RBI : కొత్త ఇల్లు లేదా కారు కొనాలని ఆలోచిస్తున్నారా.. రిజర్వ్ బ్యాంక్ ఆఫ్ ఇండియా నేటి ద్రవ్య విధానంలో పెద్ద ఉపశమనాన్ని ఇచ్చింది. RBI మునుపటిలా రెపో రేటును 6.5 శాతం వద్ద స్థిరంగా ఉంచింది.
దీంతో నెలవారీ ఈఎంఐ తగ్గుతుందన్న సామాన్యుల ఆశలకు గండికొట్టినట్లు అయింది. కానీ ఇప్పుడు కొత్తగా రుణం తీసుకునే వారు డాక్యుమెంటేషన్, ప్రాసెసింగ్ రుసుము, ఇతర రకాల ఛార్జీలను చెల్లించాల్సిన అవసరం లేదు. ఇది వారి రుణంపై వడ్డీకి జోడించబడుతుంది. ఆర్బీఐ చాలా కాలంగా వినియోగదారుల కోసం రుణాలు, దాని సంబంధిత వ్యవస్థలను పారదర్శకంగా చేయడానికి ప్రయత్నిస్తోంది. ఇప్పుడు లోన్ ప్రాసెసింగ్ ఫీజు, డాక్యుమెంటేషన్ ఛార్జీల విషయంలో ఆర్బీఐ అదే నిర్ణయం తీసుకుంది.
ఆర్‌బీఐ గవర్నర్ శక్తికాంత దాస్ గురువారం ద్రవ్య విధానాన్ని సమర్పించారు. ప్రస్తుతం వినియోగదారులు రుణం తీసుకోవడానికి వెళ్లినప్పుడు వడ్డీతో సహా రుణం తీసుకునే ప్రారంభంలో డాక్యుమెంటేషన్, ప్రాసెసింగ్, ఇతర ఛార్జీలు చెల్లించాల్సి ఉంటుందని తెలిపారు. ఈ విధంగా వారి రుణంపై అయ్యే ఖర్చులు ఎక్కువగా ఉంటాయి. అందువల్ల, ఇప్పుడు బ్యాంకులు తమ వడ్డీ రేట్లలో రుణంపై ఇతర ఛార్జీలను చేర్చాలని కోరింది. తద్వారా కస్టమర్లు తమ రుణంపై అసలు వడ్డీ ఎంత చెల్లించాలో తెలుసుకోవచ్చు. రుణంతో పాటు అందిన ‘కీ ఫాక్ట్స్ స్టేట్‌మెంట్స్’ (కేఎఫ్‌ఎస్)లో వినియోగదారులకు అన్ని వివరాలు అందించినట్లు ఆర్‌బీఐ చెబుతోంది. ఇందులో ప్రాసెసింగ్ ఫీజు నుండి డాక్యుమెంటేషన్ ఛార్జీల వరకు అన్నీ ఉంటాయి. ఇప్పుడు ఆర్బీఐ అన్ని రకాల రిటైల్ రుణాలు (కారు, ఆటో, వ్యక్తిగత రుణాలు), MSME రుణాలకు తప్పనిసరి చేసింది. RBI 2024 మొదటి ద్రవ్య విధానాన్ని మునుపటిలానే ఉంచింది. రెపో రేటు చివరిగా ఫిబ్రవరి 2023లో మార్చబడింది.