వైఫై రౌటర్ పక్కన కొన్ని వస్తువుల పెడితే స్పీడు భారీగా తగ్గుతుందని నిపుణులు హెచ్చరిస్తున్నారు. మరి రౌటర్ పక్కన ఉండకూడని వస్తువులు ఏవో ఈ కథనంలో వివరంగా తెలుసుకుందాం.
రేడియో తరంగాల ద్వారా వైఫై సిగ్నల్స్ ప్రయాణిస్తాయి. తలుపులు, మందపాంటి క్యాబినెట్ గోడలు, భారీ ఫర్నీచర్ వంటివి ఈ సిగ్నల్స్కు ఆటంకాలు కలిగిస్తాయి. స్పీడు తగ్గేలా చేస్తాయి. కాబట్టి కొన్ని వస్తువులను ఎట్టి పరిస్థితుల్లో వైఫై రౌటర్కు సమీపంలో ఉంచొద్దని నిపుణులు చెబుతున్నారు.
మైక్రోవేవ్ ఓవెన్ దాదాపు 2.4 గీగాహెర్ట్జ్ ఫ్రీక్వెన్సీతో తరంగాలను విడుదల చేస్తుంది. వైఫై సిగ్నల్స్ కూడా దాదాపు ఇదే రేంజ్లో ఉంటాయి. కాబట్టి రౌటర్ పక్కన మైక్రోవేవ్ ఉంటే వైఫైకి ఆటంకాలు ఏర్పడవచ్చు.
అక్వేరియంలు, లేదా నీరు భారీగా ఉన్న డ్రమ్లు రౌటర్ పక్కన ఉంటే వైఫై సిగ్నల్స్ బలహీనపడతాయి. రేడియో తరంగాలను నీరు గ్రహిస్తుంది. ఫలితంగా వైఫై సిగ్నల్స్లో శక్తి తగ్గి, స్పీడు నెమ్మదిస్తుంది.
ఇనుము వంటి ఖనిజాలు, స్టీల్, గాజు వస్తువులు కూడా వైఫై సిగ్నల్స్ను బలహీన పరుస్తాయి. వైఫై రౌటర్ పక్కన ఇవి ఉండకుండా జాగ్రత్త తీసుకోవాలి.
వైర్లెస్ హెడ్ ఫోన్స్, బ్లూటూత్ డివైజులు, కార్డ్లెస్ ఫోన్లు కూడా వైఫై సిగ్నల్స్కు ఆటంకాలు కలిగిస్తాయి. ఈ డివైజెస్ కూడా 2.4 హెర్ట్జ్ లేదా 5 హెర్ట్జ్ ఫ్రీక్వెన్సీ వద్ద పనిచేయడంతో రౌటర్ పనితీరుకు ఆటంకాలు ఏర్పడతాయి
కాబట్టి, వైఫై స్పీడు ఎల్లప్పుడు గరిష్ఠ స్థాయిలో ఉండాలనుకుంటే రౌటర్ను ఎత్తైన ప్రదేశంలో ఉంచాలి. రౌటర్ చుట్టూ ఎలాంటి అడ్డంకులు లేకుండా జాగ్రత్త పడాలి. ఎలక్ట్రానిక్ డివైజులు, నీళ్లు, లేదా లోహంతో చేసిన వస్తువులు రౌటర్ దరిదాపుల్లో పెట్టకుండా ఉంటే వైఫై స్పీడు మీరు కోరుకున్నట్టు గరిష్ఠ స్థాయిలో కొనసాగుతుంది. మరి ఈ సూచనలను వెంటనే అమలు చేసి ఫుల్ స్పీడును ఎంజాయ్ చేయండి.
