కేవలం 5 రూపాయల ఖర్చుతో.. బాత్రూమ్ బకెట్కు కొత్త మెరుపు.. బాత్రూమ్ ఎంత శుభ్రంగా ఉన్నా, బకెట్లు, మగ్గులు లేదా స్టూల్స్ పసుపు రంగులోకి మారి మురికిగా కనిపిస్తే..
మొత్తం బాత్రూమ్ అపరిశుభ్రంగా అనిపిస్తుంది.
మనం సాధారణంగా టైల్స్, ఫ్లోర్ శుభ్రతపై దృష్టి పెడతాం కానీ, బకెట్లు-మగ్గులను నిర్లక్ష్యం చేస్తాం. క్రమంగా నీటి నిల్వలు, సబ్బు మరకలు, మురికి పేరుకుపోయి బకెట్ను పసుపు రంగులోకి మారుస్తాయి. ఈ మరకలు కంటికి అసహ్యంగా కనిపించడమే కాక, వదిలేస్తే శాశ్వతంగా అంటుకుపోయి తొలగించడం కష్టమవుతుంది.
బాత్రూమ్ బకెట్లు, మగ్గులను కొత్తవి లా మెరిపించాలంటే.. కొన్ని సులభమైన ఇంటి చిట్కాలు సరిపోతాయి. ఈ చిట్కాలతో పాత పసుపు బకెట్లు కొద్ది నిమిషాల్లోనే మళ్లీ మెరిసిపోతాయి. ఆ చిట్కాలు ఇలా..
1. నిమ్మకాయ + ఈనో ప్యాకెట్ (5 రూపాయల ఖర్చు!)
ఒక బకెట్లో ఒక ఈనో ప్యాకెట్ వేసి, ఒక నిమ్మకాయ రసం పిండండి. కొద్దిగా డిటర్జెంట్ లేదా లిక్విడ్ సోప్ కలపండి. ఈ మిశ్రమాన్ని బ్రష్తో బకెట్, మగ్గు మీద పూర్తిగా రాయండి. 10-15 నిమిషాలు అలాగే ఉంచి, సున్నితంగా రుద్ది నీటితో కడగండి.
ఫలితం: పాత మరకలు పోయి, బకెట్ కొత్తదానిలా మెరుస్తుంది!
2. బాత్రూమ్ క్లీనర్ (ఇంట్లోనే ఉంటుంది)
ప్రతి ఇంట్లో ఉండే బాత్రూమ్ క్లీనర్ను బకెట్ లేదా స్టూల్ మీద స్ప్రే చేయండి లేదా రాయండి. 10 నిమిషాలు ఉంచి, బ్రష్ లేదా స్క్రబ్బర్తో రుద్ది నీటితో కడగండి.
ప్రయోజనం: టైల్స్తో పాటు బకెట్లకూ సూపర్ క్లీన్!
3. బేకింగ్ సోడా + వెనిగర్ (దుర్వాసన కూడా పోతుంది)
అర కప్పు వెనిగర్లో 2 టేబుల్ స్పూన్ల బేకింగ్ సోడా కలిపి పేస్ట్లా చేయండి. ఈ పేస్ట్ను బకెట్, మగ్గు, స్టూల్ మీద రాసి 20 నిమిషాలు ఉంచండి. స్క్రబ్బర్తో రుద్ది నీటితో కడగండి.
అదనపు లాభం: మరకలు పోవడమే కాక, దుర్వాసన కూడా తొలగుతుంది.ఈ మూడు చిట్కాల్లో ఏదో ఒకటి ఎంచుకుని.. మీ బాత్రూమ్ బకెట్లను కొత్తవి లా మెరిపించండి. 5 రూపాయల ఖర్చుతోనే సాధ్యం!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే.
