హైదరాబాద్ లో అగ్నిప్రమాదం చోటు చేసుకుంది. నగరంలోని అమీర్ పేట మైత్రీవనం సమీపంలో ఉన్న శివమ్ టెక్నాలజీస్ కోచింగ్ సెంటర్ లో ఈ ప్రమాదం సంభవించింది.
అన్నపూర్ణ బ్లాక్ లో ప్రమాదం జరగటంతో రెండో అంతస్తు నుండి దట్టంగా పొగలు వ్యాపించాయి. ప్రమాదం తరవాత విద్యార్థులను బయటకు పంపించారు. వెంటనే స్థానికులు ఫైర్ సిబ్బందికి సమాచారం అదించారు. వెంటనే అక్కడకు చేరుకున్న అగ్నిమాపక సిబ్బంది మంటలను అదుపుచేసే ప్రయత్నం చేస్తున్నారు. బ్యాటరీలు పేలడం వల్లనే మంటలు వ్యాపించినట్టు ప్రాథమిక సమాచారం అందుతోంది. అయితే ప్రమాదం ఎలా జరిగింది అనేదానిపై ఇంకా పూర్తిస్థాయిలో స్పష్టత రాలేదు.
