సీ ప్రాంతంలో ఉంది. ఈ గ్రామానికి సరైన రోడ్డు సౌకర్యం కూడా లేదు.

వేతనాల కోడ్- 2019, సామాజిక భద్రత కోడ్- 2020, పారిశ్రామిక సంబంధాల కోడ్- 2020, వృత్తి భద్రత,ఆరోగ్య, పని పరిస్థితుల కోడ్- 2020 అనే నాలుగు కొత్త లేబర్ కోడ్‌లను అమల్లోకి తెచ్చింది.

కొత్త లేబర్‌ కోడ్స్ అమల్లోకి వచ్చిన నేపథ్యంలో టేక్ హోమ్ శాలరీ తగ్గుతుందా? అనే విషయంపై కేంద్ర ప్రభుత్వం క్లారిటీ ఇచ్చింది. ఈ మేరకు ఎక్స్‌లో పోస్ట్ చేసింది.

” PF డిడక్షన్ చట్టబద్ధమైన వేతన పరిమితిలో ఉంటే కొత్త లేబర్ కోడ్‌లు టేక్ హోమ్ శాలరీని తగ్గించవు. PF డిడక్షన్‌లు రూ.15,000 వేతన పరిమితిపై ఆధారపడి ఉంటాయి , ఈ పరిమితికి మించి చేసిన కాంట్రిబ్యూషన్స్ స్వచ్ఛందంగా ఉంటాయి, తప్పనిసరి కాదు ” అని పోస్టులో పేర్కొంది. దీనితో పాటు కొత్త లేబర్ కోడ్స్ ద్వారా మరికొన్ని ప్రయోజనాలు ఉద్యోగులకు లభించనున్నాయి.

ఒకే సంవత్సరానికి గ్రాట్యుటీ
కొత్త లేబర్ కోడ్స్ ప్రకారం, గ్రాట్యుటీ విషయంలో కూడా కీలక మార్పులు ఉంటాయి.పాత నిబంధనల ప్రకారం ఒక ఉద్యోగి కనీసం 5 సంవత్సరాలు పనిచేసినప్పుడే గ్రాట్యుటీ పొందేందుకు అర్హత పొందుతాడు.అయితే కొత్త లేబర్ కోడ్ ప్రకారం, ఫిక్స్‌డ్ టర్మ్ ఎంప్లాయిస్(FTE) ఒక సంవత్సరం పనిచేసినా సరే గ్రాట్యుటీ పొందే అవకాశం ఉంది. అంతే కాదు సెలవులు, మెడికల్,సోషల్ సెక్యూరిటీ వంటి పర్మనెంట్ వర్కర్స్ పొందే అన్ని రకాల ప్రయోజనాలు వీరు కూడా పొందవచ్చు.

కొత్త లేబర్ కోడ్‌ల ప్రకారం, దేశవ్యాప్తంగా ఉన్న 40 ఏళ్లు పైబడిన ఉద్యోగులకు ఉచితంగా హెల్త్ చెకప్‌లు పొందవచ్చు. కొత్త లేబర్ కోడ్‌ల ప్రకారం, ఉద్యోగుల ఆరోగ్యాన్ని కాపాడేందుకు ప్రభుత్వం వార్షిక ఆరోగ్య పరీక్షలకు సంబంధించిన నియమాలలో పెద్ద మార్పులను చేసింది. గతంలో, ఉద్యోగులకు సంవత్సరానికి ఒకసారి ఉచిత హెల్త్ చెకప్ అనేది చట్టపరంగా తప్పనిసరి కాదు. కానీ ఇప్పుడు ప్రభుత్వం 40 ఏళ్లు పైబడిన ఉద్యోగులందరికీ సంవత్సరానికి ఒకసారి ఉచిత హెల్త్ చెకప్‌లను తప్పనిసరి చేసింది. దీని ద్వారా ఉద్యోగులకు సంబంధించిన వ్యాధులు లేదా ఏవైనా ఆరోగ్య సంబంధిత సమస్యలను సకాలంలో గుర్తించవచ్చు. ఉద్యోగుల ఆరోగ్యాన్ని కాపాడే లక్ష్యంతోనే ఈ నిర్ణయం తీసుకుంది.

ఇది ఎవరికి వర్తిస్తుంది?
కాంట్రాక్ట్ వర్కర్క్, మైనింగ్ విభాగంలో పనిచేసే ఉద్యోగులకు, ప్రమాదకరమైన పరిశ్రమ కార్మికులు, డాక్ వర్కర్స్ వంటి ఉద్యోగులకు ఈ హెల్త్ చెకప్ సంవత్సరానికి ఒకసారి తప్పనిసరిగా చేయాల్సి ఉంటుంది.